牛県

營業中

休息中

喺荃灣行街嘅時候經過呢一間叫做牛縣嘅餐廳，見到門口排咗好多人，跟住門口又傳黎陣陣飄香，o係新鮮煎牛扒既香味，我地忍唔住就停低排埋隊一份，等咗十零分鐘之後，就已經到我哋入去喇。入邊有成五種唔同嘅部位可以選擇，有小牛柳，西冷，平鐵牛扒，牛橫隔膜腹肉，牛側腹扒， 可以迎合到唔同人嘅口味。有200g, 300g, 400g, 價錢由$88到$258 都可能選擇。仲有5選3 套餐只係加$30,我地都叫左2份。有salad, 野飲，湯，飯，薯條可以選擇。我地叫分別左西冷同牛側腹扒200g. 價錢分別係$118 同$128. 其實都幾大份量。有鐵板係底熱住好保温，牛扒好厚肉，切開又多汁，每人都可以跟據自己鍾意既生熟程度去煮。加一後$330 每人$165 有咁多野食，又有咁大舊牛排，食完好有滿足感。

媽咪詐晒型話我平時返工好忙冇時間陪佢🤫🤫🤫難得放假就同佢出嚟荃灣行吓🥳🥳🥳係一田掃完貨，行到咁上下，媽咪話今日想食煎牛扒上網一睇呢一間石燒牛都幾多好評仲要喺附近！於是即刻過去!!!!!!我哋比較早六點幾就到，避開咗排隊輪候嘅人潮！媽咪同我一樣都係揀咗小牛柳！跟餐可以揀飯、薯條、湯、沙律等等.......我哋就揀咗薯條、沙律、仲有熱茶！沙律係水果沙律啱晒啦食石燒牛要清涼一下牛扒上枱啦店員好窩心除咗比圍裙我哋仲用只隔住塊牛扒嘅牛扒既油彈到我哋👍🏻小牛柳200 G分量足夠一般女仔嘅食量！牛肉肉質香亂而且又知唔算話好多啱晒想減肥又鍾意食牛肉嘅我哋！配埋啲薯條一齊食真係好飽！薯條新鮮炸出嚟好香脆！

最近愛上石燒牛！今日落咗荃灣見到間石燒牛店！又去咗食！🤣🤣🤣套餐抵食加$30可五選三有飯、薯條、湯、沙律或者汽水。沙律有生菜同西瓜🍉哈密瓜🍈清爽！湯係好濃既羅宋湯！好味道😋薯條新鮮炸起好食！飯飯加咗啲日式芝麻粒好嘢味呀！牛側腹扒200g呢個牛側腹扒好有牛味、同埋有哂條紋順著來切好方便！好味呀！小牛柳200g小牛柳就比較淋身。入口仲好juice tim! Very good 😋仲有個menu介紹哂牛既部位！

之前已來過一次，每次經過都大排長龍，今次排了約15mins安排入座。牛扒雖然只有6款，選擇不算多，但每款都十分吸引！分別點了小牛柳及 牛側腹扒，加$30可以轉套餐，五款選三款，包有沙津、湯、飯、薯條和飲品，2個人，可以每樣一款～三文魚南瓜湯十分足料，很多魚肉。味道清甜，跟南瓜很夾。先以封煎方式，煎到一成熟，然後放在高溫岩石上，按個人喜好煎至心水熟度再食。牛柳沒有雪藏味，肉質嫩滑、軟腍，有肉汁頗為juicy。牛側腹扒較多筋膜，肉味較濃、有咬口。點紅酒牛肉汁酸酸甜甜，比較開胃。阿根廷青醬較濃味，薄荷、蒜蓉、蕃茜味突出。薯條即炸，熱燙脆口，小鹽好吃！

無牛不歡嘅我，早幾日同朋友去荃灣，見到間石燒牛扒店，價錢唔貴，就入去試試。由於疫情關係，職員呢頭探完熱，果頭帶完位就9秒9拎個紙袋俾我哋袋口罩，非常貼心。簡單介紹牛扒種類後，我哋叫咗就牛側腹扒同小牛柳，再加$30跟餐。 未上菜先交圍裙，防止d油同肉汁濺到件衫上菜喇！用紙蓋咗陣再拎起，舊牛大概2成熟，其實我比較鍾意食3成熟，所以快快手切舊放入口！牛側腹扒脂肪同肉嘅比例啱啱好，好咬口！小牛柳就當然唔會令我失望，鮮嫩多汁！兩隻配汁亦同牛扒非常夾，個人比較喜歡青醬汁，不過其實塊牛扒夠靚又夠牛味，配鹽已經一流！唯獨有少少令我手足無措嘅係塊板真係好夠熱，我塊3成熟扒切完食咗2舊已經變咗7成熟，雖則7成熟都好食唔會好似咬香口膠咁，但如果可配個吉碟俾客人移塊牛扒落去慢慢食就更好！埋單仲送濕紙巾！貼心度100分啦！香港人加油！

