牛大人台灣火鍋吃到飽 (瓊華中心) (已搬遷) 新店位置

牛大人應該係近期最hit嘅餐廳大家都話一位難求 誇張到要4點就stand by去排隊今次剛剛好經過旺角 就去撞下運氣點知真係拎到飛 開心到飛上天可能期望太大 所以都比較多失望位牛肉同埋花枝滑係好好食但係其他野食就真係好普通完全冇其他網民講嘅驚艷當中最令我失望嘅係臺灣小食香腸唔夠香 鹽酥雞非常乾完全唔好味總括而言 如果係為左食牛牛而去都可以一戰但就唔好對其他食物有太大期望啦：（

盼望左咁耐終於食到牛大人呀 咁我哋一嚟到已經係1:30 就應該係第一輪嘅人已經食完㗎啦 之後佢第二輪就話1:30至1:45開始叫飛 個個都知其實係冇得上網訂位啦 而家咁我哋今次嚟到尖沙咀先特別有呢個午市放題但係都係冇得訂位嘅等咗一個鐘左右 終於到我啦 量完體溫就會問你想食咩餐嘅 咁我就今次就揀咗最貴嗰個和牛打邊爐放題啦 坐低嘅時候都會見到有個大嘅爐同埋有兩個細爐 應該係比嗰啲定量午餐食既如果係出面等位嘅時候 記得要申請返佢個會員 因為而家新開張優惠呢 佢有九折咁 即係變相來講免加一因為實在等得太耐啦太肚餓啦 咁我哋就即刻就用手機app咁樣點左幾個牛豬啦咁我哋就坐喺嘢飲櫃隔離嘅 咁就俾個overall picture你睇先啦咁佢就好多有自家嘅茶飲 但我自己覺得最好飲係菊花普洱嘅等咗大概15分鐘個鍋終於到 咁就我哋揀咗佢哋限定嘅芝士牛乳湯底嘅 咁其實食嘅時候完全食唔出任何味嘅 即係好似普通一個牛奶湯咁樣係食唔到芝士味 至於配菜，咁我哋兩個人啦佢就俾咗一個兜嘅，其實都係啲菜，蘿蔔，腐竹，比較特別少少會有寬粉，咁熟食方面就會有肉操飯。係個app度就有和牛，墨魚或干貝滑，同埋一啲台灣小食嘅。咁全

今日黎到牛大人，叫左最貴既套餐，極尚澳洲和牛套餐（$298），而湯底方面就叫左酸菜白肉同埋鳳梨雞湯底！湯底方面，我個人覺得2個味道分別不大，鳳梨雞湯唔酸亦都唔甜，而且入面竟然有苦瓜，唔知係咪落錯左！酸菜白肉湯底亦都唔酸，白肉份量多，但唔好食，可能我地煮耐左，冇咩道理得黎口感都麻麻！2個湯底都比較清淡！套餐方面，果然最貴既套餐入面既牛肉係比起其他餐既牛肉更為高質！牛味會較重！雖然牛肉係好食，但性價比方面就真係見人見智啦！出面自助櫃有勁多平時火鍋店食唔到既丸，味道冇話邊一粒特別令我印象深刻，但喜愛試新野既大家可以一試！！至於最令人印象深刻既野食係鴨血同埋和牛丸，鴨血勁滑，而和牛丸勁有牛味！推薦！即使冇叫最貴個個餐，都要加錢食！！至於野飲方面，我見好多人都強推，但試完咁多款，個人覺得火鍋店黎講好有誠意，但味道方面真係偏為清淡，洛神花茶唔夠酸，白桃烏龍桃味同埋茶味都唔濃，桂花烏龍桂花味有，但同樣烏龍味都唔算重！而且因為每一樽都好大支，飲完一支都好難再飲第2支，因為唔想浪費，所以最後都試唔晒咁多隻味！至於甜品方面，賣單既時候職員會俾埋張甜品落單紙俾我地，有movenpick 雪糕同埋仙草揀，因為

早前疫情冇咁嚴重嘅時候走訪過一次，人潮好多，應該係因為抵食又好食🤣同朋友夜晚9點左右食都仲係超級多人，而家實施左9點後冇堂食，反而可以考慮買番屋企食啊😛又或者食lunch/ early dinner點左眷村白玉 酸菜鍋最令我印象深刻係自助夾蔬菜嘅部分超級衛生整潔，有店員係旁邊隨時睇住有冇蓋冇關，或者夾要換等👍🏻除左自助夾嘅野食外，scan QR code點嘅食物都好，上至澳洲和牛M5牛下至好有台灣特色嘅甜不辣、蛋餃都有😛 有樣野不得不提，澳洲M5和牛牛丸真係好惹味，如果唔係食和牛餐嘅，都建議你單點黎食，集彈牙同juicy於一身，正！另外，都唔好錯過一人一客嘅movenpick 雪糕🥳

