玉桃軒酒家 (利舞臺廣場)

營業中

休息中

小弟飲茶喜歡幫襯集團式大牌子酒家，大牌子酒家勝在食物夠水準，質素穩定，交通方便就腳。玉桃軒就實至名歸，玉桃軒幾個分店如康怡廣場、觀塘鱷魚恤中心和利舞台分店我都是常客。各店都設計高雅，營造寬敞舒適的用餐環境，適合各類大小壽宴喜慶，商務應酬或家庭聚會，更是城中舉行中、西婚宴的理想場地。今天趁復活節假期，忙裡偷閒，走到利舞台20樓玉桃軒嘆茶。利舞台玉桃軒開11點，沒有晨早茶供應。午市有多款精美點心，還有多款優惠點心、優惠主食、大廚推介、套餐和湯餐選擇。利舞台分店和其他玉桃軒分店一脈相承，裝飾高雅，地方寬敞，華麗大堂，環境舒適。坐下先看點心紙，食品選擇豐富，隨意就叫了廚師推介鳳爪排骨蒸飯、招牌精選椒鹽魷魚鬚、紅紅火火沙律明蝦角、蒸蒸日上懷舊千層糕和甜甜蜜蜜宮廷薑汁糕。鳳爪排骨蒸飯用瓦盅上，排骨肥瘦適中，肉質嫩滑，鳳爪細細隻，醃製入味，飯粒晶瑩剔透，加上用瓦盅蒸煮，更覺飯香撲鼻。招牌精選椒鹽魷魚鬚好夠鑊氣，咬落彈牙帶脆，粉漿超薄，非常香口好味。紅紅火火沙律明蝦角看似炸得有點過火，但勝在熱辣辣，食落外皮依然鬆脆，餡料蝦肉鮮甜爽口，再配沙律醬，十分惹味。再來兩大甜甜蜜蜜甜品懷舊千層糕和宮廷薑汁糕。懷

今日趁未夠鐘接放學，約左個好耐冇見嘅朋友去利舞臺間玉桃軒飲茶, 真係吊頸都要抖下氣。做左人阿媽鍊得一對精明眼，坐低拎起menu研究一輪, 決定叫個二人午市商務套餐, 盛惠 $198 +10%, 經濟實惠仲有20樓靚view。呢個套餐只限星期一至五, 每人1盅老火湯，足料冇味精，啱唒冇湯水滋潤嘅白領；仲有燒汁珍菌爆蚌片同瑤柱蒜子泡時蔬，呢2味輕素食小菜，少鹽少油少糖0脂肪，健康有益，唔駛10分鐘就俾我地清唒；個餐點止咁少嘢食，仲有雪菜火鴨絲炆火米，同埋兩個精選甜心， 真係抵食夾大件。

今日同屋企人食晚飯，地點揀了銅鑼灣。要說到高性價比，就想起了玉桃軒，吃一頓簡便晚飯。 玉桃軒的樓底高且舒適，菜式選擇多，而且價錢經濟實惠。 見家人工作辛苦，決定食豪一點，點了份蠔皇原隻十頭鮑魚。 鮑魚有嚼頭，醬汁入味，萬不要錯過旁邊的鵝掌，入口濃郁細嫩，送飯一流。魚香茄子煲這一道家常菜也不俗，肉燥汁用來餸飯一流，整體不會覺得太油膩 。香蔥焗美國桶蠔煲一打開已經是香氣四溢，蠔肉大大隻，外脆內軟，吃下更滲出淡淡的蔥香，蔥段吸收了蠔肉的鮮味，更覺鮮甜。

在選擇這間酒樓前，曾閱讀相關的食評。抱着嘗試的心態在3號晚吃了一頓生日飯。那晚坐下，不停翻動餐牌，逢星期一至四，真的有很多優惠，樣樣都抵吃。最後選了12人的套餐，看到加400元轉乳豬全體，便問是否即燒，回答是即燒，即訂一隻。上桌時看到不錯，品嚐後連要求高的家人都讚。跟着上的素鵝及紫菜卷也。跟着其他的套餐餸也不過不失。其中的蒸海班及炸子鷄，海中養班雖然欠缺魚的鮮味，但火喉掌控，魚肉嫰滑適中，配合煮過的醬油，好吃。另外炸子鷄也皮脆肉嫰，師傅的手工。總括來說，2780圓全包宴，也值得推薦。

