狎鷗亭居酒屋

營業中

休息中

雖然叫居酒屋 但食物以韓國菜為主 但環境有長枱 有凹落去除鞋既卡位 甘樣又同日本餐店既環境有d 似 都幾適合 一班朋友飲杯野傾計。可能係新開 而家promote每枱客都會送下前菜你食三文魚 配 蝦 三文魚厚度適中， 蝦肉新鮮 彈牙 可以配以旁邊既菜 三色椒 一齊食唔錯韓國餐前小食可以任添 有芽菜 泡菜 黑豆 青瓜 魚干 菠菜 , 全部醃得唔錯 酸甜又帶有辣 幾開胃辣海鮮湯麵 108 蚊海鮮湯麵落足料 有好多新鮮既青口 蝦 魷魚 配以椰菜 蘿白調味 湯底淆得出色 酸辣味多 飲落一開始有海鮮鮮甜 後面既酸辣後d先發出黎，麵質係粗麵 口感煙韌彈牙 同湯底配合得幾好紅燒牛排 198 蚊用紅同白蘿白仲有肉汁整成既湯底 入面充滿住好多舊牛肋骨 牛 燘得勁林身軟滑 醬汁完全滲哂入去 食落勁juicy 而且肉同骨好易分開食得方便 ,連蘿白都盡吸醬汁 紅味辣雞肉芝士鍋 228 蚊用明火煲住一個平板鍋 側邊凹位充滿芝士碎 而中間有雞肉 年糕 青椒紅椒 洋葱 然後煲到甘上下 芝士林林地時撈埋中間既雞肉一齊食 極邪惡又好味 芝士痴住 彈牙既年糕同嫩滑既雞肉 正！半半炸雞 188 蚊一碟炸雞一半原味 一般酸甜醬

中學同學小聚，其中一個人介紹我地黎呢間純正既韓國餐廳，一去到見到個環境已經好興奮，有得除鞋坐既矮枱，好似真係去左韓國咁佢地仲有d好貼心既特別的服務！頭盤有六小碟唔同既韓國傳統小食：泡菜、蘿蔔絲、芽菜、魚乾等等，食晒仲可以refill呢杯grapefruit pomegranate rita味道甜甜地既葡萄柚子，第一次飲呢種味，又幾好飲，加上有氣，好清新韓式炒年糕好煙靭，好有咬口。初頭以為係甜既，原來係辣既，好彩我中意食辣！仲有好多唔同既海鮮，令到成個醬汁都有陣海鮮既鮮味年糕配紫菜卷係一個set，紫菜卷好鬆脆，仲可以點埋年糕個汁食。生牛肉碎，將雪梨切條混合牛肉一齊食，牛肉本身都用醬汁醃制，甜甜地，本黎仲驚生牛肉會好怪，但食落又幾好味！雪梨爽脆配合牛肉淋淋地，口感好豐富。呢個涼拌螺肉好惹味，麻香味，有好多唔同既蔬菜，好fresh~仲有一d麵條可以撈埋黎食，螺肉仲幾大粒牛助骨即叫即燒，幫我地燒埋，唔洗搞到自己成陣燒烤味！肉質好鮮嫩，好多肉汁！！配合自家醬汁味道岩岩好，唔會太咸又或者有蘇味。呢個燒鰻魚真係冇得頂！鰻魚一啲腥味都冇，淡淡既鰻魚香，加埋蒲燒醬味道濃郁，伴飯一流！鮑魚海鮮鍋海鮮控一定

