玉桃軒酒家 (利舞臺廣場)

營業中

休息中

有位朋友的office最近搬到銅鑼灣，近近地就相約她在這裡吃午餐飲茶。我們點了懷舊高湯罐湯餃(大) - 侍應一端上時已聞到陣陣藥膳香味，餃子皮薄饀靚，湯味香濃，藥膳味道很有健康養生感覺👍香煎南瓜芋頭餅(大) - 很特別又少有的點心，口感豐富，有層次感及質感，味道都非常好，朋友也讚不絕口👍羅漢齋腸粉(大) - 饀料豐富味美古法馬拉糕(小) - 甜度剛好，糕的質感軟綿綿得來很厚實，不會有吃到一陣風的感覺百花釀魚肚(大) - 魚肚很靚又入味👍芥蘭苗 $39 - 新鮮幼嫩這裡環境舒適，食物有質素，不錯的飲茶傾計好地方。

農曆年假剛過去，老友便相約晚上聚餐，急不及待話要請我吃飯，皆因她升職加薪，這真是新一年的喜訊，我也替她高興。由她決定到公司附近利舞臺廣場內的玉桃軒酒家，幸好她早已訂座，晚上七時到達，客人已有不少。酒家仍推介一些賀年美食和晚市小菜，我們剛坐下便奉上一小碟醒胃前菜。皆因大家都打算不吃紅肉，於是老友決定先要了原隻二頭鮑魚，再來兩個小菜品嚐。原隻二頭鮑魚：鮑魚烹調至腍身，以刀义切片，沾上美味芡汁，肉質嫩滑彈牙，頓時大家都暫不説話，只因要細嚼品嚐美食。XO醬鮮菌炒花姿，份量不少，以XO醬炒雜菌帶出香味，花姿片鮮嫰爽口。豉油皇海蝦粉絲煲，奉上時香氣撲鼻，海蝦味香濃，與粉絲烹調至乾身，非常入味。

平日晚市人流唔多，環境寬敞，唔洗等又坐得舒服，不過啲staff態度同效率有頗大改善空間。叫左二人餐，先黎「兩小碟」。燒肉味道一般，因為係冷盤而且燒得唔算好好，皮唔脆，冇化皮效果。相反，叉燒就好味好多，厚切、肥瘦均勻、醬汁入味，咬落非常juicy，仲有蠔油豆伴碟兩小煲砂鍋翅一人一煲，唔洗「不」黎「不」去保持到溫度啲翅量都幾多，成「住」成「住」好似麵咁食，爽口得黎又夠骨膠原湯羹入面嘅金華火腿咸咸香香，食到lam lam利帶子好鮮甜，咬落完全冇渣燒虎蝦係全個餐最好味果碟！濃郁嘅鮮蝦肉離晒殼好易食，醬汁調得極好味，蝦頭仲啲膏流出黎添！而且蝦尾脆到可以咬爛、吞埋！ 未食過咁多瑤柱嘅瑤柱蛋白炒飯，分量兩個人食剛剛好，溫度足，略嫌比較油、唔夠乾爽甜品紅豆沙用嘅係靚紅豆，粒粒外皮原好，但內裡全融為沙，糖水不太甜

