牛大人台灣火鍋吃到飽 (大鴻輝(荃灣)中心)

營業中

休息中

年初三同屋企人Book左位18:00三位新年每位另加$20都唔係問題，點知俾張勁窄圓枱我 仲要係搭枱（自問我唔係瘦到可以3人坐2人枱既人🙄），反而walk in 有卡位🙄真係呆左咁我book黎做乜？？？職員又唔識變通 問可唔可以轉枱有幾張吉枱都話無得轉枱。見到張name list明明我係排第三已經唔係遲book仲要無遲到 竟然係俾張咁既枱我 咩事？？唔會再有下次唔會再食呢間分店

節日諗住約FD食餐好既 開開心心就今日預約左牛大人 4位 7:45pm早到15分鐘 預約左仲要攞號碼等等左成40-50分鐘 先有位坐而且出面等位既位置特別窄 啲人逼黎逼去 我唔知係咪得節日先係咁好啦 我地四個坐低叫野食 落番茄湯同紅燒牛肉湯底 （加湯底+50番茄湯還好 紅燒牛肉麻麻同一般般（唔建議）服務還好 有時叫侍應無反應野飲都算多 肉有啲少比較失望原先以為佢叫牛大人可能特別多牛肉叫要叫四份先特別多肉 可能台灣野都係咁食雪糕都要另叫侍應比甜品牌少少失望 無下次再食 主要係等既時間太耐 倒不如食第間

聽聞不易訂枱，今次有幸訂到。環境太擠逼，無地方放袋。適逢用餐當天天氣冷，食客的厚外套無地方放，掛椅背又怕服務員經過狹窄的通道上火鍋料時弄污，唯有全程放在腿上，十分不便。為何不在椅下放置籃子，方便食客？食物方面，湯底點了牛骨及酸菜，普普通通。自取火鍋料亦屬普通。萵筍及淮山切成大大件，有點不適當，切片才嘗到其爽度。牛肉算不錯，最推介的是墨魚滑，有墨魚味及彈牙。總的來說，可能給名氣影響了期望，所以有點失望。加上這個價錢，寧願選非連鎖的火鍋店。

水蒸氣蒸上燈罩不停滴水，仲要滴落個煲度，個店員仲要笑住同我哋講係呀，解決唔到㗎係㗎，之後成餐飯一路用紙巾抹燈罩一路食，個個行過冇人理。。。。。。。。。。。。。。。。。。。。。。。。。。。。。。

約埋幾個朋友一齊去、諗住可以 開心聚下。但去到 我哋明明7個人有一個歲半bb、但比左個6人位細枱我哋🥺根本坐唔到😵‍💫 book 同攞位都講咗7個人，一攞到枱朋友都有再講仲有個小朋友、店員話要度高度， 其實哩啲都唔係問題，溝通左好耐都唔係好肯換枱比我哋🥺 係咪要我哋企住食？ 成個感覺好差，小朋友也是人，都要坐低食飯🥺 最後再企左一陣，終於換枱比我哋。食完啲野都唔覺得特別好食，應該唔會再去第二次啦⋯⋯怕怕

經OpenRice book 位🤤 7:25就去到🌋一打開門基本上人多到寸步難行😭都唔緊要等咗5分鐘左右就入去座🙏🏻基本上呢度係爆滿埋左位梗係要出去拎嘢飲同埋蒜蓉豉油嗰啲...意外就發生呢度...個地下滑過溜冰場一個唔小心爭啲跌倒chok親個波羅蓋怨怨痛🥲🥲攪到之後全程冇胃口食嘢牛大人嘅嘢食不嬲都唔錯但真係整親之後完全無胃口食野🤷🏻‍♀️嬲到我連和牛都冇影相😞牛丸係送嘅..食物用QR code落單都來得好快但係有啲野食譬如鴨血落咗幾次都冇嚟到就要問侍應拎先有

平安夜吃一個熱辣辣的聖誕大餐，選了荃灣大鴻輝的牛大人，平安夜每人加二十元，幸好我們訂了五點入坐，因陸續有人來，半小時後連取調味品也排了二十多人😨，我们選了中價的安格斯牛肉，上菜速度很快，亦沒有漏單的情形，食物的種類也算足夠，有些台式特色食物。以放題來說也算可以，最特別的是吃到尾聲全場停電，但奇怪的是大家也不以為意，十分鐘後回復正常。但今次是第一次踏足大鴻輝這棟大樓 ，吃完離開時等電梯也等了二十分鐘，因太多人去不同樓層的餐廳，突然覺得很危險，因如有意外真的不易走呢😅，相信我不會再去這美食大樓了