韓國餐廳越開越多，大多是炸雞啤酒為主，今天朋友卻帶我去了一間傳統居酒屋，令我對韓食有另一番體驗。"狎鷗亭"聽到這個名字還以為是日本菜，原來韓國餐廳也可以居酒屋為名，一進去就看到一幅韓國的壁畫。店內燈光暗暗的，裝修以木色為主，還有榻榻米的座位，幸運地因為有訂枱，我們可以坐榻榻米，私隱度很高，坐得很舒適。Menu有很多選擇，冷盤/烤肉/海鮮/豬腳/炸雞/煎炒類/鍋物及飯麵都有，花多眼亂，而且每碟份量都不少。一來到，店員便為我們奉上前菜6碟，款式亦頗多。近來有promotion，每台客人都可免費獲得一盤刺身，想不到附送的刺身竟然這麼豐富。內有𩶘魚、多寶魚及鮮蝦，另有芥辣豉油可沾上。刺身甜甜的，不過魚肉並非平日吃到的那麼滑，是較為有口感的那一種，而蝦肉則爽口彈牙。柚子檸檬麗塔 $88巨型的飲料看到令人很開心，柚子配檸檬酸酸的又帶有一點點甜味，味道恰到好處，而且份量很多足夠整餐晚飯飲用。野菜牛肉卷 (半熟) $188因為朋友不想吃全生的牛肉，所以我們揀了這個做涼菜，食法是將半熟牛肉包三色椒、菜及蒜頭然後再點醬汁吃，入口感覺半熟牛肉仍然是頗生的，不過又沒有蘇味，混雜醬汁及青椒一起吃，又帶點爽口，還

一路行上黎都好多舖頭，入夜後更旺！係美麗華商場行過黎五分鐘到，係大廈入面，搭lift上一字樓，一出就係！黎到朋友已經到左，有卡位坐，燈光暗暗地，枱大又有氣氛！傾計都好有私隱。不過要早訂位，眼見呢啲枱好似得四枱到，無行另一邊，所以唔知果邊有無。前菜六小碟，正正常常，味較淡大盤冷麵其實我。。。幾鍾意只碟配菜既擺切同只碟好夾，有紅椒，雞蛋，椰菜等。有一個湯跟，本身以為係好似食喬麥麵甘，夾一“主”，浸一下湯甘。但後來覺得個麵好“lime”，好難夾，唔知幾時職員望到，就教我地成碗倒落去，連埋配菜撈勻佢，再各自加適當既辣醬。哈哈，失禮了呢個係薯粉，好彈牙爽口，本身無味，要加韓式辣醬撈先好食！辣辣地，又係冷麵，適合夏天食！甜酸辣味香脆雞因為得兩個人食，驚食唔晒，所以職員提我地可以叫半份。黎到見到真係好彩，幾大碟下，有6-8舊到。有一小碟“葉”蘿蔔，酸酸地，幾開胃既。雞可以用外脆內滑去形容。熱喇喇，剛炸起，撈完個甜酸醬佢都仲係好脆。肉質“lun”滑，醬甜甜地，酸酸地，辣味唔重，最中意！佢有香葱味，原味同甜酸味等揀，我覺得應該甜酸呢個最好味！烤曼魚個人呢碟係最好食既，可能因為自己中意食曼魚掛，哈哈。多汁

今晚和朋友二人行刻意來到諾士佛臺樓上舖吃韓國菜！經過五光十色的街道，熱熱鬧鬧的酒吧，上到來「狎鷗亭居酒屋」，恢復寧靜和舒適的環境。店內充滿韓國傳統氣息，裝修設計全是由木板組成的！還有榻榻米座位，地方寬敞舒適，見到的食客大多都是韓國人，而且越夜越旺場！食韓國菜，總是有數款前菜小吃提供給食客，而且會不停為客人添加的。這類小吃都是經過加工醃製而成，常見必須有的是香辣泡菜！最喜愛的是大豆芽，銀魚仔，醃製菠菜……店員送上一碟冷盤，白灼蝦，另配上芥辣甜豉油，帶動鮮味！一看餐牌就被這隻船深深吸引住，立即加入必食行列！炸八爪魚雞$288賣相非常吸引，一大隻海賊船，朋友是海賊王的小Fans,當然要相機吃先吧！盛滿了新鮮熱辣的炸物，份量十足！少不了這個主角炸原隻八爪魚，可愛的八爪章魚腳，店員會細心地把八爪魚用剪刀分拆開，方便客人進食。外層香脆，質感有彈性！配三款醬汁，任君選擇！船旗圍繞住的魷魚圈，香脆炸薯格，還有韓式炸雞……啖啖肉的炸雞件，雞肉鬆化！炸薯格雖然是配角，但真的要讚一讚！非常好吃！外表炸成黃金色，外脆內軟！令人吃過不停！炒年糕+炸紫菜卷$130利用香辣的韓式辣醬炒年糕，年糕是圓條形的，口感煙韌

