犇之食堂 (已結業)

上星期銅鑼灣行街經過白沙道，見到呢間餐廳門口好特別有個位置係俾人飲珍珠奶茶。望吓入邊格局都好友台灣感覺，第二日即刻去試吓見到餐牌價錢適中喺銅鑼灣來講唔算特別貴，合理。我哋首先叫咗兩杯野飲，一杯係芝士奶蓋烏龍茶，另一杯係香橙茉莉花茶。味道唔錯，而且好大杯，但我地叫左半糖我覺得唔夠甜，所以原來正常甜度我覺得已經ok主菜叫左碗台灣牛肉麵「三寶」有齊牛肉，牛根，牛肚，肉味濃，湯底好香，面質有咬口，有台灣感覺·另外鹽酥雞扒燥肉飯，雞扒同飯分開上幾好，雞扒就可以保持香脆，燥肉真材實料，送飯一流。最驚喜呢碟皮蛋豆腐，皮蛋切碎同豆腐已混合一齊，一口一啖同肉鬆一齊撈飯食或者獨立食，都好好味，絕對值得一試。