玉桃軒系時代廣場旁邊既利舞臺廣埸，呢邊人流唔系特別旺，所以都唔洗等位。最catch到我地attention既一定系呢款主推既358優惠套餐，以及下面既188片皮鴨，加多78可另加一食，似乎系必食之選。北京片皮鴨壹食 (188) - 由於片皮鴨價錢比坊間平幾成，所以幾乎人人都會點。但質素絕不馬虎，皮夠脆身，又夠肉汁，鴨味都唔差，雖然擺盤一般，但都有實際。餅皮夠大塊，不厚亦不太薄，包埋填鴨醬，蔥段同青瓜食別有一番風味。涼瓜炒鴨件 (加78轉二食) - 78元非常划算，此有大量鴨件，肉嫩而有肉汁，亦唔會炆得太老，豉汁亦唔會太濃。一品蒜香雞半隻 - 雞與一般紅燒雞看齊，雞皮十分脆，而雞肉都算滑。但重點可算是所配既香蒜醬油，濃而不膩，甜而帶濃郁蒜香，非常好食。

早前與同事去銅鑼灣利舞臺的玉桃軒飲茶時發現其性價比極高的京式片皮鴨($188)，一直也想找個機會試試。北京片皮鴨 ($188/壹食): 份量適中，約有二十多塊鴨肉，鴨皮烤得香脆而帶鴨油，鴨肉有肉汁，不會太乾，品質不錯。薄餅皮放了少許黑芝麻，另外有簡單佐料配食，分別是青瓜、京蔥及填鴨醬，以$188的價錢可謂超值。另外，這個$358的特惠晚市套餐也蠻值得一試:-一品蒜香雞: 即紅燒炸子雞，雞皮香脆，含豐富雞油，而雞肉更是相當幼滑。其香蒜醬汁十分香甜濃厚且帶蒜香，與雞肉非常搭配。清蒸沙巴斑: 蒸魚最重要是新鮮、蒸煮時間適中，以及蒸魚豉油的味道，各方面也處理得不錯。金菇沙爹牛肉煲: 醬汁濃郁但沙爹味不夠香濃，鮮牛肉夠滑，另配有大量粉絲及金菇。

呢個中菜館係香港都幾出名，今日特登同朋友由由荃灣出黎試下佢。位置都幾方便，MTR過黎都係5分鐘左右，座位間隔與一般酒樓差別不大，簡而精，偏向實用。我先點了個蜜汁叉燒，特別注明要偏廋，雖然是這樣，但肉質與很細膩，不會過於柴口，加上甜甜的蜜汁，配上白飯一流，另外蜜汁叉燒旁還有點黃豆，黃豆加上蜜汁，也是不錯的小食。然後是店員主推的上湯波士頓龍蝦伊麵，波士頓龍蝦肉質鮮嫩多汁，而且彈牙，明顯是新鮮的來貨，伊麵和叉燒相輔相成，更顯出色。埋單大約$400，也是合理的價格。

同小學同學實在太耐冇見，而我片皮鴨癮又起，上網見到呢間勁抵食一於試一試。 北京片皮鴨其實$188 一隻堅係驚訝，坊間呢個價錢得半隻乍。佢仲要做得幾出色，鴨香脆有油香，但皮出黎肉比較多。餅皮用蒸籠上，不過連餅皮食一樣冇得輸。 鴨崧生菜包 (二食)加78蚊就可以二食，一來減少浪費又可以試多道菜。食咁多肉，食番個生菜包就岩。生菜好細心咁切成手掌大細連惹味鴨崧，一啖放落口真爽 鎮江香醋排骨煲肉呈粉嫩色，連排骨都咁嫩滑好少見，不過就唔太食到有酸味 帶子賽螃蟹蛋白細滑，帶子加入去好得，帶到好似真蟹肉嘅口感

