王林記潮州魚蛋粉麵

營業中

休息中

朝早經過筲箕灣，食早餐梗係去東大街搵食，夠晒多選擇，今日去咗王林記食早餐，叫咗個雞扒煎雙蛋配埋多士，再叫多杯凍奶茶，王林記早餐一向有水準，雞扒煎得夠香，分量足夠，多士香口，配埋杯凍奶茶，十分豐富

黎到筲箕灣東大街，食店非常之多，各式各樣都有，只怕你個胃可唔可以食到咁多。過往黎到東大街想食粉都會去斜對面個間，今日轉下口味，試下依間王林記潮式魚蛋粉。1. 魚蛋魚片河，河粉選用幼條粉，食到最尾時都唔會令D 粉發脹晒。魚蛋有魚味而魚片炸過更加出色，極力推介黎到一定要試魚片2. 切腩撈粗麵連上湯，粗麵每一條都掛上色，夠美味，而麵沒有鹼水味，出色。切腩雖然賣相一般，但牛味香濃，份糧亦不少。3. 炸魚皮，炸得夠香脆，配粉麵一流。

試左隔離有點失望，再試埋呢間，可能反差太大，呢間真係唔錯切腩魚旦米米粉比較幼身，，唔係家自己煮個種質感。佢呢種幾好食，唔會太易林晒，爽身。牛味較重，湯好飲似用魚骨煲，但食得出有少少味精，純個人感覺，魚旦唔算太彈但有魚味唯一要彈係牛腩有點碎這間可以再來。

心血來潮好想食魚旦粉岩岩經過呢間鋪頭 見到未到12點已經8成滿應該水準都晤差啦 即刻入去試下先😍叫左炸魚蛋魚片頭河 叫價40蚊意想不到甘大碗喎湯頭好好味 鮮甜無味精魚蛋同魚片頭都好彈牙 魚味好足呀好耐無食過甘高質既魚蛋粉雖然價錢少少貴 又無包野飲 但依家出去食飯都甘上下了 一定會再來幫襯😊

拍拖食到生仔，食咗咁多年，由老公當初推介嘅魚蛋粉，到切腩，而家食坑切～坑腩其係去骨嘅牛仔骨，肉味濃，炆煮會好好味，但我個人就鐘意就咁清湯炆，保持肉味～ 王林記嘅坑腩炆得好入味，又淋，會食到小小香料味，但又有好濃嘅牛味今次冇配魚片頭，揀咗配墨丸，每粒都爽口彈牙，仲有小小墨魚粒响入面添～ 好鮮甜如果入開東大街，真係要試吓呀～

每年指定都會有一趟主打香港美食遊再加上之前係fb睇到條短片，覺得姨姨好堅強好勵志所以一定要捧場。大概10am到唔需要排隊，但之後陸陸續續坐滿人。兩人要咗兩份貢丸+香蔥魚蛋配豉油皇撈粗、一份豬扒配西煎蛋再來一份炸魚蛋湯。好好味，比我預料中更出色！同行友人亦讚不絕口更對其豬扒甚是喜歡；佐料附有炸蒜同冬菜令碗粉更惹味。明年一定會再到訪嘗試其他美食~

深深感覺到⋯⋯平實好味的茶餐廳、粥粉麵店才是香港最最最地道、又最撫慰心靈的食物。久久未到筲箕灣東大街覓食，最掛念的是王林記的叉燒滑蛋飯！其次是她的切腩豉油皇撈粗配魚湯。叉燒滑蛋飯太好吃，滑蛋生熟程度掌握得非常好！蛋熟得來仍嫩滑，搭一口肥瘦相間叉燒，美味可口之極！豉油下的比例不多不少剛剛好，每口和著吃，不咸，與叉燒、蛋和飯簡直是相唱和！👏🏻👏🏻小小的可惜是今天的飯淋了一點。這個配撈粗的魚湯鮮甜可口！配合䓤花一起喝，既香且清新！豉油皇撈粗一上桌，朕豉油香就香噴噴得滿足嗅覺。見個切腩刀功已知不得了，嫩滑無比但不失嚼勁。夾起芽菜一起，清脆度又稍稍中和撈粗的油膩。非！常！出！色！簡直想拍掌！這個組合埋單只是 $99。王林記，你是最好的！👏🏻👏🏻👏🏻👏🏻👏🏻

在東大街，以前食親魚蛋粉都係嗰間排晒長龍嘅安乜，咁多人排以為真係最好，好少人會提起王林記，今日我就嚟試吓。以前經過王林記覺得佢冇乜人，環境又好似好污糟，見食評都唔係太好，所以就冇乜意欲想入嚟。自從睇咗盧覓雪說介紹，咁就黎試吓啦。今次中午叫咗碗切腩蔥花魚旦河，先食個牛腩，已經贏晒隔離嗰間。牛腩肥瘦啱啱好，肉質唔刃，隔離嗰間嘅牛腩真係好刃。再食埋粒魚蛋，入面連埋蔥花，正常大小，比隔離嗰間大一陪，入口彈牙。埋單$45 ，離開行返出去大街，隔離間鋪啲人仲等緊，其實食好嘢又點需要排隊等半個鐘呢。

