玉桃軒酒家 (利舞臺廣場)

營業中

休息中

點心🥧 | 香港加油❤️ | 0831🇭🇰座落於銅鑼灣鬧市的中式酒樓，除擁有繁華影子，食物質素也絲毫不差。作為這裡的常客，對他們拿手好菜倒背如流乃自然不過。以近現代包裝演繹傳統點心口味，在多國菜成行成市的香港中能有如此心思實屬難得，其平民價錢更錦上添花深得人心。🔝 黑松露帶子餃蒸熟的帶子肉會比刺身份外鮮甜，黑松露作為香濃的存在正好補償了因爲甜味而忽視的嗅覺，配合寶盤般的外型形成一款色香味俱全的作品。🔝 韮王鮮蝦腸粉腸粉皮用澄麵粉製作，蒸製時不會吸收水份而淡化麵粉美味，煙韌彈牙，粉皮厚度跟鮮蝦大小及韭菜比例剛恰到好處，能同時品味嚼勁、蝦鮮味、韭菜的熏香。🔝 懷舊千層糕千層糕乃香港最難得一見的懷舊點心，又因為製作工序繁多而逐漸在點心界淡出，師傅需用奶皇及鹹蛋黃製成的夾層跟煙韌包包每層製作。鹹蛋黃的香氣、奶黃的甜美潤滑、包包嚼勁無一不為食客所愛。🔝 奶皇流沙包包包煙韌彈牙，師傅特別用蔗糖處理餡料，令帶有鹹蛋黃香味的奶皇額外多了一份純粹惹性，自然跟其他奶皇包高下立見。✔️ 陳皮火鴨絲炒米粉香口又不搶過鴨羶風頭，調味料以點綴般存在，不過缺乏湯米粉的陳皮風味，整體缺乏懷舊感，以口味及珍貴度來講還是推薦

位於銅鑼灣中心的「玉桃軒」酒樓，是中午飲茶既好餐廳！中午大約12:30去到都不用等位！叫左幾個點心同粉面食！「蜜汁叉燒米粉」最最欣賞是蜜汁叉燒同米粉是分開上的，叉燒份量十足，有6-8塊，是有良心的餐廳！叉燒是半肥瘦，好好食呀！另外叫了蒸飯，是「排骨飯」，員工貼心把豉油另上，食既時候先下，方便得多！白飯吸引了排骨既肉味好好食！「金菇牛肉腸粉」有別於傳統，是分開6塊一口一塊，不用自己分開，是貼心的！「白灼溫室豆苗」一大碟，外食是要別點菜才行喔！埋單一人大約$120，都約抵食！

又到一星期一日的家庭日了。 做人新抱真是份外想念娘家的😌一有時間，就會帶老人家吃一下好東西。 我媽好喜歡吃粵菜，今天在銅鑼灣工作完畢後，就帶着媽媽去附近餐廳吃晚餐。 利舞臺是我媽常來的地方，這次我看到有好多優惠正在推出，就帶我媽來吃一下。 🤣華麗寬敞的裝修佈置，地方大，位置也多。 看裝修就知道是婚宴場地之選。 坐下去好舒服，並沒有局限的感覺。 不過唯一缺點是樓底偏矮🤣我看到他們正在做個優惠是❤️沙巴大龍躉兩味❤️兩百多元就有交易，好便宜哦！第一味是以清淡為主，用蔬菜鮮味（西芹）吊出大龍躉的魚鮮味。 每塊龍𧄌肉好厚實，好大一塊，真是啖啖都是肉。 第二味：是濃味為主。 是以沙鍋焗炒龍躉並配上燒腩仔。 好野味！ 送飯吃一流。 而且燒肉放在裹面讓豬油滲出來，吃下去的鮮肉更鮮嫩。 個人滿喜歡的。👏🏻看樣子平平無奇，其實味道適中的： 🔆南乳醬金脆骨🔆份量十分多， 選肉方面是半肥瘦的，一層肉一層油脂。 咬下去並不難咬，味道是慢慢滲出南乳味，特別😄吃那麼多肉，什麼可以沒有菜呢？ 來一個💋金銀蛋莧菜💋莧菜超級嫩，並且不太鹹。 煮得剛剛好。 👏🏻👏🏻👏🏻最後，因為我好久沒有喝湯了，就來了一個燉湯😝有匙羹撈一撈

