王林記潮州魚蛋粉麵

營業中

休息中

都聽閒呢度的魚蛋幾有名，今日終於有機會一試。下午天氣暗暗地好似打到來咁，但幫襯的人都唔算少。因為已經食左午飯，所以就叫了碗淨魚蛋試試。魚蛋一碗六粒，幾大粒，彈牙又有魚味，魚蛋亦混有蔥粒加強味道，係唔錯。可能因為受歡迎又流量快，魚蛋不用淥定就更新鮮爽口。其實除左魚蛋，呢度仲有牛腩、豬手等，看樣子味道應不錯，下次再試。16蚊一碗唔算貴，路經的話可以一試。

片頭好正。le度除左，粉、麵，仲有檬選擇。$10既炸魚皮都好味。星期一至五，下午2點半至5點,有下午茶時間，會好抵。

星期五下晏, 又係周圍搵食0既好時候lunch食左西門町,本想試試KC兄俾足滿分0既拉麵, 可惜正值下午0既break~搭丁丁去左呢頭附近,下午茶時間, 諗起Ken哥(陳啟泰)個節目介紹過呢度0既魚旦, 一試啦就~叫左魚旦魚片片頭米($19),米粉一般, 爽身d會好d魚旦好正呀, 彈牙, 好鮮魚味~食落0既感覺係啖啖魚肉, 多幾粒就好啦片頭都正, 0岩哂鐘意食埋d頭頭尾尾0既我另外我最最鐘意既係佢d辣椒油~ 好香, 食得出係新鮮d架~ 我最鐘意食渣, 零舍滋味, 呢度果d又唔會咬到牙都崩~辣椒油賣$10樽, 都幾細樽, 不過都值~另, 魚旦$40一斤, 香蔥魚旦就$50下次真係要買返d叫阿爸滾紫菜魚旦湯!! 諗起都正=]

看到推介，昨天晚上馬上去試。下了電車由東大街頭開始行，原來在安利斜對面。魚片真的不錯，有魚味和不會太多粉。與安利不相上下，唔通靠近傳統魚市場，便有靚魚蛋粉？香港仔謝記、筲箕灣王林記和安利便是例子。

都是傳媒惹的禍；經電視繪形繪色介紹之後，依家去王林記睇怕都避免唔到要排隊。好在，呢D舖頭流動量都幾快；人龍雖然好長，但等o左十零分鐘就有位座。幾個人，叫o既當然唔少得潮洲魚蛋同片頭；呢度o既老板每日拿新鮮魚，堅持手打魚蛋、魚片。咁樣整出o黎o既魚蛋果然彈牙又有魚鮮味，冇話「粉雷雷」咁，好正。魚片中間唔會「實的的」，片頭就當然掂啦~~仲試埋切腩同墨魚丸，但比起魚蛋魚片，呢兩樣就失色o左D lor；若果食墨魚丸下次都係去返夏銘記。不得不提o既仲有呢度o既自制辣椒油，望落去似沙嗲醬多D；經老板介紹，原來係因為冇加色素，所以冇普通辣椒油咁紅色，但食落口卻不失香辣，好味！本來想試埋炸魚皮，可惜當日已經賣晒，失望。價錢方面，單拼河粉麵$16一碗，雙拼$19，唔貴o丫。不過叫o左個淨切腩拼魚蛋就幾貴，要成$35一碗(見圖)。