牛大人台灣火鍋吃到飽 (大鴻輝(荃灣)中心)

營業中

休息中

🥢 雖然夏天真係好熱，但係對於一個鍾意食火鍋嘅人，係一年四季都要食，而火鍋喺香港牛大人就係熱門嘅選擇，次次都要book位先至去到 ✨ 今次我哋揀咗藥用牛蒡湯底鍋，因為之前已經試過其他湯底，今次試過新嘅可能有驚喜，但係食落之後香菜嘅味道其實並唔多，反而牛蒡藥材味比香茶味更加突出，啲藥材吸收哂香菜嘅味道。 ✨ 嘢食方面，最特別嘅係澳洲和牛M5牛，牛肉味十足，亦都係回本之選，食肉獸梗係係咁encore啦，仲有西班牙五花肉片和五花片，同埋滑爽爽口嘅花雕酒雞，呢度寫唔晒咁多樣嘢食，仲有其他台灣小食可以叫糖不甩、台式香腸、油炸鬼等。 ✨ 最後梗係食埋佢嘅自家製玄米茶雪糕，茶味超香濃，成餐食到好飽，爆滿足😍

今次同朋友去開荃灣 夜晚唔知食乜 見差唔多17:00就上去碰下運氣有冇得walk-in～ 好彩去得早都真係有檯比我地食到！第一轉下午五點就開始 七點半前離座仲有優惠價～ 難得有得食當然要嗌澳洲極上和牛120分鐘吃到飽套餐 原價$318一位 宜家$278 星期五、六日、假期同前夕 記得每位要再+$10湯底我地試左阿嬤養生濃湯鍋 啱晒朋友仔唔好太濃味既湯底👍🏻 呢款和牛套餐每位仲贈送澳洲M9和牛牛丸2粒～ 其他自助火鍋配料吧同肉類當然係無限量供應，除左用qr code落單 記得出去自助區睇下 有超級多丸類選擇同埋大量蔬菜🥬 私心推介大家試下鮮淮山同窩筍😗飲品朋友 +$68 試左台灣直送既撥雲霧見蓬萊仙島HAZY IPA 估唔到飲落果香味超濃帶微微酸甜 仲有少少甘甘地 貪佢夠冰凍 配埋打邊爐真係幾爽🍺肉類方面安格斯牛小排、澳洲和牛M5牛肩卷 兩款都勁重牛香味有油脂感🐮 今次又encore左紐西蘭羊卷肉 比起上次係第二間既分店 羊肉味較濃郁 我鐘意有少少既羶味🤪 蟹籽墨汁漿一樣質素咁高 反而限定出品既墨魚/八爪魚漿就一般般⋯ 朋友仲大讚個鴨血超正 佢自己一個人食晒四件 唔食鴨血嘅我真係唔係好明

叫做「牛大人」，當然係期望牛肉好食。點知失望到喊。你睇睇塊牛肉！雖則話係機切，但都唔係衰成咁！薄過張紙！之後再嚟手切牛肉，你睇吓d顏色，下三分之一都好差。瘀色的！唔敢食。反而蝦係最新鮮。墨魚膠so so only，不彈牙。係和牛牛丸好食。飲品係多選擇。最後每人有一杯movenpick 雪糕。星期六去食每人仲要加$10。最唔清楚係幾點離塲又有不同收費。唯一讚佢有長者卡有優惠。卡位算好坐。不過限時限刻都係有壓力。最緊要牛肉質素咁差叫自己「牛大人」，真心有名冇實。冇下次。

💖荃灣牛大人日日都逼爆🈵️，平日19:30時段都大排長龍。呢度出名CP值高，肉類🥩高質，其他嘅海鮮🐟、蔬菜🥬、丸子🍡、甜品🍦、飲品🧃等都選擇好多！1️⃣極上和牛吃到飽🐂 $278/位💖放題成人一位$198至$278不等，今次要左最高價位嘅，包所有肉類。下面👇🏻係我嘅推薦～🔸肉類💖無限♾️encore✅澳洲和牛M5牛肩卷！口感薄嫩，食多都唔膩，一次可以食好多份🤣。另外推薦✅美國🇺🇸prime極級肩里肌，肉香多汁又唔韌。✅北海道🇯🇵十勝豚同✅安格斯特選牛小排都唔錯，油脂香又嫩。🔸海鮮、湯底、小食💖湯底有10款，可以揀雙鍋，我地要左有好多塊雞件🐔嘅✅台灣鳳梨雞鍋🍍。另外仲有多款海鮮，不過我地今次無食到🤣。小食推薦✅ 士林鹽酥雞🍗，微辣開胃。🔸火鍋配料、丸子、蔬菜💖推薦✅美人花膠，Q彈又輕盈，高質抵食！✅墨汁🦑蟹籽🦀️漿足料彈牙🦷。蔬菜、自助區選擇多，推薦芋絲同響鈴🔔。🔸甜品、飲品💖要左✅台中仙草凍同✅Häagen-Dazs嘅新款西瓜🍉士多啤梨🍓雪糕。飲品方面選擇好多，推薦各款清涼🆒飲品。我仲另外嗌咗杯酉鬼啤酒🍺($68)，佢地款得獎🏆嘅台灣手工啤，酒精味唔濃，好易入口！💖上菜快手又唔會點漏單，$300

