王林記潮州魚蛋粉麵

營業中

休息中

星期六的午餐，專程去筲箕灣這間二奶魚旦粉，這是我倆的第一次。這次叫了:片頭撈粗，旦河，淨香蔥魚旦，大樽可樂x２我不愛吃粗麵，只是吃了女友吃剩的，免浪廢。醬汁味道不錯，片頭夠魚味，質地彈牙爽脆。河粉太厚，不是我的喜好，我較喜歡文輝那種。但不要緊，吃得不就好了。魚旦都是夠魚味，質地彈牙爽脆。比安利的更'實在'，更有咬口。更沒有安利那種不太天然的鹹味。不錯不錯。香蔥魚旦幾香，習慣走青的女友都愛吃。大樽可樂x２:當然不會特別好喝。可惜的是湯跟安利的一樣，味精太便宜了。整體上較安利好吃，加上有咖啡，豬扒包，雞亦等這些在勁爭下的小吃。給跟一大班人來吃，但又不愛吃魚旦的人之另類選擇。會再來。很滿足的離開，咦！為何安利門外還有這多人，天氣這熱，真的值得嗎？PS:經過萬應堂，喝了一杯椰汁，真材實料,騙不了人，好喝好喝。

去過安利, 點可以吾去埋東大街另一名店王林記. 記得果日叫左牛脯魚片頭撈粗, 牛脯份量好少, 不過都好入味同好"林". 魚片頭彈牙有魚味, 撈粗幾大碗, 示油撈得均"暈", 幾香口. 湯就好似咸左D. 總括黎講係好味既一餐. 後話. 果日食野時帶左支膠樽Coke入去, 走時唔記得羅, 行返轉頭入去, 阿姐都好好笑容甘比返支Coke我, 讚.

筲箕灣街坊．．．雖然東大街有好多食店,但講到魚蛋粉可能大多人只懂安利粉麵,但係都有間好好味既魚蛋粉係附近,佢叫"王林記"我食"王林記"較多...好喜歡佢既魚蛋,好有魚味而且"王林記"唔會因出左名,而魚蛋質素變差,反以可以保持原有水準,呢D先值得食!!因為我係黎食佢既質素,而唔係食佢個名~"王林記"魚蛋可以話,唔會差過附近麵店,唔信可以試下而且王太(老板娘)好nice、好好人,其實佢為呢間"王林記"付出既最大,辛苦哂仲有既係佢地早餐有set 架,不過係11:00am前早餐set較低食!!希望日後繼續保持水準=]

2-5-2006 1936一碗麵得幾舊料，如果齋叫而價錢貴，理論上係唔係應該多成倍呢？爽腩不是百分百，下面有肉及白蘿蔔，最頂的部份食得津津有味，下面就交足功課，瘦肉無渣有肉味，蘿蔔有天然甜味，但最慘食到喉唔到肺，整多少少驚死做賠本生意。如果想食得過隱，都係自己賣返黎煮啦。下次再叫，no way!

On recent lunch time, when the friendly host knows we're first time to the place, she recommended us to try 魚蛋, 魚片頭撈粗, the textures of the fish balls were a bit hard, but tasty, the noodles were good, cooked just right and mixed well with soy-sauce.The place was clean and organized, the condiments were labeled, no surcharge for having the oyster sauce (for the vegetable) on the side dish. It is a good alternate to their more popular competitors next door.

同一條街, 安利亦係咁出名, 冇法唔一直俾人比較, 想嬴人哋, 唯有自己努力啦...比較上, 我喜歡王林記, 冇咁生意味...事實可能係冇安利咁旺, 老闆伙記會同客人傾下偈, 講下食物心得, 唔似得等位時又要等叫"霖把", 實在討厭做"霖把"人, 冇人性, 好疏離...講番王林記嘅魚旦, 同安利不分伯仲, 夠鮮夠爽夠彈牙, 但勝在冇咁咸; 湯底鮮美, 不過習慣上只敢淺嘗; 乜都唔敢大讚, 因為只係可能冇落咁多師傅啦; 間間都話冇落師傅, 你信唔信呢?牛腩則輸在唔口感味道都穏定, 可能制作過程唔得認真, 信心太過爆棚...韌度, 香度, 刀法, 以致presentation 周不時唔同, 重創印象...河粉夠爽滑, 做得好; 但啲麵就比人差喇: 鹼水味太濃了!如果你唔係撈麵痴, 咁就唔成問題啦, 若果要食麵, 就失望一啲喇...不過唔可以唔題佢嘅辣椒油, 唔係第一, 都係第一之一喇: 唔單只夠辣, 最緊要夠辣椒香! 而且味道新鮮...最有趣係佢賣埋espresso 同埋cappucinno, 雖然我係咖啡迷, 不過唔敢介紹你, 因佢嗰杯咖啡未合格; 唔好以為有部全自動咖啡機就一定妥, 冇