咁啱要去筲箕灣，醒起朋友介紹過王林記，就去試下。望左陣menu決定試下較特別少見既香蔥魚蛋跟撈粗，香蔥魚蛋先上，湯呈少少奶白色，飲一啖試下係無魚味既😂再加啲辣椒油睇下會唔會香啲，係無乜既，因為唔夠香同辣，淨係鹹，再試下粒魚蛋，係無蔥既香味，亦都無乜魚味，食落同街市啲平價魚蛋差不多，完全失望，係加左啲炸蒜先叫香啲。同長發比，完全係爭好遠，味道同質感都好普通。再試埋個麵，又係無驚喜，啲醬已事先撈好，但味道唔夠香濃，好似唔夠味咁，唯有加啲炸蒜提升下。以$45呢個價錢，係唔值得一試，長發既地位暫時無其他鋪可取替！

玩完石澳一天遊終於有時間搵食，目標就係位於筲箕灣總店嘅 #王林記 眾多港式食物嚟講，魚旦米絕對係我嘅comfort food！久不久就會心掛掛想食一碗！而且每次都要多蔥😀所以嚟到 王林記 必定要食佢嘅 #香蔥魚旦！d魚旦 勁！！彈！！！牙！！！😮每一粒都有滿滿嘅蔥，好好食！🤤🤤食湯米又係會飲少少湯，飲落甜甜哋...後來發現原來係魚旦有甜味滲出嚟！🤤🤤🤤正！正！正！#魚片頭 都好食，又係好彈牙，略鹹枱上嘅調味料好多選擇記住要加炸蒜！香口到不得了辣椒油又係正，小辣最match，大辣d味有少少似桂林辣辣醬，麻麻哋另外 #切腩撈幼 又係一絕牛腩好軟淋好入味🤤🤤撈幼嘅麵質好爽口OMG！好好食見到好幾枱食客都叫凍奶茶又跟，茶味好香！好飲！門口有一級，入去都有d困難。但其實舖頭都算幾大間，入唔到嘅話，買外賣啦！真係好好食呢！！

今日一家人專程黎到王林記試佢既魚蛋，黎到門口就已經大排長龍，不過唔算等得好耐，等左15分鐘就可以入去！今次我試食佢既魚蛋撈粗，加多碟炸雲吞，魚蛋真係好有鮮味同鬆化，我自己好鐘意佢既撈粗，唔會太咸，而且粗面非常彈牙，食完一碟好想再食多碟嫌撈面份量唔算太多炸雲吞係新鮮熱辣辣又脆口👍🏻PS老闆娘非常好人，佢請左呀女食炸魚蛋，再加上之前睇過王林記一篇訪問，好欣賞呢位老闆娘既善心，身體力行，甘好食既魚蛋值得欣賞

響facebook見到發哥經常去呢一間餐廳， 加上睇埋facebook裏面竟片嘅介绍。 睇到呢間餐廳嘅各種經歷。 我覺得十分之感動。 所以我一定要去試一試。其實筲箕灣嘅魚蛋粉真係有好多間出名，我 經常去食唔同嘅魚蛋粉。一嚟係因為自己好鍾意食粉麵， 二嚟粉麵平平哋就一餐。 但好食嘅粉麵絕對令你有驚喜。王林記魚蛋粉係好特別， 雖然未到冇乜特別驚喜， 但係佢淨魚蛋咬落實分子彈牙。 係我從來冇試過嘅。 可能呢個就係佢咁出名嘅原因。不過又係嗰句。。。要排隊。。。可唔可以搵到一間唔使排咁耐好食嘅嘢呀。。。

聖誕正日，周圍食野都好貴，我們去了港島區逛一逛，逛完再去東大街。那裡有好多好野食，突然想食魚蛋粉就揀了王林記。我要了碗魚蛋粉。上枱熱辣辣，正呀。魚蛋不過不失，沒有腥味，亦尚算彈牙。河粉亦很滑，不會很容易斷。枱面提供較少餐廳有的冬菜給客人調味，，我本身喜歡吃，所以加了很多，最後整到碗粉都幾咸😂😂切腩撈麵呢個價錢，絕對抵食。切腩大大件，牛肉味濃，肉質較結實，有少少黏牙，麵質爽滑，汁較濃，配搭番個清湯就剛好了。

雖然自己唔係好點食蔥但係完全唔抗拒呢個香蔥魚蛋一咬落去已經食到蔥嘅香味感覺上似食緊魚肉多過似魚蛋魚肉味濃郁 唔算好彈牙肉質比較淋身普通魚蛋同魚片都好食👍🏻👍🏻👍🏻👍🏻👍🏻

早2日日滑完浪，諗住食個晚飯先返屋企，可能聖誕既關係，周圍都係聖誕二人餐...我邊到搵2個人出黎....唯有行去王林記啪碗魚蛋粉算😵見餐牌仲有午餐既選擇，叫左個五香牛腩飯，飯到既時候有d驚喜，份量幾多，食落口好入味，應該炆左好耐下，平時唔食澱粉質既我，都焗住用佢d汁食左1/3既飯🤗正！