很喜歡韓食的我四処找好吃的韓國餐廳。豬骨煲在香港並不普遍，但首爾的實在難忘。今日到來這餐廳也是為了豬骨煲。餐廳侍應的態度本來已經麻麻，不要緊，心想食物才是重點吧！豬骨煲到來，沒有濃濃的香味，只有應有的色水。試一口湯，味道正常的。試一囗豬骨，非常重的雪氣味，像是沒有飛過水的冷藏豬骨，豬骨中心也不熱的整個豬骨煲就像是：湯用醬開的，加上雪藏豬骨滾一滾，上面放紫蘇大蒜切出來的所謂豬骨煲

朋友推薦左好耐，今日終於品嚐一下。韓國小食，店員會不停refill鰻魚燒汁搽滿係鰻魚，底下有很多洋蔥絲吸了鰻魚燒汁，好香甜。鰻魚好嫩又多汁，有小小幼骨都可以就咁食韓式包豬肉，肥瘦比例平均，帶點咸咸既味道。菜包住一塊肉加點醬汁，。D菜食哂唔洗怕，都係有得refill架最後海鮮拉麵(魷魚，蝦和青口)，海鮮味道十分濃郁，紅紅既湯底不算太辣。麵煮得太冧，同好碎，唔可以好豪爽咁一大注麵咁食但都好食既店員好好禮貌，服務好好

一向唔會寫食評 但呢間餐廳令我第一次有衝動寫BBQ7080同一個老細開 質素都唔會差得去邊叫做有少少保證野食ok 不過不失 但價錢略貴一個鍋+豬手+水冷麵+一杯野=~$850但今次主要唔係講味道 亦唔係價錢係服務態度全程無笑容黑面 眼見對每一枱客都係咁多謝唔該 真係d客仲講得多過佢地電話bk枱態度都唔叫好得去邊如果係咁既價錢 咁既態度 去第二度可以有更好既享受。

韓國癮起,自己想食豬手,友人想食部隊鍋,記得之前睇電視盧覓雪介紹過,就去呢間啦。我地2人安排到最邊邊位,枱好細張,枱與枱之間貼得好近,好密質質,6點去到未有太多食客,隔咗一陣人多咗,真係嘈到拆天,隔成四五張枱講嘢啲聲都好應,頭都痛死,越食越無癮,未食晒,未夠一個半小時頂唔住要埋單,因為樓底矮,又好密封,密雜,啲聲音散唔倒,仲要坐正係一個好大聲炫耀自己嘅男士身旁,連佢女伴都不斷叫佢細聲啲。餐廳環境:門口入口處分兩邊用餐區,一邊比較陰暗,另一邊較光亮,我們被安排到較光亮嗰邊,枱櫈全部都是木造,有一部份包座好似茅屋咁,好有濟州島風味。當點餐時手上的餐牌(好似本書咁厚,唔係一張膠片嗰種餐牌)找極都無部隊鍋,好肯定盧覓雪係食過介紹過,仲講到點好味,跟住同待應講,待應揭咗一輪都搵唔倒,跟住攞咗一本餐牌過嚟,真係有部隊鍋,真係奇怪餐牌都有錯。豬手先到,跟住到部隊鍋,張枱細到呢兩樣嘢都放唔落,係咁迫,係咁遷就,索性有啲嘢要先攞開。豬手外表好有光澤,好似好嫩,但其實好乾身,好似切開咗好耐,擺耐咗嗰種質感,豬手微微略帶一啲炆煮豬手嘅醬汁味,配上三款醬汁及生菜一起食係可以接受,其中有款韓式麵豉醬過鹹,完全蓋