自從中學畢業,涉足東大街的次數真係舉個v字手勢都數得晒,反而今次去完婚禮,和老媽及幾位一同參禮的aunties,山長水遠的番來筲箕灣食野...(在跑馬地參禮完,應該不愁冇野食啦...但偏偏番左skw..都叫係山長水遠掛...)好遺憾的是,讀了skw某學校10幾年,都未食過王林記,反而安利就食得多今次點了aunties推介的豉油王撈麵(伊麵幼粗麵油麵都得) 可選配菜,款式算多,今次選了炸雞扒,豬扒,蔥花魚蛋,片頭, 另加了一碟油菜全走,飲了凍檸賓除了雞扒,其餘的配菜都好好味,豬扒夠脆,雖然薄薄地但味道搭夠,魚蛋彈牙,仲有少少蔥花,唔太寡撈麵都一致好評,不咸,麵條亦很彈牙反而凍檸賓就出奇地差,唔知係我太敏感定係甚麼問題,竟然飲得出洗潔精味,利賓納的味道都被蓋了,結果換了杯凍奶茶...至於雞扒,街邊的茶記我諗都好過呢度,隔出黎o個擔油,足足鋪滿底碟...睇到都嚇親,莫講話擺落口最驚人的是,其中一位auntie是ABC,靚姐們的英語水平都幾令人驚嘆,茶記肯同你講yes no thankyou都算執到,今次d靚姐都仲「lok」得兩咀,王林記,真係抵你上電視寫了幾次食評都唔記得影相,下次要記得了。

價錢唔係話好平..... 但今時今日仲可以食到o甘正既魚蛋河, 真開心!! 我飲唒碗湯...食唔出多味精... 仲覺有用足料煲, 唔係點會o甘香魚味.... 朝早隊埋熱奶茶....嘩...殺左我啦唔該~~ 我敢講奶茶水準一流! 有日咬埋個咖哩豬排飯.....都好好食......飲埋凍0茶~ fit 哂!! 唔知點解王林記D茶好正~~ 識飲一定飲得出...(咖啡都正, 但我都係喜歡奶茶~~OoO)有機會想試埋個豬手~~ 聽人講話好正.........

咁多報導唔= 一定好味精湯, 普通料....但員工好似"唔憂做"食左都要飲多d水, 仲一肚氣呀

魚蛋魚片...一個就咸到飛起,一個就冇味..真係唔知咩野構造...兩樣都係佢"手打"出黎...都係果堆魚肉..竟然咁大分別同埋d魚蛋..唔知係咪真係手打...d質感唔同安利&潮興~切腩韌韌地..唔多掂~而且又貴過安利...但論質素,安利好過佢多多聲又平又靚既話我都係去返我既飯堂~~潮興!!

前幾天到這兒買外賣, 要了一個魚旦牛腩河, 要了切腩, 覺得都唔錯呢, 很足料, 雖然是貴了一點, 要成二十三元, 但係真係好足料, 食到我飽飽. 牛腩和魚旦都唔錯,個人覺得較最新的那一家安利更好!!!

早排見U Magazine介紹這間人氣魚蛋粉店, 岳母大人特意去買了些白魚蛋﹑蔥粒魚蛋及魚片外賣。單看賣相已屬一般, 一吃之下, 感覺太"實" 了, 兼且魚鮮味不夠, 跟旺角通記差很遠, 更不可跟土瓜灣德昌或銅鑼灣潮興相比。說得過份些, 我覺得和街市的行貨差不多, 比百佳的彈彈魚蛋也差很遠......下次無幫襯!

今日走左去食. 要左魚蛋河同熱奶茶. 因為係假期, 所以無套餐價, 要俾多五蚊. 魚蛋好夠魚味, 係第二度真係食唔到. 碗野多生菜多蔥, 仲有炸蒜冬菜自製辣油任落, 正! 不過魚片和湯就較多味精. 熱奶茶出奇地好, 不似一般麵檔貨色. 仲有炸蒜冬菜自製辣油任落...雖然咁都要成差唔多三十蚊, 但都係合理.

今日lunch同d同事去左呢間食, 叫左炸醬撈河加雲吞, $29, d炸醬好好味, 唔太辣唔太咸, d雲吞細細粒, 但係足料.要彈既就係粉麵冇得跟餐, 要餐飲既話就要另外再叫, 我同事叫左魚旦雲吞河, 佢地話d魚旦好味呀!

王林記食品ok啞, 有一日和朋友去王林記食米粉,叫苦連天,有十萬火女性員工大聲,食客見到,十三點,食客有朝一日話沒辦法就去其他食品店,本來一時之間可以吃完就算, 只怕十三點女服務員十分太過份,大打折扣,女性服務生太過,食客叫苦連天.......................,去其他食吧!要點呀...............平心而論,各色各樣食客要小心,(王生和王太十分好人好事人際關係是一流), 只是服務一般,下次再談.