玉桃軒酒家 (利舞臺廣場)

營業中

休息中

今晚約左朋友去左銅鑼灣食晚飯，友人一向愛吃中菜，經過了「玉桃軒」就決定去食！2人我地叫左3道菜，包括有「北京片皮鴨」，「海蝦粉絲煲」同「五香牛展」！講左北京片皮鴨先，呢碟係我最期待，果然一上菜就震驚了我，想不到現時做推廣的這個菜竟然有這麼大的份，先單試一下鴨件，鴨的外皮香脆，肉是薄的，味道不錯，食得出是師傅有多年的功力，然後再用正宗的食法試一試虛實，包鴨件的外皮是有混合芝麻，是坊間比較小見的做法，再加上香蔥及青瓜，一食後先是芝麻的香味，然後再到鴨件的香脆及醬的味道，搭配的很好，以價錢計，性價比很高，實屬佳作。五香牛展屬於餐前小食，所以份量不多，味道不錯，與街外的分別不大，幾開胃，亦沒有太多的特別的地方，是正常之作。最後的海蝦粉絲煲，上菜後亦是令我震驚，因為$118的價錢竟有8隻蝦，遠比我想像得多，而且食得出同時用上生抽及老抽調味，所入十分入味，再加上粉絲吸光了當中的精華，好味到不能形容，是這餐的驚喜之作。

今日同老婆過左去銅鑼灣，揀左近近地既玉桃軒，老婆話呢間幾好食，去到酒樓都已經兩點的了，不過侍應俾我地入去坐低先，之後睇下有咩食先。【潮蓮燒鵝瀨】+【蜜汁叉燒湯瀨】燒鵝皮真的頗脆，且肉質有口感，以香料調味，把鵝味帶出，正，叉燒選用半肥瘦梅頭肉，肥瘦部份清晰可見，外皮食到麥芽香味。瘦叉燒就算食落口都唔會覺得食柴感覺！肉帶微熱，絕對有驚喜，到湯底清清地，個瀨粉都好滑。【玉桃晶瑩蝦餃皇】好大隻，蝦餃內裡D蝦都好有彈性，個皮都唔會過厚。【雞絲滑粉卷】雞絲滑粉卷已經唔係道道地方都有得食喇，味道不錯，但略嫌皮有點厚，如果薄一點就更正！【擂沙煎堆仔】點了一個流沙甜點，一個是擂沙煎堆，真的有流心效果，而且皮都算薄，一咬就咬到裡面，芝麻都很香濃，不算太甜，不容易吃膩。

今日LC會員開倉日,去左銅鑼灣撲了半天.到了夜晚就去左搵食慰勞下自己.時代廣場去得多,今次去左利舞台廣場既玉桃軒試下. 去到見到佢既片皮鴨兩食做推廣,就叫左份兩食,一鴨兩味,另外仲叫左個胡椒豬肚煲.京式片皮鴨竟然比足原隻12人份量,絕不欺場.片皮鴨內脆外軟,香口之餘只有少少油.加埋配菜絕對有北京的味道.薑蔥炆鴨件爆得很好,掌握到油既份量,剛剛無多又無少,再加上啖啖肉既鴨件,配搭得非常之好.胡椒豬肚煲豬肚爽滑有口感之餘又不硬,洗得乾淨無內臟味.胡椒香口之餘又不太辣,很不錯.飽飽滿足的一餐!

