玉桃軒酒家 (利舞臺廣場)

營業中

休息中

快到冬至嘅時間，為咗配合屋企人，我哋今年又係搵咗間酒樓慶祝。呢間酒樓位於銅鑼灣旺區，地點非常易搵，最適合一家大細聚會！一踏入呢間酒樓，屋企人問係咪去錯咗婚宴場地，因為佢嘅裝修好新、好Grand、好喜慶。首先，我地點左個片皮鴨。見着職員拎住隻肥美嘅片皮鴨出嚟，已經流晒口水！佢嘅被非常香脆，鴨肉有油香得來又唔會太膩，$288食到我哋肚滿腸肥。其實加$68 ，仲可以將鴨身啲肉作二食，好抵。不過因為我哋想試吓其他餸，所以就冇加到啦。我哋另外叫咗半隻蒜香雞，雞皮同片皮鴨果皮一樣非常香脆，雞肉就非常嫩滑！呢碟瑤柱蛋白帶子炒飯，唔會太濃味，配餸食剛剛好！第一次上呢碟炒飯嘅時候，啲邊有啲污糟，所以同職員講，職員都好好態度地講左聲唔好意思，然後換過啲俾我哋。不過今晚太開心一家人掛住密密食，相都無影多幾張😂

之前喺OpenRice見到呢間酒樓片皮鴨做優惠價$178半隻，仲有啲晚市三寶優惠，三百幾蚊有雞有魚又有一個小菜，所以就同屋企人約咗黎食啦。但唔知係咪臨近冬至，呢兩個優惠都冇晒，一坐低，職員俾咗大概三份餐牌我哋，有一份應該主力做冬至，有好多唔同人份量嘅餐，但因為我同屋企人主要係想你食片皮鴨，所以都冇叫餐，只係散嗌D我哋想食嘅餸。主角片皮鴨，真係不得不提。之前喺其他地方都食過，但呢間嘅片皮鴨齋買相都已經覺得夠肥美，夠熱又夠香脆，值得encore ！另外仲叫咗一個感覺好有特色嘅南乳脆骨，如果比較鍾意乾身同香口嘅朋友都可以試吓嘅。呢個黑椒腰果牛柳粒，我家人好欣賞，個腰果好加分，令到成碟餸好香。

平時食西餐食得多又成日食日本菜今次轉下口味食返中餐上網搵咗搵見到呢間出名食片皮鴨平時都好少食咁就黎試吓啦呢期咁岩佢有優惠片皮鴨一食都係$178好似都幾抵一嚟到坐低就先點左一個先另外再揀下揀下見到有個大蝦粉絲煲都好似幾靚咁就先叫住兩個先先來嘅最期待嘅片皮鴨份量都還可以另外仲有醬同埋配菜當然唔少得就係有粉皮啦用皮夾着片皮鴨一齊食另外再加埋醬食落個鴨味都幾濃皮唔會算太肥再黎係大蝦粉絲煲蝦都好多隻下下面嘅粉絲都唔會好乾仲會吸收埋蝦嘅鮮味就咁食都好好味最後加多個甜品椰汁燉雪蛤椰汁唔會太膩食完仲好暖胃

今天有朋友從外地到香港公幹，所以我想帶朋友食香港的小菜，他的工作地點就在銅鑼灣，所以便選了利舞臺的玉桃軒酒家，地點容易找之外，酒家也坐得舒適，很適合敘舊一番！因為只有兩個人的關係，我們沒有點套餐。朋友從外地回來，一定要試試香港地道的菜式。天氣開始涼，就點了兩位的“臘腸北菇雞煲仔飯” ($120)，再點了香港出名的燒臘“金牌脆皮燒腩仔”($78)，還有外國人最喜歡的“鳳梨咕嚕肉”($98)。最後也點了“山根海皇豆腐煲”($98)。“金牌脆皮燒腩仔”的分量看似頗少，可是我們也差點食不完。燒腩仔的皮十分脆，朋友大贊好食！“鳳梨咕嚕肉”的肉炸得 香脆，酸甜的味道剛剛好，配料如鳳梨，青椒也很好食，朋友食個不停呢！“山根海皇豆腐煲”除了有山根和豆腐，還有蝦仁和帶子，很豐富！最後“臘腸北菇雞煲仔飯”是一個鍋上的，我們每人食了兩大碗，裡面還有雞肉，臘腸，是我入秋/冬的第一個煲仔飯呢！

