王林記潮州魚蛋粉麵

營業中

休息中

筲箕灣是我常出現的地方，這條街近已變成魚蛋街。除了傳統的安利，還有南記和合興。不過，街上另有一間半老店－王林記。這裡的魚蛋十分出色，不比安利遜色，只是湯底稍嫌不濟，但勝在有下午茶，也成為我的愛浦店之一。近日他們新推出了，我當然不會錯過。是夜試了咖喱牛腩伊，24大元，沒有飲品。一貫的湯碗，不會有滿足的感覺，但實際伊麵份量充足，只是咖喱下湯後仍保持少許香辣，牛腩稍少，牛筋一條，當作宵夜還可以啦～下次都係食回Tea較好。 ＊是夜有點太餓，掛住食，忘了拍照。

真係唔知點解，每日食晏時份，安利門口都大排長龍，但係佢嘅魚蛋都係普通貨式啫，好多魚蛋麵店水準同佢差唔多，但好似人人都奉若佢為「魚蛋神」咁嚟朝拜其實隔幾個鋪位嘅王林記個人就覺得好食過佢，香葱魚蛋第二度食唔到，其他嘅食物水準都好，就係唔知點解名氣不及安利不來起碼唔使點排隊吖，食碗魚蛋粉啫我嘅「賣飛佛」辣椒油夠香但不死辣，有畫龍點睛之效凍檸茶茶味清香，有少時候西餐廳西冷紅茶回憶

落雨天去到東大街, 初時想去食安利, 因已有一段時間冇幫襯, 但見到太多人排隊, 興趣頓時减半, 即鼠入王林記, 這家坐立在安利隔離又係賣粉面茶歺的舖頭, 有好多人都不知其實佢個切腩片頭撈面都好好食, 同安利有得揮, 佢個煎雞亦, 鮮油多, 奶將朱, 更加係畫龍点睛, 好好食！ 注意： 小心地滑

許多人去東大街都只會去食安利魚蛋粉，但其實旁邊的王林記都好出名架~今午去食咗個下午茶，沒有吃魚蛋粉... 而點咗個碎牛炒蛋一丁，連熱奶茶 ($27)。碎牛唔多，但食太多牛無益，所以份量算適中啦，個人覺得碎牛炒蛋比就咁加條腸仔煎隻蛋有誠意，而且一丁都好彈牙~

去開筲箕灣，搵地方食飯，又試下呢間。香蔥魚蛋?即管試下(一早估計麻麻)一口咬落去，魚蛋係彈牙，有魚鮮味，可惜...啲蔥影響味道，蔥煮太耐會變黃(影響賣相)，味道亦會變得有些青澀，以我看來，佢嘅"基本魚蛋"會好好多。另外，叫咗嗰豉油王撈粗麵，有啲鹼水味，不過，每款都係$21-，ok啦。

與朋友吃晚飯，想起這店的食評不錯，又想留肚吃甜品，便來此吃個廉價晚餐。我想吃牛腩，落單的職員說有炆腩和切腩之分，切腩較好吃但貴一點。我要了普通的炆腩。牛腩米粉($21)：碗不大，但牛腩份量頗多，米粉量也正常。牛腩瘦，但很焾，好味。湯底是腩汁，略鹹。雲吞河粉($21)：［沒試］雲吞有四粒，而且非常大粒，樣子不錯。朋友說好味。炆腩很不錯，下次試試切腩，看是否真的比炆腩更好吃。

喺柏架山行完山後, 已經係下午茶時間. 落去筲箕灣東大街醫肚, 本來想去安記, 但係離遠已經見到一堆人喺門口等位, 見附近有間賣魚蛋粉但係唔使排隊, 好肚餓嘅我地自然入去食嘢. 呢度雖然唔使等位, 但原來店內都好多食客, 我地都坐門口位, 又迫又冇咩冷氣. 見到好多人都係食魚蛋河, 於是我地都叫番碗試下. 魚蛋河的賣相唔多好, 睇落唔多好味道; 魚蛋偏黃色, 咬落有黠硬, 又冇咩魚肉味; 魚片唔算薄, 不過又係冇魚味! 河粉亦唔滑, 不過佢嘅辣椒油就幾香. 成碗食完, 都唔係幾夠飽, 可見份量唔多. 番來之後, 喺Openrice先知好多食家話呢度好食過安記, 但我食唔出有咩咁好, 而且價錢唔平, 份量又少, 就算下次去開都唔會再幫襯.