又到了食牛嘅時候啦，荃灣食牛的餐廳不小，但最推薦一定係呢間 牛側腹扒（200g),脂肪比例最多，每一口都可以感受到牛的脂肪油花，但又唔會過於油膩，肉和脂肪比例剛剛好🥳🥳🥳小牛柳（200g），牛脂肪最小 ，鐘意濃濃肉味就推薦點小牛柳餐，而且口感一點都不柴，滿滿牛香 另外，我們加了五選三套餐 ，蕃茄濃湯，餐湯完全啦馬虎，真材實料的蕃茄，又不會太酸 沙律更加要大讚，蜜瓜西瓜🍉沙律配檸檬汁，口感清新、配搭新鮮，即刻使係跟餐小食，但餐廳也做得十分出色👍🏻👍🏻👍🏻 細微知著

近年興起以火山石烹煮牛扒，今晚便來到荃灣出名吃牛肉的小店。店內座位不是很多，建議先訂位。牛側腹扒200g$128，肉質爽口，脂肪比較多，牛肉味道濃郁，點些黑胡椒或粗鹽，味道已經十分美味。小牛柳(肩胛小菲力)200g$138，肉質偏腍，易於入口。五選三套餐：飯、薯條、湯、沙律、汽水。另加$30。其中以白飯配上七味粉，非常配合吃牛肉。紅酒牛肉汁，容易帶出牛肉的酸甜味道。阿根廷青醬，可以增加清爽感覺，減少油膩感。

荃灣西愈黎愈多野食，行完紗廠過黎食dinner就perfect 。哩間喺哩區都幾高人氣，之前黎食過一次，今晚又燒起想食牛既心喇。叫左二個店員推介既牛部位，加$30升級左做set，有汽水、沙律、湯、飯等五選三。個沙律有西瓜、哈蜜瓜同用上柚子醋，口感清新。每款牛可選一款特製醬汁，咁我地各一，阿根廷青汁同紅酒牛肉汁，一濃一清新，雙重滋味。叫左牛側腹扒同小牛柳，各200g，上枱時肉質大約4成熟，牛側腹哩個部位肉味濃厚，而小牛柳就肉質好林。一上枱可見肉質粉嫩，好juicy。薯條是牛扒的最佳配搭呀！朋友叫左個飯食，佢食完超飽。南瓜湯好飲，大家可揀哩個。

今晚黎到荃灣食石燒牛扒😋入到去侍應姐姐就詳細講解menu，仲會介紹每個部位嘅脂肪比例同口感👍🏻等你知道自己想食咩我feel到待應姐姐講到無氣🤣五選三套餐 +$30可以揀飯、薯條、湯、沙律或飲品我地2個人就咩都試下，全部都叫左汽水就唔洗講，有凍有唔凍，任君選擇🤭薯條係比較粗個款，新鮮炸起熱辣辣，整條薯條外皮都脆卜卜，就算凍左都仲有少少脆沙律好似係西瓜密瓜配檸檬青檸汁，水果清甜是日靚湯係三文魚南瓜湯，極濃三文魚味加少少南瓜味，真材實料，讚👍🏻加左飯素嘅飯，軟硬適中小牛柳 (肩胛小腓力) 200g $138食之前會比即棄圍裙你著，唔會比油彈污糟件衫，切嘅時候一定會比油彈親隻手🥺根據待應姐姐嘅講法，小牛柳無咩脂肪，係最淋嘅部位我自己就覺得偏乾有少少鞋，但牛味十分濃脂肪真係無咩，適合女士食用牛側腹扒 200g $128脂肪比例較多，口感較爽，牛味濃脂肪香比小牛柳更勝一籌，當然肥好多🥺切開一粒粒用石嘅餘溫煎熟牛扒，自己控制生熟程度(左) 紅酒牛肉汁(右) 阿根廷青醬紅酒牛肉汁就比較普通，同平時西餐廳食到嘅差不多青醬配牛肉會比較清新，無咁heavy，不過有草青味，要視乎自己接受能力😉有個自助吧拎調味

食牛之人有福了😍位於荃灣既石板燒牛😋好多人排隊 建議大家預返d時間入去有6款石燒牛扒 今次叫左呢兩款:牛側腹扒 200g $128 🌟推薦口感豐富 油脂較多 油香重🤩食落去 牛既油會滲落去個口到 好正啊👍🏻😛小牛柳 200g $138少油少筋 脂肪量極低👍🏻可以配埋d醬食 更加滋味😚含豐富既蛋白質、鐵啱晒想健美既朋友仔食啊❤️五選三套餐 +$30(可選飯/沙律/湯/薯條/飲品)個飯加左啲調味料食落去 會更加香沙律 加入左啲時令生果可以即時解濟同埋開胃🤪