呢排食多好多西餐，所以特別喜歡吃中餐。今日去咗一個環境比較就腳嘅銅鑼灣利舞台玉桃軒。因為屋企人住銅鑼灣，所以都好鍾意喺呢度食飯。呢度成日都有唔同嘅套餐可以俾我哋選擇，因為我哋都一家人食嘅關係所以揀咗個四人套餐，有條魚，湯，仲有兩個餸夠晒抵食。其實銅鑼灣都有好多選擇，不過呢度坐得比較闊落，唔會感覺到好多人好迫夾，我以屋企人都係喜歡喺度聚一聚而且價錢亦都相當抵食。粟米羹，粒粟米，魚肚都夠晒足料正😍海班，幾新鮮，師傅煮得幾好魚肉非常嫩滑。大蝦粉絲煲，大大隻海蝦😘😘😘燒鵝，烤得皮都係好香口。真係好滿足。

員工服務態度甚差 : 問取菜牌, 叫我出門口攞 ; 問有無套餐, 佢比張晚餐幾仟元的我, 大佬, 食午餐洗唔洗食dd 野 。十個人食，叫左三款餃子，各要兩籠再加其他點心及小菜，最後發現double 左數量，大家無留意下都開動了。其實落單個位人兄用下腦想想十條友點食到28碟野，問一問客人唔洗死。結賬時反映此事，仲比人話我地都食左啦......。其實中途朋友已發現個碟胡椒豬肚有破爛匙羹在食物中，正想通知職員之際已被收走 服務態度差勁，對食品安全又無留意，更有員工在休息室吸煙...總知，無下次

先是胡椒豬肚湯有破爛匙羹，繼而多左六籠不同的蒸胶，發現時大家都開動了一大半，再加上服務態度什差，我們不會再光顧，失望的一歺。奉勸大家人多落單後要小心。免得食完一肚氣！

一屋齊人食晚飯，最好去酒樓，叫餸食飯，坐得舒舒服服，又可慢慢嘆茶，好好聊一晚。我們點了菠蘿咕嚕肉，炸皮很薄，肉厚不韌，酸酸甜甜很開胃，襯白飯一流，食左2碗！例牌燒腩仔，燒腩仔熱辣辣，不扼秤，皮又脆卜卜，件件肥瘦均勻，沾上芥末醬，惹味無窮。四季豆炒牛肉，牛肉醃得入味嫩滑，拌炒四季豆，味道吸引。栗子炆雞煲，就入冬，開始凍，又是吃栗子的時節。栗子雞煲是必食之選，雞肉軟熟，栗子很香，與配料，薑蒜炒香，十分美味。

好耐無無去酒樓叫餸食飯，又好想食片皮鴨，就黎左玉桃軒打算試下，點知落完order先知無曬片皮鴨😭 唯有轉食其他，大家如果係為片皮鴨黎既話一定要早啲呀！因為幾乎枱枱都叫，8點左右就會無曬咖喇！順德銅盤蒸雞半隻 $148無片皮鴨，我地主菜就變左蒸雞🐥雞肉味重，肉質緊緻好嫩口。份量亦好多，只係蒸雞時間較長。帶子賽螃蟹 $98唔愛好海鮮既我，第一次食呢一款菜式，估唔到咁好食！本身仲諗緊會唔會好重蟹味，點知同我想像中係兩樣野！佢係濃濃既蛋白味但又唔會搶曬蟹既味，食落口有入口即溶既感覺！絕對係會翻食既野😋脆皮燒腩仔 $68可以享受到脆卜卜既脆皮又可以食到油而不膩既肉感，恰到好處。下次再黎定要食到我夢寐以求既片皮鴨呀！

今晚約咗個好耐冇見嘅舊同學出去食飯，咁耐冇見真係要搵個可以坐得舒服啲嘅地方，撞正SOGO大減價，我哋就揀左去銅鑼灣食。去shopping 前就梗係醫左個肚先啦，今晚去咗利舞台廣場20樓的玉桃軒酒家，環境好好，服務員又有禮貌。除咗小菜餐牌，仲有秋日滋潤湯水、廚師本月推介。廚師推介都幾吸引，望望下原來有鮑魚😱蠔皇原隻10頭鮑魚扣鵝掌半價每位$48，咁我哋就叫咗兩份😊鮑魚鵝掌都好入味，又琳。另外叫咗山根海皇豆腐煲，京蔥醬爆遼參，呢兩個餸都好香，送飯一流，呢餐真係超級飽。