在銅鑼灣同屋企人食晚飯，中菜最合口味，揀咗利舞臺呢間玉桃軒酒家❤︎招牌菜是片皮鴨，一隻太多食唔哂，有半隻揀，但份量依然十分多。鴨皮連肉，皮脆肉嫩，不會太油亦不太乾，水準十分高，難怪每枱客都有叫片皮鴨蝦子雙菇炆海參，海參炆煮得好腍好入味，的確是要中菜酒樓先煮到呢個味道，屋企人非常喜歡。雙菇份量極多，送飯一流甜豆百合炒藕片，是荷蘭豆炒蓮藕。菜名真是無改錯無取巧，蓮藕片炒得爽脆，甜甜地，十分開胃，又剛好中和一下海參同片皮鴨的偏重口味

平時飲茶，最怕要等位，中午吃飯時間，若要寧靜舒適，無須輪候，銅鑼灣的玉陶軒都是不錯的選擇，今午約了朋友在此店午膳。此處午膳的選擇很多，有午市套餐、點心和小菜，價錢不算貴。我點了兩籠點心和兩碟小菜。蝦餃賣相很好，晶瑩通透，皮薄餡靚，入口鮮甜彈牙。順得鯪魚肉釀瓜甫相當精緻，魚肉起膠夠黏韌，新鮮無腥味，釀入清甜的節瓜內，入口感覺和味至極。薑汁芥蘭炒牛肉甚有鑊氣，牛肉嫩滑，芥蘭爽脆。上湯豆腐魚雲煲火候夠，湯鮮甜，魚雲和豆腐嫩滑。叫了兩碗白飯，埋單$254，相當滿意的一餐。

有時候係鬧市想揾個地方，慢慢食傾下計，都唔容易架。今日朋友就帶左我黎利舞臺，話有次佢地公司team lunch黎左食呢間，話想試埋晚市。🎈室內環境呢度環境簡潔俐落，唔會見到街坊酒樓好leung既痕跡。staff好好笑容，帶位開茶都好迅速，值得一讚。🎈Menu晚市都幾多promotion做緊，有$188片皮鴨，$358set有蒸魚有龍蝦，小菜方面價錢合理，百令蚊個咁。🍴🍴🍴🍴✨北京片皮鴨 (做緊半價$188)一坐底第一時間叫左呢個片皮鴨，真係好抵食，二百蚊有找，食到成隻。雖然特價，但都冇將貨就價，鴨皮燒得香脆鬆化，仲有師傅係我地面前即切，片片都好厚切，有鴨肉又有鴨皮，上碟都擺得靚靚，當然要多角度咁影下啦。么么皮係比較有煙韌既，厚薄剛好，包得住餡料，又唔會穿。而佐料方面有大蔥、青瓜、甜麵醬，呢個黃金組合缺一不可。將整個「完成品」放入口，鴨皮既油脂係口入面爆發，鴨肉帶甘香，十分討好呢。✨脆皮燒腩仔 ($78)我地仲叫左個小食，冇錯就係燒腩仔，個皮幾鬆脆，一咬就碎，好似食薯片咁治癒啊，下面既豬油都係好邪惡，但又好好味，空口食都唔會過鹹。✨石窩魚香魚腐茄子 ($108)再黎到呢個「滋滋」聲咁出場

呢日同舊同事約食飯，朋友話想係銅鑼灣食飯同食片皮鴨，甘我就推薦呢間俾佢地啦，事關我好耐之前都食過一次👍🏻👍🏻👍🏻一坐企就叫左片皮鴨跟住再慢慢揀其他😆哇 係咪好靚仔呢隻鴨😆份量好多，我地4個人食，我都差唔多食左4-5件😋😋大家都讚好味跟住有人想食埋龍蝦，就叫埋芝士焗龍蝦加伊麵。啖啖龍蝦肉呀！好滿足！去親食飯都有個清淡友話想食菜，呢個係瑤柱什菜粉絲煲。都好大煲下，健康人士之選👍🏻XO醬鮮菌炒花枝：唔好睇佢賣相好似一般般甘，其實好惹味，仲辣辣地添今晚食得好滿足，四個人好似好大食甘叫左好多野食，但最緊要食得開心。最後，特別再次推薦呢到既片皮鴨，抵食又好食！

