玉桃軒酒家 (利舞臺廣場)

營業中

休息中

上星期見到玉桃軒廚師本月推介既(波士頓龍蝦)(北京片皮鴨)(沙巴大龍躉兩味)(蠔皇原隻10頭鮑魚扣鵝掌)我幾款都好想食,就約埋朋友一齊去坐位舒服,空間感大,燈光柔和*芝士焗波士頓龍蝦$128 ,加伊麵底$40,龍蝦鮮甜多肉且爽口結實,先拆幾舊肉再同芝士伊麵一齊大啖大啖食,超正!!*鮮人參淮山燉雞湯$48,一人份量原盅上檯,掀開時陣陣人參香,仲有淮山,紅棗,杞子,圓肉,好足料湯味濃,一般人都好適合既補脾益肺湯*三色蛋泡時蔬$88,莧菜含有豐富鐵同鈣,仲有3色蛋同炸蒜。*海皇三色蒸乳酪$88,鮮甜既帶子,蝦,蛋白,杰身上湯芡汁包著皮蛋,雞蛋,咸蛋,鮮味又易入口最岩撈飯。*樓上樓糯米蒸走地雞$118,清香既米酒入哂味,雞件蒸得唔錯,唔會蒸得太乾口感韌。

約了朋友到銅鑼灣短聚，他選了玉桃軒，是上樓的店，貪其不用等位，「快靚正」。場內闊落座位多，七時多到達也可隨意選坐。侍應生招呼也不錯，頗用心。先是看到店內主打的花膠餐單，很吸引，或者可以帶老婆一試。但這天和舊朋友短聚，花膠當然不屬男人的浪漫。隨意點幾款小茶，才是我們的習慣。先上的涼菜可以開開胃，味道份量也令人滿意。醉雞是比較特別的，暖暖的，和想像中帶點不同。暖暖的醉雞散發出的酒香更濃烈，是有一點驚喜。翠塘豆腐算是合格，味道調得好，但豆腐不夠滑。鮮菌炒花枝非常意外地花枝竟比鮮菌更多，這是廿一世紀會發生的事嗎？不禁讚嘆大廚出手的闊落，啖啖花枝又滑又爽，口感極佳，XO醬的味道也很突出，令我們都留下深刻印象。整體而言，食物是不錯，且份量很多，價錢相宜，真正「大件夾抵食」。

玉桃軒我係曾經去飲嘅時候食過之前真係無聽過呢個名我以為佢專做 wedding 都唔慌好食啦誰不知點心同小炒全部都好好味喎而且呢度裝修都幾 grand 幾企理招呼都唔錯嗰個菠蘿包係有餡㗎，唔記得咗係咪叉燒總之非常好味～我諗應該係即叫即製，個菠蘿包係熱辣辣㗎 😋咬落去好鬆軟，個皮甜甜哋～仲有我比較喜歡有餡料嘅包所以覺得呢個菠蘿包超好食！個麵又係好好食，整得好脆㗎感覺呢度啲嘢都唔係整定哂喺度樣樣嘢都幾新鮮好食 👍🏻

銅鑼灣想找間坐得舒服既中菜酒家，選了玉桃軒，門面大堂佈置華麗, 座位寬敞, 覺得環境不錯，貌似婚宴場地。來到打算叫個片皮鴨，點知賣哂。見波士頓龍蝦做緊特價，$128就有1斤，梗係叫龍蝦啦！我們揀了蒜蓉開邊蒸 ，加40蚊有粉絲底，嘩，波士頓龍蝦一食就知龍蝦有幾新鮮, 食落肉質鮮美, 龍蝦十分爽口彈牙，仲要大隻，真係啖啖肉呀！呢個價錢真的好實惠！這裡有涼菜，有小菜, 也有湯，有套餐多款，選擇真的很多。另外，叫了頭抽蟠龍大頭蝦，2隻共$80。呢個醬汁好惹味，蝦肉也十分爽口，吃一隻感覺不夠喉，雖然好好味但是相比龍蝦價錢就貴了些。蒜片牛柳粒 $60牛柳粒牛味濃, 肉質嫩滑, 有不少肉粒和菇，加了蒜片更滋味。蠔皇四季豆牛肉 $88小炒好鑊氣, 四季豆加牛肉, 很惹味 ! 另外仲叫了2款甜品，呂宋芒果布甸$32 呢2款甜品都好好食，但個Size分別好大。布甸賣相好靚，外形是2條魚，有好多芒果，但好細份。蜜味脆蛋散 $26蛋散有3大塊，好香好脆好鬆化，好抵食不過就無咩蛋味。埋單至知茶介原來$13位，不過水滾茶靚, 都算滿意。因為食品多選擇, 經濟好食, 位置又方便，非常好，值得推介。

