牛大人台灣火鍋吃到飽 (大鴻輝(荃灣)中心)

營業中

休息中

每次成班人唔知食咩好 我都會推薦去牛大人呢度食材高質 食物選擇又多 仲要任飲任食M5和牛套餐性價比高 可以瘋狂食M5和牛和牛油脂分怖好靚 肉質嫩滑同時又帶有肉香跟餐送嘅和牛牛丸充滿肉汁 爽口彈牙 食得台式邊爐梗係唔可以錯過手打漿同小食黑忟忟嘅墨魚漿真材實料 會食倒一粒粒墨魚小食方面有我最鍾意嘅皮蛋豆腐同台灣小香腸海蝦 花膠仔同午餐肉亦係我每次嘅必點items打邊爐熱氣 朋友叫咗杯啤酒 估唔到又幾正最後再食埋個仙草凍下下火 非常滿足

天氣開始轉涼又係時候約埋朋友去打邊爐啦，講起打邊爐我地最鐘意就係食牛大人台式火鍋，一個價錢任飲任食，而且牛肉質素都幾高，今日約左個好耐無見既朋友去荃灣分店食牛大人，淨係湯底都有九款選擇，牛魔王朋友唔洗諗啦一定叫牛大人紅燒牛骨鍋，湯底真材實料，採用優質牛腿骨先燒後燉而成，讓湯底既能散發燒牛骨的濃郁香味，未放配料之前飲返碗湯先，非常濃郁美國特級安格斯套餐 ($288/位)呢個套餐係中等價位，120分鐘任飲任食，牛肉類推介安格斯特選牛板腱同美國PRIME極級肩里肌，脂肪分佈平均，配埋牛骨鍋湯底，牛味double up其他配料必試蟹籽墨汁漿同干貝鮮魚漿，超足料又夠彈牙，回味無窮

呢幾日天氣轉涼，有啲秋意，最啱去食火鍋，今日帶咗媽咪去食極上和牛火鍋放題，我地17:00開始食，食2個鐘，$288一位。有和牛任食，性價比唔錯。阿嬤養生濃湯鍋我哋叫咗呢個鍋，鍾意去清清地，夠健康，但味道一啲都唔會淡，湯底用咗大量大骨熬成，雞湯味濃厚，加上杞子，蟲草花，感覺養生。澳洲和牛M5牛肩卷我地主攻呢款牛，薄薄一片，入口油脂豐富，肉質嫩滑。安格斯牛小排呢款都好唔錯，鮮紅肉色好靚，呢款牛肉味較濃，亦都唔會韌。海鮮類海鮮類我哋要咗沙白，海蝦，我哋叫咗好多沙白，沙白隻隻都肥嘟嘟，而且好鮮甜。海蝦亦都有鮮味彈牙，不錯。澳洲M9和牛牛丸個套餐包咗每人兩粒呢款黃牛牛丸，呢粒牛丸咬落去充滿肉汁，牛肉味香濃，油香豐富，彈牙爽口，和牛做嘅牛丸真係唔同啲。配料方面，我哋亦都試咗唔少，有鴨血，花膠，牛筋，炸魚皮。鴨血口感QQ。花膠大大件，骨膠原豐富。牛筋煮淋了亦相當好味，炸魚皮香脆。自助吧有大量蔬菜同埋丸類，我哋都叫咗好多款，有蘿蔔，萵筍，皇帝菜，芋頭，龍蝦沙律丸，魚腐，等等。啲蔬菜都好新鮮，原來我好鍾意平時比較少吃的龍蝦沙律丸，粒丸咬開會爆漿，好正。撥雲霧見蓬萊仙島打邊爐最好飲杯啤酒啤啤佢，呢杯啤酒係

上次食係旺角食完之後呀媽想反食做乖純女當然要陪媽呀今次就黎左荃灣食為咗食兩粒和牛牛丸當然都要食最貴個餐啦（好似好奢侈 但真係好好食 ）和牛牛丸真係好香其他嘅質素一如既往真。CP值 極高 服務質素 收碟極快5點左右食 原來荃灣呢間分店係唔洗排隊上次旺角已經排緊隊 講完好野 當然講下改善地方牛大人 有種菜叫「水蓮」 每次叫1碟都係岀少少 諗住一次過叫左幾碟 但都係淨岀一碟 最多呢碟份量多少少當然牛大人 除左食物質素 環境各方面都好好價錢最貴個餐 都唔洗3百蚊分店都好多 配菜keep住新鮮 等我下次再去食朋友之聚首選

