王林記潮州魚蛋粉麵

營業中

休息中

曾經聽過，真正嘅東大魚旦食家係唔會食安利，而係會選擇王林記。老老實實，我身為一個新界妹難得過海入石澳玩，還是會先選擇食慣食熟的安利老鋪，但咁啱星期四安利舊鋪休息，因此終於有機會試王林記。單拼36，雙拼41，以粉麵類嚟計不算便宜。香蔥魚旦是安利沒有的東西，而呢邊另外有飯食，比較似一般茶記，但就沒有主打奶油多。撈麵同樣可選撈粗或幼，份量比安利大，魚旦浸在湯中。色水比安利淺、無咁油，但有濃烈鹼水味，大扣分，上面的芽菜也不夠新鮮，很老。香蔥魚旦沒有什麼香蔥味，魚味也偏淡，淋身軟綿的質感，老派風格，像夏銘記。湯有點過鹹，自助任加的炸蒜很香口惹味，但冬菜就鹹了一點。總結：恕我不是魚旦食家，我下次還是會選擇安利

每次去到東大街，就會掙扎究竟食王林記好定係食安利好。其實兩間鋪頭買嘅嘢食差唔多，牛腩、片頭、撈麵。若果以撈麵來說，我個人喜好王林記，因為佢個撈麵比較濃味一啲。而且王林記冇安利嘅人龍咁誇張。通常我都會食王林記。王林記呢個香蔥魚蛋，係佢先至有。除咗撈麵之外我亦都非常欣賞佢嘅香蔥魚蛋。本人是不吃蔥的，可想言之呢個香蔥魚蛋嘅美味。另外，本身呢個香蔥魚蛋應該係要新鮮製造，因為望落去蔥既顏色唔會話''黃咁咁''。食落去嘅時候可以食到淡淡的蔥味。我喜歡他的配菜是用芽菜，食落去很爽口。河粉嘅質素都OK，很滑。香蔥魚蛋河$31➕凍奶茶$19

估唔到住呢面咁耐都未食過呢間舖，可能次次都俾安利吸引左去，今次二話不說，一推門『魚蛋河，大可樂，唔該！』魚蛋粉其實通街都有，間間舖自認清高嘅不離開果粒彈牙爽口嘅自家製魚蛋。呢間舖嘅魚蛋亦相當好食，彈牙之餘更爽口又不會成口膠粉。讚👍出街食河粉最討厭嘅莫過於一舊一夾即斷嘅過熟河粉，而我係度食嘅河粉不但沒有一夾即散，反而有口感嘅情況出現，即係每條都分明，有層次嘅口感。讚👍講到呢度，最後亦係我覺得出薦的原因，個湯底係用魚骨煲出黎，好甜，好香，同魚蛋同河粉互相交替著，好夾！👍👍👍 #東大街10號#有機會試試#好食過安利#盛惠31蚊

第一次黎食，緊係要order個香蔥魚蛋米喇，因為最鍾意食蔥蔥蔥蔥蔥唔洗五分鐘就有得食，魚蛋彈牙又夠滑，唔知係咪加左蔥係入面既關係，魚蛋裡面多左d窿窿位，所以d湯會入左去，一咬，爽口彈牙之餘又多汁，正！最抵讚係呢到有冬菜、炸蒜、辣椒油、大辣辣椒油等等比客人加，呢d細節位好加分！而且呢到既辣椒醬係好辣好惹味 唔似坊間果d完全唔辣得個樣。

假日下午黎成條街都等緊位，真係好墟冚，都係等老字號的安記和王林記，港島人就帶我去食王林記。連等位張飛都印出黎，就知道……好多醬料，唔食辣油，勁like冬菜和炸蒜。要支大可樂先!香葱魚蛋粉($31)都唔平，好多葱，簡單的美味，魚蛋好彈牙，帶淡淡的葱香。米粉係絕配，爽口又唔會太稔，湯底較清，但冇味精，不錯。友人叫魚片魚蛋淨食，魚片也不俗。又係出名的無理由唔食，奶醬多($13)飛邊烤底，好多醬，多士又夠香脆，抵食，絕無將貨就價。

