犇之食堂 (已結業)

行經銅鑼灣白沙道，發現呢度開左間好有文青風格嘅小店，認真望望原來係一間台式地道食店黎既。佢既裝修好有格調，以紅磚牆做主調，配襯木系枱凳，店內仲擺滿大量盆栽，環境舒服優雅，最arm一班文青去打卡。另外，係門口位有個飲品counter其實係連住店內同店外既，就算係行經都可以就咁買杯台式飲品外賣架Menu呢度有齊前菜、小食、飯麵、甜湯等等；就連飲品都有好多選擇，價錢亦都相當合理。丫爸皮蛋豆腐$42呢個皮蛋豆腐同平時既好唔同，呢度係混埋左既碎豆腐同皮蛋，再鋪上肉鬆同柴魚碎，加埋秘製蒜油醬，味道特別又開胃犇之三寶麵$86呢個三寶麵湯底濃郁微辣，又唔會太咸，飲落仲好醒胃tim，麵質方面都算有咬口，至於配料就有齊牛筋、牛腩同牛肚。牛筋爽口彈牙，好有膠質；牛腩肉質軟腍而且入味；至於牛肚就爽口夠味師大香酥排骨滷肉飯$68呢度既滷肉飯，飯粒比較軟，可能多左d水，不過個滷肉食起黎香而唔膩，咬落d油脂仲滋味甘香，膠質豐富。而個排骨食落都juicy唔乾，肉質又有彈性，唔會軟爛香芋奶綠（左）$28有濃濃既芋頭香同奶味，加埋d鮮芋頭粒粒起司奶蓋炭培烏龍茶（右）$32一股芝士奶蓋熱潮瘋魔香港，而呢度當然都有得飲，芝士

與同事在銅鑼灣附近工作完畢，順道食個下午茶，途經這間地舖，門外還有2,3 露天坐位，店裡外都掛上植物，彼有生趣，相信這是臺灣食店的特式。我只用了$66結帳，其餘是同事自己付的。傳統清敦牛肉麵($56)  + 熱珍珠奶茶(另加$10)清甜的湯底，幼絲蔥香，牛肉嫩，腍到不需用力嘴饞，地道的台灣粗麵條，Q彈有咬口。熱的，從來沒有飲完整杯凍的珍珠奶茶，亦未有飲過熱的，這杯另我可以再回來喝，奶茶的茶味順，豐厚的奶拌勻後，整杯奶茶的質感是滑滑厚身，還有Q 彈的珍珠，好飲！犇之三寶麵$86同事說好肚餓，今晚需加班，所以食多一點，牛筋牛肚牛腩麵，濃濃的牛上湯，三寶全都腍嫩，且牛味濃，牛根入口溶化，好味。起司奶蓋士多啤梨莎莎，38元。正常沙冰祇有一種味道，這杯頂部加上芝士奶，飲下有點像奶昔，但奶昔沒有這麼多沙冰，味道不錯，如果減少許甜度，更加好味。宜蘭縣蘇雞，48元。脆脆的外皮，嫩嫩的雞肉，味道適中，還加上蝦片，九層塔，是正宗地道臺灣小食。

是日在銅鑼灣閒逛了半天後, 偶然經過這家帶點文青風格的台式餐廳, 就不假思索的進去一嚐了餐牌上有各種餐點小吃和飲料的選擇眷村紅燒牛肉麵 ($76)說到台灣菜, 立馬想起的, 當然是牛肉麵了湯底濃而不膩, 且帶肉香和微微的香辣, 十分惹味。牛肉有四大塊, 比平日食的更厚身, 口感好之餘也相當易咬。麵硬度剛好,配上青蔥，更添滋味。犇之滷肉飯 ($38)珍珠米軟硬適中, 夠口感, 吸收了半肥瘦滷肉的香汁,好好味! 再配上半隻滷蛋, 更是滿足喔!除了主菜, 我們還點了小吃:士林炸花枝丸 ($38)外皮香脆, 但內裡依然juicy, 內餡是實在的花枝啊!