七月中旬比較一下東大街的三間魚蛋粉店，這間是最易找位。好了，說了兩間安利，那在街尾的王林記又如何？通常這邊排隊的人是最少的，等幾張檯就排到。個人覺得，這裡最好吃的是香蔥魚蛋。魚蛋吃起來就還是鬆泡泡的了，不過就有一點細蔥的香味，是好吃的。這裡也有切腩的，但水準不及另外兩間舖好。想看食物相片及三間店子的比較文章，才這裡吧：http://gourmetkc.blogspot.com/2010/09/x-2.html

今日lunch同個同事落左王林記食飯,一入到去已經有個姐姐走黎問幾位,好似知客咁之後坐低都未唸到食乜,個姐姐就話有新野,龍脷柳飯wow!!連飯都有魚食,我當然唔報輸叫番個啦!!我叫左個白汁龍脷柳飯我同事就叫左個茄汁龍脷柳飯條龍脷柳都幾大塊,個皮有少少脆脆地,味道都ok再試埋個同事既茄汁飯一啖,幾開胃wor!!整體都ok,個龍脷柳飯都係同扒飯餐一樣價錢,大大碟都叫抵食不過個人認為龍脷柳配白汁會更特出到魚既鮮味

今日放假同屋企人落左筲箕灣行街街~行行下肚餓緊係入東大街醫肚啦~!!開左好多新野呀東大街,不過始終唔岩自己胃口-3-聽人講王林記d撈野好似幾好食。一入門口就已經有樓面姐姐招呼我地埋去坐可能係中午時間啦,都幾多人,開頭我地係坐係最入既細枱,後尾叫完野食出面有人走就轉番出去。問個靚姐有咩好介紹,佢推介左我地食切腩同撈麵,仲有魚蛋,因為佢地既魚蛋係自家的,仲有隻叫香蔥魚蛋我本人唔係咁鍾意食蔥因為嫌有陣蔥腥味,不過都想試下,所以我叫左個切腩豉油撈河粉,再黎個墨魚丸拼香蔥魚蛋,媽咪叫左個切腩雲吞麵,細佬就叫左個楊卅炒飯。都幾快就有得食,d切腩口感唔錯,有肥有瘦,好入味,試左粒香蔥魚蛋...嘩竟然唔覺得d蔥難食喎!!反而仲覺得咁樣食粒魚蛋好似仲香d,野味d雲吞雖然唔係好大粒,但係就真係成隻蝦係入面,肉唔太多,咬落去幾甜個楊卅炒飯幾好食,炒得好均勻,唔會太多油,食完都唔係好口渴,如果加埋蝦粒去炒會仲正!3!整體黎講都ok咖!!不過略嫌個炒飯細碟左dd,下次去一定記得叫多飯

去開攞回鄉証，順便去試下筲箕灣有咩好食。信錯食評囉......叫咗魚蛋魚片撈面，葱蛋牛腩面，炸魚皮係得碗撈面叫做大碟少少，牛腩面勁少牛腩，勁少面。炸魚片又硬...唔係脆....仲有少少"益"添。總的而言，勁多味精，又貴，無下次。

這晚來東大街，「安利」已經打烊（只營業至晚上七時），就順道嚐新來了「王林記」。印象中「王林記」也屹立在東大街多年，應該也有點本事罷。 先來一碗淨魚蛋，魚蛋不會粉腍腍有魚味又不會很多味精，個人口味而言比「安利」的魚蛋好吃，魚片就愛吃「安利」的多一點因為較有彈性。 灼鮮牛肉豉油王撈粗麵，鮮牛肉的質感爽的像下了梳打粉，不過未致很嚴重的梳打化，還是「郁香園」的灼鮮牛肉無添加靠得住。豉油王撈麵，第一口麵懷疑有點鹼水味，但再吃又不大覺！麵帶嚼勁又不會太硬，吃完也沒胃疼；豉油比「安利」的鹹也顏色深一點，我個人較喜歡「安利」那帶點甜的豉油味。而且「安利」撈的較用心，碗底沒多餘的豉油。 店家自製的辣椒油香而不太辣，下一點來撈麵更滋味。 最後的切腩肉質炆的腍而肉味不俗，只是份量較少，且索價$23 。「華南」$26 一碗的牛腩河牛腩的份量要比這碗多三分一呢，而這店是在筲箕灣而「華南」在灣仔人氣和鋪租都該比這兒高漲罷。