放工之後同幾個FD去左公司附近玉桃軒食飯, 我地幾個叫左一個四人餐同半隻龍蝦, 呢個四人餐係響螺海鮮餐$668, 聽個名就知必定有響螺同海鮮食啦, 哈哈…..先黎個帶子龍皇羹濕濕個口先, 哈哈……每一啖都有帶子肉架, 再加埋豆腐令到口感更滑.嘩…….D響螺一上枱即刻心心眼呀, 超大隻LOW, 一人一隻唔使爭, 哈哈……..剛剛焗起超熱呀, 將洋蔥, 響螺肉等材料切碎, 釀入響螺殼到, 飽飽滿滿的, 再配上了忌廉汁, 味道超夾.跟住黎個西芹蚌片蝦球, 蚌片鮮甜, 仲好大隻TIM, 蝦球更爽口.話明海鮮, 又點少得魚呢, 呢條清蒸海石斑真係想叫碗白飯呀, 哈哈….肉質滑, 無過火, 而且仲啖啖肉.不過好可借無哂脆皮雞, 變左白切雞, 但都好好食, 好有雞味, 肉質都夠滑, 無乜肥膏.呀….仲有我地叫左波士龍蝦$148,+$40伊麵底, 有成隻龍蝦架, D肉都唔少, 大廚也很用心先將殼卜爛, 方便客人食, 再加埋伊麵簡直係絕配呀.最後仲有甜品TIM 呀, 咁就劃上了圓滿的句號.

行完街幾個朋友無端端話想食中餐, 哈哈….係TIMES隔離見到有間酒家有D餐好似好抵食咁, 於是我地就走入去, 入面環境都幾寬敞, 我地坐得都幾舒服架, 跟住就睇下餐牌除左個個餐仲有咩好野食先, 嘩…不過實在太多選擇啦, 有選擇困難証既我地都係叫返開頭睇到個個響螺海鮮餐先, 可供四位用, 啱哂我地.首先黎左個湯先, 呢個龍皇羹好足料, 每一啖都食到帶子TIM AR, 好鬼正.飲完湯再黎個重頭戲焗響螺, 表面金黃, 香濃既芝士, 脆卜卜, 裹面也很豐富, 響螺配上了洋蔥粒&忌廉白汁, 咸咸香香, 即刻開胃起來.之後呢個西芹蚌片炒蝦球, 海鮮非常新鮮, 爽口彈牙, 而且仲好大隻TIM.跟住仲有雞食, 哈哈…..肉質嫩滑, 又不太油膩, 份量都有半隻架.仲未完架, 哈哈….仲有魚食, 蒸得剛剛好, 肉質夠哂滑, 而且都唔細條.最後仲有糖水吃, 好滋潤, 呢個價錢, 每人都係$1XX 就有咁豐富既野食, 抵食!!

今日同親戚飲早茶，揀左近近地既玉桃軒，佢地話呢間好食我地10點幾到，原來間酒樓係開11點的不過侍應俾我地入去坐低先玉桃晶瑩蝦餃皇係點心紙見到2款蝦餃，一問之下，原來玉桃晶瑩蝦餃既蝦隻係比教大隻的正正合我心意芋絲鮮蝦春卷春卷係新鮮炸架放左好一陣子都仲好脆不過我唔太鍾意中間既餡，開頭以為芋絲係打邊爐果隻添🙈醬汁豆豉蒸鳳爪奶皇流沙包奶黃餡好金黃色呀每次去酒樓飲茶都必會叫的真係會流出黎架如果啲奶黃餡再多少少會更好（貪心）羅漢齋腸粉最近鍾意食素食中間既餡都好豐富，不過腸粉皮就厚左啲肉燥干扁四季豆呢個炒得好入味呀欖菜又唔會過咸呂宋香芒布甸目測已經見到啲新鮮芒果數量都唔少小朋友係咁搶住要食😂😂呢個布甸好足料呀

跟家人來晚飯，就是為了這裏的邪惡名物片皮鴨！室內裝修簇新，開業時間應該不算太長，雖未算雍容大氣，但總算光猛舒適。這裏的菜價在酒樓而言屬中等，特價菜品更比街坊酒樓出品便宜多了。目標片皮鴨送到面前已經香氣四溢，皮脹身香脆，肉汁豐富，蒸春卷皮有接近20塊之多，配料甚足，能裹上3份之2的鴨肉。顧不了鴨皮帶有厚厚脂肪，吃了十多片！二食的薑蔥炆鴨亦是水準之作，鴨的肉香跟蔥薑味道溶為一體，有肉汁不乾嚡。义燒亦是這裏名物，首次光顧豈能不吃，果然肉汁多皮脆帶燶邊，蜜味甜美。鼎湖上素有着多項茹菌，蠔汁加上湯勾出的芡汁濃香，配素一流，可惜這道素菜沒有用上竹笙，有點美中不足。要食好啲，其實許多時候亦要食肥啲啲呢！