今日成日都係出面做嘢， 喺銅鑼灣收工已經七點幾，經過白沙道見到一間望落去有D似酒吧，睇真啲原來係台式小店，主打牛肉麵，仲有台式奶茶、果茶、奶蓋沙沙外賣櫃位，門口仲有高枱櫈可以坐低慢慢飲，見噤靚噤吸引就入去試試。店內嘅裝潢有古老倉庫氣息，週邊破爛紅磚牆、懷舊擺設、海報帶出台式小店風味，仲有不少綠葉植物作點綴，感覺舒服。既然店名用上三個牛字犇之食堂，一定要試下佢哋嘅眷村紅燒牛肉麵啦，餐牌有牛仔標誌架。牛肉係用牛，聽講台灣人鍾意牛牛有咬口。食落軟淋而有咬勁，有唔同層次，牛肉味濃。湯頭有牛肉鮮味，湯色較深但鹹淡啱啱好唔會太濃。 麵係闊身麵條，咬落彈牙，沾咗湯一齊食可口順滑，仲可以加埋枱面上嘅酸菜就更惹味，的確係有水準嘅牛肉麵。小食點咗大腸拼小腸， 係台灣嘅傳統小食。大腸係糯米腸，小腸係黑橋牌台式香腸， 佢嘅賣相好特別，將大腸開邊再加上酸菜同小腸再用竹籤串起， 食落味道豐富，有糯米嘅軟淋，香腸嘅肉味，酸菜嘅甜酸再加上醬汁， 令傳統小食變得仲好味。台式飲品一定要試啦，叫咗香橙茉莉花茶，都係有牛仔標誌。 飲落有明顯嘅香橙味，但不會遮咗茉莉花茶嘅清香。臨走前同經理傾咗兩句，先知道材料都係來自台灣，

話說我嘅台灣美食之旅又開始啦！餐廳名有三個牛字，好特別呀～話梅小蕃茄$38酸甜多汁嘅小蕃茄係開胃之選！牛三寶麵$86有牛筋牛肚牛腩蘿蔔，夠淋夠入味，牛腩唔係全瘦所以唔會靭，麵質唔錯，湯底超級香濃帶微辣！飲左好多都唔口渴呢～份量都幾大碗飽肚台式腸雞肉飯$68手撕雞肉，超嫩滑！個蒜汁撈飯好香！台式腸皮脆甜甜的～肉燥青菜$38燙過嘅菜心加煮到入晒味嘅肉燥，即時香好多！台式芋圓（凍）$46有凍有熱，凍嘅多左仙草、同珍珠，有三色芋圓，好QQ！食到三款芋圓都唔同味～起司奶蓋炭焙烏龍茶$32個奶蓋滑到爆！！好似食綿花糖咁，個烏龍茶又夠香，比普通飲品店做得更好！

今晚約朋友食生日飯，去咗呢間位於白沙道嘅台灣餐廳「」，外面睇仲以為只系賣台式飲品外賣店，店內坐位唔算多，人多需要搭枱，而且枱與枱之間較迫。食物方面前菜、小食、飯、面都幾多選擇，今日都叫咗幾多野食，前菜我幾鐘意話梅小蕃茄，甜甜而咬落多汁，另外炸蝦餅都唔錯，而我擇嘅貢丸湯米粉湯底好淡。朋友叫嘅滷肉乾拌麵，並唔係乾麵，D汁仲留曬係底😑所以前菜小食比較出色。而飲品有台式果茶同珍珠奶茶類可以㨂，我杯香芋奶綠仲有小小芋頭粒系杯中，好有口感。

週日經過白沙道就被這間田園文青風的台灣小店吸引住，內裡的木系風格也超有feel呢！各式各樣的台灣主食、小食和飲品應有盡有，這次就先嚐嚐它主打的三寶麵和鹽酥雞滷肉飯啦！不消一會，所有食物都到齊啦！必點的當然是這個犇之三寶麵 - 有牛筋、牛腩和牛肚三款牛的部份。上來的時候已傳來陣陣牛香！ 先嚐一口湯，濃濃的牛肉味，加一點微辣，非常香濃惹味！牛筋是充滿骨膠原的感覺，軟身又黏口。牛腩肥瘦均勻，肉質軟稔入味同時又有幾分嚼勁。牛肚爽口勁道又不膩。除了牛肉的部份，個人非常喜歡它的麵條！麵質煙韌彈牙，厚薄程度剛剛好，整碗吃光光也絕不飽膩！ 回頭率極高啊！除了牛肉麵，當然要嚐嚐這個宜蘭鹽酥雞滷肉飯啦！鹽酥雞的外皮炸的非常酥脆香口，而內裡雞肉的肉質鮮嫩無比，熱辣辣真的很過癮！ 而滷肉飯充滿油香但又不過膩。滷肉是分明的五花腩絲，肥瘦層次分明，放在軟綿的米飯上，一個字「」！嘴饞的我們又怎少的了台式小食呢！ 這個黑橋牌台式香腸是我近期的至愛 哈哈！香脆而又薄薄的香腸衣，一咬下去的感覺真棒！台式香腸的肉質肥瘦兼容，油香而不膩！ 台灣的香腸真的是超滋味的！還有就是士林炸花枝丸啦！花枝丸炸的相當香脆可口，丸裡充滿花枝