今日第二次去食，朋友話未試過，所以去食多次～嗌左澳洲極上和個餐（$328 +10%)~$361/人第一盤來的澳牛，係靚ga...之後再來果d 明顯唔係咁靚ge~加上嗌澳牛。。4 盤都比左美國牛😂😂始終因為澳牛先揀呢個價ge 火鍋set~.鳳梨雞湯底🍍🍍🐔.第一轉澳牛好。。之後來果d 已經唔係咁靚😂😂😂⚠️之後來的澳牛就唔係呢個樣🤣🙈⚠️..午餐肉超級厚😂😂唔知係好事定壞事🤣🙈另外水餃同雲吞都麻麻地😂😂.佢呢款蝦似平時燒果種。。用來打邊爐，好似唔係咁好食😂😂 麻麻地😂...呢個。。同埋出面有款自己拎ge 類似魚腐，味道都麻麻地😂😂...嗌澳牛set....每人送兩粒澳牛牛丸。。呢個牛丸好味‼️👍🏻👍🏻

成日見到好多人去牛大人打邊爐，今次到我地去食啦。一入到餐廳就勁多人，原來早d食仲有優惠呀。我地選好湯底之後，就去自助區域拎飲品，各種丸，菜，配菜，麵之類同醬料。我地今次食既係 極上和牛吃到飽套餐 （視乎時段288至328一人），肉類，海鮮等等都係自己用QR code落單。湯底我地係 台中蒜頭雞鍋，真係有成大半隻雞係入面，勁足料。肉方面最好食既當然係澳洲和牛M5牛肩卷，不過其他既安格斯牛小排，北海道十勝豚等等都唔錯。任食梗係要食多d肉。😂海鮮方面我地就最鐘意食大大隻又新鮮既海蝦同沙白。宜度既丸同滑類都相當唔錯，有好特別既蟹籽墨汁滑，澎湖花枝滑。我地仲叫左個澳洲和牛牛丸，大大粒勁彈牙，牛味好濃郁，必食。雖然餐廳有好多飲品選擇，但難得星期五想飲下啤酒，我地就飲左杯 撥雲霧見蓬萊仙島 （68）既啤酒。飲落比較light，好重花香味同荔枝味。甜品方面，食到差唔多既時侯店員會俾張卡仔選甜品，有movenpick 雪糕或者，仙草凍。我同朋友一人選左一樣再開心share。仙草凍都好多料，有仙草，珍珠，紅豆，椰果等等。。。牛大人台灣火鍋吃到飽 (大鴻輝(荃灣)中心)荃灣眾安街55號大鴻輝(荃灣)中心16

牛大人環境舒適，坐近窗口落地玻璃位，由下午6點品嚐到入夜，欣賞到到荃灣日與夜美景。點了鴛鴦鍋“台灣鳳梨雞鍋”、‘’台灣香濃蕃茄鍋‘’，鳳梨鍋湯底清新香甜，蕃茄鍋酸甜可口。和牛、豚肉肥瘦適中，簿片一滾就熟，加上醬汁，鮮嫩美味款式亦有很多，包羅萬有，大多填紙落單，有丸類，墨肉蝦滑、餃子、雲吞類，炸物有炸魚皮、鹽酥雞，鴨血、豬血糕，亦有花膠等等……飲品除了平常的啤酒、汽水，亦有自家制的花茶飲品，唔太甜亦好飲解喝出餐亦快，唔會怠慢，員工亦有禮貌，整體食物、環境、服務都不錯，價錢亦唔算大貴，下次可再惠顧

【台式邊爐 牛大人🐮湯底同飲品配料推薦🥰🥰】牛大人開左咁耐小編先食 聰明要book定先好去 太多人等😂 湯底都好多台式選擇，飲品係佢地嘅招牌___ ___ ___ ___ ___ ___ ___✨紅燒牛肉湯 （少辣）Menu話唔辣 上枱係有少少辣同平時食紅燒牛肉麵有啲微辣✨多款冷泡茶，台式飲品✨配料 電話落單，啲野食都好快到，自助拎菜嗰啲太多人，唔係好多選擇仲有啲逼，所以都冇試晒鴨血都好jeng 似食jelly 嫩滑有超厚牛餐肉，打邊爐落午餐肉jeng🥰響鈴 魚皮 風琴豆腐都係必叫今次叫左中間set,因為小編覺得任食邊爐肉類冇咁好食，呢間豬比牛好食仲有一客movenpick雪糕幾好食😋但overall環境太迫，多人等位，拎咩都要排，衛生一般，但任食邊爐都係咁，所以都作試下新野

