狎鷗亭居酒屋

營業中

休息中

記得曾幾何時一位韓國朋友帶我來這晚餐，當時已令我未能忘懷，味道正宗，環境甚有韓式風格其中這個位置很有傳統韓國風格，最適合跟姊妹聊聊吃吃飲品係一貫韓式飲品，大大杯的倒轉飲料柚子檸檬麗塔HKD88味道酸酸甜甜，好開胃生拌牛肉HKD158係必點的它沒有牛肉的血腥味，反而來得清甜微酸微辣的味道望上去感覺像漢堡扒呢將生牛肉配上雪梨絲，生蛋黃等拌匀口感既軟且爽脆，濃淡得宜入口甘香，值得推介而這個青口麵係必食必推介，就這一大碗就足夠2~3人份量由於最近推廣只需HKD88就可享用份量十足，單單青口就超過10隻上，加原隻八爪魚味道濃烈而不膩魷魚彈牙煙煙韌韌，青口滲入了湯的精華後，味道更鮮甜配上麵同吃，更是一絕，熱湯配上有口感有鮮味的食材，確是美味無窮！這裡無論味道，食物選擇性都多，就算再多光顧數次也不嫌惡!

狎鷗亭居酒屋是朋友提議這間食肆，睇個名一直以為是一間日本餐廳，入到餐廳內都仲以為係食日本菜，因見餐廳內的裝潢都很有日本feel, 後來望清楚才知這間是韓國料理。坐下後，侍應先送上前菜6小碟，非常細緻及醒胃，有泡菜，芽菜，沙律，青瓜，青菜和魚干仔。好好味及爽脆。望下餐牌，食物種類都多款，唔似一般的韓式料理餐廳就只有韓燒甘悶。所以我地今晚不再韓燒，轉食其他食物。燒鰻魚很大塊，這個價錢能食到甘大塊，真是超值，超市都未必買到。鰻魚很肥美，魚肉夠彈牙又厚身，而且亦夠鮮甜甘香，魚脂夠均勻，令人再三回味。今晚很幸運，因今晚有新鮮八爪魚，我地亦order了試試。聽朋友講過佢地係韓國食過八爪魚刺身，八爪魚的吸管會吸吮很實很強力地吸吮，很難扯開，今晚我真的能夠感受到。八爪魚刺身送上時，雖然切得細件，但亦能見到八爪魚的身體還在郁動著，真正新鮮生猛。雖然我很喜歡食剌身，但八爪魚刺身未必岩我，因八爪魚很難咬開，而且還要和牠在口內角力。感覺還是食煮熟的八爪魚好啲。這是我個人感覺。但對於喜歡食八爪魚刺身的朋友就不要錯過。除了做了八爪魚刺身外，我們點了一個海鮮㷛，可以將八爪魚烚熟黎食。見師傅將八爪魚在㷛上剪牠，亦見牠

又係一間要限時既餐廳, 限時要係九點前交枱, 八點四十五分已經攞定張單俾你, 等你準備埋單, 食物方面不錯!今年另一生日飯, 我楝左哩間韓國餐廳, 唔係只有燒烤或炸雞, 仲有好多下酒小吃....選擇種類有好多, 係一間不錯既韓國餐廳!一坐底就有六小碟前菜...每款都, 唔知食完有冇得添加呢?蔬菜沙律, 唔係配麻醬個隻汁, 隻汁帶少少酸甜, 好味..啲菜都好新鮮!烤牛舌, 初時睇圖以為係自已燒, 原來係已燒好, 鐵板上碟配上生菜加少許辣醬食...., 雖然個鐵板會熱住既牛舌, 但係啲牛舌又冇話會過熟鹽燒雞串, 好普通既一款餸, 不值得叫...冇特別韓式炒年糕, 都係普通野, 但係夠味, 有少許辣...年糕煮得好入味最後加多樣餸, 鐵板辣雞腳, 等左好耐先上枱, 啲雞腳炆得好淋, 好入味, 好夠辣, 如果唔食得辣既人, 千祈唔好叫, 哩個餸用黎送酒一流呀, 最後我地都每人叫左支啤酒送雞腳...

