王林記潮州魚蛋粉麵

營業中

休息中

咁啱要去筲箕灣，醒起朋友介紹過王林記，就去試下。望左陣menu決定試下較特別少見既香蔥魚蛋跟撈粗，香蔥魚蛋先上，湯呈少少奶白色，飲一啖試下係無魚味既😂再加啲辣椒油睇下會唔會香啲，係無乜既，因為唔夠香同辣，淨係鹹，再試下粒魚蛋，係無蔥既香味，亦都無乜魚味，食落同街市啲平價魚蛋差不多，完全失望，係加左啲炸蒜先叫香啲。同長發比，完全係爭好遠，味道同質感都好普通。再試埋個麵，又係無驚喜，啲醬已事先撈好，但味道唔夠香濃，好似唔夠味咁，唯有加啲炸蒜提升下。以$45呢個價錢，係唔值得一試，長發既地位暫時無其他鋪可取替！