一週的第一個工作天，灰爆心情要放鬆，於是CALL齊三二好友，實行要好好的調劑一下。朋友選了位置於利舞台樓上的玉桃軒，貪其夠便利，可在升降機大堂等候一陣子就可以直達。沿著旋轉梯向入走，一路有特色菜色介紹，入到門口，大廳水晶燈映照光芒，裝修中上格調感覺舒適，食客不是太滿，侍應領我們到入口位置自成一角，沒有吵耳的人浪聲打擾到我們，不會太擠，個個都坐得寬敞，今晚可以盡情跟朋友談天說地吧秘製叉燒皇  $88侍應很快就首先送上叉燒皇，一碟長長切得薄而均等，細看肉地瘦但色澤光亮，燒得深色帶有焦痕。夾起一片，真的沒有什麼肥膩的，入口煙韌不油，熱熱的蜜汁感覺都很香口。粟米班塊  $98份量普通，粟米攪得均勻全碟， 但粟米汁煮得糊狀較廷身，食落滿口粟米甜味，甜香又很有咀嚼感，另有班塊約有四、五件，魚肉都很薄身，班塊雖未見炸得香脆，但朋友都認同油滑，可口好送飯。燉湯  $48花膠蟲草花燉雞湯 - 雞味濃雞油四溢，可能給人較多油的印象，材料十足大大件，咬落花膠稔香，滋補養顏，花膠應該燉得夠火喉，每啖湯水入口都感受到有膠質。花膠螺頭燉北菰湯 - 另有花菰十分大隻，爽口微彈帶豐厚菰香，未見螺頭，但加有瘦肉去煲燉，

今天陪媽咪行街，當然揀番她喜歡的玉桃軒。媽咪喜歡這環境舒適、服務好、食物又水準。這趟午茶對著這個開揚靚景，份外寫意。點心款式頗多，價錢也很合理。今天點了四款點心。媽咪也相當滿意。XO醬炒腸粉 $35 腸粉彈滑，XO醬爆香，而辣度又適中。順德鯪魚釀涼瓜 $32 鯪魚肉香又彈牙，涼瓜夠熟夠稔。蠔皇叉燒包 $26 D餡不會太濕，包身雪白鬆軟，每咬一口也會回彈。家鄉煎薄罉 $35 有蝦米葱花的薄罉，非常香口又不油膩。厨師及大厨推介頗吸引。

話說上星期同老公去銅鑼灣行街，老公突然發現利舞臺有好多餐廳但唔知點解我地從未去過呢度食晚飯，由於是出突然，我就話不如下星期就向呢度食飯吧。已經有一排無食中菜，所以我地決定揀「玉桃軒」試試看！店內裝潢好grand, 而且仲有好多水晶燈，環境又夠開揚。睇睇餐牌選擇非常多，不過我倆都被晚膳三寶套餐吸引住，有雞有魚仲可以自選一款小菜，真的非常抵食。老公最愛燉湯，所以另外叫了一盎燉湯給他。花膠燉蟲草花雞湯雞湯清甜，而且每啖都有濃郁金華火腿香味，加上花膠件又有咬口，閒時都要飲下湯水補一補。一品蒜香雞（半隻）外皮脆卜卜內裏雞肉入味又多汁，而且肉質仲好鮮嫩，沾上蒜香豉油，更添滋味。清蒸海石班蒸魚時間剛剛好，魚肉鮮嫩，淋上少少豉油已經好美味。啫啫大澳唐生菜用上蝦醬，蝦乾在瓦煲快手炒熟，生菜爽甜蝦醬又好惹味，香氣十足。今晚真係超大滿足，環境又舒服，食物又美味，下次要帶屋企人一齊食先。