男朋友终於星期6有空可以陪我了他說很久沒有跟我去遠的地方，所以今天我們去了筲箕灣✌🏼因為我想吃鮮油奶多, 所以就吃了王林記其實是想吃安x 的, 但是隊太長了, 而且我看覺得王林記也很好呢的我點了坑腩湯河加凍奶茶👇🏼男朋友點了坑腩撈粗加茶走👇🏼當然點了鮮油奶厚多😋👇🏼撈面是鼓油王撈面, 感覺唔差, 不過男朋友說乾身左一點😂要提下個鮮油奶多,忘記左飛邊呀😭鮮油係好香好香, 我好喜歡吃牛油呀不過個人覺得安x 比較好吃🙊

清電話啲相發現有漏網之魚，唔好哂咗佢😝相片用  影，跟現在用相機堅有差別<切腩豉油皇撈麵> 🍝$43當日好記得放棄食安利，一心試呢間🙄點知...就半瀨嘢啦其實整體佢唔算好差，牛腩肉質都腍身入味，麵質都爽彈，同埋麵都瓊得幾乾水再撈豉油皇😞可惜我食到鹼水味同過份鹹👉為一加番分係佢個辣椒油幾香夠辣<凍檸茶> 🍹$18其實都好得人驚嘅一個價錢😑我知好多地方都差唔多呢個價，可惜杯茶唔多掂😓當天有苦澀味-✨我知唔應該比較，但呢個價錢又同一條街嘅話😅我選擇去安利

之前食過一次片頭河覺得好咸，以會只係師傅一時失手，同個伙記投訴咗希望下次有改善。今日再食魚蛋麵點知仲咸個上次。以後唔會再去😒⋯⋯我唸王林記都叫做有啲明氣點解會攪成咁😡😡

行開東大街，醒起朋友講王林記嘅魚蛋好食過安利，咁就去試試啦。叫左個魚蛋切腩米，碗野黎到時，聞到陣魚蛋同牛腩味幾香，心諗今餐應該食到餐好嘅啦。魚蛋唔錯，未至於彈牙，但有魚味。再食舊牛。。。出事啦！嘩！啲肉鞋到呢！！！煲湯豬肉都淋過佢呀！又鞋又硬，好耐兼飲幾啖湯先吞得到！仲要啲肉攝晒响牙隙！大老，啲腩唔靚就唔好賣啦，砸自己招牌！

好差，未試食到咁差的，盡在不言中，無野好食，當一般街方茶餐廳便可！跌錢跌時間，浪費我食野的quota.吾好食吾好食吾好食吾好食吾好食吾好食吾好食吾好食吾好食吾好食

趁著炎炎夏日讓小友來個宿營初體驗。一班小嘩鬼到鯉魚門度假村大玩特玩過兩天一夜，雖既曬又悶熱但一伙人依然盡興非常....入營前先吃點東西。大熱天時胃口不大，食碟麵就最實際....走到東大街欲去久違的"安利"，人山人海的等位狀態嚇怕了我們一家三口，於是很自然就退而求其次到街尾，同樣以吃魚蛋見稱的"王林記"....去到門口，少不免都要等一陣，但就沒有"安利"那般誇張，只需等五分鐘左右就可以就坐....環境迫狹當然不能久坐，還是三扒兩撥快快食完走人才是上算....來這裡，一定要點魚蛋，不然便是白來....光只吃魚蛋或魚片頭當然不能滿足到我，再點一份豉油撈粗與之相陪，這才是絕配....但很可惜，今天食到的撈粗，麵雖不算淰但卻嗒到了輕微的鹼水澀苦。小弟每一嚐到此苦便會眉頭大皺，縱使豉油帶甜甚令人討好且撈勺功夫也佳碟底沒剩太多醬汁，銀芽亦非常爽口....但在我心目中這仍是不合格的....魚蛋大大顆嚐得到有點魚鮮沒腥氣，咬口亦不是一味的爽彈帶少少軟淰，是我最喜歡的潮式魚蛋texture；反而魚片頭於我而言就必定要又香口又彈牙，這裡在這方面也做得不俗....小友一看到有雞翼食眼就放光了。一碟炸翼飯，茶記