早兩日開始天陰,無得去沙灘. >.< 就同女友走入東大街搵食la. 東大街呢兩年都多左好多野食, 多就多但來來去去都係得幾間多人去. 女友落到去話掛住切腩撈粗, o甘照舊走去安利, 亦照舊要排隊啦. 條龍認真欏命. D人好似唔駛$又有金執………. 望過隔離王林記, 好似電視雜誌鄀有介紹過, 條龍又無o甘長, 心稔是是但但啦. 又未試過…過左去欏飛等, $鄀未俾個哥仔已經好好笑容兼話好快就有同多謝o西, 感覺幾好.三四分鐘就有位坐, 鋪內人頭湧湧, 見到好多人都叫撈麵, 魚蛋粉. 賣相都幾good. 坐低女友當然叫個切腩撈粗, 我就要凍奶荼魚蛋粉. 阿姐推介全港獨有香蔥魚蛋, ok可以一試. 等緊既時侯見隔離檯個豬手好似好好食o甘, 忍唔住叫埋…….(!!發現隔離檯原來係黃宗澤同胡杏兒, 胡杏兒真人好靚. 兩個都好nice ^^) 正擔心食唔哂 -_-“ 既時侯切腩撈粗到左, 賣相唔差都幾靚仔. 女友首先開動, 跟住話好食過安利好多…….半信半疑夾一野,丫又幾好喎. 切腩味道好過安利比得上九記. 個麵又撈得乾身岩岩好. 最正係豉油鹹甜適中又比安利多份香味…… 讚!!跟住其

星期日，天氣是近日少有嘅爽朗。最適宜往戶外吸收一下維他命D。出發前，先要醫肚。原訂嘅目的地係筲箕灣嘅「安利」，不過在星期日嘅中午，舖外場面十分虛冚，為抓緊時間，只好轉到隔鄰嘅「王林記」。可能係「安利」帶旺嘅緣故，「王林記」也是座無虛席。筆者與太座好不容易地才能於就近廁所嘅位置就座。嚟得街邊檔，衛生環境比較差係意料中事，但座位隔離正正是大小二便嘅地方，無論點講都有點不合理，進食環境先打了節扣。諗番轉頭，其實一早唔應該坐落去，奈何大肚嘅太座那能忍受肚餓呢？太座點了片頭湯河，筆者為了有所比較，點了坑腩撈粗。相比「安利」嘅魚片頭，「王林記」的更結實，更有咬口，而且魚片香味更勝「安利」一籌。河粉煮得爽滑，湯底則比較鹹，這當然係下了味精嘅結果。至於撈粗，筆者以「慘淡收場」嚟形容。首先，豉油撈得唔均勻，粗麵有深有淺色。入口感覺更差，呈苦澀味。麵條用了梘水處理，已經要扣分，再加上梘水味未完全清洗乾淨，罪加一等。這碟撈粗筆者實在啃唔落，食了一半被迫「棄械投降」。兩人消費共七十二蚊，平均每人三十六蚊。雖然片頭湯河令人滿意，但瑜不掩瑕，要筆者回頭再幫襯，機會微乎其微。

端午節假期中午去食乜好呢?是但la去王林記食坑腩魚蛋粉,睇佢掛在牆的圖片,見到個豬排飽幾靚,所以就叫個,點知佢話豬排飽冇蕃茄冇生菜,如果要就要加錢......咁都得.........因為張相有蕃茄有生菜,飽面烘得脆脆地,豬排適中唔會太腍或太「鞋口」裏面有D沙律醬,點解沙律醬佢唔話要加錢,而家有D friend 話王林記魚蛋彈牙「安利」,食落覺得又係,坑腩都係王林記好D ,肥瘦適中,因為最近幾次食「安利」我覺得佢D坑腩差,太瘦又「鞋口」雲吞就係「安利」好,因為佢D雲吞咬落去有陣香味王林記雲吞就普通.