1. 牛側腹扒（$128/200g +$30）呢款肉質比較淋身，食落唔會鞋口，而且肉汁都幾多，雖然店員話呢個部分相對肥少少，但同我想像中既肥唔同，明明佢都冇乜肥膏🤣 我配左紅酒汁，其實我中意就咁食多d，更加原汁原味呀。加$30可以有5選3套餐，我揀左野飲，湯同埋薯條，湯係三文魚南瓜湯，係中式湯咁水d既，有少少油，但好重三文魚味，薯條好正，佢新鮮炸起，熱辣辣又脆2. 小牛柳（$138/200g +$30）呢個相對瘦d，不過又唔個乾柴同韌，配青醬個感覺好似食緊意粉，好特別！5選3揀左沙律、飯同野飲，個沙律幾正，除左菜仲有哈蜜瓜同西瓜，好味

在荃灣探完朋友後同老公食埋飯先返屋企，見到呢間石燒牛餐廳門口排咗好多人，見網上評論唔錯，一於拿飛再周圍行吓，等左10分鐘左右就有位啦。基本上有六款牛扒選擇，由最平$88至$158，加小食或湯再加$30，所以我哋兩個揀齊六款小食。牛側腹扒好似話脂肪比例多啲，肌肉及脂肪紋路清晰，未熟之前切落去都已經好淋，但唔係見到好多脂肪，食落口之後就感受到有少少脂肪，加上阿根廷青醬一齊食，感覺好 fresh ，減少肥膩感。小牛柳有一大一細2件，雖然好厚肉，但亦都好容易切開，小牛柳牛肉味更加香濃，牛肉有彈性有咬口，配埋紅酒牛肉汁更突出牛肉味，侍應話切細粒啲會更好食，但我覺得差唔多。兩款牛扒質素都好高。小食有飯、薯條、湯、沙律、飲品，炸薯條炸得香脆，質素好過麥記。

其實好耐無成碟牛食曬，間中會吃小小試吓味，有時見到D牛好靚真係好心動，門口排曬隊等位，肯定好正今日呢間既牛就真係好靚，好想食，所以就忍不住口食咗 其實因為自己對牛敏感，所以先少吃，今日呢個牛太靚，食咗先，成件食曬，食完竟然無敏感禾，👏👏👏👏👏👏👏👏👏👏👏👏D牛真係好靚👍👍昵度食牛分好多部位，每個部位既肉質都唔同牛側腹扒——🔹一成熟上枱，自己想食幾成熟自己決定，肉質鮮嫩，一咬落口全是肉汁，嫩滑無比😊😊小牛柳——🔹全部都是一成熟上枱，肉汁鎖住係肉入面，有一咬即溶入口的感覺，配上兩款醬汁，隨自己喜好選擇味道配搭👏👍可以單吃🐂扒類，又可以加30元配套餐，五款揀三款，我地就揀咗：1-飯——面頭有D碎粒粒似紫菜和七味粉的味道，放在飯一齊吃，吃落味道特別，另成碗飯吃落生色不少⋯⋯👍👍2-薯條——炸得熱辣辣3-三文魚湯——好香又濃郁的三文魚🍣的味道4-沙徫——沙律🥗菜配黑醋汁。健康又醒胃.........5-罐裝🍋檸檬茶X2店舖不太大，但坐位也算坐得舒適，服務員招呼又有禮貌，不錯的一間小鋪

今日嚟咗荃灣呢間牛県食晚餐，離地鐵站都係10分鐘路程左右，好方便。一入到去職員幫我哋探完熱就俾咗兩個紙袋我哋裝口罩，非常貼心。我哋坐低左之後就叫咗牛橫膈膜腹肉同牛側腹扒套餐食。兩個餐都可以係五樣嘢入邊揀三樣。我哋就揀咗飯，湯同薯條。喺上餐之前，啲職員依舊咁貼心，俾咗我哋兩個一人一條圍裙，防止啲牛肉燒緊嗰陣啲油彈到落我哋件衫度。前菜有沙律同埋湯兩種牛肉肉質都非常嫩滑，牛橫膈膜腹肉比較腍，怕痴牙既朋友可以試下。而牛側腹扒就較有口感。佢地既醬汁配牛肉超搭，而我自己就最中意個紅酒汁！點完仲要問職員添多次！食牛扒冇紅酒，配紅酒汁都有個種感覺！平時出面食到既薯條又腍又濕，一啲口感都冇。呢度嘅薯條就唔同，炸到好乾身，十分脆！

今日同朋友去了都新興了一輪的石燒牛餐廳食飯，地方比較狹窄，不過流重量都高，通常大半個鐘就食完。牛肉都係分重量去選擇，所以女士可以揀細份點，唔使浪費。我們叫了小牛柳及牛側腹，前者肉味較淡，後者肉味較濃郁，兩者都是表面略煎至變色，中間全生，切開一件件再在鐵板烤至個人喜歡的熟度，這個石燒牛還保留了肉汁，唔怕煎得太乾。另外加$30可揀沙律、湯、薯條、飯及汽水，薯條炸得好香脆，三文魚南瓜湯鮮甜。值得一讚就佢有圍裙，唔怕彈到成身油。