王林記潮州魚蛋粉麵

營業中

休息中

今日下午茶食左碗魚旦米粉, 包一杯熱飲都係$23, 雙拼加$5, 有魚旦, 牛腩, 雲吞, 牛丸. 魚旦粉有魚旦加魚片, 真係好好味喎, 好有魚味仲好爽下. 雖然只係清湯底, 但係湯底都好夠味, 米粉唔係一般粉麵鋪d貨色, 佢d米粉寧捨幼滑, 吸晒湯d精華, 連米粉都好入味, 真係好正, 不過可惜d米粉太少了, 又易碎, 食晒成碗都唔係好夠飽. 唔知係唔係下午茶先係咁細碗. 無論如何, 魚旦粉真係好正, 比"安利"正好多倍啦.

專程由美孚的家搭102隧巴, 花了個多小時來試這裡的魚旦和片頭.下午四點, 只有我一個客, 地方很舊和暗, 坐下打開餐牌, 見有下午套餐, 售廿三大元, 有飲品.於是叫了豬手牛腩麵加咖啡, 雙併要加五元, 順口問阿姐可否轉撈麵, 她說不可, 便作罷.五分鐘有得食, 哂士普通, 豬手只有一件, 像骨牌大小, 味道ok, 覺得不值, 五大元一件豬手, 太過份了. 牛腩有三件, 如手指頭般, 是爽腩附近最堅韌和痴牙的部位, 像湯渣. 麵反為幾好, 爽滑和沒有梘水味, 湯底加了豬手汁, 試不出原本的味. 咖啡是大路貨色, 不好也不壞.埋單時買了魚旦和片頭回家做餸, 覺得和街市的普通貨色差不多, 不值得那麼貴, 前者要46元一斤, 後者56元. 以後也不會再來了.

筲箕灣的東大街可真算是香港魚蛋一條街，專賣魚蛋的店鋪不下三、四家。明星級的安利實在獨領風騷，每次到臨都是人山人海。看到報章介紹王林記亦是老店，口碑不俗，決定一試。安利就在隔壁，難免不將兩店比較一番。切腩撈粗麵和安利的是差不多完全一樣味道。只是王林記的含油量較高和牛腩肉味濃厚得多。魚蛋是以門鱔和九棍為主，富有彈性和淡淡的魚香味，如非安利的魚片和魚蛋加進了少許蒜頭，兩者的味道根本是一致的，令人懷疑是同一師父調教出來的東西。不單如此，就連湯底的味道都是一模一樣，天下那有這樣巧合的事？蔥花魚蛋是此店獨創 - 說真的，我不欣賞。濃郁的蔥花味完全蓋過了本身巳經是淡薄的魚味，有嚼魚蛋的質感但是完全沒有了魚蛋的氣色，活像嚼只有荔枝味的牛腩或是充滿义燒味的燒鵝一樣怪裡怪氣.......一語評之曰 : "喧賓奪主"。這裡的辣椒油亦是自家製作的，辣度十足而帶有麻辣味。一般的紅辣椒醬是用較高級的余均益貨色。對我而言，魚蛋河還是配余均益辣醬好一點......既然所有東西味道和安利都是差不了多少，當然 MSG syndrome 也跟吃罷安利的東西一樣 - 跑不掉。一小瓶可樂，三大杯清水才勉強可以解決到口渴問題。反

6月8日，12:30到百吉棧買醋後，又到東大街搵食。喜見店門外沒有人龍，便馬上進店。要了片頭河。片頭：夠香、夠彈，魚味香濃。河粉：夠幼滑湯底：清淡辣油：辣而不夠香。掌門人仍親力親為，用毛巾抹去冷氣機風口的水點。個人認為仍可再來。

好耐無黎, 不嬲都係去安利食, 不過先前食過香蔥魚旦同d菜好好食, 又見安利勁多人, 而呢度得兩三個人係度食, 甘就入左去, 一坐低比左杯茶, 不過係涷既, 原來一早先倒定十幾杯係度, 我諗都應該擺左好耐, 如果五係點僧涷冰冰既? 而本人最憎就係d食店一比黎d茶係涷既, 呢間店本身已經無乜人架啦, 難得有人入黎,可五可以有d誠意有人坐底先倒茶呢? 叫左香蔥魚旦河, 魚片魚旦魚皮餃. 香蔥魚旦勁咸, 魚片魚旦尚可, 魚皮餃.五好食, 全場最好食就係條菜心, 食日全日勁口乾, 我諗係有味精之過, 飲多多水都五夠, 今次大失所望, 五會再黎了. 早知去安利好過.

母親節當日，媽媽一早去了遠征（其實只是去粉嶺而已），我跟男友稍後會與她們大隊匯合，所以叫男友駕車出征。問題來了，那裡又有野食又有位泊車呢？想了想，約男友去食王林記。點了魚蛋河、魚蛋湯朦和淨牛筋牛腩。魚蛋系列一貫的彈牙，味道沒有安利的咸；淨牛筋牛腩，送菜心一條，但奇怪點解呢碟唔熱…要將佢地放入自己碗魚蛋河果度「加熱」…王林記也要排隊，但人龍沒有安利的長，那天等了五至十分鐘才有位…

很久沒有再來了，本想去安利食，但見太多人等，還是來這間吧！因唔算餓，只叫了淨葱粒魚蛋及魚片頭和鮮油多加醬。葱粒魚蛋- 幾彈牙又爽口，魚味本來都幾夠，但因葱粒味太濃，令魚蛋味減低。魚片頭- 幾有魚香味，但可惜切得太薄，令口感唔多好，失敗。鮮油多加醬- 以為什麼是多加醬，原來係花生醬加鮮牛油，味道唔多配合，花生醬又落得太少，唔多夠香，多士明顯一早烘好，感覺偏凍又韌，好難食。味道唔太差，唔想等位又想食魚蛋的話，可以考慮一。