今天有友人帶路到諾士佛臺覓食，在眾多食店中獨獨推薦了狎鷗亭，一定有其過人之處吧？ 韓國菜吃過不少，但裝潢得這麼傳統的韓式居酒屋還真是初體驗。特別喜歡那半「席地而坐」的隔間，甚有傳統風味，又有私密性。 餐牌上大部分食物都附有圖片，就算不熟悉韓國食物也可以看圖點菜 XD 店員也會很親切的作推介呢！ 點菜後店員送上各式前菜共六碟，分量也不少不會吃三兩口就沒了。泡菜辣中帶酸，再加上辣薯仔和辣芽菜，全都惹味開胃。怕辣的話也有不辣的前菜或是沙律，也是不錯的開胃菜。 招牌菠蘿酒用原隻菠蘿盛載，因為混入了菠蘿茸所以質地較稠，入口帶點甜還有果香味，頗易入口，也可以加菠蘿片增加口感~ 活魚刺身需要提前預訂，剛好當天有客人預訂，多出的食材讓我們沾了光~XD 除了𩶘魚與鱆紅魚，還有平常較少吃到的多寶魚，片片切得透薄，脂肪不多魚鮮味較明顯，韓式食法原來是用生菜將刺身包起來吃呢！ 牛油烤鮑魚上面灑上芝麻和蔥花，簡簡單單卻有提香作用。烤過的鮑魚仍然濕潤，牛油融化後沾滿了鮑魚，慢慢咀嚼更能感受鮑魚的鮮味。 涼拌豬仔腳分量意外的多，吃的時候將豬仔腳、配料和醬汁混合，因為是涼拌的關系口感特別清爽，

這間上樓韓式餐廳,所以都比較濶落,周圍都有韓式佈置,更有些塔塔米,可以和三五知己暢談,唔會被人騷擾先嚟了6 小碟前菜,酸酸辣辣,令到胃口大空。食咗無咁肚餓,可以慢慢選擇食什麼見到餐牌圖文並茂,已經相當吸引,每樣都想叫,之後索性問店員有那些招牌菜。現在餐廳做梗推廣~青口麵, 好抵食。好多藍青口,熱騰騰的,青口食落好新鮮,青口多到睇唔到麵,更有尤魚多款海鮮,令到湯底很甜。韓國手打麵做得好彈牙，我覺得好香蛋味。一啖湯,一啖麺,好滿足。烤牛舌 這個薄切牛舌,好爽,加了些葱和芝麻,食落好香。咬下更有些汁,份量不少。涼拌豬仔腳 平時食得多,涷豬仔腳,依個涼拌豬仔腳講得上是沙律豬仔腳。有差唔多10款配料,唔顏六色,好靚。豬仔腳唔肥,皮都好薄。將醬料一起撈匀,酸酸地,好開胃,豬仔腳有點彈牙,好爽。因為有青瓜,甘荀,椰菜等作配料所以唔覺豬仔腳肥。正辣鮑魚海鮮鍋 相當大和豐富的一個海鮮鍋,用料十足。 鮑魚,大蝦,豆腐,金菇,蟹,青口。令到滿滿的。今晚餐廳有鮮八爪魚,好難得。我地叫了一隻。當煮到熟時,店員幫我們將八爪魚剪細,方便進食。鮮鮑魚很爽好,彈牙。蝦超級大隻,剝了蝦頭,還好多肉吃,正。八爪魚熟咗,靭靭

夜晚諗住食韓國菜咁啱經過呢間。先黎六碟前菜，最好食我覺得係個菠菜同埋芽菜。跟住就叫左個青口湯麵。超超超多青口，好鮮味，個湯底唔會太鹹，上面仲有舊好大嘅魷魚，麵條質地彈牙。再黎個炸雞一半辣一半唔辣。炸得好脆好香，雞肉滑身。再叫埋兩渣酒分別係荔枝cocktail同埋益力多cocktail。酒味比較輕適合一路食一路飲都唔怕醉。最後叫左一細枝閃粉酒，閃粉係果肉做成，酒味就比較強（稍稍）。總括黎講呢間係一間好高質嘅韓國餐廳，值得推介

有一段時間真係好迷韓國菜，連生日都要食韓國野！狎鷗亭聽就聽得多，但食就真係第一次，不過一定會再去，點解？海鮮葱餅好食，但如果地道d，多d韭菜更好！燒烤我地叫左兩款，豬腩肉同牛肋骨，因為張枱細左少少，唔想放上枱燒會太熱又成身味，於是店員幫我地燒完先上枱，雖然好味，但唔會再咁做，始終自己燒完即刻食係好味好多！炒粉絲好好食！不太油，有少少甜味好正！比我食哂成個都得呀！芝士豬肋骨，搞笑既店員將盆豬肋骨砌成個人樣咁好可愛呀！飲品方面，大杯又好飲，玩左我地成10分鐘去影相，菲林殺手呀！完全無酒味，大愛！一定一定會再黎，無趕人走，見我地係慶祝生日仲比個拍埋牆無咁嘈既枱我地，好貼心呀

