狎鷗亭居酒屋

營業中

休息中

朋友放工後相約我到諾士佛臺食韓國料理~ 狎鷗亭居酒屋, 聽名仲以為是日本居酒屋呢!餐廳裝潢不錯,好有韓式古時感覺,具古式古香。* * *韓國料理當然少不了前菜小食 有幾款小食都辣辣地,具開胃作用,而我最食小魚。* * * 【生拌牛肉】 食生拌牛肉前,將生蛋混合牛肉,並將水梨條一齊來吃,爽口不黏,口感非常嫩滑,想不到沒有血腥味,有淡淡的脂肪甜味與麻油香氣,齒頰留香。* * *【烤鰻魚】 厚實鰻魚烤得表皮略有焦脆,而底下是軟嫩不乾身肉質, 完全鹹甜夠味,鮮味得來沒魚腥, 配上甜甜大洋蔥一齊食,好好味呢!* * * 【純豆腐香辣湯】  純豆腐香辣湯,內有滑滑豆腐,菜及海鮮配料, 湯地微辣辣地,十分開胃惹味,配白飯一流。* * *【菠蘿椰子麗塔】 $88 / 【青檸&檸檬麗塔】 $88 菠蘿椰子麗塔 - 濃濃椰子菠蘿味酒,帶甜好有熱帶風情 青檸&檸檬麗塔 - 具檸檬味道酒,清新而酸度適中。

估唔到諾士佛臺有d咁既好地方。平時黎都係係樓下d bar多！今次因爲朋友介紹所以試左狎鷗亭。環境好舒服，有少少日風。咩都未點之前就已經有前菜6小碟！呢個就係韓國特色！有d芽菜魚仔食住等，個人覺得好貼心！因為真係好喜歡食炖野，所以咩都無諗，第一樣就叫左個紅燒牛排。寫呢篇食評好大既原因都係因為個紅燒牛排！真心好好食！佢炆到d紅白蘿蔔超林！每一啖咬落去都係個種會溶既感覺！完全唔會有渣！而個牛排，首先食得出佢既選料好新鮮上乘！因為真係好濃既牛香味！仲有既就係d醬汁係炆既時候就已經入晒個牛排肉到。所以每咬一啖都食到燒汁同牛既油脂既融和！真心覺得高興既係佢無揀哂最瘦既牛，而係有d瘦，有d有油脂，咁樣炆出黎既肉先會咁甜！勁推介！另一個想試好耐，終於有機會食到既就係人參雞湯。d人話韓國人點解咁長壽都係因爲d人參！同我想像中有少少唔同，中式湯追求既係清，所以平時飲個d中式雞湯都係好清，然後好濃雞味個種。但呢個湯佢除左湯水，仲落左少少米，真係唔多，但就令個湯既質地唔同左，有d似粥水個種。 同埋佢個湯應該炖左好耐，因為呢啲雞嘅骨係煲林埋，可以食個種！ 冇試過可以連雞骨都一咬就碎。所以個湯都好有雞骨既精粹，唔

一行4人去到呢間韓國菜，其實7/8 年前曾經食過1次，當時未興韓國菜亦無特別深刻的印象，今次見到menu 多左好多潮流興的韓食，好似炸雞，部隊鍋，芝士排骨鍋之類，餐牌進化了不少。座位寛敞，有卡位，同朋友聚餐的好地方。食物叫左烤鰻魚，鐵板上熱辣辣好濃味，淨食有點過咸，如果包生菜泡菜會可以剛好中和了。紐西蘭生蠔1打308蚊，好厚肉creamy, 新鮮度還可以，如果可以跟埋cocktail source 就更好, 或者跟韓國魚生醬都好吖，不過呢個價錢黎講真係過足口癮。半半炸雞的甜辣醬超讚，味道調得剛好，外脆內軟，炸雞發燒友推介! 芝士蛋卷有好多芝士! 拉到長一長，記得襯熱食，好快凍。生伴韓牛係另一重點推介，蛋黃滑，梨肉甜，麻油香，撈埋互相化學作用不能睇少，超好食，同係韓國食到既水準無異，仲更足料。鐵板上的韓國雪花牛，份量足，唔會過火，唔錯。炆牛肋骨又是另一必食推介，有火爐座住上枱，肉質好嫩，甜醬油好入味，連入面的蘿蔔都銷量好好，好快比朋友食哂，餸飯無得輸。雖然呢間食物價錢唔平，不過食物水準同服務都好好，好過某d 排長龍又唔平又無服務又愈黎愈難食既韓燒店啦 at least…