最近勁多朋友都話呢間牛大人好好味又好抵食 難得放假就同男朋友去試下!除了有肉類可任點任食外，呢度仲有大量火鍋配料可以自己任拎，仲要大部份係台灣直送，例如鴨血、手打花枝漿、鹽酥雞、蛋餃等，可以一解大家既旅行隱！牛大人紅燒牛骨鍋係原汁原味既牛骨鍋，一上枱就香到我地口水直流，原來係由牛腿同牛肋骨慢燉而成，鍋面見到好多肉桂枝、紅棗、八角、香葉等，勁真材實料，牛味濃郁又香甜，而且唔會太油。安格斯一口牛肉粒肉質鮮嫩， 油脂分佈平均，油花密度高，牛味濃郁，正。澳洲頂級M9和牛牛丸係台灣製造既牛丸，用澳洲M9級數和牛作為原材料，個樣望落同普通牛丸一樣，但食落完之後唔同，一咬落去，油脂同肉汁湧出，味道濃厚，估唔到食牛丸都可以食到滿口脂香。和牛M5 牛肩卷牛肩卷姐係牛既後頸 ，油花分布更均勻，肉味濃郁，肉質軟冧，脂肪甘香。手切封門柳封門柳姐係牛橫隔膜肌肉，每隻牛只有一條，所以好罕有！油花少但肉質都腍，肉味好重。安格斯牛小排牛小排肉質結實，口感很鮮美唔肥膩。水蓮見到香港好少見既台灣水蓮菜，點可以唔嗌！食落纖維感好高，質感係菠菜同韮菜花之間，吸哂湯底，好正。好鐘意呢度有好多自家製茶飲，可以係個飲品櫃度自己拎，

相信大家同我一樣，喺疫情之下冇得去旅行，一定覺得好傷心，最掛住一定係外地嘅美食。有睇開我食評嘅都知道，我最鍾意就係打邊爐，而除咗日本嘢之外最鍾意就係食台灣嘢。今日因為有冇得去台灣又冇得打邊爐好耐，所以就嚟到旺角呢一間又大人火鍋，打返場激烈嘅邊爐，去滿足我思念台灣同埋打邊爐嘅心願。一入到去舖頭已經聞到好熟悉嘅味道，有麻辣鴨血嘅味道，有養生鍋嘅味道，加埋個裝修已經好友去咗台灣嘅感覺。好彩今日早啲到唔使排隊就可以入，如果唔係喺食飯時段嚟到，最少都要等兩至三個鐘先可以入場，所以想試嘅朋友，記得早啲嚟攞位，如果唔係就要白行一趟啦。佢有唔同價錢嘅選擇，但我諗大家都非常清楚唔同價錢，就會食到唔同質素嘅牛，當然我係非常之鍾意食肉嘅，所以今次就買咗最貴嗰個極上和牛吃到飽套餐，而且係選最貴個餐，喺可以食哂咁多隻肉，爽呀！本來想整返個麻辣湯底，不過有少少熱氣所以最後就揀咗牛大人紅燒牛骨鍋不得不提，脆肉鯇是非常好食的！因為佢喺跟人頭出份量，所以瘋狂點咗好多次！澳洲和牛M5牛肩卷喺必點，油脂豐富，入口即溶，呢度嘅肉唔會好似其他舖頭，上到枱面仲係非常之冰感，所以可以做到淥一淥就食得，唔洗驚唔夠熱/太熟！另外安格斯

🐄澳洲極上和牛吃到飽 $288(+10%).超級好吃 牛肉質素完全打贏咗一鍋堂🥺三月試完荃灣分店 五月又去試埋旺角店佢地有三款套餐 最平嗰款同一鍋堂相似推薦大家要叫最貴呢款極上和牛 超正😚.牛大人秘方麻辣鍋 係正宗嘅台式味道🔥麻香辣味並重 辣度高 亦同時有湯底嘅甜阿嫲養生濃湯鍋 係清甜嘅雞白湯🧙‍♀️尤其係啲肉夠晒靚 更加突顯到肉嘅鮮嫩.澳洲和牛M5牛肩肉先係重頭戲🤤肉片係正常厚度 油花超靚 油嫩感出晒嚟將塊肉淥到八成熟 入口係半溶化嘅感覺放題食足兩個鐘 飽到嘔都覺得好食嗰種.圖二係中價餐開始提供嘅牛五花🤩即係牛肩肉再近腹位啲 脂肪部位更加多所以油香仲勁過肉香 牛控絕對會中意🤘貴價餐會送兩粒和牛牛丸 成本價都幾高.圖四五係鴨血 蟹籽墨汁漿 干貝鮮魚漿記得呢三樣嘢全部都要煮熟咗先食😂😂最後食埋雪糕 為完美嘅一餐劃上句號🍦.✍後記：旺角店較擠迫 而荃灣店間格會舒服啲😟冷泡茶好飲偏濃 星期五六日再加$10！

