牛大人台灣火鍋吃到飽 (大鴻輝(荃灣)中心)

營業中

休息中

星期日瞓到晏一晏先起身，突然有啲想食牛大人，決定試一試佢嘅午市。好好彩假日下午一點都可以直接Walk in入座，唔使等。午市有三款套餐，分別在唔同套餐包唔同級數既牛肉；因為想食多幾款牛，所以就揀左極上和牛吃到飽，每位$198，食90分鐘。極上和牛吃到飽除左基本配菜外，仲可以任食澳洲和牛M5牛肩卷、安格斯牛板腱、蟹籽墨汁漿、干貝鮮魚漿。湯底有八款，有紅燒牛肉鍋、鳳梨雞鍋、蕃茄鍋、藥膳鍋等等，我哋就揀返最有台式風味嘅麻辣鍋。自助食品區大概有五十幾款由台灣直送既丸類同蔬菜，比較少見既有冰豆腐、風琴豆腐、海帶結、萵筍、鱈魚丸、虱目魚丸、乳酪蛋腸、香芋雞肉丸、麻辣丸子等等。自助調味區選擇都唔少，有十幾款，比較特別嘅醬料油有洋蔥牛肉醬、特調豬肉醬、烏醋、台灣甜辣醬等等，而旁邊亦有響鈴、台灣王子麵、烏冬同滷牛肉飯。飲品區有幾個櫃，除咗一啲比較常見嘅飲料外，仲有幾款牛大人自家製冷泡茶，有桂花烏龍、菊花普洱、白桂烏龍同洛神花茶。個人最推薦桂花烏龍，桂花清香突出，同烏龍好夾。另外再單點咗流水落花（$48），即係美式淡艾爾啤酒，啤酒花味突出，帶淡淡果香，好清爽，岩哂打邊爐！M5牛肩卷入口柔軟帶韌性，油脂好香

牛大人出名就係食牛，有多款唔同嘅牛肉可以簡，例如有澳洲M5和牛牛肩卷同安格斯特選牛板腱，安格斯牛小排同封門柳等，不過今次令我刮目相看嘅係呢度嘅滑類，呢度嘅滑類比起大部份火鍋店款式都多，有澎湖花枝漿，手打旗魚漿，章魚珍珠漿，干貝鮮魚漿同埋我最鐘意嘅蟹籽墨汁漿，蟹籽墨汁漿入面真係有一粒粒章魚同墨魚，而且每一啖食到濃濃嘅墨汁味除左一般嘅火鍋料之外，仲有唔少台灣嘅地道小吃，牛媽秘製滷牛肚，魚香皮蛋豆腐，真豬小香腸，梅甘酥脆薯，當然仲有台灣最出名嘅士林鹽酥雞。流水落花係呢度其中一款主打嘅本土啤酒，連平時唔飲酒嘅我都覺得幾易入口。

牛大人台灣火鍋吃到飽 (大鴻輝(荃灣)中心) (荃灣)📍荃灣眾安街55號大鴻輝(荃灣)中心16樓星期六日當然要食好啲今日同左屋企人嚟食牛大人火鍋長期都咁多人 好彩訂咗位先唔使等咁耐😛午餐係90分鐘食到飽🤰🏻我哋揀咗極上和牛食到飽套餐成晚每位198 假日另外加$10呢個套餐可以一次過試晒咁多款肉湯底揀咗鳳梨雞鍋 用鳳梨配苦瓜 酸甜開胃苦瓜又可以下火🐥🐮澳洲和牛M5牛肩卷 呢個必點和牛油花分明 肉質香滑 帶有陣陣嘅油香🐂安格斯特選牛板腱都唔錯 肉味比較濃🐙章魚珍珠漿 都係呢個餐特有 入面有粒粒章魚 令到口感更加豐富🦆麻辣鴨血粉嫩彈牙又大塊 成塊啫喱咁熟食小食都唔錯 最鍾意係鹽酥雞🐣炸得香脆肉嫩食到飽仲有甜品送 今日係台中仙草凍🍨仲有椰果 珍珠 花生 紅豆食完飽到捧住個肚