假日的正午定要飲飽食醉，方能有體力🧗🏻‍♂️登山涉水😂。#玉桃軒 位於#銅鑼灣 🏙鬧市利舞臺20樓，除能夠品嚐用懷舊手法製作🚂的精美點心之外，還能居高臨下欣賞香港鬧市景致。《金銀蒜蓉蒸🦑鮮魷》 🍚 推薦🥃🍩在玉桃軒這裡不但能找到香港鮮有的點心，當中的更是✨高水準表現。蒸蒜蓉鮮魷只是其中一項，今個兒定要大飽口福。魷魚爽口彈牙👨🏻‍🍳充滿嚼勁，鮮味無比💐，魷魚肉還依附著外衣的情況下也思毫沒有影響咬感，可見食材的新鮮度。蒜蓉🐲的惹味恰到好處，跟魷魚肉的鮮味互相輝影，兩者皆不會喧賓奪主⚖️。《懷舊千層糕》 🍷推薦🍭🥣千層糕乃香港最難得一見的懷舊點心🍲之一，除結束營業的#蓮香樓 🏘外，全港就只剩餘玉桃軒等數間酒樓能夠細味。點心師傅需用奶皇🥚及鹹蛋黃🍳製成的夾層跟白色的煙韌包包逐層製作，方能形成層次豐富💥及美味誘惑的多重味覺享受。由端上餐桌開始，香氣、美味、嚼勁盡皆逐一呈現。《陳皮火鴨絲湯米》 🍨 推薦 🍌🍖這味菜餚的神粹以湯而為之。運用陳皮製作的湯底集老壇🥙、柴香🎋、惹味於一身。本是主角的湯底用低調的味道把性微甘的腥苦味提升成平時鮮有品味到的惹人🦆羶味，誘人又不腥，再配上爽口的米粉及雪菜肉絲🐟提鮮，

今晚和朋友飯局，朋友話之前同屋企人去過玉桃軒做冬，話玉桃軒嘅花膠燉湯非常正斗，片皮鴨皮脆甘香，有睇過我食評都知道我幾喜歡試鴨的，於是相約於玉桃軒夜宴。不知是否太受歡迎的原故，去到花膠湯和片皮鴨均告售罄，唯有帶著失落的心情，翻開菜譜。未幾，朋友眼前一亮，無蠔不歡的她當即點了發財好市柱甫和薑蔥焗美國蠔桶。薑蔥焗美國蠔桶首先上枱。我和朋友都引不住讚嘆了一番。想不到蠔隻如此之大，差不多有一隻手掌這麼大，因為我主要吃生蠔，烤蠔，蠔餅，蠔仔粥。從未吃過這麼肥美厚肉的蠔，感到十分之驚喜。蠔肉鮮甜，而筅汁亦毫不輸蝕，雖然是鹹了點，但送飯卻剛剛好，非常惹味。我朋友就認為這裏的焗蠔非常鬆軟，比其他食肆的更為香滑而發財好市柱甫是新年必備的年菜，內裏有髮菜，蠔鼓，瑤柱，豬脷和苗采，值得一讚的是蠔鼓。一般蠔鼓就比較實，可能是發水不夠的原故。而這碟蠔鼓就比較大隻，而囗感則比較鬆軟，有些鮮蠔的感覺。但整體在說味道較一般同類型菜式味道較淡。但料足，很有雍容華貴的感覺。兩個菜較為單調，我和朋友再點了碟如意百合桂花蚌，是芹菜百合炒桂花蚌，有橙色類似蚌類的，這道菜很清爽，百合鮮甜，作為主角的蚌醮著蝦醬或海鮮醬非常味美。想要

Lunch time 約左朋友吃飯，想坐得舒服又想傾耐啲計，最好就係去飲茶啦～利舞台呢到有好多中式酒樓選擇，今日我地去左玉桃軒～店內坐位寬敞，環境不錯。燒鵝瀨粉好耐冇食，燒鵝做得幾好，肉嫩多汁，不過可以有多兩件就好啲啦～粟米花枝餅，不過不失，都幾爽口彈牙。蝦餃大大粒，餡料十分鮮味彈牙！馬拉糕係我飲茶的最愛之一，送黎的時候仲係熱到辣手，質地十分鬆軟，味道又唔會太甜，好吃！南乳齋煲，份量好大好抵食，不過略賺太多油。灌湯餃好鮮味，屬水準之作～