前兩日同朋友去咗食牛大人。喺未食之前其實已經有聽過佢嘅明聲係任食界來講係幾好，所以都抱有一定嘅期望，而且知道佢嘅嘢飲並唔係只有大部份任食火鍋店，只得可樂紙包飲品，而係有佢哋獨特嘅冷泡茶，所以特別吸引。去到店舖果然係人山人海，即使係九點嘅鐘數都仲要等大約一個鐘先入到去，鋪頭就唔算大，但係麻雀雖小五藏俱全，飲品、配料、調味料都齊嘅。我同朋友就揀咗極上和牛吃到飽，雖然牛嘅種類並唔多，但係必須要提嘅係牛質素真係唔錯，除咗薄片嘅牛好好食之外，佢嘅和牛丸亦都係令人喜出望外，完全同街市嗰啲牛丸係冇得比，佢係非常之重牛味同埋係有肉汁。如果係去食嘅話，我就建議唔好拎咁多配料(即係街市都買得到嗰啲丸仔)主力食佢嘅牛會比較抵。除此以外，我都覺得佢嘅冷泡茶係有喺市面上買嘅質素，而呢個係任食火鍋店裏面非常之難得，所以我都飲咗兩支。作為一個鍾意飲酒但唔鍾意飲啤酒嘅人來講，覺得佢嘅「落花流水」並唔係我鍾意嘅酒類，佢仍然都係有啤酒嘅苦澀味，但係佢同一般啤酒唔同嘅係真係有一陣淡淡的花香，如果鍾意飲啤酒嘅人可以試吓。最後，我哋喺甜品方面都揀咗仙草凍，呢個亦都係比較少會係任食火鍋店見到嘅甜品，係冇特別大期望嘅情況底下，呢個

想食牛大人都係1D都唔容易，預早1個月BOOK枱就差唔多！可能大家呢年上半年都無乜出街打邊爐，宜家湧晒出來！不過餐廳都有做足措施，探熱同維板，同埋抽風都OK！火鍋有幾個套餐揀，食肉獸既我地就揀左和牛餐～D牛肉真係幾好食，紋理都分明，食落又有牛味～特別係呢隻澳洲和牛，正正子！大部分食材可以係電話落單，唔洗下下帶口罩出去拎～好似有海鮮，蝦，魚滑，仲有D台灣小食咁上下～另外可以出去自助吧拎D菜／丸／麵，同埋超多款既飲品！我覺得洛神花茶真係好好飲，又可以消下滯～最後每人一杯movenpick勁滿足！！

呢間台式火鍋放題係我waitlist等咗好耐，終於食到喇🥳不過真係好誇張，1700開舖，我地1658到，已經要等45mins先食到，所以如果你唔係book咗位，真係唔使黎，否則只會掃興。講到咁出名，一齊睇下係咪真係咁好食先😆.🥘湯底 (牛大人秘方麻辣鍋+阿嫲養生濃湯鍋)打邊爐最緊要就係個湯底，牛大人啲湯底選擇都幾多，total有9款，睇得出全部都係真材實料。我地叫咗鴛鴦鍋，要額外加錢，不過試到兩種湯底都抵嘅。麻辣鍋係必叫，有大中小辣比你揀，可能我地唔食得辣嘅緣故，小辣已經食到出曬汗，不過好好食又係咁食，真犯賤😂至於另外一個養生湯底就變相冇乜味，應該係食麻辣已經食麻咗個味覺🤣中和返，整體算唔錯。.🥘火鍋料比一般鋪頭多好多選擇，基本上你諗到嘅都有，仲有好多都係台灣直送。牛肉當然最重要，見最平個個set嘅牛都幾新鮮，脂肪分布均勻，而我地叫中間價錢個個set啲牛都好正，絕對唔會孤寒，啲牛大大塊😋強烈建議大家叫鴨血食，襯埋個麻辣湯底真係一流，從來冇食過咁好食嘅鴨血😂另外就覺得個蜆特別出色，可惜啲肉好細粒，唔夠過癮。.🥘熟食熟食嘅選擇都好多，不過記住留返個肚食邊爐😂有鹽酥雞、滷肉飯、炸午餐肉等等，