上星期銅鑼灣行街經過白沙道，見到呢間餐廳門口好特別有個位置係俾人飲珍珠奶茶。望吓入邊格局都好友台灣感覺，第二日即刻去試吓見到餐牌價錢適中喺銅鑼灣來講唔算特別貴，合理。我哋首先叫咗兩杯野飲，一杯係芝士奶蓋烏龍茶，另一杯係香橙茉莉花茶。味道唔錯，而且好大杯，但我地叫左半糖我覺得唔夠甜，所以原來正常甜度我覺得已經ok主菜叫左碗台灣牛肉麵「三寶」有齊牛肉，牛根，牛肚，肉味濃，湯底好香，面質有咬口，有台灣感覺·另外鹽酥雞扒燥肉飯，雞扒同飯分開上幾好，雞扒就可以保持香脆，燥肉真材實料，送飯一流。最驚喜呢碟皮蛋豆腐，皮蛋切碎同豆腐已混合一齊，一口一啖同肉鬆一齊撈飯食或者獨立食，都好好味，絕對值得一試。

晚飯和朋友去了銅鑼灣新開無耐ge 犇之食堂 食野。餐廳係台灣開過黎，當然係主打台灣菜啦。一於試下距！係門口等佐一陣就入得去食啦，首先當然係叫個滷肉飯啦，呢個滷肉飯係配宜蘭鹽酥雞ge，係餐廳ge廚師推介之一，鹽酥雞表面香脆，而裡面ge肉質就好嫩滑，而個滷肉飯個滷肉好香肉香味，唔會好油膩，係香口！個飯粒煙un，好唔錯啊個滷肉飯整得，有台灣ge味道！食台灣菜點小得距地ge風味小食，黑橋牌台式香腸，台式香腸是我最愛，必點之一，香腸非常飽滿的肉在裡面，表面脆脆的，而且可以夾著蒜片一起吃，更加惹味。話梅小蕃茄，是一個比較清爽的前菜，小蕃茄去皮以後，用話梅去醃製，食落口酸酸甜甜的，好開胃。湯品要了一個清燉牛肉湯，牛肉湯顏色好清，但喝起來味道好濃郁，牛的味道好香，一喝就知道是熬了好久的湯。甜品要了一個台式芋圓，裡面有仙草，芋圓，珍珠，而且是一個黑糖底的，冰凍的，非常適合飯後吃。成功將台灣風味帶來了香港，店員非常有禮貌，值得讚。

今日咁岩經過犇之食堂，就俾呢間餐廳嘅裝修吸引到，我見到menu上嘅飲品又好想試下，咁我就走去門口位置（沖野飲有個小窗囗）同一位短頭髮有紋身嘅女同事問：請問係咪可以買走架？（因為餐廳似淨係堂食，唔肯定所以先想問清楚少少）點知呢個侍應好差同不屑嘅態度答返：下，外賣，點解唔可以呀，俾錢咪可以買外賣囉.....之後仲要係度笑...到底係咩野態度呢？其實純粹想問清楚少少姐我唔黎幫襯唔緊要，但咁嘅態度對客，只會因為呢個侍應令貴公司嘅回頭客愈黎愈少飲品方面...我叫咗一杯芝士烏龍茶，飲品味道好淡，無味..

銅鑼灣都算多野食，諗住普普通通食餐飯求其揾間餐廳，點知誤打誤撞黎左呢間台灣餐廳都算好彩睇餐牌唔算貴就喪叫，開始黎兩碟小菜，大腸包小腸同埋薑絲蒜泥三層肉前者有台灣夜市食到既水準，後者味道也不錯，又甜又鹹，幾特別，$40份量都幾多之後黎主菜三寶麵，湯夠濃，筋也夠林再黎排骨滷肉飯，好食，但唔算有咩驚喜仲有最後既芋圓同埋奶蓋苿莉茶，響應環保苿莉茶係冇飲管兩樣都不過不失有水準總括而言，最想講係價錢係銅鑼灣黎講算不宜，咁多野食都係三百，又唔駛加一，份量又夠，整體味道又夠好食，服務以唔加一黎講係幾好，環境都算寬敞，又唔算好遠地鐵站，個人覺得係聚腳好地點。