曾幾何時, 每次有飯局, Girls night out, 諾士彿台總會是選擇之列, 這裡就如九龍區的蘭桂坊, 華洋共存, 食店也滿有特色, 是品味的保證. 那些, 都是曾經的事了...最後一次去這裡, 應該已是3,4年前, 那時和剛相識的朋友坐在某酒吧外, 看着她吸着水煙, 說着感情的事... 似乎很遙遠, 這位朋友也成了人生中其中一位過客, 但一些記憶, 一些感覺, 拼湊成完整的人生. 生命中也免不了走過很多過客, 都是成長的印記, 能伴隨着自己一直走的, 要的是多麼糾結的緣份. 人大了, 份外珍惜每一段緣. ​重臨舊地, 為的是聚舊, 也一拼迎新...舊是很久不見的友人, 新是帶着小吃貨去聯誼, 做做歡樂小姐, 樓下那些酒吧絕沒可能適合, 今次選的是在諾士佛台訖立了多年的元老級韓式餐廳 -狎鷗亭. 早已久仰大名, 試還是第一次. 穿過樓下滿滿的人潮, 來到一幢頗舊式的大廈, 不起眼的入口, 再乘一層電梯, 切合傳統韓式居酒屋格調.一入門撲鼻傳來一陣古樸木香, 沒有很細緻的佈局, 全店以木器傢俱為主, 帶着一絲的殘舊感, 見證着該店的資歷. 放置着傳統的擺設和掛畫, 久違了的古早味

尖沙咀諾士佛臺係飲酒既勝地，其實依家係個度既商廈都開左唔少食肆~ 今日收工就同左同事黎呢間 聽個名，就知唔係新派韓野 (食過幾間新派韓食都係麻麻), 我都係鐘意食番D韓國傳統野~ 呢度既裝潢都係傳統木製家具，卡位仲要除鞋入架~ (黎呢度食飯唔好著穿窿襪啦) 另一個愛傳統韓食，就係因為呢D前菜啦~ 呢度既前菜好有水準，尤其泡菜，係我鐘意既鮮泡菜，爽口又清甜~ 同埋全部前菜都係有質感的，食到係新鮮製，唔係霉淋淋個D~ 淨係睇個餐牌，已經睇左我半個鐘~@@ 真係多野到呢~ 最開心係有圖有真相，一睇就知食乜~ 如果多人黎，仲可以食呢3個大堆頭，可惜今晚人丁單薄，唯有放棄~ 店員話黎個特價海鮮窩試下 HKD 88 一上台~嚇親，咁既SIZE 88 蚊，我唔知有冇聽錯~@@ 青口大約估計有廿幾30隻，雖然係細細隻SIZE, 但隻隻飽滿~ 蜆仔就細粒左少少，仲有成隻魷魚~@@ 同埋，仲有成個麵底~@@ 其實 2個人黎，淨係食呢個都已經飽哂啦~ 呢個海鮮窩味道就普通D，唔算好突出，如果加埋泡菜落去，我覺得會仲正~ 店員驚我地食唔慣生牛肉 推介呢個半熟牛 ~野菜牛肉卷~ 一片片半熟的牛肉，

我諗唔係太多人知呢度有間咁正嘅韓食。淨係裝修都好靚好舒服 坐低即刻叫左個生牛肉當前菜食,雪梨超多汁勁正。經理介紹話今日sashimi好靚可以試下 因為唔係日日有。決定叫左兩個味道 一個raw 、一個就拌salad食🙌🏽 除左mix with基本salad veggie 外仲加蘋果，辣醬。我投票俾佢 好開胃💕主菜之一 青口八爪魚湯麵呢個超抵食 面盤咁大碗之餘青口超多 都係$88😵味道原自青口嘅鮮味 下底有韓式粗麵🍜主菜二 紅燒牛排呢個其實唔平（$198）但好多人食過都話正 果然冇錯🐃肉煮得好入味 軟熟 濃度帶甜令成個熱鍋唔會感覺好燥。由一開始坐低朋友已經話要試菠蘿酒 特式係佢用original pineapple 去載 刮肉就放側邊 因為有菠蘿肉原故 酒嘅狀態似沙冰 🍨外賣左半份炸雞返屋企💕個皮仲好脆🐓👍🏻👍🏻