話說呢間餐廳好受歡迎，可以打電話或者喺網頁訂位，但都係超級無敵難book. 所以我哋差唔多係三個星期前訂咗，之後疫情比較差，我哋都決定食埋今餐先，點知食咗之後過兩日，呢間餐廳就封咗，因為7月頭有確診人士去過 加錢$50叫咗鴛鴦鍋，雖然只叫少辣但係比我想像中呢都辣幾多！另外嗰邊係紅燒牛肉湯，就好似台式牛肉麵個湯底咁，非常之濃，真材實料。 全日食咗覺得最好食嘅食物就係佢嘅鴨血鴨血好似調左味咁，食落同兩種湯都好夾！ 其他食物都正正常常，有一啲食物係自己出去夾，有一d就可以用q r code落單，上菜都算快，但係有漏單嘅情況。 作為台式嘅火鍋店，佢係有台灣菜，好似圖中嘅滷肉飯、仙草凍、鹽酥雞、皮蛋豆腐等等。 仙草凍係甜品，每人只限叫一個，另外仲可以揀movenpick嘅細盒雪糕，最可惜嘅就係佢係冇珍珠奶茶。總括嚟講佢嘅食物選擇頗多，味道都唔錯，但係如果訂位容易啲就會更好。

終於book 到啦啦啦啦～好開心！用app 可以有九折所以叫左第二貴既牛 果然好出色 ！牛好有牛味（ 我知呢句好廢 ， 但真係好有牛味 😂）唔知最平果隻牛係點～ Like 社交平台送檸蜜碧螺春 ， 好飲！仲有好多樽裝台式飲品揀但味道偏淡...有熟食揀的：皮蛋豆腐 鹽酥雞 好味😋不過坦白講 ... 菜類不太多選擇埋單每人有一杯movenpic 細杯裝雪櫃 😋

幾個月前係荃灣食過牛大人，覺得好好食！近排係社交平台見佢又開分店，所以又心思思想再食！星期日５點果輪 已經座無虛席👍搵返台灣嘅感覺，而且價錢都ＯＫ，性價比高，因為有和牛食呀嘛！仲係任食架喎!!可以食足兩小時 ，店員服務好好，上菜快，同埋唔會漏單 ！湯好多選擇，廢是食辣，所以揀咗清清地既湯底 ，好甜好香，又覺得無味精，就咁飲都幾好飲！和牛牛牛丸真係好好食！好彈牙！！如果有得再叫就正啦🤣牛小排好好食，仲有澳洲和牛，牛肩脊等等～肉類都好多選擇，仲有各式各樣嘅台灣特色小食好似鹽酥雞／鴨血，食完就再叫，用電話落單好方便！出面仲有自助BAR可以拎野食，仲有好多野飲選擇呀！最後仲有 movenpick雪糕 或仙草涼粉， 我同男友每人試一個，好滿足呀😋

朋友心思思想打邊爐，我就推介佢黎食我食完再食既牛大人。食完佢好滿意要我寫食評，咁我作為熟客就幫手寫返個啦。menu其實無咩好睇，就係牛肉任食set揀一個，我地揀左極上和牛。先$288，要食就食最好果個set！成9點都幾多人排隊入到去都係滿，無呃人特登唔比人入座飲品櫃都係自取，但我都係會飲返冷泡茶，好少火鍋店有。如果真係好餓等唔切仲有滷肉飯食，台灣味道醬料都好多選擇嗌蝦滑哩啲配麻辣湯底就岩哂牛肉油脂分佈好平均，碌一陣就食得朋友一路食一路話真係好抵食，睇黎我又幫牛大人製造多左個熟客！

早幾日去左試呢排好多人講嘅牛大人！因為訂左位嘅關係所以唔洗等好耐就入得！環境：我同男朋友坐二人位，好闊落，即使嚟左好多火鍋配料都唔覺得逼，坐得舒服。食物：外面放左好多港式配料俾大家自己拎，建議大家唔洗拎太多，因為有其他好嘢可以落單叫🤓呢度我就拎左好多響玲食，大大件！食物：有台式熟食可以自取同落單。飲品：除咗有汽水，仲有冷泡茶例如菊花普里、洛神花茶等等。我飲咗一兩支冷泡茶，味道天然，同埋健康d😛湯底：我哋叫咗鴛鴦鍋一個係阿嬤養生濃湯鍋，另一個係牛大人紅燒牛骨鍋，我覺得阿嬤和比較清淡，紅燒牛鍋就比較惹味，好襯啲牛肉，好好食！食物：重點係食牛！呢度有太多款牛，我地食和牛吃到飽果個餐，主力食：澳洲和牛肩卷，美國S R F極黑牛肩胛、安格斯牛小排、安格斯一口牛柳粒、封門牛柳。我發現個個人食牛嘅口味都唔同，我係超級鍾意食澳洲和牛肩卷，但我男朋友就超級鍾意食美國S RF即刻牛肩胛！真係好好食，呢個價錢可以任食到高質素嘅牛，我諗得呢間！最要讚嘅係呢度嘅牛唔會越叫越衰，我食過好多間任食火鍋，d牛都係越叫越瘦，越叫越鞋，下面呢張相就係我最後last order時候叫嘅最後一疊澳洲和牛M5牛肩胛，叫到最後一