今晚起銅鑼灣收工約左朋友食晚飯起openrice搵地方食飯朋友係超級鐘意食牛我又鐘意食台灣野犇之食堂可以一次過滿足哂我地兩個既願望店內裝修走文青風我特別鐘意佢既磚牆聽講呢到所有食材都係來自台灣仲請台灣人黎主理正！餐牌飯麵小食都幾多選擇我要左鹽酥雞滷肉飯粒粒滷肉 睇見都好開胃食落唔會油膩配埋滷蛋 就咁都可以食哂成碗飯鹽酥雞新鮮炸起 薄薄一層炸粉 香脆既外表鬆軟嫩滑既雞肉食完成碟都唔會覺得膩唔錯朋友叫左紅燒牛肉湯飯佢話個湯底好正好香濃牛肉又夠嫩好快就清哂成碗花枝丸 炸得酥脆 裡面彈牙爽口食到停唔到口台式香腸係腦海中台灣既味道香濃滋味香竽奶綠真係飲到粒粒香竽真材實料 所以味道唔會假朋友既珍珠奶綠甜度適中 唔需要叫少甜呢到性價比極高Service裝修都好我地2個都好滿意呢餐推薦比大家！

星期五晚喺銅鑼灣行完街，冇訂位嘅情況之下要搵嘢食，真係比較難。行吓行吓嚟到白沙道，見到一間裝修非常精緻嘅食肆，原來係台灣野，正想飲珍珠奶茶，即刻入去試試。因為餐廳都算多座位，等咗大概10分鐘就有位。我哋叫咗滷肉飯，皮蛋豆腐，鹽酥雞，當然一定要點嘅紅燒牛肉麵。牛肉麵嘅湯非常夠熱，不過比起喺台灣食嘅，個人覺得可以濃味多少少，牛肉夠林身好味！皮蛋豆腐個汁好開胃，這個推介！但係滷肉飯就有少少油，味道可以。鹽酥雞也炸得好香，如果可以切細件少少就更加好。仲有珍珠奶茶，有得揀甜度，好味珍珠也chewy.下次如果想一次過滿足晒食台灣野又有珍珠奶茶飲，呢間係不錯嘅選擇，裝修也很吸引，非常田園feel。

今天路過銅鑼灣，發現一間新開的台灣食店，門口的佈置已很吸睛，進門見到天花吊了一盆盆的植物，况如置身於一個小花園，牆壁掛上電影海報，很有懐舊味道，裝修看似簡單，但可以看出店主經過悉心的設計，整體予人很親切舒適的感覺，店員很友善。我點了一個紅燒牛肉麵及紅棗茶，麵條彈牙，牛肉煮得洽到好處，帶小棘，很地道，聽說主厨是從台灣特意請來的，可見店主對食物及出品認真執着，紅棗茶用料足，味道濃郁，真材實料，價錢方面都很合理，未到1時已坐無虛設。

如果想喺銅鑼灣食好D，往往都要行上好高嘅商業大廈又或者係甲級商場嘅地方。不過最近就發現，一向人流唔算多嘅白沙道，都有一間新hit餐廳，而佢果名都幾吸引我去留意—叫「犇之食堂」。眼見左邊有台式奶茶外賣，更想入去試試依間台式料理，畢竟餐廳外觀都幾「吸晴」！趁中午時段仲未有人潮，唔駛等好快就有位坐底左：）一入到去見到好多植物擺設，環境感覺🍃好清新🍃自己同友人急不及待點左依度嘅招牌菜：1）鹽酥雞鹵肉飯就咁睇賣相份量感覺細小，不過食完都幾飽肚。鹽酥雞塊炸得剛剛好，肉質唔會太乾，食落唔會太油膩；仲有少少蝦片作伴碟感覺仲加更香趣：）鹵肉飯嘅肉粒唔算太碎，鹵汁加鹵蛋，再配搭埋台灣粒粒珍珠米比例分量恰到好處，粒粒分明，食落好有咬口感：）2）清燉牛肉麵我朋友就覺得依款麵湯底清甜，麵條爽滑彈牙，食落煙靭，厚厚牛𦟌肉煮得非常之「𣺉」！平時鍾意食清清地嘅朋友叫依款就最啱👍🏻至於飲品方面，自己叫左杯香芋奶綠，當時侍應仲主動提出問我要唔要少冰少甜，感覺服務對食客都算細心。我叫左杯餐廳推介之一嘅香芋奶綠（少糖少冰），平時少食芋頭嘅我都覺得接受到，奶滑而清香，仲可以食到碎芋頭肉，唔錯之選！另一杯係抹茶拿鐵友人一向仲意抺