牛極 (雅怡居)

營業中

休息中

最近深水埗開咗幾間新的餐廳，知道最近最紅的是牛扒專門店，就連招牌都是紅噹噹的，遠處都見到，新開張當然要幫襯下。餐廳的椅子沙發都是紅色，牆壁上更有多張富有日本特色的海報，很像置身於日本餐廳一樣！最有特色是這間牛扒專門店模仿日本的點餐方法，是用一部日本的自動販賣機售賣牛扒，而且販賣機上面的食物圖片圖文並茂，每一款牛扒類都有不同 g 數選擇，可以讓客人因應食量選擇牛扒的份量。我和朋友就點了餐廳推介的牛肩肉眼以及牛肋骨排。點完餐就可以搵座位坐低等候，仲有湯、米飯、沙律放題添，急不及待出去望吓。竟然有我最喜歡嘅麵豉湯兩大鍋，飲一啖麵豉湯味道好濃郁，入面嘅配菜都好足料，細細粒豆腐好滑溜。是大胃王的話，就可以配埋白飯一齊食，另外仲有三款醬汁可以點牛肉。我嘅牛肋骨排終於來到了，熱石上面的牛扒插上一張牛油紙，以防牛油彈到客人，來到的時候牛肉只是一成熟血淋淋的。因為熱石上面的熱力可以令牛扒熟透，我就自己烹調到五成熟，面頭還有一些蒜片和蔥花。切落去好林，牛肋骨比較厚，一啖能夠食到不同層次的口感，由外面香脆的外皮至入面帶一點生牛肉的口感，味道好新鮮。看見朋友的牛肩眼扒也食得很滋味。最後$200埋單有找，難怪咁

牛魔王自然鍾意食牛，知道深水埗開咗一間專食牛肉嘅專門店，今晚特意去試一下。點餐以自助形式進行，近門口位置有一部自助點餐機，總共有14款牛扒款式選擇，價錢好平民，$80都食到一塊好味嘅牛扒。前菜、湯、水及飯等可以在餐廳的中央位置自行拿取，食完還可以再添加，客人可以因應自己的食量自行拿取。估唔到沙律菜都幾新鮮爽口。我就Order了少少哋份量試咗牛肩肉眼扒，180g 都只係$80，好抵食！牛扒真係即叫即整，在熱石上面的牛扒係一成熟，可以讓客人自行在熱石上烹製自己喜愛的熟透度。牆上還有一個小溫馨提示，提醒客人享用熱石牛扒的最佳方法，不過緊記要小心熱石的熱度，真的很辣手！估唔到牛肩肉眼扒食落去質感軟熟，我們烹調了七成熟，都非常嫩口，可見牛扒非常新鮮，而且唔需要點任何醬汁，點少少海鹽已經好好食，咁樣食其實可以食到牛肉嘅鮮味。最後叫返一罐可樂爽一爽喉嚨，都只係$10。$90食到一個好味嘅牛扒餐，真係非常超值！

熱石牛扒店開下開下都好幾間，一直想試，今日終於機會嚟喇！約了牛魔王朋友來大快朵頤！落order要用自助販賣機買飛，有五種牛扒可以選，站在機前思考時，店員就過來幫忙了，她簡介了每款扒的特色，推薦餓底點牛肩肉眼及牛肋骨排，好，就聽她的。順利買好飛，入座，利用等候的時間去取湯、沙律&飯。麵豉湯味道適中，不會太咸或淡，飲完沒有口渴；椰菜絲沙律夠乾身，入口清甜沒苦澀，柚子醬汁清新，餓底前後吃了三大碗🤣！珍珠米白飯可以自己加紫菜粉，正！牛扒來之前記得一定要圍圍裙！因為油會周圍彈，件衫會中晒招！牛肩肉眼：180g都幾大塊，上枱時切開一半跟朋友分食，中間仍是全生的狀態，等幾分鐘煎到大約medium，食得！微燶的表面焦香，肉質juicy，可以加啲岩鹽/燒汁/胡麻醬/辣醬食，味道更好！牛肋骨排：特色就是連住舊骨，比起牛肩肉更甘香，因為油脂遍佈，好肥美，點煎都唔會老！😆 牛魔王話鍾意呢款多啲，而怕肥既餓底就鍾意牛肩肉多啲。食到咁上下去倒杯水飲下，啊！是檸水！好有誠意！每人不用一百就食到靚扒，又有沙律白飯任裝，性價比不錯，搵次再嚟試埋牛柳&西冷！

