王林記潮州魚蛋粉麵

營業中

休息中

落雨絲濕肚仔餓，今晚就去試下王林記先💕❤️為食兼大食嘅我，緊係要食雙拼啦好啦，揀左個香蔥魚蛋拼炆腩撈粗，見到隔離枱嗌左碗羅白，好大碗好香🤤🤤好誘惑喔....but我1個人孤獨食，唔想食唔哂嘥野，算下次搵朋友仔一齊黎食啦....撈粗黎到，一d梘水味都無而且唔會章住個咀，I like it食開粉麵檔，通常只有一樽辣椒油，王林記竟然有2樽，有1樽寫明大辣喔🤤🤤無辣不歡嘅我即刻落2茶匙試下先，嘩嘩嘩好貼心好好味嘅辣椒油喔配埋彈牙嘅魚蛋同淋滋滋嘅牛腩，好滿足嘅一餐喔😍😍

又食王林記啦，今次試左佢奶油脆豬個豬真係脆卜卜，加塊牛油煉奶，十分滋味。我個fd就食河粉，見佢都話好食。特別一提係佢杯熱奶茶，小弟甚少飲熱飲，但因為我fd力推下就試左，覺得真係無介紹錯!真係好香紅茶味

今次都係下午茶時間嚟食野，大約三點半，今日係假期都預左多人，不過今日突然想食魚蛋多人都照去！筲箕灣魚蛋粉雙雄一安利一王林，呢兩間假期都係排長龍嘅粉麵鋪，不過我信相大部分人只係食過安利。只不過如果食魚蛋嘅話我會揀王林記今次食香蔥魚蛋 切腩撈粗香蔥魚蛋佢係另上而且浸係碗湯入面可以保持住熱度，唔會因爲凍左而變味道，因為魚蛋有蔥，熱力先發揮到蔥嘅香味，魚蛋食落唔會完全食唔到麵粉果種質，因為係鮮魚肉整成，而且咬開你會見到魚嘅肉質紋 真材實料切腩撈粗睇相都睇到切腩好大塊 有成7-8塊，比我估計多，而且好重牛味但肉質較結實，呢個價錢有冇多片切腩係抵食嘅，唯一係個撈粗麵鹼水味比較重d

王林記既魚蛋真係好夠彈牙呀!!再配埋個凍檸茶，一個咁既早餐真夠豐富。而且我地成班fd最中意係佢地王林秘製既辣椒油。雖然小弟吾太食辣，加幾滴真係令碗面又更好食。下次想試牛肚牛腩。

今日返工前同同事去食東大街呢一間出名嘅粉面舖，上次去嘅時候早餐時段要排隊，今日雖然係星期日，可能比較早，唔使排隊就有得入去，今次叫咗筋腩河加杯凍咖啡，盛惠$38，更腩可不嬲都係王林記好出名好多人叫嘅選擇，今日一試果然唔錯，大家下次有機會經過記得去試吓。

有日經過依到食早餐，決定入去試下，9點幾已經坐滿好多人，聽朋友講平時下午仲多人因本人鐘意食牛，牛扒，牛肉，肥牛，牛雜，牛筋，牛腩咩咩咩。所以嗌個牛筋腩河食下，牛筋腩好難整得難食，要鬥係鬥個湯底。依個湯就好濃好入味，但食到最尾可能會有小小膩既感覺，整体係值得一試39蚊加辣椒油冇得輸

下午1點路過筲箕灣﹐一定要去大王東街搵食本身打算食安利粉麵﹐無奈人太多﹐要等30分鐘所以轉來旁邊人龍第二長的王林記﹐都要等15分鐘﹐尚可接受見到很多人點這個五香牛腩撈﹐自己都來一個！$48的價錢在香港粉麵店的撈麵來說算是OK但是味道上就完勝外面大多$60以上的撈麵牛腩本身夠入味﹐ 牛腩一絲絲的肉清楚可見﹐但就好夠"林" 牛根亦非常滑溜！麵比較挺身﹐可以掛著牛汁一大束放入口中一鼓牛肉香和牛油香在口中縈繞，大概３０秒才開始散去潮式粉麵店辣椒油必然是主要一員王林記每桌都有兩種辣椒油，一種是普通潮式辣油，好香麻油味而圖中就是大辣辣油，辣椒炒至乾身，口感有點像泰國蝦米辣油的感覺，辣味屬後勁型同牛肉麵非常配！！　當一口牛肉麵放入口中，在口腔充滿著牛肉味２０秒後辣椒味就開始爆發，而不會互相搶味Timing 真的剛好，令整個撈麵變得更有層次　另外點了一碗香蔥魚蛋河蔥一早已經打入魚蛋中，令咀嚼魚蛋時會有清新的蔥味溢出加上本身送上的芽菜　（不需另加錢）非常清新跟剛才的牛肉撈麵形成對比﹐建議先吃味道較啖的魚蛋粉再吃牛肉麵也點了一個奶油豬，相對粉麵，奶油豬沒太大驚喜不過仍然是無可挑剔的奶油豬今餐沒點到飲品，因

今日同同事去試下呢間好多人推介嘅隱世茶餐廳，估唔到早餐都要排隊，姐姐態度好，食咗個牛扒煎雙蛋，牛扒冇雪味，好味；奶茶有水準，唔似其他茶餐廳好似奶水or 糖水咁，推介大家一定要試下～