今次用storellet會員食牛大人有新會員免費升級兩個湯底優惠！揀左蕃茄味同牛骨湯味😋估唔到蕃茄味同牛骨湯味咁濃味。因為平時通常都食辣味野味一啲！仲要follow and like牛大人既ig或fb有一杯黑糖珍珠鮮奶飲呀！抵呀！試左一杯絕對唔求其，個底有好多黑糖，要攪一攪勻佢再飲就十分好味，唔死甜！次次去都一定食老肉飯，佢啲老肉勁香噴噴！牛肉就唔洗講啦，我叫左中價牛，豐儉由人。食完跟手再食新竹米粉，撈湯汁一流😋

身為香港人，對打邊爐呢個香港文化當然要深入研究下，話說真係有段時間無打邊爐，一講起就口痕，點知又咁好彩，約即日都約到，無奶油唔打啦？ 雖然唔係第一次去牛大人，但因為之前都係去旺角多，今次試荃灣呢間，點都要記錄下。 到咗「英皇」（係，我嘅年代係叫英皇，改唔到口ka；之係叮噹永遠係叮噹一樣 ）要排隊坐lift就預咗，但上到去一開門全部都係人就真係「嘩」咗出黎（鬼叫小弟見識少咩），好彩都係等一陣就入得。 我地一行四人，分工合作，一個坐底就舉手落餐落湯底，另外兩個已經攞咗個「碗」出去攞配菜 。上餐速度幾快手，負責攞配菜嘅兩位朋友返到黎時，其他肉已經到咗，prefect 湯底一如既往嘅濃、配菜一如既往嘅多選擇、第一 round 嘅肉一如既往嘅比之後再叫嘅好（睇第一張相同之後兩張相就比較到）。 真係要挑剔嘅，可能係地方真係唔夠旺角果兩間大，枱與枱之間嘅距離 and 入口等候嘅位置都相對較迫。

📍荃灣牛大人 午市火鍋放題吃到飽📍同一班同事去慶功，嚟到荃灣牛大人！食咗呢到嘅午市火鍋放題，特級安格斯吃到飽都係$178/位，有加一。湯底揀咗蕃茄酸辣鍋：手機點單可以任叫牛肉！套餐包埋任食嘅✅上腹牛五花✅安格斯特選牛板腱✅西班牙豬梅肉片✅西班牙豬五花片✅花雕酒雞件✅牛媽秘製滷大腸✅牛媽秘製滷牛肚嗌十份就會一大盤咁上，勁靚！啲牛肉好有牛味，好好食！多多都食得落！好在係任食😋😋仲有好多配料自助取，有我最鍾意嘅鮮淮山同冬瓜！飲品都係自助，有多種選擇，推介洛神花茶💕。想食餐好嘅火鍋放題，牛大人真係不二之選。

不經不覺也有幾個月沒光顧牛大人，乘近日天氣轉涼，正是適合打邊爐的時間，便和太太去就近的荃灣分店😃✏️位置: 8/10✏️環境: 9/10✏️衛生: 9/10✏️服務: 9/10✏️食物: 8/10荃灣店位於荃灣地標之一的大鴻輝中心16樓，台式裝修而環境相當舒適，侍應主動加湯及收拾，上菜快而沒有漏單，食物水準較不少火鍋店優勝😌🍱牛大人120分鐘吃到飽套餐 - 澳洲極上和牛 - $328/位雖然近月加價$10/位，這款套餐仍舊抵食，除了送M9和牛牛丸外，高質食材的選擇亦是最多，而且價格亦十分合理😄🌟醍醐蕃茄酸辣湯喜歡嘗新的太太選的期間限定湯底，味道酸中帶辣，新鮮獨特，非常開胃😂以下是掃碼下單的一些私心推介：🌟極上和牛吃到飽這次增加了一些期間限定食材，包括牛味香濃口感軟滑的SRF美國黑牛後腿肉及香滑彈牙的黑松露海鮮漿。另外荃灣店限定爽脆的牛胸爽是必點，還有每次都不能錯過的還有肉質鮮嫩的澳洲和牛M5牛肩卷😍🌟美國特級安格斯牛吃到飽每次也會點相當入味的牛媽秘製滷牛筋及牛媽秘製滷牛肚，還有期間限定十分香滑的章魚珍珠漿，都是真心推薦😊🌟海鮮類海鮮必選肯定是新鮮的鮮甜海蝦及新鮮沙白，另外真台灣鯛魚片有鮮味而口感