深水埗呢一間牛極賣點係自己決定牛扒嘅熟成程度， 成間餐廳差不多係全自助式消費， 可能就係因為咁，所以可以降低成本，令到客人可以用極優惠價錢食到高質牛扒。入到去環境都尚算舒適，座位都幾寬敞，我哋早去到，所以唔算好多人，不過食到尾嘅時候已經高朋滿座，仲有人喺門口度等位。望完電子版嘅menu, 決定要一個180gm嘅肉眼扒同一個200gm嘅牛肋骨。 價錢都係每位一百蚊以內， 都尚算抵食。因為係自助形式所以飯，湯同沙律都係自己出去任拎。 個人覺得個牛肉湯，味道唔錯，有少少似羅宋湯。 反而個飯好似乾咗少少， 沙律菜就係最普通嘅椰菜配柚子沙律醋。牛扒上桌係用燒到好熱嘅熱石板乘著，所以可以自己決定牛扒嘅生熟程度。 餐廳好貼心咁用紙巾同牙籤壓住牛扒，防止啲油彈起。 個人覺得牛肋骨，比較彈牙少啲筋， 比起肉眼扒好食d。總體而言，性價比還可以, 不過都係比較鍾意傳統嘅扒房多啲。

最近好少食牛扒，咁啱朋友有介紹我食呢一間，特登過嚟睇吓係咪真係咁好食🤤一入到泥個裝修好日式感覺幾靚好特別原來有牛肉湯同埋沙律同埋白飯免費供應全部都係自助形式，咁樣我肯定食得飽飽的🤣兩個人就叫咗一份牛肋骨排同埋牛柳佢係用火石版形式上，感覺幾新奇，好玩又好味🤣lol一次過滿足三個願望牛扒上到嚟都好生下 ✌🏻因為要新鮮上比我地慢慢燒,燒到適合自己嘅熟成度, 我就鍾意食生啲嘅 所以兩面加埋剩係燒左1分鐘多少少左右入面仲係粉紅色 有啲血水，但系咁食超juice☺️而且肉質好鮮嫩，亦都冇好多根，入口感覺不錯🤤 另外仲有醬汁辛未芥末燒汁 胡麻沙拉汁 同埋燒肉汁因為今日吾食得辣所以淨係點左燒肉汁，同埋沙拉汁，個人比較鍾意個燒肉汁多啲甜甜地好香，今次朋友介紹得唔錯，下次再嚟食其他先☺️

平價石板牛肉店牛極，開咗間分店喺深水埗，佢主打$80就有180克牛肩肉眼，仲有湯，飯同埋沙律任食佢用咗日式自動售票機，客人先起售票機買自己想要嘅牛肉款式同埋份量，比好錢出飛仔，然後自己搵位坐低，又或者樓面姐姐會幫你手搵位佢有個自助吧有返湯同埋沙律任裝，大家起等食牛之前就自己裝好飯同埋沙律仲有少少紫菜粉你可以加上個飯度旁邊有提醒話啲牛排係呀成熟，放喺熱石上邊自己煎等左一陣件牛就到啦，佢會用張餐巾擋住個牛送過嚟唔使佢啲汁彈到周圍都係今次點左佢$80嘅牛肩肉眼，唔到180克原來幾大舊，好口感所以一切開見到裏邊都幾生，可以慢慢煎，可能我食得慢，切到大半之後覺得塊板真係冇咁熱，同店員講佢就會幫手換過另一塊熱嘅石板。其實$80仲有沙律飯同湯呢個份量都係幾抵嘅，牛肉嘅品質都OK。