前排小弟生日，阿媽帶左我同家姐幫我慶祝生日，咁大個仔都未去過居酒屋食晚飯，19歲人終於有得試下❤️由於一早有booking 所以係唔洗等位。入到去枱面都算幾大同座得舒服，但就少少嘈啦，因為撞正隔離枱人re-u😭首先食左個芝士豬肋骨$288，豬肋骨有5件長條大大個，係等芝士融果時你可以食住d丸先，豬肉丸的肉都幾稔同少少咸，不過面頭有少少似翻熱，表面有少少少硬。不個個主菜牛肋骨，當芝士撈埋牛肋骨，會好有咬口，因為芝士一邊硬會好香芝士味，同豬肋骨的肉夠稔，夾埋一齊咸咸的加上黑椒同香濃的肉味，好好食。韓國年糕就好有口感，唔會軟綿綿，加上芝士同黑椒汁，個人認為好食過辣的韓式年糕。三個人食完已經飽左一半，因為好heavy同好飽肚。跟住食左個水冷面，個湯有少少酸辣的味，有d似加左d韓式燒肉辣汁的味道，加上青瓜同蘿蔔片，食落個口好清新。個面的份量正常，夠三個人食一碗，幾清淡可以中和下芝士味。跟住最後叫左個八爪魚，係經油炸過，所以面頭好脆，食落八瓜魚味都幾香，不過就有d難咬，因為本身八爪魚煮熟後係難咬d，所以要用牙骨力先得，不過配上旁邊的醬油都算係幾好味。飲品其中一個叫左菠蘿酒，價錢睇菠好似有d貴但份量幾

平時韓國菜就好多時食，但韓式居酒屋就第一次嚟，格局有點似日本居酒屋，有卡位，檯亦闊落，適合傾計食飯既朋友聚會。頭盤叫左生牛肉，份量好大，有生蒜片，雞蛋，同好多梨片配搭出來好fresh! 唔覺食緊牛肉，好似魚生既質感，可能加左雞蛋，口感好滑。愛食生蠔既我， 驚喜見到韓國菜館都有生蠔，產地係 New Zealand， $308一打，廿幾蚊一隻都算抵食。食完咁多生冷野，飲海鮮鍋既湯的確好舒服，暖胃，辣度適中，因太多海鮮既關係，滾一陣已經好鮮甜有橫跨成個煲咁長既大蝦，大量蟹、蟶子、青口、大蜆、八爪魚，個湯唔鮮甜就難啦意外仲有魚柳、魚春同三文魚，最愛係鮑魚，好滑好軟，一d都唔韌。配菜既皇帝菜、豆芽、蘿蔔、翠玉瓜、豆腐都唔可忽視，入晒味! 好快唔見晒! 如果唔係太飽真係想加個麵...另一大滿足推介，燉牛肋骨，加熱住既牛肋骨可保溫令肉質繼續潤澤霖滑。厚切既牛肋骨肉，霖滑既質感好突出，好juicy, 亦牛味濃郁亮點係白蘿蔔、紅蘿蔔，因個汁既味道好，蘿蔔正正吸收晒d牛肉汁，而且清甜。同檯男士忍不住加左個白飯配餸。飲品係柚子檸檬麗塔 citron lemon rita, 倒轉既果汁，杯內有好似smooth