今晚想食片皮鴨, 見 OPENRICE 很多評論, 利舞台又在附近, 所以來玉桃軒酒家晚餐. 第1次來地方幾大, 磨沙玻璃和銀色配搭很高級感覺. 8成人都點片皮鴨應該好重要, 菜單仲有優惠價一隻北京片皮鴨$188 +$78可以2食.價錢正常, 不昂貴.  大廚取出燒起肥嘟填鴨出來, 在我們面前, 旁邊桌子切片起皮, 個人喜歡少肉, 奈何現在酒家都連肉片出來. 一片鴨+京蔥+青瓜, 配海鮮甜醬, 真的不錯一鴨味道很濃, 京蔥辣味, 青瓜爽口, 係天衣無縫配搭~涼瓜炆鴨件, 主要食涼瓜, 因為很香爆鴨肉味道, 甘甘地好正, 如果再多D涼瓜就更好~另外貪心選了: 樓上樓走地雞蒸荷葉糯米飯$138 好香荷葉味, 雞件帶酒香, 走地雞果然不同肉質, 雞皮沒有脂肪, 爽. 加上冬菜紅棗同蒸.籠仔份量不少, 最後吃不完, 打包回家明天吃. 總括來說北京填鴨抵食, 下次應該選個燉湯都足夠, 不用選飯. 

雖然最近數月香港的情況愈來愈差，堪稱每況愈下，既令人氣憤難平，也令人心情鬱悶，但日子始終要過，工作始終要做，文章始終要寫，家人的生日也始終要慶祝。老人家牛一，雖然不想大搞，就連晚飯也沒有外出慶祝，但一頓酒樓午餐還是要的。這頓慶生宴的所在地，就是這間在港九有三間店舖的「玉桃軒酒家」。這間位於利舞臺廣場上的酒家，環境比一般的酒樓好些，坐得舒服，也不嘈吵，加上價錢不貴，與老人家喝茶慶生，都算合適。人不多，只得三個，所以吃的東西也不太多。老人家愛吃乳豬，我與太太也愛吃，便先點來例牌的「化皮乳豬件」（$138/例）試試。這乳豬件雖然份量不多，只得八件，而且只是暖而不熱，幸好水準都算不錯，皮夠脆，肥肉也不多，脆而薄的乳豬皮伴以瘦而嫩的乳豬肉，蘸點乳豬醬吃，還是令人滿意的。見這兒推出的特價菜式中有原價百多元一份的「蠔皇原隻10頭鮑魚扣鵝掌」（$48）正做特價，看來十分抵食，就點三份，一起試試。這「蠔皇原隻10頭鮑魚扣鵝掌」是讓自己有點失望的，鮑魚比想像中細隻，而且那蠔汁味道過鹹，幸好鮑魚和鵝掌都頗軟腍，才五十元不到的價錢，仍然抵食。老人家不想吃粉麵飯，那便吃多些點心好了。「玉桃晶瑩蝦餃皇」（$37）

突然想食中菜～但我地又一行四人～經過利舞臺就選擇了玉桃軒了見到依道最出名係片皮鴨～即刻叫來試一試師父係你前面前即直切～完全唔洗驚唔新鮮～依點好抵讚夾埋各式配菜就可以食啦入口好鬆軟～唔會油～真係好正！之後叫左芝士龍蝦配伊麵底芝士味夠～龍蝦夠鮮～四個人食岩岩好之後見到有鮮菌炒花枝～好香口～送酒送飯一流我地係愛食菜人士～就叫左個瑤柱什菜粉絲煲～清淡得黎有瑤柱味～食左咁多濃味野要黎清一清個口最一流差d 唔記得依個類似西檸雞既柚子煎雞脯個皮好脆～肉質好滑～加埋柚子既清甜真係好令人回味 ：P依餐好滿足～睇佢餐牌仲有好多廚師推介都好吸引個款唔同出面成日見到個d 款下次再齊人來試埋去 