今日中午先book，又俾我book到荃灣分店，食6-8pm時段。120分鐘任食，結果龜速咁食，一個鐘頭已經想走。坐位超級迫，環境幾嘈，order左鴛鴦湯底（加$50），係牛夫人秘製麻辣煱及台灣鳳梨雞煱，麻辣煱點了小辣，湯底一般；台灣鳳梨煱有隻雞脾，再加苦瓜？湯底很淡，食完都唔知係乜味，唔推介。我哋order左最貴嘅澳洲極上和牛set，雖然有好多款牛可以選擇，但大部分都好乾身又唔好食，安格斯一口牛肉粒得兩舊，其中一粒細個手指尾最尾嗰節，漉都費事嘥時間，牛胸爽慘過食臭膠，膠味重，係荃灣店限定，咁多款牛只係得澳洲和牛M5牛肩卷比較好食。因為我本身係鴨血迷，所以好期待佢哋嘅鴨血，話就係必食私房辣鴨血，但鴨血似喺街市買返黎嘅浸水豬紅咁，完全無事先烹調過，更何來會有辣味？結果要自已漉落麻辣湯底度，漉左好耐都只可以話係甜味，而且咬口一般，非常失望。另外，難食推介仲有必食澎湖花枝漿。要推介好食嘅，個人認為有台式香腸、炸魚皮、鹽酥雞、煎午餐肉、油炸鬼、movenpick雪糕等等，但當然是以任食的水準來看。畢竟係港式台灣火煱，加湯底也只是加淡嘅清湯，哩樣野都係另一個令我失望嘅位，仲以為會加原湯底。埋單兩個

講打邊爐第一時間就醒起牛大人，今次就同男朋友去左荃灣分店拾下拾下🤪晚市放題可以食120分鐘，有好多款湯底揀，我地就order左個紅燒牛骨湯，味道好香濃，再帶有輕微既辣，夠曬惹味😬野食方面選擇好多，除左手機落單之外，自助區仲有好多丸同蔬菜🤩打邊爐最重要當然係D肉啦，個封門柳、和牛牛柳粒同北海道豚肉都好有驚喜，全部都係嫩得黎有肉汁，有時係其他邊爐店食d cheap d既肉，滾兩滾個肉質已經好柴，但呢個唔會😍野飲方面除左普通紙包同罐裝飲品之外，仲有佢地自家製既飲品，例如白桃烏龍同桂花烏龍，夠曬特別🤪飲落都好清香❤️特別要提一提佢同UGLY HALF合作既台灣直送啤酒，好容易入口，啤酒同邊爐簡直絕配😎甜品方面可以揀movenpick雪糕或者仙草凍，個仙草凍都好足料，仲有芋園、紅豆同Nuts，口感豐富!Overall今餐真係食到好滿足，食物質素又高，推介大家去食😛

今日同朋友去左荃灣，牛大人都聽過好出名，成日要大排長龍，今日心血來潮終於去試下！聞名不如見面，星期五晚真係好多人等位，過左一陣就有位喇~有幾個餐揀，ｈａｐｐｙ　ｆｒｉｄａｙ一於食豪D，我地揀左＄３１８澳洲極上和牛餐~湯底就揀左台灣濃香蕃茄湯~有好多種牛選擇，牛味十足又嫩口~仲有海鮮，好似蝦、魚片、沙白、魚滑，當然唔少得台灣夜市小食，好似鹽酥雞、皮蛋豆腐，出面仲有好多飲品同茶比你揀！太多野想食同想試！！甜品估唔到仲有movenpick!真係好完美既一餐！