天氣轉涼又會好想打邊爐，今日同媽媽黎到荃灣既牛大人我地叫左個鴛鴦鍋，分別係牛夫人秘方麻辣鍋同眷村白玉酸菜鍋。麻辣鍋既麻度岩岩好，花椒香味好出，而酸菜鍋微酸好開胃，但又唔會好似平時酸辣粉咁酸得咁誇張我地要左極上和牛吃到飽既套餐，可以任食和牛🤤仲會每人送一客澳洲M9和牛牛丸，啲牛丸好大粒，咬落去仲會爆汁，牛味十足食得呢個套餐當然要係咁食澳洲和牛M5牛肩卷，和花雪花分明，碌幾秒好快食得，入口即溶安格斯牛小排同手切封門柳都係我比較鐘意牛味較突出既選擇，而封門柳口感比較爽口，不錯好鐘意牛大人既其中一個原因係有任食油炸鬼打邊爐，同響玲比，油炸鬼索到湯汁之餘仲會keep到少少脆口同油炸鬼本身既油香味除左手機點既野食外，出面仲有好多蔬菜同丸夾，仲有一啲麵比大家拎去碌，仲可以自制滷牛肉飯野似除左甜品櫃果啲，仲可以follow 牛大人Ig得到一杯黑糖珍珠鮮奶，同街邊買既質素差唔多，好飲另外叫左杯撥雲霧見蓬萊仙島，個名好靚，飲完就明點解會改呢個名，一開始飲落去覺得好清，但慢慢佢既啤酒味就會好出，真係有種撥開雲霧既感覺最後甜品可以揀鮮草凍或者Movenpick雪糕，個人覺得佢個鮮草凍麵係必試，除左仙草紅豆椰果

牛大人高質就個個都知，但唔知係咪個個都試過去唔同嘅套餐，因為唔同套餐入面包嘅肉類都唔同。🧐🧐今日難得屋企人生日，所以就叫咗最貴嗰個餐，原來都有幾多款唔同嘅肉，我就叫黎試晒佢啦😌😌不過題外話，其實有大人最基本嗰款，好似都有包牛肉丸，佢啲肉味都幾濃，不過今次最貴個餐，有送幾粒M4澳洲和牛牛肉丸，食落又真係唔同啲，除咗肉味再濃郁啲之外，食落去仲好多汁👍🏼👍🏼我哋識咗佢嗰個封門柳，味道好濃，不過肉質比較鞋，如果鍾意食肥牛嘅質感，可能就冇咁啱你食。😅😅又試吓澳洲和牛，呢個就啱晒我口味。肉質鮮美，唔會太多肥膏，同平嗰款真係好唔同🤣🤣偶爾都要獎勵吓自己，唔係冇動力返工俾心機賺錢🥲🥲

牛大人台灣火鍋食到飽（Tsuen Wan）荃灣大鴻輝一向都多嘢食 見天氣涼涼地🌬 都想打翻個邊爐🍲 今次就試左Lv.3嘅邊爐套餐 結果都幾有驚喜 等小編推薦啲必嗌嘅邊爐配料先！🙈🙈⌖ 120分鐘極上和牛吃到飽 🍲💰$338（正價時段，周五、六、日、假期及前夕+$10）鍋底揀左店舖推介嘅牛大人紅燒牛骨鍋🦴 湯底確實幾香👃 仲有超大舊牛骨係鍋底 好足料～ 呢度款式超多樣 除咗有得落單嗌嘢食 仲有啲可以喺出邊自助區拎 例如自己整返個滷肉飯又得😂😂 仲有好多火鍋配料揀添～ 小編全晚最鍾意嘅一定係哩個套餐附送嘅澳洲M9和牛牛丸 每位會有2粒🐂 想再嗌係要收費傢 雖然唔係爆汁牛丸咁 不過入面已經好juicy😳 食落牛味非常濃郁 有輕微嘅油脂感🫣🫣 食到小編心郁郁想encore添💗💗 肉類各款牛肉一向都質素唔錯 牛味突出🥹🥹 尤其係欣賞安格斯牛小排🐂真係好嫩 同埋澳洲和牛M5牛肩卷牛香濃厚 另外 除左期間限定嘅北海道十勝豚🐖夠高質 肉味香濃 西班牙豬梅肉片、豬五花片同樣都好嫩口🤔🤔漿類舖頭嘅漿類係由台灣直送 款式多樣 今次試左店舖推薦嘅真味牛肉漿同埋澎湖花枝漿 好有膠質😋😋菜類 水蓮喺香港好似比較少