好姐妹生日 係諾士佛臺happy hour 見到狎鷗亭既易拉架。韓國菜係姐妹賣飛佛 咪去試下。6點去到 可以坐到卡位 有私人空間 傾計幾好。店員好nice 簡單講解了餐牌 亦推介了一點菜式給我們。前菜亦好多元化。頭盤～豬手沙律我鐘意佢很多蔬菜的配料。紅蘿蔔 青瓜 紫椰菜 生菜 椰菜 白蘿蔔。仲有爽口的海蜇。豬手薄薄一片 爽口彈牙 撈起撈起之後加微辣的芥末醬。清新而不油膩。燒鰻魚+牛肋骨+梅頭肉唔洗自己燒 有人幫我們燒埋再鐵扒上。懶人之選。一口韓牛肋骨 堅好食。好香 牛肉嫩口。豬梅頭肉肥膏其實好彈牙 只是食完有點罪惡感。哈哈 肉類都有配上生菜 豆瓣醬 韓式豆瓣醬真是好yummy 配肉類剛剛好。燒鰻魚好滑 新鮮。如果外面再燒脆d仲正。辣海鮮湯～食韓國野點都要飲下湯。嘩 隻虎蝦大到呢。鮮甜又爽口。仲有原隻魷魚 青口 個湯辣得黎甜甜地 幾惹味。全部都好大碟 最後真是要打包先搞得掂。飲品真是好推介～cocoktail in pineapple* 用新鮮菠蘿做成既smoothie 再加酒 原個菠蘿上 仲有新鮮菠蘿食。菠蘿好甜 應該浸過糖水 食落唔會'嗱脷'。呢個飲品唔會太甜 好冰凍。無論賣相 份量

諾士佛臺，以特色酒吧及餐廳聞名，係香港第二個蘭桂坊😁外國朋友黎到，緊係要帶佢地黎逛逛。一巷都係酒吧餐廳，形形式式的人與店，穿梭於人吵聲與背景音樂，我地始終停下，選擇左比較寧靜的地方，樓上的居酒屋。樓下看到「真正韓味」，狎鷗亭，是韓國著名潮流尖端集中地，不知道它的美食又有沒有任何關係呢？居酒屋係一樓，好快就到，一入內，好有Feeling，全木裝修配合下班喝酒聊天的風味，全部湧現，寧舍寫意😘下單之後，侍應先將前菜上檯，好讓我地慢慢邊食邊等。每樣配菜都幾好味，當中我最喜歡既係魚乾喜愛魚乾的我至愛它的甜甜脆脆，各種小魚乾我都鍾意食，呢到既魚乾除了甜脆，還有少少黏。其次的泡菜與泡菜芽菜都幾好味，不過相對黎講比較辣，有點接近韓國人的口味，食少少即可，免得太辣。先來的係我地叫左既三文魚沙律一見到已經好開心，見到粒粒三文魚都係切成正方形，大大粒，仲要份量都唔少，夾埋D沙律菜，就知肯定健康得黎又好味！我地急不及待即使試試。裡面有紅椒、車厘茄、生菜、青瓜等等，份量幾大下，食落去都烚烚聲，好Fresh！夾起粒三文魚，見到一粒三文魚都切到厚厚，一啖咬落去好好肉感呢，正到痺~輪到生牛肉，呢個係聽店員推介，初初心

今日約左屋企人去呢間野幫家姐慶祝佢既生日 家姐話系openrice見到d野食吾錯 叫我請佢食飯wo 一睇價錢好似有少少貴 但冇辦法家姐話要食 去之前就希望價錢同味道系成比例拉入到去服務員已經好殷勤咁招呼我哋 雖然我哋book咗位都要等10分鐘 但係係我哋等緊嘅時候我就見到有好多糖果、香口膠等等 俾我哋食完飯嘅我哋去食 我覺得服務幾好 可以排除我哋嘅口氣 如果吾系等候嘅時候就比我發現左呢樣野 我都唔會知道牙！我地叫左燒肉 包括牛肋骨同烤花肉 兩款嘅牛肉都係燒完先俾我哋 咁我哋就慳返啲時間 唔使自己燒咁麻煩 又唔使怕會燒得太熟 或者燒得唔熟 而且啲肉地唔錯唔會話太肥 都唔會話太瘦 食上去有d口感 又吾會太難咬 啱啱好 而且配上生菜同一啲韓式辣醬 簡直冇得頂！食到鹹鹹地 我地就叫左幾杯野飲 而最好飲莫過於菠蘿特飲 杯嘢飲係由一啲菠蘿配上沙冰 幾啱晒而家炎熱天氣消暑既飲品 仲係我哋嘅晚餐加添一份快感 最尾仲有幾顆菠蘿可以當係飯後甜品添 之後我哋仲叫咗海鮮鍋 入邊有好多海鮮配料包括有蝦、蟹、青口、八爪魚等等 份量十足 但係海鮮就唔係太過新鮮不過呢個價錢係差不多 但湯嘅味道又夠晒濃 不過越食就越辣