牛大人開左咁耐又咁多分店～🐻先第一次食 真係失禮哂(っ´ω`) ﾉ今次大鄉里出城 一試就試最豐富嘅「澳洲極上和牛吃到飽套餐」🤤！原來真係幾抵食 晚市大概$300/人 食物種類超級多 質素全部都唔錯 難怪咁受歡迎啦～—- ʕ•ﻌ•ʔฅ —-今次就揀左✨阿嬤養生濃湯鍋✨湯底真係落重料 由鮮雞、當歸、紅棗、桃膠、蟲草花、杞子等等熬成 鮮甜又唔會太重藥材味🍲建議大家一開始飲啖湯先( ´ ω ` )！.肉類選擇以牛為主～有兩三款雞、豬雖然係任食 但肉嘅質素真心唔差🫶🏻真係肉有肉味架🤭自助區有大量丸類+蔬菜 仲有滷肉飯、甜不辣、油炸鬼、皮蛋豆腐等熟食 種類真係太多(´ ▽ ` )飲品任飲 自家泡茶都好多款～仲有仙草甜品作結.⛅️必試♡ 肉類：安格斯牛小排｜和牛牛肩卷♡ 丸餃類：台式蝦餃｜芋頭丸｜拉絲芝心丸｜和牛牛丸｜香菇貢丸♡ 海鮮類：手打花枝漿｜旗魚漿—- ʕ•ﻌ•ʔฅ —-另外服務都幾好😚用QR code落單 野食好快就上枱 員工又好快手咁主動收碟 態度亦幾好全部餐都保證食足120分鐘🫶🏻咁嘅價錢又咁多野食都無野好挑剔啦～

終於book到了牛大人台灣火鍋任食2小時保證吃到飽湯底選了牛大人紅燒牛骨鍋香味濃郁，完全不需要點豉油醬料也夠入味牛肉屬於正常質素，全切成薄片醬汁配料等可以自助拿取食材都是台灣直送丸類款式非常多而且很特別例如竹炭海鮮丸等其他食物只需安坐在座位掃qr code便可點選上菜速度算快亦沒有太多漏單的情況海鮮有蝦、沙白、魚片等小食居然還有皮蛋豆腐不喜歡多骨的魚建議可以選擇其他食物飲品除了普通果汁汽水還有樽裝茶包括菊花潽洱、白桃烏龍和桂花烏龍，不會太甜也可減低火鍋的油膩另外還可掃qr code然後點選冬瓜茶、烏梅汁、柑桔椰果、酸梅汁，也可加$25冰荷青桔梳打最令人驚喜的就是一系列的台式小食鹽酥雞、香腸、甜不辣也非常美味除了平時經常吃的墨魚滑還有好幾款比較特別的海鮮漿例如旗魚、花枝等]部分食物額外收費可以加錢點選最後甜品有Movenpick/Haagen dazs雪糕也可選擇比較台中的仙草涼粉

17:00櫃檯登記人數後即出單編排座位並已開始計時2小時，漏單嚴重，出菜時快時慢，追單員工唔積極，用餐1小時20分開始，金毛頭髮男職員不斷追埋單(當時仍有已追數次的食物未到)，理論後，該名金毛男帶著怒啤及不服氣的眼神離開，並由另一名女職員跟進。今時今日服務態度不是這樣的。將心比己若消費者是你，遇到同樣情況，你會接受嗎？食物質素冇特別驚喜，2人餐枱零距離實在太擠迫(一字排膠片分隔)，我不知道其他食客有否類似感覺及經歷，但已知及可以肯定羊群心態惠顧的我真非常失望。

千呼萬喚消費券又嚟喇同老公即刻去食返我哋至愛嘅牛大人喺大鴻輝16F 🤭🤭一出𨋢有氣氛排隊滿滿好在上網訂咗位😌😌食好啲！食豪啲！揀咗極上和牛吃到飽套餐. 食個早場五點食到七點上菜特別快，食到咁飽多啲時間消化🤣🤣揀咗 台灣 鳳梨 雞鍋好適合夏天呀 濃濃嘅鳳梨香 仲有 苦瓜魚乾湯底鮮甜 清新👍👍人頭有兩粒和牛丸🤪🤪果然唔同非常高質 彈牙、 有空氣，咁每人兩粒就夠曬lu 澳洲m5和牛、牛小排，特別見到有北海道十勝豚🥳🥳非常之高質 肉味香濃十秒就食得澳洲m5和牛口感非常好味，唔算太濃反而多了牛香牛小排五秒就食得啦 😎😎牛脂肪分佈比較多所以牛味更加濃郁海鮮有海蝦 活蜆 鲷魚 脆鯇魚腩 全部非常新鮮 白沙蜆 大大隻非常新鮮鮮甜好多熟食呀全部都有台灣風味.😍😍特別喜歡鴨血 台灣腸 😝😝仲有生啤 撥雲霧見蓬蓮仙島＄68 酒味不太濃反而多了一份清香美酒佳餚非常match.仲有自家製白🍑烏龍、洛神花茶 仲有好多自家製夏天飲品㖭☺️☺️食埋movenpick雪糕 非常之 滿足非常飽呀宵夜都食唔落呀哈哈🤪🤪性價比高絕對係高質火鍋放題吃到飽number one

