犇之食堂 (已結業)

放工後到誠品逛逛，及后在白沙道發現一家新開的台式牛肉麵店。仲愛台式牛肉麵的我一定要試試看。餐廳的裝潢帶有文青風格，帶一點點台灣氣息，而且室內懸著不少綠化植物，感覺清新而舒適。這兒的餐點是以台式牛肉麵和小食為主。前菜$28-$42，麵食$68-$86，飯$38-$76，而小吃則$35-$48等等，是一般台式牛肉麵店的價錢。犇之三寶麵$78這碗麵十分足料，麵上放滿了牛筋牛腩和牛肚，賣相吸引。牛筋炆得軟滑，夠入味，骨膠原十足；牛腩充滿肉味，入口軟身又有咬感；牛肚口感爽身彈牙，唔會好韌。湯底味道香濃又鮮美，帶丁點的辣味，又唔會太油太咸。而麵條十分滑溜又有口感，不錯。配上自家特製的酸菜，酸酸地又爽甜，更加好吃。傳統清燉牛肉麵$76這清燉牛肉麵的湯底是典型的台式清湯湯汁，帶有牛骨湯的鮮味，味道清而不寡。所採用的牛肉是牛𦟌部位，半筋半肉，入口軟身，帶一點口感，味道唔錯。蘿蔔清甜軟腍又無渣。麵條和三寶麵的麵條一樣，入口滑滑又Q 彈。味道比剛才的三寶麵更為溫和。師大香酥排骨$40這排骨真好吃！排骨炸得剛好，香酥又唔油膩，充滿了肉汁和肉香，真是香口又惹味，十足台式風味，正！記得食埋醃靑瓜，味道酸酸的，又爽

自從上次去完台灣之後非常眷戀台灣嘅牛肉麵，於是就同朋友一齊過嚟試吓呢一間新開嘅台灣菜。一入到去全場滿座，勁多人！同埋佢個裝修好靚，好有田園氣息，座位都好寬敞，夠晒舒適。我朋友鍾意食花枝丸，於是就叫左士林花枝丸。炸得好香脆同埋都幾彈牙架！仲有九層塔墊底，炸得好脆囗，唔會油淋淋～之前睇食評話個師大香酥排骨好好味，於是就叫尼試下～果然不負所望有得留低，外皮勁脆，肉質夠嫰滑。然後我地叫左招牌三寶麵，同埋清燉牛肉麵。超好食呀～入面有牛腩牛筋牛肚，湯底夠濃，差唔多成碗飲哂。牛腩又夠入味～炆得啱啱好。加埋啲蔥花夠晒香呀！我地叫左起司奶蓋炭焙烏龍茶，起司奶蓋炭焙茉莉花茶。個奶蓋叫我哋唔好用飲管飲～因為奶蓋同埋啲茶可以分開飲，囗感有唔同層次。真心推介喱間由台灣人主理嘅犇之食堂。下次一定要再嚟試吓～

朋友想食台灣野，我本身鐘意食牛，所以諗都唔諗就去左E間專食牛既餐廳。牛牛牛!!!!呢間環境都唔錯, 地方不大，但坐位舒適自在, 有台灣既感覺，清新休閒餐牌的主食選擇不多，主要是牛肉麵犇之三寶麵 一碗麵三樣餸。三寶即係牛筋，牛腩，牛肚, 絕配。湯底微辣, 好濃郁， 仲要完全非味精牛腩炆得入味, 好淋好好食，牛肚彈牙、牛筋嫩滑！麵彈牙好味！生菜菜心都爽嫩！ 強烈推介！！傳統清燉牛肉麵牛肉湯底唔咸！清清淡淡既麵質很滑有咬口P.S.蘿白好清好好食。 師大香酥排骨外皮酥脆， 食落一d 都唔咸, 又有肉汁。再配上調味粉,100分好好食。士林炸花枝丸呢個都好好食。熱辣辣，仲咬到花技粒TIM!非常彈牙見下圖起司奶蓋士多啤梨莎莎 (右 )起司奶蓋藍莓莎莎 ( 中)水果烏龍茶 (左 )清清淡淡水果茶， 飲落好消暑。 大close-up我最鍾意嘅係起司奶蓋芒果莎莎 (見下圖 )餐廳職員服務態度不錯，幾細心！ 