平時都喜歡出外吃中菜，皆因中菜的烹調手法五花百門，真的食極唔厭。今晚我就和男朋友去到玉桃軒酒家吃晚飯。我們分別點了南乳醬金脆骨，XO醬鮮菌炒花枝和瑶柱帶子蛋白炒飯。南乳醬金脆骨炸得很乾身。排骨吸收了南乳的精華，炸完之後，呈現鮮艷的橙紅色，十分吸睛。我們都急不及待地夾起來吃，只覺入口脆身，有咬口，而且啖啖肉，味道鹹香，送飯一流。XO醬鮮菌炒花枝，份量不少，材料有秀珍菇，雞脾菇和花枝。纖維豐富，是一道健康小菜。菇類與蒜蓉、辣椒、XO醬同炒，帶出了食材的鮮香美味。秀珍菇入口濕潤微辣，雞脾菇則爽口入味，花枝彈牙帶鮮味，各有特色。瑤柱蛋白炒飯，作為粵菜的經典，配料簡單卻相當美味，而且營養豐富。乾瑤柱絲和鮮帶子互相輝映、帶出鮮味；芥蘭甘香、口感爽脆；蛋白炒飯粒粒分明、乾濕適中。整碟炒飯鑊氣十足之餘亦不油不膩。最後，我們都吃得很飽足！

昨晚一行15人訂咗20:00利舞臺玉桃軒食團年飯，放工吾塞車，大约19:30 我一個人已到玉桃軒，諗住在外面坐住等，等埋其他親友到就時間啱啱1予我，可以入去坐住等。终於齊人，叫咗個新春團年12位宴，侍應恐怕件數吾夠分，细心問需否加件數，因為有幾位小朋友所以毋需加件數，最後份量大，賣相佳，大人亦食到飽飽，仲要包走4條錦鯉椰汁年糕回家繼續享用。整體而言，雖然十五人，但枱大座位舒適，而食物碟頭份量亦足夠，大人滿足

平時晚餐喜歡吃中菜，今晚喺銅鑼灣行完街，便去一間位於利舞臺上面既酒家！我們一行兩人嗌咗三個小菜加兩碗白飯，係好豐富滿足既一餐，而且環境都很寛倘乾淨~醬爆珍菌蝦煲醬汁帶微辣但野味，什菇有秀珍菇、蘑菇和雞肶菇，加上鮮蝦球新鮮爽囗，好餸飯。鎮江香醋排骨煲排骨煲用蒜片和洋蔥爆香，配上他們秘製的鎮江醋汁，酸甜醒胃，一定要點白飯才完美，份量可以3-4人用。瑤柱什菜粉絲煲粉絲煲配以上湯，選料豐富，有白菜、西蘭花、草蘑、魷魚、瑶柱、蝦米和粉絲。味道清淡但又帶點鮮味，這個菜煲可以平衡另外兩個餸的油腻。

早幾天約左班舊同事去左銅鑼灣利舞臺間玉桃軒飲茶，原來同其他開工時間有的唔同。想飲晏少少呢度就岩曬佢開11:00am，正好dayoff 個朋友可以訓晏少少就出來。 位於利舞臺廣場上面10樓，環境唔太大，但勝左環境真係坐得好舒服，感覺唔會太嘈。 來到一陣已經有好多客人已經在門口等待開門飲茶喇 蜜味叉燒滑腸粉 佢外面既皮做得岩岩好，唔厚身好滑同好薄入面叉燒好夠味。 豆豉蒸鳳爪 鳳爪都是我地最受歡迎既點心，它帶有濃郁的醬汁，吸收曬去鳳爪腳中。 玉桃晶瑩蝦餃皇(特) 雖然一般叫碟蝦餃都係貴，但又真係好食必點，又能保持皮既彈性內餡口感是比較紮實既蝦仁。 春卷 炸春卷一定要熱食仲要有0急汁熱辣辣脆皮野味，入面都好夠餡料架。 鮮竹陳皮牛肉球 吃起來口感軟淋不韌，肉質感非常好有彈性，入面有少少馬蹄粒爽口。 棉花雞 有老人家就最岩食而且為棉花般魚肚吸盡了雞汁、雞肉一黠骨都沒全部都是又滑既肉。 鬆脆蛋撻仔 呢個真係比較鬆皮厚身同埋皮多個蛋，唔太夠熱少少希望 京式小籠包 皮唔算好薄但都可以肉嫩多汁的小籠包酒樓都做得唔錯，有板有眼 咸水角 最愛煎炸食物其中之一，呢個去到邊都