是日午餐想飲茶，又怕人多所以去了銅鑼灣這間在廿十幾樓的我們很早就到，很快便入座了可惜今天下雨，無法把握機會看風景這𥚃點心款式還好基本的全都齊備以往去酒樓點菜，分量都有點小所以一口氣怒點了一堆吃的流沙包很好吃熱騰騰的包，中間流心質感好不會太液態，也不會太硬炒腸粉，鑊氣十足夠入味，不用額外點醬料也得茄子做得精緻木魚跟醬汁使茄子有種日式風味茄子中間也夾有魚肉魚肉挑骨挑得好不感到腥味，也沒有碰到一根骨我們還有點了其他點心燒賣，雞扎，灌湯餃等等都是料多，品質高我覺得食物質素平均不錯職員態度良好是日2人吃了250左右，價錢中等吃點心還是一群人去比較化算

樓上酒樓幾好坐，午市多人，晚飯人不是太多容易找位，幾鐘意來這裡。裝修不錯。通常想傾計，靜靜地會來這裡。菜式也多元化，差不多次次食新嘢。不過片皮鴨是招牌的，所以大多數都會叫。他們會即場表演片皮，也幾好看的。 他們有兩食的，但我們沒有叫。只是叫了這個。味道適中，燒鴨很脆，又香又肥，偶然食一次是很不錯的。雖說片了皮，也有厚厚的肉。粉皮用來包燒鴨的，比較乾身，很好，有些店做得太濕，還有厚薄也剛剛好。我們二人吃了也已半飽。再叫了一客花膠湯，很滋補，落足料，很好味。 看有幾多湯料。 食了片皮鴨，太多肉食，要吃個素才像樣。這個竹笙扒上素清淡些，剛剛好。很足料，每人都只是200幾元。

放暑假帶埋媽媽妹妹姨甥仔一齊去探班，妹妹在銅鑼灣工作，銅鑼灣食午餐地點非常之難找，最後決定去玉桃軒飲茶喺地鐵站時代廣場出口行過去玉桃軒又幾方便喎！酒樓地方寬堂，枱椅放置都不會太迫，飲茶最怕枱貼枱，聽到隔離枱説話內容美味叉燒香炸春捲牛肉飯，雪菜火鴨絲炆米姨甥仔要食飯，所以叫個牛肉飯俾佢食，估唔到啲牛肉咁有牛肉味妹妹至愛生炒排骨西芹花枝炒雞柳黑松露帶子餃，淡淡黒松露味配上帶子鮮甜，的確美味蟹子燒賣春風得意腸，腸粉皮夠滑溜，加上博博趣的餡料，口感一流仲有我最愛嘅馬拉糕