一班吃貨又搵韓食地方吹水晚飯今次黎到狎鷗亭居酒屋...第二次黎預早一星期訂位...今次坐卡位...類似有一個小小既空間俾我地咁...我地發現...個度有個鐘仔...係用黎通知店員的...但一按落去...'叮噹'勁大聲...真係俾佢嚇一嚇.....笑左勁耐😂😂😂...但係成個感覺環境幾舒服的....來點餐....首先是芝士蛋卷芝士同蛋...已經是吃貨最愛吃的...這個還做得特別滑....微熱....芝士味不重...蛋甜甜的...感覺兩者配合得滑而不漏😋😋...好吃炸雞甜辣半半再來炸雞...今次order甜辣半半...原味的脆脆的..非常香口惹味...愈食愈想食...雞肉也很滑...而甜辣的...不是是否吃貨不太能吃辣....所以愈吃愈覺辣...但隨之有蘿蔔粒解辣...所以還可以的...部隊鍋每次食韓國野...都有共識order 部隊鍋....這裡的也很足料...有菇，午餐肉，腸，年糕，翠肉瓜等等...只是差了芝士....所以只覺一般...蜜瓜酒欣賞這裡的蜜瓜酒外型很夢幻...上枱時...成班吃貨'嘩'了一聲😂😂😂....酒味少濃...但也很易入口...因為有少少蜜瓜配合...所以甜甜的.

之前已經聽過呢間食店嘅大名，都有興趣一試，不過未有行動，終於星期二晚約齊腳可以去試，事前都做定功課，知道係好壞參半，不過熱愛韓食就點都食一次啦⋯⋯果然一上到去攞枱門口位亞姐個様已經擺明超黑，俾位你先話如果四人位想坐得舒服可以揀坐四人架位，不過要最低每人消費$200，見到佢面口已經火起仲話指定席要最低消費，但係用餐時間都係大家一樣90分鐘，其實果刻我已經想走，不過為咗同行朋友我忍你，我唯有問佢唔坐指定席坐返大圍枱有咩分別，佢只係話無最低消費囉😡頂咁我話坐出面啦⋯⋯於是佢求其咁指咗張門口枱俾我哋坐低，之後完全當你透明咗咁，啲🔥已經升到想頂，之前諗好嘅必食之選已經吞返落肚，求其㨂咗啲正常+價錢合理嘅就算數，整體感覺超差，食物口味一般，打刧價錢鞋面服務👿

餐廳名列openrice top 10，抱住期待嘅心訂位同朋友一聚，誰不知，訂位咁簡單嘅事都可以搞到我地一肚氣。食飯當日早上餐廳打黎confirm booking, 友人因番工唔聽得電話關係，miss左佢call，就聽到佢留言好串咁話我朋友唔聽佢電話，如果2點前唔call back confirm booking，就取消左佢張枱。。。一入坐就催三催四叫我地快啲點菜，連餐牌都未睇完就催講番食物。。。。。。我地點左五樣食物，無一樣係『好食』架！！！怎至係『難食』！！！ 最正常嘅係沙律，份量超少。。。。 完全無味嘅栗子糕，食唔出係栗子做，加左辣醬先有番啲味，只可當一碟普通嘅菜食。 份量較好，但牛肉好『鞋』，煮得唔入味，又無牛肉味，唔知自己食緊咩肉 一pat野冷麵，啲麵唔係一條條，係一舊！分唔開架，痴實曬。。。好林。。。apm food court間韓國野仲整得好食過呢度，仲要平好多 飲左一啖即刻擺低，唔識形容佢嘅味道，好。難。飲。本來仲想加多個海鮮窩巴，過左十分鐘，侍應話佢地整唔切，所以唔俾我地order wor.....叫飲品個時又係，叫一杯野都同我地講水吧好忙，做唔切。整體黎講，服務差，

有進步有進步狎鷗亭居酒屋是我很喜歡的餐廳,最高紀錄曾經是一星期來三次,好跨張~上次食完之後足足半年沒有過來,遇上跳舞班的同學生日,我們又有機會到那兒慶祝印象中前菜以前是一碟碟的上,現在變成這個樣子~一份給四位的份量似乎有點少我最愛這裡的部隊鍋,每次來都會點上,份量大份夾抵食上次來食發現有點退步,今次再來,問題已經改善今次過來食部隊鍋,發現入面的材料十分足料,午餐肉和腸仔把部隊鍋,塞得滿滿的,啖啖肉,就是部隊鍋的精髓,至於味道就回復以往的風味,夠濃郁而且加入大量泡菜,令人食欲大開最後加入韓國泡麵,吸盡部隊鍋的精華,雖然有點HEAVY,但美味的食物往往就是如此啦~店員推介新菜one piece 炸八爪魚海盜船造型好可愛呀~份量也很多入面包括了炸原隻八爪魚, 炸魚圈和薯格所有東西都是炸,雖然有點熱氣,但真的好美味,尤其是那只原隻八爪魚,是一整只的炸,視覺上夠震撼~味道方面本身已經好夠味,少少咸而且充滿鮮味,但還伴上沙律汁供沾食,同時可以減低油膩感~伴碟的還有一條鯊魚,好CUTE!拍照一流~用來佐酒的理想菜色~份量之大建議四人以上才好點呀~菠羅特飲~是限定供應的在下面放了乾冰, 煙霧的效果很夢