來到銅鑼灣不知道吃甚麼，正想找燒味店吃叉燒飯之際，友人提議去飲茶。吃過塘的玉桃軒，叉燒質素不俗，價錢不太貴，正好滿足了我們各自的要求。肉碎炒四季豆幾夠味，不會太鹹，剛剛好。四季豆還有少少爽。魚腐魚湯米線米白色的魚湯未算鮮甜，但幾清，比一般味精湯清，吃完不會口渴。魚腐沒有想像中的空氣感，還好。向來都不喜歡米線滑溜溜的口感，未咬便跣落喉嚨，很奇怪，不明白為甚麼大眾都喜歡吃米線，中了譚仔的魔咒？幸好它不稔，在它滑走前，有少少彈彈的咬口。叉燒例牌的份量兩個人吃剛好。肉質有咬口的同時不嚡不韌，帶少少肥，又有燶邊。旁邊的豆蜜味頗重，偏甜，但叉燒的蜜味恰到好處。都幾滿意。蝦餃點心最後才上。蝦餃幾大隻，蝦仁細細粒，幾爽。每人百餘元去飲個茶，傾下計，都不錯。以酒樓來說，這裡的環境算是光猛，乾淨。

嗰日同朋友係銅鑼灣，所以喺附近行吓搵吓搵地方食飯。大家最後決定去位於利舞臺廣場玉桃軒酒家。大約七點去到，已經有好多人。食物選擇有好多，另人花多眼亂。滬江素鵝，外皮金黃香脆，裡面脹鼓鼓塞滿饀料，甜甜地，風味獨特。金牌脆皮燒腩仔，吃落皮似薄冰，油脂紋路層次分明，肉質鬆化，肥瘦均勻，加上芥末醬，更加美味。南乳醬金脆骨，香脆乾身，啖落肉嫩多汁，南乳醬十分入味。三色蛋泡時菜，大量三色蛋，加上菜鮮嫩翠綠，湯非常鮮甜。

本人媽媽60大壽原訂下2019年3月2日的四圍壽宴，酒樓經理在電話內口頭承諾幫我預留一星期，給我時間落去落訂金預期設宴，兩天後洒樓經理致電給我，直接回覆:你的期已經給了別的客人了⋯就此一句叫我選擇第二天⋯天呀⋯之前的口頭承諾沒有⋯絕對沒有說先到先得的條款⋯誠信完全破產⋯令我10分失望⋯完全給他打亂晒我給媽媽慶祝的時間表,好希望管理層能夠看到這段說話，錢是永遠搵唔晒的⋯這樣做生意⋯以後都唔會再幫襯

早排同朋友想食中菜，於是黎左玉桃軒。蒜茸豆苗$108豆苗呢排算係當造，加埋蒜茸炒夠晒入味。味道岩岩好，唔會太咸，菜亦炒得幾好唔會太油。蜜味脆蛋散$29都好香，有蜜糖，炸得幾香口。半價Boston 龍蝦$188近期酒樓都有唔少promotion 吸引食客，估唔到有半價Boston 龍蝦，真係十分抵食呢。原價要近4百，衣加半價就食到一斤龍蝦，加個e 面底都係$40。可以揀芝士或者上湯。我地揀左芝士，十分芝味，加埋龍蝦肉都幾新鮮，個芝士汁整得唔錯，份量都足夠。

舊同學聚會約了在利舞臺廣場的玉桃軒飲茶，這𥚃的點心做得不錯。鳳爪啲汁不太稀而且味道好好。千層糕鬆化又不太甜。馬拉糕賣相不錯，尚算滿意。菠蘿叉燒包嗰個菠蘿皮脆、包身則軟熟，裏面嘅叉燒份量亦都足夠，最重要d肉係腍同埋冇肥肉。我們分別叫了蒸蝦米腸粉及煎蝦米腸粉，後者略勝前者，煎得金黃又不會太硬，好味。錦鹵炸雲吞有點過燶，錦鹵汁味道較得不錯，可惜d料不太新鮮。煎鮮蝦腐皮卷外脆鬆化，饀料彈牙。炸雞翼有點過火，肉質很實無味。芋角鬆化不油膩。