上完堂, lunch break, 唔敢去太遠,就在附近的利舞臺飲茶, 在觀塘的玉桃軒飲過唔錯, 費事諗, 直接上酒樓。整體裝修較觀塘富麗堂皇得多，而且新淨亮麗, 水晶燈璀璨, 始終是旺區，有所分別午市商務套餐好抵食, 188 有例湯, 兩款點心, 小菜, 貴妃雞加一碟炒粉麵，真是超值, 只可惜點心冇得揀, 指定兩款都不是我們喜歡的， 唯有散叫四式點心 蝦餃、燒賣、素粉果、牛肉各2件， 蝦肉新鮮彈牙， 素粉果有雲耳、 沙葛、 芫茜、冬菇粒 、 紅蘿蔔絲, 餡料十足, 口感清新呢個湯超正, 藥材肉味濃, 淮山、杞子、龍眼肉、 黨參 、金華火腿粒等…共冶一爐, 黨參入哂味, 連湯渣都食清光豉椒斑腩炒麵<份量唔小, 斑腩新鮮厚切, 麵條入口脆卜卜, 配上鮮味芡汁，好好食呀牙籤擺放得好整齊少有結完帳, 又要趕下午堂課了

今次揀選玉桃軒一嘗中菜味道，入座後，觀望四周，環境舒適，餐具乾淨。原本想一試片皮鴨，但因為朋友下班太晚，留待下次才試。小食點了金牌脆皮燒腩仔，味香外脆，排列得井井有條，肉和脂肪一層一層，芥辣亦比平時食開的不一樣，是更好的芥辣！之後，點了帶子賽螃蟹，性價比高，內容豐富，每一口都吃到蟹肉和帶子，沾一點陳醋更香口！最後點了明德銅盆蒸雞半隻，見到有一粒粒紅棗，感覺很合適秋冬季節食用，雞件吸收了紅棗的味道，帶出更多層次，比一般常見的雲耳蒸雞更上一層樓。吃飽之後附近仍有很多店舖未關門，交通方便，地點亦容易尋找，下次可以帶埋家人來吃個團年飯！

12月比較多朋友喺外國返嚟香港渡假，佢哋都好想食啲比較有品質嘅中餐，因為佢哋成日都話外國嘅餐館全部都唔好食。所以今次我我哋揀咗間餐廳地點比較近佢酒店，銅鑼灣嘅玉桃軒。呢度個環境坐得都幾舒服唔會話太過嘈吵。呢度有好多都幾抵食嘅套餐俾我哋去揀，叫咗個四人套餐，有湯又有幾個餸有條魚，👍🏻😍😍唔使我哋成日都要諗食乜好。因為嗰日龍蝦做特價我哋叫咗，隻龍蝦再加伊面底😍呢個龍蝦嘅伊面底，芝士味都比較濃郁，喜歡芝士我梗係鍾意。龍蝦都夠晒新鮮同埋好大隻。栗子炆雞煲，大大粒嘅栗子，滑滑嘅雞。夠晒時令。不過如果再多一點大蔥嘅話我就更鍾意啦。味道亦都係啱啱好唔會話太過鹹。粟米魚肚羹， 朋友唔係好鍾意食老火湯叫咗呢個,好味👍🏻👍🏻每一口都有魚肚，夠晒份量。燒鵝，個皮仲係香脆㗎。😘最緊要係仲有髀位，正，而且亦都唔會帶好多肥肉。套餐嘅海斑魚，比我想像中好大條真係好抵食，仲係好新鮮🤗🤗🤗，豉油調味都好

玉桃軒一向飲茶都算高質，既然銅鑼灣都有咁就更加要去了🤤 仲有靚景先叫飲茶唔少得既點心，玉桃晶瑩蝦餃皇 ($36) 名符其實皮薄餡靚👍🏻 蝦大大隻夠爽口，個皮薄得黎又夠煙韌醬汁豆豉蒸鳳爪 ($19) 鳳爪蒸得好冧又好入味懷舊千層糕 ($28) 呢個點心比岀面既更加好食。咸蛋同奶皇比例係比麵粉更加多，食到好香蛋黃奶黃味蜂巢荔蓉芋角 ($33) 對於芋頭控黎講，呢個點心係唔少得🤤 好泥好香既芋蓉真係好好食花彫醉嫩雞 ($50) 酒味都算重，雞肉嫩滑，份量都ok, 唔會話得幾舊日本南瓜豆沙煎餅 ($28) 南瓜味唔算重，個皮食落就煙煙韌韌，係紅豆蓉有少少過甜，食得多會好漏山水豆腐花 ($19) 係太古玉桃軒食過之後一直念念不忘，好重豆味好滑😍 呢度味道依舊，但口感好似冇太古既豆腐花咁滑。

叫左6 樣 最后食左 4 樣蒸鮮魷丶鮮竹卷丶蘿蔔糕丶魚蛋豬皮蘿蔔中規中矩。然后，等左好奈迎來一隻冰涷嘅咸肉粽 然後腸粉又漏單...... 以前成日黎，唔知幾時先有下次。今日真係好失望😞Total disappointment. Food was cold or otherwise missed. Once a regular of this restaurant but I don’t know if I will come again any soon.