我細時阿爺係躉仔做廟祝,所以我放暑假或年假都會去銅鑼灣避風塘躉仔住同玩,夜晚阿爺就會帶我去食艇粉,燒鴨,切雞,叉燒,魚旦等粉麵,真係好鬼懷念嗰朕味呀呢日喺王林記就比我食返呢朕味啦朋友的魚片頭撈粗$34,試了一舊魚片頭,魚味幾香,質地都夠彈牙切腩河$38,牛腩帶少許筋質感淋而不爛,牛味又夠濃,湯頭飲到細路仔時的味道我將佢喝光光,瓦河粉亦滑嘟嘟不易斷爛熱奶茶$17,茶味不錯,可惜未夠滑口好友要枝裝可樂$16,都幾乸脷喎

唔知大家去親筲箕灣東大街係咪都會食魚蛋粉，如果唔想跟大隊排安X，行過幾個鋪位仲有王林記，質素絕不遜於安X，最緊要係，冇咁多人。呢度有樣名物係安X冇的，就係香蔥魚蛋（配湯粉麵$28），每粒爽滑彈牙魚蛋混入適量蔥粒，令味道同口感更為豐富。河粉都值得一讚，幼身河粉條條分明，一吸就直滑入喉嚨。另外每枱都大方地備有炸蒜粒同我最愛的冬菜，增添食味。牛腩都係呢度人氣食物，切腩撈粗（$43）分量唔少，牛腩起碼有8件，雖然睇落偏瘦，但入口唔覺乾柴同韌，腍得來有少少嚼頭，充滿肉香。粗麵雖然均勻地沾上豉油，唔太鹹，但始終蓋唔過鹼水味，相對於河粉都係爭少少。值得去指數：

朋友已好幾次推薦這間王林記，今天在小西灣一帶出沒，尚且開車來試看看。 兩點多才到達，門口出現一條長長的人龍，雖則附近有不同餐廳的選擇，可是既然來到了就等一下。等了差不多30分鐘才被安排入座，幸好位置也不算迫促。不久店員便安排點餐，等了不久，食物陸續送上。 友人點的坑腩撈伊一上枱，飄來陣陣麻油香，坑腩更滿佈脂肪，看上去十分吸引。 而我則點了切腩牛丸撈丁，同樣地，上枱飄來陣陣麻油香，份量看上去也十足。切腩肥瘦均勻，非常稔口入味。一丁更是軟硬剛好，豉油也不會太重手。說真的，連條伴碟芥蘭也是剛好火喉，爽身而且味甜，水準高得過份。反而牛丸沒什驚喜，雖然彈牙，但未有那種多汁及有牛味的驚喜。湯頭非常非常地出色，沒有味精的味道，夠味而不會死咸，而且大大碗，性價比高！雖然排得有點久，可是吃到這餐也蠻值得的！

身為一個九龍人，本來就比較少到港島這次來到筲箕灣，當然要到東大街走走看網絡上對王林記的評價不錯，就試一下吧由於是下午時間，所以有下午茶餐原來這裡除了粉麵外，也有碟頭飯、多士、薯條等食物想吃熱騰騰東西的我選了魚蛋河下午茶是比較小碗，配一杯熱飲就是$34檸檬水沒有苦澀感，可見所用的是新鮮檸檬魚蛋很彈牙、可口，感覺新鮮河粉是比較幼一點的那種，口感不錯我吃得比較慢，河粉泡在湯裡也沒有變軟爛湯頭有一點咸，應該不多不少也帶點味精讓人忍不住一口接一口地吃這裡也有菜脯提供，不會太咸而且咬口很爽，加在湯河中更惹味整體也滿意王林記的魚蛋河魚蛋彈牙好吃，應該會有下次再吃的機會謝謝你的閱讀