今日我們靜悄悄加入高溫火山石燒肉行列，試下而家好興嘅熱石牛扒先。深水埗分店早前搭車經過見好多人排隊已經想食，搵日放工早少少去好彩有位，因為坐落已經不少人陸續入座全場爆滿！柯打了一份牛肋骨排同一份牛肩肉眼，各100g，前菜及飯採自助形式，食幾多裝幾多，不要浪費！自助落單後可以去自助區夾沙律菜，麵豉湯及醬汁，白飯就等牛肉上先再裝。熱石板及牛肉徐徐送上，牛肉約一成熟，自己切開再煎到自己喜歡的熟成即可。果然是不同部位，果道大不同！牛肋骨排是牛仔骨部位，脂肪較多，所以熱石上油花彈得較厲害，食落牛味濃之餘，脂肪味更突出，喜愛吃肥一點的會很不錯！相反牛肩肉眼則較瘦，肉汁同樣充足，不用燒很久很嫩滑，無得去日本，食住先啦！牛肉部位種類有六種，下次再試。

今日同大家介紹下呢間餐廳，裝修非常好，服務員非常有禮。招牌菜牛真係無令人失望，非常特別，世界級好味，份量又多，最緊要價錢又唔貴，最岩帶朋友仔黎試下，原來牛都可以係咁出色。

朋友推介我去今期嘅潮食熱石牛，佢有兩間分店，今日就去左近深水埗同長沙灣個間，地鐵站a 出口一出行兩分鐘就到，非常方便。一入門就有部自助點餐機，可以按自己要求選擇KG 同部位。入到餐廳環境好有日本東京感覺，座位闊落仲有放手袋籃，服務體貼。我地選擇了牛肩肉眼和牛肋骨排，之後就去了自助吧，拎沙律，麵豉湯和飯。沙律菜很新鮮，配搭柚子汁，十分清新開胃。麵豉湯有昆布豆腐，味道剛剛好，不會太鹹。飯就係日本飯，粒粒分明，質感軟熟，配埋紫菜粉一流，感覺好像到了東京一樣。好啦重點到啦，就係期待已久嘅熱石牛！兩款牛肉都係以超高溫既熱石上枱，熱石上會放上一成熟嘅牛排，大家可以將牛肉切成小塊，按個人喜好加熱。牛肋骨排200g $100骨排夠大份，肉嘅比例都佔得多。非常多肉汁，喺熱石上彈得好勁，肉味十分濃厚，肉質幼嫩。牛肩肉眼180g $80肉扒上有啲乾蒜片作點綴，切開肉扒，裏邊仲係半熟狀況，個人認為可以將肉切小塊後，左右兩邊都加熱一下。牛肩肉眼肉質較牛肋骨嫩口，一樣都係咁juicy，咬落去啲油脂十分香！兩者配合醬汁味道更特出，送飯食一流。餐廳都好細心咁樣喺熱石上鋪上紙巾，以防彈到客人。不過提提大家要著好餐廳提供

一直想試下呢間牛極，收工經過深水埗就拉埋男朋友黎試下，餐廳外面既紅燈籠🏮勁搶眼，裝修非常日式，落單仲要係好似日本咁，有部自動販賣機，可以自己禁！好新奇有趣！裡頭掛左好多日式風格既旗子，成個格局非常闊落，坐得舒服。每張枱附近都有貼住點樣係熱石烹調，熱石唔夠熱仲可以叫店員換石板。另外仲有即棄圍巾，可以擋住燒個時彈起既油，記得要拎，非常有用，因為彈油真係幾犀利。自助區可以免費任食沙律，飯，湯同水。位置都幾乾淨，店員都打理得非常企理～三款自選沾牛肉既醬汁：辛味芥末燒汁、胡麻沙律醬、自家製燒肉汁。個人喜歡自家製燒肉汁～另外每張枱面都有鹽同黑胡椒。前菜既沙律都係新鮮既～食幾多夾幾多，唔會浪費～牛肩肉眼（180g）$80每人都叫左一個肉眼，上枱既時候有張廚房紙蓋住整個牛肉，防止彈油～肉眼勁大舊，好厚身，聽住啲燒牛肉既吱吱聲真係好治癒～牛肉上面放左蒜片，增加香味～切開既牛肉一放上石板一秒，再拎起就已經變左熟，可見石板既溫度好高～我中意食七成熟，所以燒耐少少，一邊見到血水滲出，肉汁豐富既牛肉，真係好吸引！食落口都幾有牛味，咬落又唔會好韌～果然自己燒既牛係特別好食～有得食又有得玩，燒完咁大舊牛真係幾有成功