講到台式火鍋~你又諗起邊間呢？位於大鴻輝嘅牛大人都食過幾次啦~心思思想打邊爐就再去😋太掛住佢哋嘅鴨血😋每位贈送和牛牛丸兩粒😝今次揀極上和牛食到飽~可以瘋狂追加M5和牛、北海道十勝豚等，好岩我呢個食肉獸😋澳洲和牛M5牛肩卷油花分布比較均勻，既食到牛味又食到到油膩，唔會過油而膩😋和牛牛丸係好彈牙而夠牛味，好正☺平時好少食豚肉嘅我，都好推薦呢個北海道十勝豚肉質鮮嫩，略帶脂肪，唔會好瘦，打邊爐好岩☺必食👉私鴨血！真係叫咗幾次，一煲仔3大件，已經有湯汁，再放入爐到煮一煮，勁入味，好重胡椒辣味，講起好想再食😅海鮮又係必食，海蝦冇令人失望！夠大隻飽滿而且好彈牙😋沙白蜆必點~無沙而且算大隻，仲好鮮味！我都encore幾次~仲叫咗杯酉鬼啤酒，台灣直送，味道好易入口，果汁初榨咁，口感清新颯爽！邊打邊爐邊飲好爽😋牛大人❨荃灣分店❩🌟荃灣眾安街55號16樓全層大鴻輝(荃灣)中心

打邊爐🍲黎講我覺得牛大人性價比真心好高 所以前後都去食咗幾次了😈🐮自己喺屋企買材料🥩🥓打邊爐 買牛都唔止呢個價錢啦 配料又冇佢呢度選擇咁多 仲有好多唔同醬汁配料揀 又有埋甜品 🍮重點係呢度唔使洗碗😝食完就閃😙其實牛大人午市同埋晚市我都食過 點左set 之後揀咗湯底就可以 掃QR Code 落單 好方便手機可以睇晒有咩食 上菜速度又快😝今次就揀咗食晚市嘅澳洲極上M5和牛120分鐘放題 任食2粒鐘都係$278 仲有🥩澳洲M5、安格斯，極上和牛仲有海鮮類海蝦🦐鯇魚片🐟沙白任你叫❤️湯底嘅選擇都有好多 比較養生素食清淡到麻辣濃味嘅都有我哋嗌咗牛骨湯入面好足料有大大嚿牛骨，蒜頭龍眼紅棗，未食都覺得好養生🐮🐮重點梗係要試吓佢哋嘅澳洲和牛M5 牛肩卷見佢雪花紋分明 牛味好重 唔鞋口 即刻encore嗌返幾碟🥳其實我最鍾意佢哋啲牛 薄身而且好容易熟唔驚overcook 牛板腱滾10-20秒就ok而且肉質夠嫩口 如果你唔鍾意一片片🥓嘅Testure 仲可以揀手切風門柳 同埋安格斯一口牛肉粒/牛板腱🥩 我覺得佢哋除咗牛肉好味之外 西班牙豬五花片 都好好食 🐷肥瘦分布好平均 吸埋個湯底啲精華🐽🍲Jeng 😍

:::對上一次食牛大人已經係一年前，果陣好似開咗無耐，book位既難道好似搶mirror演唱會飛咁，估唔到去到宜家都重係咁難book，宜家每隔一段時間就會放開預約，不過唔洗10分鐘就會full晒話說星期三晚臨瞓前🌍話好耐無食過牛大人想食，咁既然老闆落咗order，🌙第日晏晝就準時12點上網book啦，最後梗係成功book到以牛大人around 300蚊價位既打邊爐放題黎講，性價比真係幾高牛肉每round order既質素都一樣，食物種類多之餘，重有唔少台式食物例如鴨血、豬血糕、台灣手工餃...重點係無咁悶飲品有自家沖既茶例如白桃烏龍、洛神花...唔會淨係得罐裝同紙包飲品咁頹

夏日熱辣辣 梗係涼住冷氣打邊爐 牛大人已經成為咗我同朋友聚會嘅飯堂佢啲牛夠高質 配料多選擇 仲有唔少台式小食叫咗M5和牛個餐 跟餐送兩粒M9和牛牛丸牛丸超多肉汁 同朋友都覺得好有驚喜黎到牛大人除咗不停encore靚牛之外 呢度都有唔少高質食材值得推薦期間限定北海道十勝豚又嫩又有肉香海鮮類我就推薦海蝦 新鮮爽口彈牙仲有佢地各式各樣嘅手打漿 真材實料台式小食我就鍾意小香腸同皮蛋豆腐食到最後就食個仙草凍 幫助下下火除左仙草之外 仲有幾款movenpick雪糕揀