由於母親大人要到老銅掃貨既關係，休假天趁機同佢去飲茶，小女子可是十分喜歡飲早茶，但通常都幫趁點心店，好少上茶樓去了，其實飲個靚茶又點少得上真正的茶樓去飲咁傳統地道呢？雖然已沒有了推車點心，全部都變成下單劃紙仔了。茶位13x2環境好的一家酒家，茶位收費也就略高。柱侯蘿蔔金錢肚32開心有即點，巧功夫，雖賣相差d，但肉係想要的淋，入味的，但如果黑椒做味更濃，必食。蝦餃皇35小波波大的一球，每啖都蝦肉。鮮蝦菜苗餃35許多菜呀，健康非常，吃不感濟。黑松露帶子餃35帶子蝦都沒有過淋，松露香噴噴。鮑魚灌湯餃32太耐無吃了，拳頭大的餃，內裏是當真用上瑤柱蝦跟豬肉，但好多肥肉呀旦黃珍珠雞32完全是飽肚精選，糯米帶有荷葉清香，煙煙unun，雞粒掩得入味。食後感：地方裝修好豪華，是我平時好有錢的世叔伯常常過來的飯堂，今天午茶就沒有巧遇他囉。人客是八成滿呀，幸好人多但不用等位。P.S.冷氣夠大，炎炎夏日真舒服。

媽媽鍾意食中菜同埋素，所以出去食飯時成日都會搵D餐廳可以叫到素菜。今次係銅鑼灣搵到間樓上既酒樓，霉又去試下。煎素鵝，熱辣辣又脆卜卜，味道相當唔錯。媽媽鍾意食素，所以呢道野食岩哂佢啦！媽媽好欣賞既炸豆腐，炸豆腐炸得非常之滑。外接炸得好香脆，而入面好香滑，相當唔錯！加上少許的辣椒醬，媽媽勁鍾意食！青芥末香脆窩巴蝦球($148)蝦球呢家野真係食中菜必食既，由佢走油既程序去到調味等等方面，加上蝦身夠唔夠爽身，已經可以決定成個蝦球好冇食。呢個蝦球味道幾好，重要加上蝦膠同埋窩巴，真係惹味到爆炸😋😋😋🍙窩巴脆卜卜就一定架啦，蝦球亦都爽口彈牙好味道，加上中式沙律醬既配合真係唔錯👍👍👍最特別既係蝦球同埋窩巴之間加左一層蝦膠，蝦膠入面重有少少咸魚既味道，味道夠哂豐富上半Part又爽又腍，下半Part又脆，中間又有咸香同彈牙的蝦膠，成個蝦球窩巴味道好有層次同好好味~唔錯！超級送飯既煎蛋角，勁好味，咸咸地，一 食真係忍唔住要叫多碗飯去食送。即燒星斑片窩巴泡湯($58)難得同屋企人去銅鑼灣食中菜，見到有個🐟🐟星斑片窩巴湯飯，咁得意所以一於試一試見到師傅將稠身嘅粥倒落瓦煲到，之後用大火不斷去燒🔥🔥🔥加左油去燒左差

經歷過往年母親節正日外出用膳的擠擁狀況，一致決定今年媽媽節正日留在家，之後才補祝。長輩始終喜歡中菜，跟他們去了利舞臺的玉桃軒食晚飯。見到晚膳三寶，有魚有雞再自選一小菜，簡單又豐富，另外還點了龍蝦及小菜。清蒸龍蝦要食到龍蝦的原汁原味，當然選蒜蓉蒸。別以為特價推廣會給次貨，這個龍蝦整隻切邊蒸，肉質結實彈牙且富鮮味，加上蒜蓉令其香氣提升。醬燒蝦球煎豆腐豆腐煎得外脆內滑，蝦球大隻彈牙，還有西蘭花，醬汁惹味而且不會過多。一品蒜香雞雞燒得很香，雞皮又薄又脆，肉質嫩滑，半隻份量不少。調味恰好，不用點醬油都夠味。清蒸沙巴斑魚肉質新鮮，一點也不腥，簡單的加了蔥及薑絲蒸已能帶出魚的鮮味。鼎湖竹笙上素有各種菌類，還有竹笙及菜心，調味不會太濃。最後點了瑤柱蛋白炒飯，飽肚之選。五個人五餸一飯已經很飽，這裡食物新鮮份量大，而且平日晚上人流不算太多，跟家人來聚會閒聊確實不錯。

平日下班想和家人補祝母親節，老人家始終偏愛中菜，於是找到銅鑼灣的玉桃軒一試。平日夜晚客人甚少，坐位之間位置寬敞，安靜舒適。點了一些小菜品嘗，最化算是以下晚市三寶。清蒸沙巴班，魚肉結實彈牙，肉味濃郁，醬油份量適中，雖然細條但質素不錯。炸子雞皮脆卻不油膩，真正雞有雞味，肉質不會過老。羅漢上素材料豐富而沒有一般中式齋菜過鹹或太油膩的問題，已經收貨有餘。龍蝦肉味鮮結實，不用一般酒樓的上湯或芝士處理，簡單以蒜蓉豉油蒸熟分享，少吃多滋味。醬燒蝦球豆腐，醬汁微酸微辣，豆腐表皮香脆中間滑溜，蝦球結實，十分不錯。唯獨是瑤柱蛋白炒飯要扣分，味道對辦，但飯粒太濕太稔，有些更黏作一團，不及格。這裏環境舒適，除了炒飯菜式有質素，最後五位埋單大約$800，超值。下次光顧還是點幾個靚仔伴小菜較穩妥。