近年韓食越來越受歡迎, 尤其是炸雞, 反而少食韓式料理. 早前, 友人推 介一間位於尖沙咀的韓式料理, 叫狎鷗亭居酒屋, 個名幾特別, 我地便去試下. 一踏入店內, 發現店內怖置有點似日式, 除了有一般座位, 更設有榻榻米座位. 店員先奉上六款前菜, 我自己最愛食菜仔和魚仔. 另外, 店內定期做優惠, 這個用送上一碟蝦. 估唔到蝦肉幾彈牙爽口. 我見這裡的飲品好靚, 最後我點了菠蘿酒, 可以轉做沒有酒精成份. 上枱時己被佢的賣相所吸引, 以原個菠蘿上枱. 飲品用新鮮菠蘿打成, 非常清甜好飲, 又夠透心涼, 而且旁邊還放着數片菠蘿. 主菜點了紅燒牛排. 這是用砂煲上枱. 一打開蓋, 便香味撲鼻. 由於我地還有其他菜式上枱, 為了保持熱度, 店員細心為我們放在小火爐上. 牛的份量相當多, 還有白紅蘿白. 牛肉夠鬆軟, 好腍身, 味道調教適中, 牛味也相當濃郁. 而白紅蘿白就吸收晒牛的精華, 夠腍, 又入味. 愛食牛的朋友要點來試下. 另外, 點了雞肉芝士鍋. 份量都好大, 除了爐邊放滿芝士外, 中間有年糕和雞肉. 直到滾起, 便可以食. 芝士拉絲也

個禮拜晚晚OT難得今晚叫做放早啲啲（8點半左右😪）即刻拉埋同事A去諾士佛臺食餐好既揀黎揀去決定食冠福中心一樓既狎鷗亭居酒屋係門口已經見到對韓國情侶岩岩買完單連韓國人都食既韓國餐館~~oppa~~質素唔會差！侍應好細心知我地第一次黎幫襯好好人咁推介左幾款廚推俾我地由於太肚餓既關係唔理啦乜都話好好好😂前菜有我鍾意波菜同芽菜😋咸左少少但好岩送酒（我是酒鬼🍺😂）右下果堆炸物我推👍🏻炸蕃薯好甜！都話我係酒鬼😂唔大唔嗌～～菠蘿酒！原個菠蘿上！仲俾番入面甜到爆既菠蘿肉你^_^好正呀媽媽咪呀！野菜牛肉卷（半生熟）話就話半生熟但我覺得偏生多啲怕腥既朋友唔洗怕完全冇腥味卷埋啲洋蔥黃椒紅椒蒜頭再點埋個特制豉油好清新冇燒肉果種油膩感食韓國野一定要有咩呀湯丫嘛工作辛勞呀人蔘鮑魚鷄湯補補佢啦兩粒鮑魚冇欺場雞肉入哂味用筷子輕輕一夾啲肉就離骨水冷面同事A本來對水冷面有不快經歷幾經游說決定俾多次機會佢坦白講坊間既水冷面我真心講得質素參差既試過面體好似橡筋咬極都咬唔開又試過啲面糊哂林patpat咁呢度既水冷面算係做得唔錯呢度啲野食份量都幾大好彩侍應有stop我地如果唔係最初我地仲諗住叫多份炸鷄同伴飯😂好彩冇叫😂😂😂女仔嘛