今晚去食牛大人，今次已經係第二次，第一次lunch, 不過今次係dinner, 質素保持好好，食物款式仲要比lunch 多d。坐低之後我同男朋友都點左澳洲極上和牛個set, 湯底係台灣鳯梨雞鍋，湯底好香，而且十分足料，有半隻雞、沙白、苦瓜，不過唔見有鳯梨，飲一啖好清甜不過冇鳯梨味，不過好好味。自助bar提供各式丸類同蔬菜，魚腐好好味，蔬菜竟然有皇帝菜，食咗好多。飲品有冷泡茶任飲，亦都有d免費既飲品order, 好似酸梅湯，真材實料。打邊爐梗係想飲下酒，叫咗手工啤流水落花同小米釀試吓。當然牛係主角，澳洲和牛M5牛肩卷、手切封門柳及安格斯一口牛肉粒等每樣都狂食，絕對頂級好味，加上切得好薄，可以盡情食。澳洲和牛M5牛肩卷絕對係首選，有牛味又滑。每人加送兩粒M9澳洲和牛牛丸，好友驚喜，係十分之有牛味，好似食緊牛腩咁，爽口彈牙又Juicy。另外本身想試一碟牛胸爽，荃灣店獨有，可惜落單時已經過左last order, 有d可惜，整體上除咗湯底無鳯梨之外，其他嘢都十分滿意。最後食埋甜品movenpick雪糕，揀咗楓糖合桃味同埋士多啤梨味，相當滿足。

今日約咗朋友食牛大人 我連lunch都skip埋5點就黎到 呢個時段平啲又可以避開人潮今次揀左最貴嘅極上和牛吃到飽套餐湯底揀咗重口味嘅招牌紅燒牛骨鍋個湯真材實料好惹味 仲有唔少牛骨 牛大人當然係sell靚牛肉啦牛肉脂肪分怖好正 好嫩滑重牛味淨係睇紋理都已經知道牛肉質素唔錯我地瘋狂encore牛肩卷同牛小排套餐仲每人送澳洲M9和牛牛丸牛味好香濃 而且又彈又多汁食台式火鍋當然唔少得鴨血同寬粉仲有台式香腸同皮蛋豆腐 超掛住台灣另外菜同丸類都幾多種類 質素唔錯食到最後再加個王子麵 麵質彈牙又掛湯打邊爐又點可以唔啤啤佢我叫咗杯流水落花 有淡淡既花香 好易入口朋友們好飲得 叫咗台灣原住人民特產小米釀最後叫咗仙草凍 食完熱氣嘢即時降降火仙草加埋紅豆 花生 椰果 簡直係完美句號

牛大人真係食極都唔厭，由於佢除咗有得打邊爐之外 ，亦都有其他熟食，而且好有台灣風味，我個人最鍾意除咗係佢嘅甜不辣之外，就最鍾意佢嘅鹽酥雞啦！今次我同朋友揀咗個蕃茄湯底，湯底比較甜，所以放埋啲蔬菜落去完全索晒啲蕃茄嘅甜味！而佢哋嘅牛肉脂肪比例非常之好，食完之後都唔會覺得好滯，而且我個人好鍾意佢嘅墨魚滑，食得出真係好滑身，以佢嘅蝦滑真係食得出入邊係一粒粒嘅蝦肉。就算晏晝嚟食都好出面亦都有好多唔同嘅配料，例如係魚蛋蔬菜等等。飲品方面佢哋亦都有自己自家製嘅冷泡茶，個人鍾意佢嘅桂花烏龍。而且佢哋嘅啤酒都值得飲下，你話打邊爐點可能唔配啤酒呀！