利舞臺樓上有好多酒樓，今日第一次來玉桃軒。座位闊落、尚算乾淨企理。我們四人要了午市靚湯點心餐$308，可以任選點心三款、湯羹一款、小菜一款、小食一款、粉面飯一款。山東桂魚餃 - 大隻、但餃皮太厚、較淡味北菇棉花雞 - 雞件滑溜柱候醬蘿蔔金錢肚 - 不過不失、但色澤欠澤老火例湯 - 沒有味精豉油王海蝦粉絲煲 - 海蝦味道不錯、粉絲略嫌不夠汁蜜汁叉燒王- 叉燒外皮燒得有點焦、但內裡肉質軟腍。錦綉鮮蝦荷葉飯 - 賣相味道一般、飯有點黏。陳醋拍青瓜 $38 - 酸酸辣辣挺不錯招牌煎焗魚雲 $50 - 外皮煎香、內裡軟滑價錢以同區來說是合理，但服務員態度有進步空間。

返工日子鬆一鬆，今日去飲茶。我們四人點了午市四人餐，另加了兩個點心及兩杯薏米水。陳醋拍青瓜微辣，不錯的開胃小吃。蜜汁叉燒皇果然名不虛傳。外皮微燶，叉燒餣得入味，每一件都充滿蜜糖味。豉油皇海蝦粉絲煲 - 海蝦雖然唔算大隻，但夠新鮮。粉絲炒得乾身。山東桂魚餃 - 賣梖跟北京水餃差不多，桂魚不是濃味的魚，所以這點心口感較淡。招牌煎焗魚雲-焗得香口，食完一件又一件。這製作方法帶出了魚雲的鮮味。薏米水比較淡，如加入少許薑會更美味。

今日約咗個舊同事出嚟聚一聚，遇上下雨天，想搵間環境舒舒服服又坐得耐嘅酒樓飲下茶，就搵左呢間玉桃軒。上到去見到環境好舒服，水晶燈嘅設計好高貴，枱與枱之間唔太密，可以傾到計唔會被偷聽~仲有風景睇， 20樓高處望落去嘅銅鑼灣點心紙高湯芝士焗大花蝦伴生麵 $48 - 蝦算大隻，食落幾彈牙，個芝士味就似芝士焗龍蝦個味，中午如果一人一碟食大蝦都幾架勢~酸甜五柳脆雲吞 - 夠脆，酸酸甜甜好醒胃鮮腐竹三菇扎 - 份量都好大豉汁豆豉蒸鳳爪 - 中規中矩~碧綠帶子腸粉 - 每條腸粉都有好幾粒帶子，份量幾足鮮蝦菜苗餃 - 個皮幾彈牙，餡料夠新鮮楊枝凍軟糕 - 最後甜品作總結，唔算太甜，食完refresh 左總括黎講，呢度環境舒適，食物質素好，一大班人黎飲茶傾計既好地方~

近期食得太多西餐，心血來潮想試下飲茶。於是便和同事到銅鑼灣覓食，同事話假日飲茶都會去玉桃軒，喜歡這餐廳的環境和食物，難得銅鑼灣有此分店，決定去這酒樓午膳。酒樓環境舒適，我們獲安排在靠窗的位置就坐座。隔著落地大玻璃，銅鑼灣的景色一覽無遺。京式小籠包內裡豬肉餡味道香濃，咬開更有湯汁滲出，非常吸睛。黑松露帶子餃頂端可以見到一大片黑松露，賣相吸引。除左有帶子味道，更散發陣陣黑松露香。蟹籽蒸燒賣皇肉質嫩滑，整體味道也配合得恰到好處。瑤柱蛋黃珍珠雞一籠有三大件，拆開荷葉香薰撲鼻，食完已經飽左一半生煎菜肉包外層煎得香層，內裡鬆軟，口感一流蜜汁义燒腸腸粉很滑口，义燒味濃，不會因長時間蒸煮而喪失原有的味道。埋單每人百幾蚊，商業區來講價錢唔算貴，值得一試！