前兩晚約左朋友去尖沙咀食飯，經過左一條充滿酒吧既街，都選擇唔到食邊間。當再回頭行多轉既時候，發現到係餐廳與餐廳既大廈入口外面，拉起左一間食韓國食物既餐廳既易拉架，即刻吸引左我地上去食。當𨋢門一開，聞到強烈類似泡菜既味道，就更吸引我地，眼見餐廳已經坐滿，只得反我一張枱。餐牌上主要係海鮮類同牛肉類，有分熟食同生食。最後我地點左海鮮湯，鐵板燒牛仔骨，鐵板燒鰻魚，海鮮年糕等等。海鮮鍋既份量驚人，裏面有鮑魚，青口，蟹，比目魚，金茹等等。當湯上枱後越煲越小既時候，海鮮既鮮甜味道就越慘透係湯入面，仲要份量大，本人極度推介。鐵板燒牛仔骨，牛仔骨內質係好淋同上枱時便好7成熟，內汁又多。牛仔骨內既比例內係佔左7成，所以食落唔會覺得太乾。like鐵板燒熳魚既熳魚都好大件，覆蓋左個鐵板，另加上大量燒汁，所以唔會乾身亦唔會有腥味。海鮮年糕內亦非常足料，有魷魚，青口，蜆等等，年糕咬口唔會太硬，亦煮得更常入口。紫菜卷新鮮炸完上枱，裏面包有韓國粉絲。外脆內軟，食落因入面係粉絲，亦唔會覺得熱氣同太過油。heart飲品方面，有好多既特飲選擇，其中最吸引有用原個菠蘿上枱既菠蘿酒。但由於當晚賣晒，所以我就點左另一杯柚子既特飲

上facebook見到朋友去狎鷗亭食野既相D裝飾好有傳統韓國特色所以問問佢地址就去試下估唔到原來係諾士佛臺既一間樓上鋪！見到依d卡位好特別！好彩我地早去 成功坐到卡位！每臺都有既小菜 好好食我特別鐘意黑豆配紅腰豆黑豆煙煙unun好有咬口！涼拌青瓜都唔錯！好清新！叫左個鐵板魷魚及五花腩辣辣地而且好香口！最岩配生菜食魷魚好彈牙，五花腩真係好邪惡好肥美不過最正係個辣汁！非常濃郁！餐廳今期送既野菜三文魚卷同大頭蝦大頭蝦雖然唔算係好肥個種，不過蝦肉都好爽口而且辣鮮野菜三文魚卷好特別！店員教我地配料放係三文魚上再捲一捲，成個卷好清新雖然三文魚唔算好肥美，但配上新鮮野菜既爽甜就好正！韓國菜必食既年糕湯同炸紫菜卷！炸紫菜卷超香脆！入面包左粉絲同蔬菜絲！好好食！點下年糕既辣湯又係另一番滋味！年糕湯入面有魷魚同年糕，湯汁係比較稀個種，但年糕都會掛湯，味道冇坊間既咁辣，但都好惹味個漸變色真係好靚！而且好飲！好鐘意佢既檸檬味配上紅莓既甜味！飲品都好抵飲，因為勁大杯