有朋友食完尼間台灣野之後不停大讚，今日帶埋我地總共7個人黎試試佢每樣食物細細份，單價又唔貴，不經不覺就食左800幾蚊😅滷肉飯好大碗，略嫌少左D汁同埋唔夠多肥肉，滷蛋好入味嘉義雞肉飯：雞肉乾，而且無咩味，成餐飯最普通就係尼個清燉牛肉湯飯尼個真係好好好好食😍😍😍估唔到牛肉咁嫩咁香，推薦👏🏻👏🏻珍珠奶茶好飲過奶綠👍🏻記得嗌少甜除左飯同飲品，黎尼度最主要就係食小菜，所以我地抱住「食得落就嗌曬所有餸」既心態喪叫😆銀芽牛腱粒食一啖就知點解叫「牛牛牛之食堂」，不論係牛肉湯飯定係牛腱粒都好好味食到停唔到口鹽酥雞熱辣辣，雞肉好嫩滑好惹味黃金泡菜其實係腐乳泡菜😂食落都唔錯，味道比想像中夾，可以試下既台式香腸$35蚊細細份，其實都唔平，但係如果再去多次，我都一定會encore😍因為真係好好食，好有台灣九份烤黑橋牌腸既味道🤤不過真係好濃味，食完腸再食其他野會變到好淡，記得擺最後先食最後要讚既係餐廳環境裝修得好靚，用黎做Cafe都得總括黎講尼度既主食同飲品都不過不失，但係牛肉同小食都好出色下次再黎我會encore牛腱粒、牛肉燉飯、鹽酥雞同香腸

作為牛魔皇，一知道開左牛肉麵，當然即時黎試啦。犇。俾個字吸引左。環境還好。坐得滿滿。要搭枱。香港人果然反應快。新舖咁快已經俾咁多人發現左。一。犇三寶麵。一定試呢個啦。不過都幾失望。牛肉好實。唔得。。。。個湯好甜。但浸甜味唔自然。。。。唔係清甜嗰隻。牛筋牛肚正常。二。肉燥青菜正常。三。皮蛋豆腐呢個好味。個豆腐整碎左blend入啲汁同皮蛋度。好入味。四。藍莓沙沙。正常水準。應該唔會再番黎。香港人不斷想抄襲台灣食物。但事實上功夫未到家。

我d朋友想去希慎買d 野，所以我就順便同佢地去埋附近食dinner 聽朋友講有間台式餐廳叫犇之食堂，係岩岩新開，鐘意試新野既我一定唔會錯過la 哈哈一開始叫左d 面同小食。xdd犇之三寶麵 三寶即係牛筋，牛腩，牛肚。我本身鐘意食牛，所以諗都唔諗就叫左本店推介既呢個面。我覺得牛腩好淋好好食。因為我本身d牙肉同牙唔太好，唔太食得要趙好耐既野，所以呢個好岩我。當然牛筋同牛肚都好好食啦！！推介！！傳統清燉牛肉麵食完d 濃味野，想食d 清d 既野食。呢個既蘿白好清好好食。另外同朋友叫左d 小食諗住一齊share 食。 師大香酥排骨呢個真係100分。強烈推介！！好食之餘又有肉汁，一d 都唔咸但又有味。就算放左一陣都好好食。士林炸花枝丸呢個都好好食。 但我比較鐘意排骨多d 哈哈左：起司奶蓋炭焙烏龍茶中：起司奶蓋藍莓莎莎右：起司奶蓋士多啤梨莎莎因為我好鐘意colorful 既野，所以都影左好多放上ig 哈哈我覺得士多啤梨呢杯最好飲，果然係本店推介。哈哈。起司咸咸地，但份量岩岩好，唔會太多。起司奶蓋芒果莎莎

同肥髀行完大館去咗銅鑼灣搵食，佢話想食台灣香腸，所以搵咗呢間新開啲台灣餐廳，去到唔使等位，試業中只收現金！田園風光裝飾，桌椅唔迫，店員招呼我哋坐靠牆位置！枱面已放晒餐具🍴餐牌，食物都係台式食品飲品！台式中香腸（$35）唔係切片，係香腸中央切半，加蒜片食，香腸夠熱，油脂滿咀，香腸皮脆肉嫩！鹹香好味！話梅小蕃茄（$38）小蕃茄已去皮，加了酸梅汁，梅味加蕃茄酸味好夾，蕃茄爽脆，好好味三寶麵（$78）一碗麵三樣餸，牛腩牛筋牛肚，牛腩入味，湯底濃微辣，炆得入味，牛肚彈牙、牛腩入味，牛筋嫩滑！粗麵彈牙好味！生菜菜心都爽嫩！水果烏龍茶（$38）半糖，水果有火龍果、蘋果、橙、我食紅火龍果肉，爽嫩好味，茶味濃微甜好味！珍珠奶茶加仙草（$31）肥髀飲，不過仙草唔夠多，無叫少冰上枱已溶晒！有點失色！食物好味，店員有禮斯文，服務比較嫩！有點不知所措咁！態度幾好有笑容，所以無問題！仲要無加一可以一試台灣菜