相信好多人都食過牛大人，實不相暪，係牛大人啱啱開我已經來食過，而且食完都覺得好抵好想返轉頭食，無諗過呢間店會火紅都咁，係永遠walkin都要等2小時，所以自開業食過一次之後就無機會/無毅力再來……但我同另一半都的起心肝，決定早d book位而且book早啲！星期六5pm就來到，未到晚飯時間，估唔到都已經坐咗三分一人，牛大人嘅威力真係非同凡響。環境環境好多大！好彩早到，坐到2人卡位，坐得好舒服。餐牌有三個套餐，食和牛都係$300唔洗，緊係揀呢個餐，最多嘢食！自助區 必講佢嘅自家製茶飲啦！相信係大家嚟都必飲，尤其佢嘅白桃烏龍茶，真係我嘅favourite ，好香桃味。菜類、菇類、丸類唔少得，另外都可加購台灣原住民特產小米釀，食得落嘅食埋佢嘅滷牛肉，都係任食。任食 澳洲極上和牛 $248起湯底揀咗鴛鴦鍋，加$50，揀左牛夫人秘方麻辣鍋及台灣鳳梨雞鍋，牛夫人秘方麻辣鍋揀左小辣，愈煲愈辣，麻度適中，煮牛肉一流！另外嘅台灣鳳梨雞鍋就愈煲愈甜，加埋係自助區拎嘅南瓜、冬瓜，十分清甜。配料方面，牛肉必點澳洲和牛M5牛肩肉、荃灣店限定嘅牛胸爽、美國SRF極黑牛肩胛，每次上2塊，每次質素都一樣，唔會嚡口亦有

今日約咗好友去人氣爆燈嘅《牛大人台灣火鍋吃到飽》食晚餐，首先揀個湯底先👉《台灣鳳梨雞湯》湯底用咗半隻雞加鳳梨汁，味道清甜可口。 《澳洲極上和牛套》， 牛肉當然係主打， 仲有好多款選擇， 包括有牛板鍵、SRF 極黑牛、封門柳、牛肉粒&澳洲極上和牛。 我特別喜歡澳洲和牛，keep 住ENCORE , 仲Encore 咗幾次添！ 和牛入囗香滑， 入口鬆化， 油脂分佈平均，呈現粉嫩大理石雪花紋，正，正，正！ 牛大人仲有非常少見嘅《牛胸爽》，白色薄薄一片，非常爽口彈牙，值得一試！ 澳洲M9和牛牛丸，超級好味， 好juicy，牛味濃郁，仲好彈牙添！仲有「漿」類，有墨魚滑，干貝鮮魚滑& 蟹籽墨汁滑，我喜歡墨魚滑， 入面仲有墨魚粒，咬口十足，爽口彈牙。特別推介，私房鴨血， 鴨血非常嫩滑，台式火鍋絕配，另外仲有多種海鮮任食，有魚片、大蝦&沙白等等，新鮮沙白大大粒，肥美鮮甜！ 自助區仲有大量蔬菜，有皇帝菜、金菇、粟米&蕃茄等等。 還有多種丸類， 豆腐，各式各樣打邊爐配料。 自助區放了多部汽水機，超多飲品自取， 大量台式飲品&汽水。仲有本地釀製手工啤《流水落花 $48/杯》， 味道清香，容易入口， 可以一試

呢日黎到荃灣既牛大人！一路都好想試試佢，但實在太多人排隊，我地今次特登放假既午餐黎食！早少少黎等，包保食到！我地揀左要極上和牛餐，呢個餐已經係最貴，埋單一個人都係198加一，真係抵到痴哂線～我地揀左要麻辣湯底，佢可以揀大中小辣，我地就梗係揀小辣🤣出面有醬料區俾你自己調醬，麵、米粉個d都係係出面自己拎，出面仲有好多唔同既野飲可以拎，我好欣賞佢有好多款無糖茶，咁就唔駛飲咁多有糖既野飲同埋有氣既野飲！丸、蔬果類都係自助！另外，佢有得掃qr code落單一定要讚下就係落完單等幾分鐘就有野食送到，牛都送得好快！我地呢個餐既澳洲m5 和牛好好食，好有油同牛香！配麻辣鍋底都仲食到牛既香味！佢仲有鴨血可以叫！勁好食！所有野食都好好食，奶有水準，呢個價錢食到呢d食物真係一流！埋單個陣仲有張甜品紙俾你落單，可以食埋個仙單，真係大滿足！