經過諾士佛臺，你會有咩感覺？除左清吧以外。其實，呢度仲係一個宵夜嘅好去處。Corona Rita 用corona啤酒做成嘅沙冰都真係第一次！水果沙冰本身甜甜的，加上冰鎮嘅感覺，令平時對啤酒瑰花嘅苦味有點抗拒嘅我。。都可以成杯不經不覺飲晒！而且仲有啲意猶未盡。鯛魚刺身呢個韓式刺身必須要提早預訂！呢個刺身令我唸起首爾嘅鷺梁潯水產市場。韓式嘅刺身食法特別有勁，鮮蒜片，韓式辣醬再配上芥末！立即令人很有酒意！不經不覺飲多幾杯！芝士豬肋骨芝士係近期韓風湧現嘅必食品。勁有趙口嘅芝士卷住軟綿綿嘅豬筋骨，真係會食到唔想停。豬腳仔冷盤好喜歡！我可以用韓式沙律黎形容呢款冷盤，疏菜之餘，驚喜嘅地方係配上蘋果絲，清甜。水冷麵好喜歡嘅一道主食，尤其盛夏炎熱。澱粉質落肚本來理應飽飽的。但水冷麵加入冰塊嘅原素！本來就已經消除左滯嘅感覺！加上酸酸甜甜，超級開胃！同店員傾開計，發現呢度原來營業至凌晨5點！真係啱晒飲完酒但係仲想繼續傾計嘅大家聚一聚！

朋友生日，一年得一次，生日飯當然要食豪ＤＤ～選擇左食韓國野，懷緬一下之前一齊去嘅韓國遊～諗番旅程中發生嘅搞笑事仍然笑到收唔倒聲～放工之後準時７點鐘入到餐廳坐低～環境都幾舒服，但唔知係咪因為一入門口就有檯日本客，令我一度懷疑間餐廳係咪其實係食日本野嘅～不過之後聽倒韓文歌，電視播住韓國ＭＶ，Ｄ歌仲要幾新添，即刻覺得我地好似已經去左韓國甘～呢度地方都幾大，位同位之間都算闊絡，唔會坐到好逼～被安排到坐好似日式tatami之類嘅位～要除鞋有Ｄ麻煩，不過前後都有屏風，私人度會高Ｄ～坐低傾一陣計開始研究個menu，真係好多好多野食，大部份韓國菜色都有～傳統Ｄ嘅菜色會比較多Ｄ，例如生牛肉，炒年糕，燒牛肉，部隊鍋，炸雞，豬腳，炸醬麵……真係多到數唔曬～另外仲有Ｄ新式Ｄ嘅菜色，例如芝士豬肋骨～Manu上面所有野都圖文並茂，好清楚～不過Ｄ相全部都好吸引，有選擇困難症嘅我地真係好痛苦～哈哈～最後終於簡好左，點完菜之後傾左一陣計，侍應就拎左前菜黎啦～前菜係送的，味道都唔錯，不過我唔食辣，所以集中食甜甜地嘅魚仔同果碟豆，其他冇試～傾多陣飲品就出場啦～叫左３款冇酒精嘅麗塔，我簡左青檸＆紅莓麗塔，飲落味道偏甜，ｆｄ覺

好耐冇食韓國野。經同事介紹，原來之前成日去飲酒既諾士佛台樓上有一間正宗韓國餐廳。同事不斷介紹之下，終於去食左。叫左個生拌牛肉。其實真係人生第一次食生牛肉。之前最多食五成熟牛肉。真心有少少驚。生牛肉終於黎了，原來係拌埋雪梨，芝麻一齊食既牛肉。一入口，以為會好重牛騷味。但原來完全唔會，仲好甜好好味。同我想像中好唔同，個牛肉係好甜之餘，雪梨既甜味加埋一齊，個味道真係好夾。我諗呢個係韓式版既密瓜巴瑪火腿。正！之後再叫左個涼拌豬仔腳。夏天食呢個真係正。凍凍地，好清涼。原來要撈埋mustard lemon醬一齊食。都幾惹味，鐘意食芥末既朋友應該會好鐘意，溝埋多d芥末，入口成個鼻通曬，好刺激！最後再叫個菠蘿椰子莉塔。正呀，食韓國野一定要叫個莉塔黎飲。韓國酒精飲品真係正。菠蘿椰子酒精其實溝得岩岩好，易入口，仲有陣菠蘿味係個口度。好fresh!其實叫左都唔係好多野食，但估唔到個個菜色份量都大，食食下就覺得好飽。雖然價錢係有少貴，但綜合曬所有元素：環境，吹水，飲酒，食物質素，其實已經算值得。下次friday night唔想太吵，同朋友聚下，都會黎呢間！