之前已經好想同朋有/家人黎玉桃軒飲茶，因為之前都有朋友推薦過，所以今日同朋友行開銅鑼灣，我地就去埋飲茶，今次黎到玉桃軒飲茶，我地一坐底，就即時order 野食啦，茶濃水滾，咁先有茶味！我地叫左蜜汁叉燒腸粉，生煎窩貼餃，京式小籠包，懷舊千層糕，蒜泥白肉，沙律明蝦角野食好夠熱同新鮮，而且上菜好快，唔會等好耐，加上，坐得舒適，同朋友/家人相聚好地方，温度又適中，所以我地都吹左好耐水，叉夠電之後，大家就各自去反工啦！

好耐冇食過中餐啦，今晚同屋企人黎到呢家酒樓食飯，由於大廳有宴會，所以安排左係偏廳食！餐牌有好多唔同款式選擇，最後揀左一個套餐再加片皮鴨兩食，飽到傻呀！套餐有魚有雞再加一個小菜，都係$358，幾抵食！一品蒜香雞半隻，雖然得半隻，但份量都幾多，雞皮係炸子雞咁，所以好脆口，雞肉嫩滑！清蒸沙巴斑，好耐冇食蒸魚，呢到既蒸魚蒸得剛剛好，魚肉好滑！魚香茄子魚腐煲，佢既味道唔會好濃，魚腐質感有啲似琵琶豆腐，口感唔錯！北京片皮鴨($188)，呢度既片皮鴨都係會有店員係你面前皮的，都幾大隻！皮燒得夠脆夠香，張鴨皮夾到薄皮中，加上京蔥、青瓜同埋醬汁一齊食好惹味！鴨鬆生菜包($78)，片皮鴨兩食只要加$78就可以多一個餸！這個菜式份量都好多，鴨肉碎餐有西芹、粉葛等配料拌在一起，連生菜一齊很fresh!酒樓是跟屋企人食飯的好地方！

以前去開5樓個間酒樓執左之後，新開個間貴，仲要好難先攞到泊車優惠，所以轉去呢間試。呢個蛋散真係唔算散，甜度適嘅。不過無乜特別，好多酒樓水平差不多。呢個叉燒菠蘿包，好好味，個菠蘿皮夠脆口，甜度合適 下次可以再叫。 馬拉糕開始部份酒樓無，反而舊式酒樓先會有，而呢間未去到舊式，但仲有得食，而亦整得唔錯，夠鬆化，又係下次可以再食。係咪望落全部甜點咁，當然我最鍾意食甜嘢，亦都因為掛住食唔記得左影叉腸。個腸粉超滑，叉燒唔算好入味，但亦都夾嘅，都值8分。價錢無記低，但銅鑼灣黎講中價啦！可接受嘅。

難得個乖女有時間同我地一齊去康怡睇戲！順便去吉之島行吓！咁梗係一齊食埋晚飯啦⋯⋯因為個囡話好想食中餐！所以揀咗呢間位於康怡嘅🥢🥢玉桃軒🥢🥢非常方便！戲院經商場直接可以過到去😬訂咗7:00！我哋備安排坐係卡位！但係啱啱係出餸嘅位置！所以比較熱！😂南乳醬金脆骨$98話就話係骨但係其實係五花肉！啖啖肉😋用咗南乳醬汁醃肉好惹味！帶點鹹😋甜嘅鮮味！肉質鮮嫩鬆化！豉油皇海蝦粉絲煲$108份量都唔少👍熱辣辣鍋上！海蝦新鮮彈牙！配以豉油王非常惹味！啲粉絲索晒豉油皇海蝦嗰啲鮮味⋯⋯不消一會粉絲巳掃光！呂宋香芒凍布甸$29如果個女食餐飯冇甜品佢會好唔高興！有布甸佢嘅至愛佢就好開心啦⋯⋯

久別重逢的友人聚會，去飲茶就最適合。邊飲，邊食，邊聊天，時光到流數年前，享受了愉快的一頓午餐。蝦餃皮薄富有彈性。蝦隻清爽，即叫即製，熱辣辣。山竹牛肉大大粒，軟熟有嚼口。微微的芫茜味好香，不錯。雞札有魚肚，火腿，雞肉和芋頭。層次感豐富。瑤柱蝦米腸粉份量頗大。腸粉不夠滑溜，但有米香。好耐沒有食過綠豆沙了。散發出臭草的香味，質感綿綿，甜度適中，我喜歡啊！時間過得好快，不經不覺己坐了三小時，話題真的講之不盡...呵呵！