牛大人真係百吃不厭😄成日一去到晚飯時間，就大排長龍，好彩今次朋友醒目，有事先book位✌🏻呢間餐廳出名多嘢食，自助區淨係飲品都最少有二三十款，我特別推介佢哋嘅自家製冷茶飲，有香片、烏龍、白桃綠茶等，用上台灣嘅茶葉，特別清香。最近仲有新野～台灣原住民特產小米釀。另外最少有30幾款新鮮蔬菜和丸類可以選擇。掃QR code落單方面，除咗台灣夜市先食到嘅熟食，仲有蛋餃燕餃等等，都係我哋嘅心水之選當然我哋最主打嘅，就係食澳洲和牛，一睇到咁多雪花已經好吸引，油脂分怖旺盛，牛味充足，唔會有雪藏味，好高質。另外我哋發現到如果一次過order 八份以上，會擺盆擺得特別靚，用木板上，好特別😄甜品方面，可以選擇台灣仙草凍或者雪糕，人均消費約280元。CP值高👍👍

百吃不厭嘅牛大人！我又來啦！相信好多人同我一樣勁鍾意食呢度嘅高質靚牛，所以就連平日都勁爆場架！呢度有好多款唔同嘅湯底，絕對唔係一般沙嗲芫荽嗰啲，除咗有香港人都好鍾意嘅麻辣湯底之外，牛骨湯底、台中蒜頭雞鍋、帝王食補薑母鴨鍋等，養生又好味！今次試呢個蒜香雞湯底都好惹味！大吃特吃靚牛肉啦！果然係牛大人吃到飽啊！重點推介澳洲和牛M5牛肩卷，佢嘅脂肪同肉嘅比例啱啱好，食起嚟特別滑仲勁香油花，食過返唔到轉頭㗎😂安格斯牛小排同埋美國SRF極黑牛肩胛肉眼都唔可以錯過㗎！唔單止牛肉味滿分，放湯10秒之後油花和肉融為一體，沒有厚重的油膩感，卻非常嫩滑，絕對係不停order之選！如果鍾意肉質比較爽口可以揀安格斯特選牛板腱，質感仍然柔軟，肉味較濃重，少一點脂肪多一點肉香，最鍾意夾埋秘製香蔥牛肉醬一齊食，真係好味到停唔到口！除咗勁嘆牛肉之外，呢度仲有好多特色美食，自助區近有超過50款食物，各款蔬菜、丸類、魚皮等等應有盡有，而且全部用密實盒加蓋，環境keep得非常衛生乾淨，值得一讚🙌🏻🙌🏻我自己就最鍾意食呢度嘅水魷魚，魷魚鬚又粗又大條又有咬口、同埋爽口嘅牛柏葉、再加埋香菇味濃郁嘅貢丸、仲有新鮮嘅皇帝菜，食埋真係心

Weekend 大解放，梗係要食好啲🤪辛苦一星期梗係要慰勞吓自己，近排日日落雨天氣凉凉地，打邊爐就最適合啦，book咗荃灣大鴻輝牛大人好有氣氛，座位闊落，嘢食選擇仲好多添😚好多地道台灣嘅特色嘢食，仲有台灣原住民特產小米釀~啱晒我哋😎😎入口香純，好清新，酒精濃度不太高，男仕女仕都喜歡都適合另外揀咗杯落花流水生啤$48真係有花香味㗎🤩哈哈吃到飽套餐主要分三款，主要係牛種類唔同，我哋揀咗極上和牛，對於我哋牛魔王來講回本冇難度🤭🤭湯底有9款選擇,我哋都喜歡食辣,最尾揀咗麻辣煲底，湯底很足料，又麻又辣，還多了一份香😌QR code下單，清晰又環保♻️澳洲和牛M5牛肩卷淥5秒就食得啦！果然有淋又滑，油脂分布均勻，脂肪好香，口感唔錯！配埋佢哋嘅秘製牛醬汁，惹味更濃牛香🤭🤭牛小排亦是必點，更有咬口，牛味更重，相對較少脂肪，怕肥就食多D呢款🤣🤣自家製滷肉飯-算是我喺香港吃到最好味的滷肉飯了，很地道醬汁,鹹淡適中拌飯加上蔥花,真係幾飽都要吃上一碗🤣🤣自助區除了飲品,還有自家製嘅花茶，台灣直送,丸類、蔬菜，應有盡有試咗期間限定章魚珍珠漿，真係好好味，粒粒章魚，口感層次豐富！還有很多台灣特色小食，凍豆腐好惹味🤪