食完唔到十分鐘就勁土痛。啲牛腩都唔知煮咗幾多曰，整到變成牛腩肉絲。無下次。怕咗你。啲飯又煮到一舊舊。唔好食就不用多講，食物衛生其實也很重要。請不要給壞咗嘅食物比你的客人食。

去筲箕灣食粉麵，除咗幫襯開隔離舖之外，王林記我同老公也常來光顧！鍾意佢哋嘅腩汁夠入味，味道濃另外脆脆豬都喺我至愛之一老公叫咗牛筋腩河，我只喺食咗半碗仔，留番肚嚟食脆脆🐷 牛腩今次比較難，爭少少😐 至於腩汁我當湯咁撈埋河粉食，味道甚好！腩汁湯底夠哂味，連辣椒油，冬菜通通唔駛加，原汁原味巳經好老公話晨早流流就食脆脆豬覺得好肥膩 ，其實都喺㗎但係真係好想食，既然佢唔食，就我一人獨佔成件脆脆豬啦 咬口非常脆，奶油仲非常之多杯奶茶就唔多ok，天氣太熱關係，啲冰溶得好快，變相溝淡咗啲奶茶味道， 唯有飲水算吧！

今日有啲事要去東區醫院，走時已經好肚餓，F小姐提議去筲箕灣食碗粉麵。原本我想去安利，點知F小姐話有間粉麵食撈粗正過安利，咁一定要試下啦！鋪頭無安利咁大，但都坐無虛席！F小姐order片頭切腩撈粗，咁梗係跟佢啦！賣相已經幾吸引，份量亦唔少。試啖豉油撈粗，好香好滑但又唔會太濃太咸。然後試切腩，不得了，非常入味，不會過淋，保持口感。片頭亦彈牙實在，不會是一堆粉。很讚的撈粗！下次要試試魚蛋再同安利比較一下！

當初是抱著店舖是自家打魚旦，由80年代開始，也算是有點歷史，現在說也很少見，故想尋找兒時吃魚旦粉的味道。晚上約7時和友人到達，不用等位，店舖裝潢比較舊式我們點了魚旦河、切腩飯、清湯腩及炸魚皮炸魚皮很香口，該是新鮮炸的，沒油益味，魚湯有鹹香魚旦河正常份量，重點河粉幼細爽滑很難得，招牌魚旦有魚味及煙韌帶爽，喜歡有葱連湯喝，好味說實話，80元是值得吃的淨清湯腩冧身，夠味，不乾也不韌，水份足相反配飯的切腩比較乾身，所以跟湯，飯加汁後有點冧值得一提是，配菜是介蘭，就算浸在湯內也不會太冧，爽口，多葱配搭加上魚湯的鹹香不腥是讓人回味最後欣賞配料分了大辣、辣油等，可見用心經營，值得給讚

除了云吞麵，牛腩粉；鱼蛋粉算是香港人喜欢吃的其中一种麵食。最出名應是香港仔山窿謝記魚蛋，可惜年前已结業。很多魚蛋粉店舖，都會標榜自家制魚蛋，但有多少間真的可以做到爽口彈牙呢？今天品嘗非一般鱼蛋，而是香葱鱼蛋粉。先喝一啖湯頭。以大地鱼、猪骨熬汤作为汤底，美味非常。跟著當然是主角魚蛋。特別之處是將葱粒混在打好的魚漿中，所以吃來葱味特別濃，魚味夠，彈牙又爽囗。但令我最深刻的是放在枱上嘅辣椒油和辣椒醬，說明老闆重視客人不同喜好和不同辣醬帶出魚蛋不一樣的味道！最後當然是一滴不留。

東大街是有名的食街，但由於不是附近的街坊，工作地點又不近，所以甚少來這區覓食，是日興之所至，到這裡來朝聖。遠近馳名的安利大排長龍，朋友說他個人口味較喜歡王林記的香蔥魚蛋，就去試試看。假日中午時的王林記人頭湧湧，我們也等了一會才入坐。點了香蔥魚蛋拼魚片頭米粉，朋友果然好介紹，魚蛋魚味濃郁，而且彈牙，裡面的蔥令魚蛋更加香，片頭同樣出色。朋友點了切腩，牛腩炆得很腍很入味。另一芥蘭加了腩汁，十分惹味。香蔥魚蛋令人一試難忘，其他食物也很不錯，價錢親民，難怪門庭若市。

喺認識王林記之前，其實我都係隔離鋪嘅常客。究竟有咩令到我轉投王林記嘅懷抱呢… 可能係唔想被誤會係一個遊客？可能我唔鍾意排長龍？其實原因係除咗我覺得王林記嘅炸魚旦外鬆內軟的確好味，切腩非常”林”，真係冇牙婆都啱食，撈麵撈得啱啱好，唔會太鹹同太油，同埋可能遊客相對少啲，所以王林記仲有嗰種好「地」嘅香港味道。片頭切腩撈粗係首選。記住嗌「炸彈」其實撈幼都好唔錯架我曾經帶喺外國嚟香港旅行嘅朋友去王林記。佢哋都讚口不絕，特別鍾意個切腩