今日出銅鑼灣行完街再同屋企人食飯，由於屋企人都比較喜歡吃中菜，我地去左利舞臺的玉桃軒。玉桃軒其實之前已經有食過，除左銅鑼灣外，太古康怡同觀塘鱷魚恤中心都有分店。呢度分別有好多唔同的套餐，我地只有三個人，食量唔多，就點左好抵食的晚膳三寶$358。包括有一品蒜香雞（半隻），清蒸沙巴班，仲可以揀一款指定的自選小菜，可選的小菜有十多款，我們選了魚香茄子魚腐煲。老火湯$128由於平時係屋企自己都冇時間煲湯飲，所以每次吃中菜也會點一壺老火湯來滋補一下，今天的老火湯是五指毛桃甘笋薏米煲豬踭湯，此湯有健脾化濕的功效，岩曬夏天飲～湯料有大量的紅籮白和豬踭，材料十分豐富。湯頭喝起來也是超鮮甜的，也很濃厚，媽媽煲的也不及這個好喝，不知道為什麼喝起來還好像有一點點的椰香味，哈哈，反正就是超好喝，每人也喝了差不多三至四碗。蒜香雞金黃色的蒜香雞，外表上跟炸子雞差不多！要炸至雞皮脆薄，其實也很考功夫的喔～蒜香雞炸得皮脆肉滑，而且雞皮下沒有太多的油脂，再沾上黑醬油吃，香味無窮。清蒸海石斑呢個餐真係好扺食，仲包埋一條甘大的魚，仲要係石斑～蒸魚的火喉控制得剛剛好，好滑而且好新鮮，夠大條啖啖肉～魚香茄子魚腐煲有時候單吃魚香

Overrated restaurant. Food took forever to come and when they finally came, the food looked so sad. Size of the dim sum is very small. Food is tasteless, very average. And they forgot to bring a lot of the dishes. Made us waited for ages. 三個字，好普通。唔建議。save your money for somewhere better.

呢次係第一次黎到玉桃軒銅鑼灣分店食dim sum, 呢到選擇都幾多，環境都唔錯，夠大又坐得舒服，午市時段唔係太肚餓叫左幾碟點心飲下茶抖下咁。上湯小籠包真係不得不叫，一咬開湯汁就流出了，肉餡料加埋上湯，一咬開爆晒汁，十分滋味呢。魚湯鮮竹卷魚湯都幾鮮味，加埋鮮竹卷入面有蝦肉，蔬菜，羅漢jai ，一咬開魚湯味浸出，幾鮮味呢。蒸馬拉糕，馬拉糕都幾甜，口感都幾好，十分鬆軟，不過再鬆軟同大舊d, 但糖度同口感都唔錯。

新裝修過約同事一起飲茶。裝修好新，很典雅，坐得舒服，服務很好，有侍應主動詢問，差不多一舉手就有人看到。火鴨絲炆米份量非常多，我們一值裝裝了好多碗還是有剩，特價粉麵還有這種份量真得超值。春風得意腸粉每次來必點，腸粉包住春卷，春卷非常脆，一包好就立刻上菜，外軟內脆，口感豐富有趣。點了兩種流沙點心，一個是奶皇包，另一個是擂沙煎堆，真的有流心效果，而且皮很薄，一咬就咬到裡面，芝麻和奶皇都很香濃，不算太甜，不容易吃膩。

今日雖然落雨，但Happy Friday, 約左班同事一齊飲茶，去左位於銅鑼灣利舞臺20樓的玉桃軒。玉桃軒的門面同內在裝潢都好新，光線充足，今日的食客唔算太多，所以好快就有位啦~食物種頪好多，除左一般點心，仲有好多中午套餐，點下點下我地都點左成12樣野 上菜的速度好快，先上左雪菜火鴨絲窩米同三絲炒瀨粉，兩碟都大碟，我地每人食左3碗都仲有，雪菜火鴨絲窩米好惹味，雪菜同火鴨絲都夠多又唔會太重味精。三絲炒瀨粉一上枱已經聞到好香，食落果然係好重鑊氣，夠哂火喉~之後一籠接一籠的點心送到，流沙包奶黃夠流沙，又夠香味，味道唔錯，但小心辣到手。燒賣同蝦餃都大大粒，好足料。菠蘿叉燒餐包咬開人邊都見到好多叉燒，菠蘿皮都好鬆化。擂沙煎堆仔的芝麻味好香好滑，好懷舊。仲有春風得意腸都好有特色，外滑內脆~總括黎講點心精緻、賣相同味道都好好~5個人食12碟真係食到好飽。而價錢都唔算貴。依銅鑼灣飲茶依個價錢算抵啦~