呢日星期日黃昏來到，多人到連入座都要排隊，但好彩有訂位，所以餐廳都安排左我地左張2人卡座，望住荃灣海濱嗰邊，有私隱得黎坐得舒服！🍴 澳洲極上和牛120分鐘吃到飽套餐 ($258 七時半前離座) ⭐️⭐️⭐️⭐️💫呢個餐會送M9和牛牛丸，呢個同普通牛丸真係好唔同，食落牛味好重，而且比較爽！手切封門柳、澳洲和牛M5牛肩卷都係冇得輸，我地都唔知叫左幾多轉！全部都唔韌，好重牛味。我地叫左牛夫人秘方麻辣鍋，可以揀辣度，適合唔太食得辣嘅朋友。呢個湯底配埋自己鐘意食嘅配料，由其食菜同埋響鈴之類，吸哂d湯嘅精華，正！.............................. 牛大人台灣火鍋吃到飽 (大鴻輝(荃灣)中心) (荃灣)地址📍: 荃灣眾安街55號大鴻輝(荃灣)中心16樓總評分: 8.8/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️💫服務👨🏻‍🍳: ⭐️⭐️⭐️⭐️💫衛生🧹: ⭐️⭐️⭐️⭐️💫抵食💰: ⭐️⭐️⭐️⭐️

訂咗好耐都訂唔到位，於是上星期六去walk-in試吓lunch食唔食到，1點上到去門口姐姐話2位要1點半先有位，等半個鐘ok呀，等咗15分鐘後，有另外一家3口表示冇訂位想walk-in，我正當以為佢要同我一樣等到1點半果陣，門口姐姐竟然話有位可以入得，我即刻嚇咗一跳，既然有位比3個入，點解唔比我更早拎飛嘅我地2位呢，差15分鐘，算我等。1點半準時入場，落湯底揀咗個198套餐。第一轉叫野先叫4盤牛再加咗其它5樣野每樣1盤，諗住第一次食睇下個份量，費時食唔曬浪費。等咗約10分鐘，第一份轉野到。一睇到個分量當堂嚇咗一跳，每盤牛只有2塊透光薄片，仲要黎得果3盤，其它野每盤2件，唔緊要份量小唔夠咪叫多幾轉囉，少咗一盤牛就以為係執單D人執漏1盤，人誰無錯呢。我立即再叫多一轉6盤牛加其它野，由於第一轉黎得太少，兩個人唔夠10分鐘以經食曬，點之食曬第2轉都未到，等多5分鐘之後，第2轉到，點知到係黎得3盤牛，好我再叫6盤牛，都係黎得3盤，我再一次叫多6盤都係黎得3盤。無論我落幾多盤，都係黎3盤，每盤都係得2塊透光薄片，對於鐘意食牛既我，呢個份量真係唔夠喉。食咗50分鐘後，服務員過黎放低咗本bill bo

3位，明明book左枱730，720上去唔比入住，咁等啦，730仲要叫等多陣，最後等多左20分鐘先入得，早到就叫客等，準時又冇枱，未食就感覺唔好，好在入去坐卡位，卡位之間有木板，有私人空間，環境上ok，入去揀鍋底同放題套餐， 揀左鴛鴦鍋，麻辣+養生（唔辣），同埋3個套餐價錢最高果一個極上和牛套餐，可惜食物黎講好失望牛肉多筋，幾盤都係咁醉雞本來以為係熟食。。。點知係生嘅，咁煮完其實就係烚雞墨魚滑，蝦滑，熟左嘅丸係彈牙，但係味道走特別路線，唔太岩食手工啤酒，隻味偏苦，唔太岩女仔口味，男仔覺得冇特別，所以以價錢48蚊／杯唔抵飲其他樽裝飲品，醬料，款式係多，但係火鍋料唔岩食，最後係飲飽唔係食飽