近月火山石燒牛扒非常盛行，好多朋友都讚不絕口。所以今日決定去以火山石燒岀名既牛極。首先要到自助點餐機點餐，好似去日本既拉麵店要買票。kg同部位由自己決定。入到去餐廳發覺幾大。另外全部座位都係卡位，裝潢俾人感覺舒服。我地座位對開就係自助區，蕃茄牛肉湯、椰菜沙律同飯都可以任取。其中蕃茄牛肉湯我攞去總共三次。湯酸酸甜甜，入面真係有牛肉粒，肉質唔韌幾軟稔。等左唔夠5分鐘，我叫既牛肋骨排就上菜啦！上菜既時侯牛肋骨排大約一成熟。餐廳用吸油紙蓋住，唔洗驚彈油。自己可決定生熟度同將肉切細，過程幾有趣。食落無咁筋，肉汁豐富。朋友就叫左牛柳。肉質相對嫩滑得多，肉味更香。之前以為價錢咁實惠，味道一定麻麻。估唔到cp值咁高。既然牛柳牛肋肉都咁正，下次一定要食和牛。

聽朋友介紹黎到呢間專食牛既餐廳由於牛既油份有機會彈到身上，所以店家準備即棄圍裙比顧客裝潢和環境可以自助吧提供麵豉湯、飯、沙律，全部都係無限添上碟會有張紙巾蓋住以免油彈到周圍都係揭開神秘面紗，偷睇下舊牛仔先😆由於店家只會將牛煮至一成熟，其餘就靠顧客自己利用石的熱力煎熟後再食用5秒前5秒後可見石板非常熱，待牛排燒熟後，可以自行加入枱上的即磨鹽和黑椒作調味，牛肋骨味道帶甜，牛味唔錯整體嚟講以相對價錢又有得食又有得玩，性價比確實不錯👍

為符合大眾所求小店推出新鮮組合拌勻附添加服務講究貼心是可考慮的！上煎時可按照自己心水生熟程度狀態來開動自己味蕾，有等級牛扒不論蠻快三至五分鐘就可以開動小宇宙新品牌進駐引入最紅滋味..熱潮捲起以石煎烤潮流風氣風靡在日本東京捲起以親民價格帶進深水埗本土展示，看起來肉品都有一定質素標明尺碼名稱標記( 牛肩肉眼 180g $80 )( 牛肋骨排 200g $100 )牛排刧面逼出油脂、滋滋的聲響紅粉嫩肉質沾染焦香更令牛排層次更加富有

今日去左呢間最近好高人氣既熱石牛極据扒😻有兩間分店，我地去左長沙灣個間。都好易搵到，地鐵站一出行2mins就到👍餐廳都算大間。我地6點幾去食已經開始好多人黎食，要開始排隊。點餐就用左日本好常見到既自助販賣機點牛扒。都容易操作，揀番自己想食個款牛扒同份量，入錢就得。好簡單😼牛扒有5款，牛肩肉眼，西冷，牛肋骨排，牛柳，日本和牛。價錢都算幾抵食喎！！🤝點完餐之後就可以去自助吧 到拎沙律🥗，飯，麵豉湯喇！雖然只係普通既沙律菜，但佢有埋柚子沙律汁撈埋黎食，又幾清新開胃喎！麵豉湯又幾好飲，唔會話好鹹。仲有昆布同豆腐食，幾解膩。提醒下大家，係牛扒黎之前，大家記住好著好餐廳提供既圍裙。以防俾油彈到成身都係呀！🙀我就叫左兩款牛。牛肋骨排 同牛肩肉眼🥩以超級高溫既熱石 張牛肉熱熟，以自己既個人喜好去加熱。唔洗怕會燒到好熟。牛肋骨排 🐂啲油彈得好勁，好多肉汁。味道好濃，好重既牛味。肋骨燒到好香，好惹味。而牛肩肉眼 就比較嫩肉啲好juicy既口感。舊肉好厚，食落好有口感。送飯一流呀！如果覺得唔夠味仲可以自行落調味同沾燒肉汁，令到牛肉味更突出！

65 蚊一個lunch4件麻雀咁大，0.5cm 厚嘅牛舌有啲芽菜係底咁冇野飲唔講以為係好名貴但其實都係普通味道自助區得沙律湯同飯同汁但沙律都係得啲椰菜絲乾到哽都哽唔落