呢度嘅食物種類多到呢... 由街邊小食炒年糕、辛辣麵，到到湯鍋、炸雞、拌飯乜都有，所以真係好多嘢想食，想吓想吓就叫到成枱都係...點完菜發現原來筷子座係好可愛嘅臘腸狗冇耐侍應就送上六小碟。呢度嘅前菜除咗有大路嘅kimchi、魚仔、大荳芽，同菠菜之外，仲有好特別嘅茄子，辣辣哋甜甜哋好開胃［韓式魚生］除咗新鮮彈牙嘅魚生外，個醬亦係重點韓式豆瓣醬再加咗麻油、青辣椒，同蒜頭，好香口。食完個口雖然會臭，但真係好好味。不過如果有生菜或芝麻葉包住食會更好［生碎牛肉，$158］生牛肉係我最愛嘅韓國菜式之一生雞蛋黃令牛肉更加滑身，亦冇腥味；梨絲就令生牛肉唔會太膩，亦增加甜味同口感🏻正［青口麵，$88］餐廳呢排做緊promotion，呢個咁大碗咁多青口咁大隻魷魚喺面嘅麵，$88咋冇理由唔試湯頭有海鮮嘅清甜味，青口新鮮飽滿，魷魚亦彈牙［紅燒牛排，$198］牛肋骨炆到腍到冇牙都食到而且又易甩骨，所以即使有嚿大骨喺度都近乎係啖啖肉，加上炆得十分入味，餸飯一流［拌刺身，$158］呢個「沙律」入面刺身都幾多，仲有蘋果、芝麻葉、洋蔥、生菜，同甘荀個醬同韓式拌飯個醬好似，所以如果加碗飯就已經可以做到個韓式拌飯，可以食到

尖沙咀多韓國餐廳就人人都知，但口味同價錢就人人都各執一詞。今晚約咗朋友聚一聚，同行友人極力推介佢哋嘅《生拌牛肉》同《紅燒牛排》，咁一於就試下啦。未夠7點到達，但有一半嘅枱已經有客，店員好快手安排到枱俾我哋。門口有大大嘅掛畫裝飾有置身於韓國嘅感覺坐定定之後，店員先好六小碟前菜款款都好好味，泡菜辣味剛好，餸飯一流左上《辣海鮮湯》$220（如果唔食辣得嘅朋友，唔建議你order）辣味剛剛好，好足料，有大蝦，青口、蜆、魷魚，鍾意食海鮮嘅朋友就一定要試上中《炸八爪魚雞》$288呃like必叫，大大隻船放上原隻炸八爪魚，旁邊再放滿炸雞店員上菜之後俾時間我哋相機食先，之後就好細心咁將八爪魚分件炸得夠乾身，外面脆卜卜，入面夠曬彈牙，再配埋3款醬汁右上《紅燒牛排》$198炆嘅時間剛剛好，未放入口已經能夠骨肉分離，應該用咗大量嘅蘿蔔一齊去炆，所以醬汁好夠甜味，餸飯一流。右2《炒年糕+炸紫菜卷》$130同出面食到嘅差唔多，辣度適中，紫菜卷包住粉絲去炸，炸到脆卜卜，餸年糕食出奇地好夾。右下《烤鰻魚》$138鐵板上，鰻魚夠肥美，鰻魚底嘅洋蔥吸收曬鰻魚汁嘅甜味，餸飯又係一流。大圖《生拌牛肉》$158第一次喺香港食

星期五梗係同同事去威啦！尖沙咀咁多酒吧，但又無乜野食見到openrice呢間食韓風野再加飲酒岩曬我地呢d放工港女啦haha先叫一個外星人炒年糕同餐牌有些少出入但我覺得唔錯架都佢變左炒蛋同埋芝士芝士溶左沾年糕好好味炸魷魚香脆即食麵索左d辣汁都唔錯年糕好煙un！正啊！成個煲都幾大個6個女仔食完都有d飽不過我地梗係要繼續食啦哈 女仔鍾意食咩啊？生冷野囉！之後梗係叫12隻生蠔來自new zealand的生蠔肥美又大隻一d都唔腥相反有淡淡的海水味加埋檸檬汁同特制韓式醬真係一流完全帶出到個鮮味食到我地真係想叫多輪哈哈不過又想試其他野…所以…我地叫了牛油烤鮑魚重重的牛油味鮑魚邊烤得香脆夠林，又夠鮮真係好好味啊我地6個食到狂爭之後梗係黎到飲酒環節因為韓式所以呢度的酒都係燒酒做base叫了個益力多燒酒成jar架係！好正佢溝得好好飲，一d都唔苦但又飲得出燒酒個味女仔飲呢d真係好快醉易入口啊嘛真心覺得唔錯野食又好味酒又好飲下次再黎食啊！