朕之前睇電視，見到啲高麗人食嗰啲安康魚好似幾香滑，但係朕上次遠征高麗時，因為行程緊密，錯過了在高麗當地親嚐安康魚既滋味，一直耿耿於懷！點知朕既貼身隨從今日同朕講，佢幫朕Check到諾士佛臺有間韓式居酒屋有呢味《炖安康魚》而且仲有正宗高麗風味添，於是朕就梗係去試佢一試啦！一上到去，就有人出黎招呼朕，不過佢係講高麗話同埋洋文既，好在朕既貼身隨從都識得聽，跟住就入左去坐底。朕此行既目的，係尊登黎食安康魚既，呢味餸香港就比較少見，所以就第一時間叫左安康魚先，另外再叫埋辣鮑魚海鮮鍋，紅燒牛排同埋炸醬麵！首先黎左炖安康魚，佢用左芽菜炒安康魚，再加埋韓國醬料，然後再炖，安康魚咬落香稔軟嫩，略帶微辣，而芽菜吸收哂啲醬料，都幾美味！炸醬麵，醬料香濃，麵底彈牙，入面仲有好多肉粒同埋洋蔥，張所有野混和，食落濕潤順口，好有高麗風味！紅燒牛排，牛排煮到好淋，白蘿白鮮甜，吸收哂啲牛味，牛排咬落鬆軟牛味香濃撲鼻，啲牛根食落膠質感幾重！讚！！！最後就到辣鮑魚海鮮鍋，主要材料當然係鮑魚啦，另外仲有魚蝦蟹，墨魚，青口仲有聖子，另外配料就當然有啲菜同豆腐喺底啦，主角鮑魚新鮮彈牙，墨魚夠爽口，加埋魚蝦蟹同聖子，再加埋豆腐，成

返左成個禮拜工。放工梗係要同朋友relax下調劑一下。如果唔係好難做人! 約左尖沙咀食飯。周圍都好難搵位。求求奇去左間上樓川菜！點知食唔飽。其中個朋友提議轉場去諾士佛臺嘅一間居酒屋。聽到居酒屋以為一定係日本野食串燒。上到去原來係一間韓式居酒屋。我地一行四人坐係地窿枱。由於頭輪食左野。我地叫左野飲再慢慢揀食乜。侍應姐姐介紹我地飲個菠蘿特飲! 原個菠蘿咁上。最緊要係睇得。仲要有乾冰一出場就勁大霧！幾咁有睇頭！效果贏曬囉！入面係用菠蘿汁同燒酒加上果肉打成既果酒。啖啖都有菠蘿蓉。甜甜地唔多覺酒精。正！最先黎既係唔洗煮既生牛肉。個人黎講食親韓國野都會忍唔住嗌個生牛肉。話曬呢到都係同七零八零同一集團。牛肉質素同處理手法都有一手。夠新鮮又唔會冰條條或者血臨臨。呀豬媽仲會幫手撈好。唔洗自己落手牛油烤鮑魚。鐵版一上牛油果湧住黎。火喉啱啱好。唔會係過晒火位咬唔入。腍滑鮮味。唔覺意一個人啪左四隻。重頭戲就係個芝士排骨。一黎到就見到佢地用排骨年糕同芝士砌左個可愛嘅笑樣。女士們就係咁影佢同同佢影相。之後就會呀oppa出場。女士們又係咁影。佢就將溶左嘅芝士逐舊逐舊咁包住d排骨。手法非常純熟。加多幾句唔咸唔淡既韓廣