今晚和家人食飯，所以去酒樓蒸條魚，炒幾個小菜。去到酒樓門口，見到有晚膳三寶，都唔錯。再叫了每人一個原盅燉湯。晚膳三寶有條清蒸沙巴斑，蒜香雞和一款小菜。小菜先到，魚香茄子魚腐煲。茄子爽口，辣辣地，魚腐都滑，入晒味。炸雞細細隻，皮好香脆，雞肉香滑，餸飯好好。原盅菜膽雞燉鮑翅，材料好足，湯勁甜。條蒸斑一斤左右，這個大細的斑就最好。斑肉質感是實，魚味都鮮。結帳時，原來酒樓都滿座，好才我早取位。酒樓是梳化椅，好好坐，地方光猛又整潔，整體感覺好好，服務又好，加水換碟都好快手，唔錯。

近年在香港，大眾化的中菜廳，「美心」和「稻香」幾乎佔了大半壁江山，玉桃軒這集團其實已開業有些年份，但一直沒多廣告宣傳，算是相對低調的一個本地中菜品牌。其實玉桃軒共有三家分店，其餘兩家在鰂魚涌太古和觀塘，但自己之前去的都是銅鑼灣利舞臺分店，畢竟就位於在銅鑼灣地鐵站旁的利舞臺20樓，畢竟交通優越得無話可說。最近朋友在籌備婚宴擺酒，由於要求場地大方得體但又要交通方便，又要控制婚宴預算，為此頭痛不己，後來聽說銅鑼灣的玉桃軒好評不錯，便又約了我們數名「兄弟」出來訴苦，順便來試菜……其實這裏的裝潢設計，相比米二米三的名牌中菜廳，沒有奢華的貴氣，但也算雅緻舒適，投射音響等配套也齊全，不論中西婚宴，其餘大小宴會或家庭聚會都很適合。我們坐下就先叫了牛肝菌螺頭燉雞湯，其實是部長的介紹，螺頭湯補而不燥，味道鮮美，而且滋陰補腎。自己不少「兄弟」成家立室後，反而少了喝住家湯，他們每次聚會飯局都會選擇有老火靚湯的酒家。今次螺頭燉雞湯就有絲絲牛肝菌香，去濕暖胃，份量充足得讓每人喝上兩碗。適逢這裏在推廣原隻北京片皮鴨，由於是推廣價，價錢比正常便宜了一半，但片皮鴨依然皮脆肉嫩油香滿溢，再將青瓜和京蔥放上熱辣辣的餅皮，質

老朋友生日, 其餘幾位兄弟按其意願挑選中菜，最後選了位處銅鑼灣核心地段的中餐廳-玉桃軒酒家，但意外地價錢十分公道，份量也十足，令壽星仔大胃王都心感滿意兼吃個肚滿腸肥。剛下班又趕車，一班兄弟四散各區工作，地點不外乎銅鑼灣及尖沙咀。玉桃軒位處利舞台，在TIME SQUARE及地鐵站附近，大家都按時到達，我還可以先去TIME SQUARE 閒逛一陣子……確是方便。首發名菜當然是馳名片皮鴨，坊間一鴨二食要三、四百元，剛好他們在做半價優惠，一鴨一食都是$188, 侍應熟練地把鴨切皮，遞放到我們面前是熱烘烘的鴨皮，中間是脆皮不連肉，兩旁是脆皮連肉，照顧不同類型的人。鴨皮皮薄脆口，且淡淡鴨香味湧出，香而不羶; 至於食肉獸的我也夾了一片脆皮連肉，且見皮下脂肪已融化，不會肥膩礙口，肉鮮滑不嚡口，肉汁豐富，鴨皮鬆脆，純是單片已是種享受。當然，片皮鴨每片包卷才是精粹，配以青瓜、大葱及甜醬，其餅皮用蒸籠熱烘奉上，放在桌面上一段時間還未冷掉，小細節但令人品嚐著暖暖的，皮厚度適中，連鴨皮一咬已化酥香，確是不錯。牛肝菌螺頭燉雞湯 - 吃完油膩的片皮鴨，來個燉湯作為一股清流，洗一洗油膩感，牛肝菌是食用菌，營養豐富，適