係銅鑼灣白沙道算係較有文青氣息，兩邊舊式洋樓被希慎寫字樓包圍住，最近就見到地鋪位開左呢間古舊優雅嘅台灣食店。門口位有個Bar 枱位，收銀枱面擺設古舊電話☎，一大束粉紅山茶花，一例銅式器皿與植物擺設，有種貴氣歐洲茶藝感覺，清新休閒另人想係個bar 枱嘆茶坐大半日。叫左杯水果綠茶，綠茶底有切片蘋果西瓜火龍果，清新生果汁夾著綠茶的甘味，唔會太甜，絕對係夏日清新之選。係台灣我最愛食花枝丸，犇都有佢自己嘅士林花技丸，不負所望，熱辣辣花技丸皮煙靭，咬到花技粒非常彈牙。另一款另我驚喜嘅滷水排骨，黑醬油嘅特有顏色，一上枱經已有好濃郁嘅台灣獨有特式醃料味道，近乎香料（花椒八角香葉）與藥材之間嘅香氣，食落口，排骨鬆軟，真正齒頰留香。叫左個以佢地店名命名 - 三犇（讀「賓」）- 犇之三寶麵，呢個都幾多客人叫，佢有牛筋牛腩牛肚，3 個部位。另一款係清燉牛肉麵，可以另我飲哂嘅清湯，難得無油膩感，享受純蘿蔔同牛𦟌嘅清甜。

話說我知道有個朋友好中意食牛，直頭係無牛不歡，又知道呢頭新開左間專食牛的台灣菜，今日同朋友專程到訪見到入面地方非常之闊落睇睇個餐牌，野飲都有成頁選擇如果平時行街行到累來飲杯茶抖下都唔錯喎食物方面款式選擇都幾多，而且係銅鑼灣區來講都幾平喎我點左個3寶麵最值得一讚的係個牛腩，好爽口仲有個白蘿蔔非常淋，正朋友點既清燉牛肉麵湯呢個炸花枝丸好足料呀，仲要即炸熱辣辣上面再加椒鹽正！個炸豬排肉嫩無比，無唸過炸完d肉一D都唔”鞋”，個好厚身店員話食麵可以加秘制酸菜，又幾好食喎起司奶蓋茉莉花茶超正，奶蓋岩岩好唔會太厚，我仲加左寒天冰球同珍珠，2個口感都唔同朋友叫了起司奶蓋芒果莎冰埋單300多都唔貴，下次會再來

最近好鍾意食牛肉麵，香港都開咗好多唔同種類嘅台灣野， 行開銅鑼灣白沙道有一間犇之食堂， 個餐廳名其實唔識讀， 哈哈 。但係裝修幾靚 ，門口仲可以買果茶， 啱曬影相呃like。四個人食，但係叫咗四個小食加4個面， 可想而知我哋幾大食， 炸花枝丸好大粒 ，入面仲有一粒粒嘅墨魚丸粒，好彈牙。鹽酥雞都炸得好香口，一啲都唔油膩但我覺得最出色都係呢個鹵水排骨， 好味到完全唔知點形容， 成塊排骨入曬味 ，但依然保持香脆 ，下面墊碟嘅腐皮都好好味， 四個人要喺度爭食 ，結果食曬成碟嘢。主食就叫咗三寶面同清燉牛肉麵， 三寶麵有牛筋牛腩牛肚， 啱曬鐘意食唔同部位嘅人。 加上湯底濃郁，麵質幼滑 ，都係一個唔錯嘅選擇。想清清地可以食清燉牛肉麵， 湯底冇三寶面咁濃，但都飲到淡淡嘅牛肉湯味， 牛肉亦炆得好淋。

打工仔一定知，每天諗食乜嘢真係諗爆頭，一係就附近嘅食店，但係日日咁樣食法真係好悶！想食嗰啲又好鬼遠，一個鐘頭時間食飯真係好唔夠！今天經同事介紹去了白沙道新開台灣食店！因為我今日真係好想食台灣腸😏其實離我公司都有啲遠，大約10分鐘嘅路程，嘢食來遲少少都唔掂😂(打工仔辛酸)來遲咗嘅話就要食得好快！一進店感覺裝修好舒適年輕，很多都是用木去裝修，令人感覺可以慢慢食不用太急，今日是星期日的下午2:30，我和同事叫了鹽酥雞滷肉飯，清燉牛肉麵，台灣腸，珍珠奶茶和珍珠奶綠。嘢食都好快到，份量正常，首先講我的鹽酥雞滷肉飯，唔……我個人應為鹽酥雞冇乜調味 ..好淡口，沒有吃完一口再想吃一口的感覺，有點可惜，滷肉飯不錯吃，滷肉切條肉和脂肪大概7:3唔錯！都試吓台灣腸亦唔錯，口感似臘腸，但同事話係咁樣的，因為本人去唔到台灣所以未試過真正的台灣腸所以不知道什麼是叫正宗台灣味道！另外試吓杯珍珠奶茶，我就覺得冇乜特別🤔茶味及奶味很普通,$26來說可以在外面搵到更好飲的。試了同事的牛肉麵，清湯底的確很清，但亦很淡口，應該食開清淡的人會較喜歡，但我個人比較重口味所以我就不太喜歡🙈總括而言，食物質素一般，吃了幾款沒有一樣