凍冰冰最岩梗係打邊爐啦～～牛大人台式火鍋吃到飽夠晒滿足，分店愈開愈多，水準依然keep到，讚喔澳洲極上和牛 $328/位 宵夜時段減$20 強波酸啤 手工啤 $68/杯帶青檸酸酸清爽味道，搭配火鍋牛肉解膩超夾台中蒜頭雞鍋 愈煲蒜味會愈出，醬料都唔洗點澳洲和牛牛丸 牛脂豐富，爽彈超正，每人送2粒 澳洲SRF 牛腿排期間限定，油脂最豐腴澳洲m5和牛牛肩肉片 口感較軟嫩手切封門柳 牛肉味最濃郁，脂肪相對較少美國prime極級肩里肌 肉質爽彈有牛味台式小食：小香腸、鹽酥雞、甜不辣推介飲品： OOHA 桃&荔枝2款招牌冷泡茶手沖台飲 雪糕/甜品 限1人1杯Häagen-Dazs & movenpick 都有手工芋圓仙草凍

天氣涼涼地最啱打邊爐，已經回訪過無數次嘅牛大人都係我打邊爐首選，真心覺得平靚正😆當日有book位，5點就可以於荃灣分店直入唔洗排了⁡牛大人嘅自助區有分為飲品區、醬料及即食麵區、以及蔬菜丸類區；自助區最令我在意嘅係衛生，幸好望落都乾淨企理，令我都夾得安心❤️丸類私心推薦大家食芋頭貢丸，每次我去都會食(∩´∀`∩)至於飲品，特別推薦白桃烏龍，好多朋友都覺桃味好香仲有嘅回甘⁡我哋揀咗最貴嘅「極上和牛吃到飽」$288套餐，湯底就阿嬤養生濃湯鍋～呢個湯底食過幾次都覺得好啱我哋口味！今次打開個點單位，見有杯要加$68就飲到嘅「撥雲霧見蓬萊仙島400ml」，好奇之下就試下，飲落易入口又有麥味，飲完都有上網睇下邊到仲有得賣，可以買番屋企飲 🍻 ⁡佢個餐仲會免費送每人2粒和牛丸，好香牛油味同好juicy🥰至於肉類則要用到平板電腦下單嘅，特別推薦「安格斯牛小排」及「澳洲和牛M5牛肩卷」，牛油分佈平均得黎又有牛味，而且落完單好快就送到，我哋真係食唔停口🙈另外值得一提，如果有朋友on diet緊，一樣可以揀「美國PRIME極級肩里肌」同新推出嘅「SFF美國黑牛後腿肉」，kcal相對低而且食落都幾有牛味唔會鞋口！

一踏入11月 就好想瘋狂打邊爐🤭牛大人都係一個十分出名嘅火鍋店Book位都要幾日後 提前book就唔洗等☺️我地7:30Pm已經離座 所以$288一位 好平呀😝澳洲M9和牛牛丸🍢每張枱都會送一份 食落濃厚脂香 彈力十足啖啖牛味連平時唔食丸類既我都覺得好食😋澳洲和牛M5 牛肩卷我覺得同日本和牛相比 澳洲和牛勝係脂肪平均又夠肉汁🙊美國PRIME極級肩里肌肩胛部係牛牛經常運動既部位 所以脂肪較少怕肥既靚女可以叫咖😝我地仲叫左上腹牛五花 安格斯特選牛板腱 安格斯牛小排 手切封門柳以上款式都好好食 而且每次份量都好夠💕海鮮等有蜆類 蝦類 每隻都好大隻而且肉飽滿😚牛大人台灣火鍋吃到飽📍荃灣眾安街55號大鴻輝(荃灣)中心16樓

今次有朋友慶祝生日，佢住響荃灣咁就梗係響大鴻輝睇吓啲咩正嘢食啦，咁多選擇最後都係揀咗牛大人，之前響尖沙咀同旺角食過，今次就試吓荃灣呢一間啦！我哋揀咗中間嗰個SP F特級安格斯牛肉套餐（ $288再加一）星期日另外要再加多$10，由於朋友唔食辣，所以我哋就叫咗個鴛鴦一邊係麻辣、一邊係雞幾，我哋今次叫咗中辣好夠辣好好味，去得好大人梗係要主要食牛啦，我哋嗌咗幾碟牛里肌同埋牛板腱，另外仲有我最愛嘅鴨血，呢度嘅鴨血真係好滑好好食，另外呢度嘅蜆亦都好大隻，冇沙之餘啲肉質仲好趣卜卜，總括嚟講每一次去牛大人都唔會令我失望！