跟好友們組織邊爐宴。一係就唔攪，一攪當然要認真D la..樂園嘅牛丸及墨丸、劉森記嘅雲吞及水餃、義香嘅豆腐及豆漿....要買魚片及魚蛋，當然以安利為首，但好友貴為筲箕灣地胆，覺得呢度嘅都唔錯。自己又未試過，都好...呢度嘅葱粒魚蛋，聞名已久。今日一試，覺得葱味有點霸道，蓋過應有嘅魚味；反而淨魚蛋更好...魚片不過不失...但若俾小弟選擇，都係安利出色D...

和太太不是常在家裡煮飯食，一肚饑便會往街上找東西吃。那天如常地，安利仍是門外站滿人，實在不想等很久去吃一碗魚蛋粉，所以便繼續往前走。入到店內便叫了一碗姜蔥魚蛋及一碟豬手豉油撈幼麵，真的很好吃呀！豬手很琳及豉油撈亦很好吃！所以下次有機會常光顧這店子！

做了三十年筲柴人(筲箕灣+柴灣區)，對東大街王林記和安利絕對不陌生。自己喺筲箕灣返工，雖然要去會行遠少少，但間唔中都會同啲同事去王林記食晏。好多人都話安利好食過王林記，老實講講質數既話可能安利會是係好少少；但我自己由王林記舊裝修食到依家，最令我覺得會幫襯佢而唔幫襯安利嘅原因，係因為王林記由上到下既招呼都好親切同埋有禮貌：唔會因為你喺店裡面等位嫌你阻住叫你出外面吹住風或者晒住等；亦唔會因為問多兩句嫌你煩而走咗去唔落單字；只要話想要多啲葱，王林記會成大碟仔葱咁俾你，仲問多句「洗唔洗要再多啲」；油菜走油，蠔油另上，從來冇托手肘；埋單時問返break-down嘅價錢同同事方便計數都唔會嫌你煩，逐樣話番晒俾你聽，好有耐性；大班人去食，唔夠位要坐住等或者食等住都好，有靚位幾乎即刻叫你調番埋一檯，安排週到；上咗年紀嘅老闆有時仲會同你搭下嗲，傾多兩咀仲請埋你試佢自己醃嘅潮式醃薑......安利自己都食過，唔覺得特別出色過人；但服務態度呢，冇一次令自己滿意，甚至感覺好差，所以近年都冇再幫襯。食店食物好固然是相當重要，但即使食物多好，但服務差，都會令人「食不下嚥」。講返王林記嘅食品，自己最欣賞喺片頭撈粗/

相約cheap兄與大衛上山前先食個早餐，是地膽的大衛選址在這裡。我與老公分別食牛丸粗麵及香蔥魚蛋河。牛丸有點驚喜，仍可保留牛肉味，爽口彈牙；而香蔥魚蛋學kc所說蔥與魚味當相夾，亦夠彈牙。個人習慣食粉麵時加點辣椒油，而這裡的辣油不夠香口。奶茶亦不夠香濃，還有點口。還試了大衛的撈麵，質地較為濕不夠乾身，味道不及安利的好。而cheap兄的沙爹牛肉麵，其評價是"喊面"。難怪兩間安利大排人龍，而這間可以隨意任座。

當天，陰霾密佈，到達筲簊灣時，還下起雨來。於是主人與奴隸獸延遲參觀海防博物館，決定提早食午飯，光顧『王林記』，並點了：1. 切腩河（HK$22）：河粉夠滑，牛腩夠味夠腍，而且肥而不膩。2. 魚蛋、片頭、炸片豉油王撈粗（HK$28）：主人較為喜歡片頭，因為比魚蛋及炸片更香口彈牙，粗麵調味適中，進食時伴著辣椒油，更美味。食飽飽，雨亦停了，繼續我們的行程吧！

食左個片頭切腩撈粗，片頭係連湯上，好彈牙，夠味；切腩淋中帶咬口，粗面較油，但很爽，有麻油香；朋友食香蔥魚旦面，佢話魚旦好香好食！

早幾日在王林記食tea叫咗個炸鱼柳沙律,嘩件鱼柳好似咸餅干咁大塊,兼好醒,十分難食,而個沙律唔得la,依個tea加飲品收廿幾,真係唔值,所以鱼疍好食唔代表鱼柳會好食,都係去番大家樂食好Ｄ啦各位!

去筲箕灣買點菜煮晚飯，下午茶時間，也有點餓，正好來這裡吃點東西。店主照舊的在舖外喝他的威士忌，不過話題就由上次的「擒拿手」，換成了這次的「股票期市」，同樣是說得口沬橫飛的，好不高興。這裡有下午茶餐牌，可惜不太合口味，亦想吃多一點，就來個切腩香蔥魚蛋撈粗麵。這裡的粗麵，沒有安利的那麼甜，亦比較夠味，不過撈起上來是乾身了一點，可以下多點點油，當然如果能下豬油拌一拌，就真的是無以尚之；香蔥魚蛋是這裡的拿手菜，魚蛋彈牙，加上蔥花，蔥香跟魚味幾配合，要一試；切腩已是接近疾腩的位置，但吃落也韌韌的，這一味，以斜對面安利要好一點；不過麵份量夠多，也吃得飽一飽。加一支支裝忌廉，埋單40蚊有找，也可一試的。