犇之三寶麵 （ 牛根、牛腩、牛肚）少少辣好開胃， 湯底好濃郁， 仲要完全非味精👍🏻牛根食落爽口，有唔同既咬口👍🏻👍🏻 牛腩好淋， 再加上牛肚既口感，係絕配既三寶😋麵質配個哩個湯底好夾傳統清燉牛肉麵清清淡淡既牛肉湯底，岩哂怕重口味既朋友仔，除左裡面既牛展好爽口， 仲要提一提個羅白😍😍士林炸花枝丸特別推介給喜歡香口野既朋友仔🙋🏻‍♀️外皮酥脆，內裹另一種咬口，再配上調味粉😋😋師大香酥排骨肉唔會太乾， 食落口仲有一絲絲既香料味。大家不防試下配埋伴碟既酸黃瓜食，會加添了一種好難形容既層次感😀😀珍珠奶綠唔知係咪人有出錯，俾錯左杯理珍珠奶茶😂完全飲唔到有綠茶既味道.....不過奶茶好滑， 唔會太甜， 味道岩岩好👍🏻👍🏻水果烏龍茶清清淡淡水果茶，岩哂好多香港女仔既口味，撞正依家炎炎夏日， 飲落的確感覺好消暑。

繼續銅鑼灣尋找滋味午餐，這次來到一家算新開的餐廳。餐廳環境開揚，裝修舒適。如果歇歇腳，是不錯的選擇。下午茶時間到，沒有茶餐。不過好像很多台式餐廳都不設茶餐🤔🤔點了個排骨鹵肉飯（$72）飯不算大碗，但下午茶時間吃是夠飽的。鹵肉也不算多，但也足夠拌一碗飯。排骨是挺香脆的，不過說不上很好吃。餐飲點了一杯凍珍珠奶茶（+$0）凍飲不用加錢，感覺良好。一看就知道，珍珠份量不算多。不過還是挺好咀嚼的。不過味道比起很多台式飲品店還是差了一點。總結：一般的台式餐廳價位，只是說不上很好吃🤨

最近工作很忙碌，連午餐也沒有時間吃。每每頂著咕嚕咕嚕的肚子工作。今天難得有時間吃午飯，於是和幾個同事挑了一家新餐廳試一試。餐廳走台式小清新風，店員都很年輕。餐廳佈置了不少仿真盆栽，另外又擺放了不少懷舊小玩意，不過空間較擁擠，坐得不算舒適。餐牌的主食選擇不多，只有數個套餐，主要是牛肉麵和滷肉飯，好處在附送飲品，和不加一。⭐️宜蘭鹹酥雞滷肉飯$72套餐可以免費配一杯飲品，我選擇了珍珠奶茶。入口已經失望，茶味很淡，餘下的只有淡淡的奶水，作為台式珍珠奶味來說，不及格。另外炸雞排的麵衣很厚，入口不夠酥脆，粉漿味太重了，也沒有鬆化的感覺。其次滷肉飯較乾身，滷肉汁較少，口感就像醬油肉碎飯。▪️在香港很難吃到真正出色的台灣菜，原因何在？我也想知道呢！$72午餐這種質素，不得不令人失望。

去到銅鑼灣吃午餐，正研究吃乜嘢好，被一間食肆門口的賣茶corner的清雅設計所吸引停了下來看，向右望又看到其入口旁豎起一個牌所寫的字，頓覺得很窩心，決定一試。聽其員工講才開咗1-2星期，還在試業中。試業套餐有主食、飲品，加$10 可加前菜或湯。三色前菜，煑花生半冧半爽，少許鹹香；茄子似是燒汁拌過，有些甜甜地；涼拌雞絲，加咗麻油、芽菜和芹菜，比另兩前菜味道較清淡。總括三種前菜都調配得很入味。師大香酥排骨滷肉飯，排骨目測好似肉硬，但咬落原來很酥軟，唔算好鹹。滷肉飯胖肉不少，都幾油膩。珍珠奶茶，叫咗走冰少甜，飲到茶味，奶唔算太濃，珍奶QQ，無過冧。試業套餐價格ok，又無加一，銅鑼灣地區算是不錯的選擇。