再黎打邊爐 今次同家姐去嘅係牛大人台灣火鍋吃到飽。聽就聽得多，都幾期待去。我地book左6點，所以唔多人，走嘅時候就多，都搭唔到咁濟。店內裝修簡潔乾淨，冷氣都幾強，所以唔焗促。座嘅位置就細左少少，好彩有張小枱子放食物，都唔錯的。自助部份係飲品同蔬菜，其他小食就落單order。感覺食物選擇唔多，小食有小香腸、鹽酥雞、皮蛋豆腐等，仲以為牛媽秘製滷牛筋同牛肚係小食，太傻瓜。小香腸味道濃，甜甜地還不錯。鹽酥雞鹹味適中，味道好食嘅，不過略欠香脆。呢度有3個plan揀，精選嫰牛、美國特式安格斯同澳洲極上和牛，我地揀左中價位嘅plan,無限追加安格斯特選牛板腱同美國PRIME極級肩里肌嘛。湯底方面家姐本來想叫台式鳳梨雞鍋，但我嫌太特別同埋驚甜，最後揀左個一d都唔特別嘅番茄鍋，之後我地後悔了，好純粹的番茄味，清淡左d之餘，最重要係難得黎到應該叫個特式湯底，浪費左。食物質素還可以，極級肩里肌嘅肉質會鮮嫩d，油脂平均，牛味香濃，夠嫩又好重牛肉味。而牛板腱肉質實d，口感會彈牙。整體食材質素如果比上次去的台灣火鍋會稍為遜色。鯇魚腩超好食，肉質嫰滑，嗰種Q彈感覺極好，啖啖肉但又爽彈，不過家姐唔喜歡。花雕酒雞件，

好耐冇去牛大人打邊爐星期日知道實好多人於是提早喺OpenRice訂座 食17:30✌🏾揀左美國特級安格斯餐19:30前離座 假日成人$258再加1服務費-台灣濃香蕃茄鍋 第一次食 唔係好有🍅味 呃人嘅-安格斯特選牛枝腱-美國PRINE極級肩里肌脂肪分佈平均 肉質嫰滑 牛味濃郁-新鮮白沙encore encore再encore蜆肉粒粒厚肉鮮甜又無沙-鮮甜海蝦🦐大大隻 蝦肉質彈牙 無限encore-水蓮清甜爽口 停唔到口-鴨血嫰滑有咬口-王子麵台灣好出名嘅王子麵 即係香港嘅公仔麵Book位真係好重要 😦一陣間全場爆滿

📍牛大人台灣火鍋吃到飽今次去左牛大人喺荃灣既分店叫左澳洲極上和牛吃到飽套餐 澳洲極上和牛吃到飽套餐 （$278/298/318 視乎入座時間）醬料區特別嘅有洋蔥牛肉汁，大家可以試吓，拎黎撈烏冬食有另一番風味🤪飲品都有眾所週知既自家樽裝茶，當然可以加錢叫特色飲品/手工啤酒！湯底揀咗期問限定既蕃茄酸辣湯，幾過癮，又唔會嗆口，但幾開胃😛安格斯牛小排同埋手切封門柳都係依舊出色，最期待就係和牛丸，咬落去有肉汁🤤出面仲有其他台灣丸同配料，都好多野食除左movenpick雪糕之外，呢到既台中仙草凍都好出名，拍得住出面既甜品店，仙草唔會好甜，芋圓又好咬口，咸甜點都好出色🤓

荃灣大鴻輝真係有好多火鍋店、放題同酒樓🥢不過我都係中意同朋友去牛大人多啲😜上呢棟大廈記得預多啲時間等lift🤣上到牛大人，等咗一陣就可以入座👍🏻我地叫咗「極上和牛吃到飽套餐」💲198@我地揀咗一款湯底「阿嬤養生濃湯鍋」，用上紅棗、杞子等藥膳，同埋大量蔬菜。湯底好清甜。如果想食兩款湯底就可以加💲50可以轉鴛鴦鍋。出去自助區可以自取不少火鍋配料，丸類、蔬菜都有。另外，飲品都有好多款，仲有自家製冷泡茶。我地另外點咗一杯特色啤酒「撥雲霧見薘萊仙島」💲68@，果香味道甜甜地，且有淡淡麥香。「澳洲M9和牛牛丸」好多汁、彈牙，每人只係送兩粒，真係好想再點。「澳洲和牛M5牛肩卷」脂肪分布均勻，牛肉味香濃突出，肉質好爽口。「安格斯特選牛板腱」肉質軟腍。「安格斯牛小排」都好滑嫩。每款都好高質👍🏻其他配料都有啲係好出色！「蟹籽墨汁漿」顏色黑漆漆咁，口感彈牙，當中有唔少墨魚粒。「台式蛋餃」「台式蝦餃」充滿台灣特色，口感幾好，肉餡味濃。「私房麻辣鴨血」好入味，口感滑嫩，飽滿多汁。「真豬小香腸」表皮脆口，彈牙扎實口感。最後我地食返杯冰凍雪糕🍨好滿足！【 牛大人台灣火鍋吃到飽 】📌荃灣眾安街55號大鴻輝(荃灣)中心