今晚和家人來到銅鑼灣的玉桃軒酒家晚餐，餐廳係利舞臺廣場的20樓，位置方便都很容易找到。餐廳的裝修和環境都不錯！夠體面和大氣。最仲估唔到的係晚市餐廳都優惠多多！係銅鑼灣呢度都有性價比高的餐廳實在難得。我媽媽最喜歡食扁皮鴨而我就喜歡吃魚！所以我們叫了清蒸海石斑和北京片皮鴨，最後怕不飽就多叫了一個面。扁皮鴨：晚市的扁皮鴨優惠了只是188，比外面餐廳便宜。扁皮鴨肥瘦適中，外皮夠脆夠香。肉質不粗。大葱、青瓜條都切得粗大，餅皮質感也很好。我地食唔停口。清蒸海石斑：石斑肉質潔白厚實力，魚肉的成熟剛剛好。蒸魚看似簡單，其實很考火候！石斑肉質嫩滑，證明餐廳厨師的實力也是很有經驗的。

這家酒樓在利舞臺廣場的上面, 整層都屬於玉桃軒, 地方頗大. 新年的選擇較少, 主要是意頭類的菜式. 本想點半隻這裡出色的片皮鴨, 可惜新年期間必須要點一整隻. 2人怕是吃不完, 所以還是點小菜為主. 開年飯豈可無雞? 貴妃雞的味道不錯, 肉質滑嫩. 若肉質更結實會更好. 虎皮椒爆牛肉做得很有鑊氣, 虎皮椒的辣味與牛肉十分搭配. 因為只有2人的晚飯, 這道豉油皇煎大花蝦可以單點2隻, 非常方便. 蝦肉彈牙有咬口, 豉油皇汁入味. 做得有水準. 最後點了份金銀蛋肉崧時疏, 味道做得不錯, 蔬菜亦嫩. 以高消費的銅鑼灣來說, 這晚4餸的價格並不算貴. 

之前已經黎過玉桃軒飲茶，幾好的！服務又唔差。今次再來是食晚市，一上到去就已經見到而家做緊咩優惠。因為今次食飯得兩人，所以我地就叫左晚市三寳！其中包括有一品蒜香雞，清蒸沙巴班和自選小菜一款。價錢都係345！！真係好抵，平時出去蒸條魚都差不多200幾。一品蒜香雞：雞肉質嫩滑，外皮香脆！沾上醬汁更是惹味。清蒸沙巴班：沙巴班蒸的時間剛剛好！魚肉雪白爽滑，而且肉質厚實，魚味濃郁！令我們都忍不住食多兩碗飯。小菜我地選擇了碧綠腰果蝦仁！蝦仁爽口彈呀，西芹色澤翠綠令人胃口大增，加上腰果令整體味道更有豐富有層次。晚餐價錢優惠，服務環境都不錯！下次會再來。

舊同事約食飯，要食傳統中菜，所以就來了酒樓。唔知是否地點問題，沒想過星期一至五都會全場滿座。這間是新派裝修的酒樓，座位好舒服，燈光又光猛。一入門口已見到半價北京片皮鴨，真係好久無食過。坐底傾下飲下茶，片皮鴨的醬料已送到，看見在傍，廚師好快就將隻北京鴨的皮一片片切出來啦。鴨片脆又不會太油，包皮算係薄，配菜有京葱、青瓜和醬汁，包住一齊食，真是好回味。魚香茄子魚腐煲，小小鹹魚味，茄子不是太油，但原來加入魚腐都好夾，林林地好滑。炸子雞，皮脆雞滑，細細隻又無肥膏。