牛大人台灣火鍋吃到飽 (瓊華中心) (已搬遷) 新店位置

最近網絡上好出名嘅牛大人台式火鍋，聽講要早兩個星期book枱！兩個鐘吃到飽都係二百幾蚊，聽落好高性價比！於是預早book枱，食早輪7:30前離座，揀咗最高級嘅澳洲極上和牛套餐，都只係$238！-平時啲任食火鍋，環境地方衛生都覺得麻麻，喺旺角瓊華中心，牛大人環境都唔錯，雖然枱同枱中間距離唔算多，但係有板隔住，私隱度都幾高！-嘢食方面，佢係用手機自助落單，另外有自助配料吧，有蔬菜丸類自己夾。最鍾意去食佢有啲台灣直送美食，有士林鹽酥雞，台式小香腸，梅甘酥脆薯，好有去咗台灣夜市嘅感覺！-湯底選擇好多，揀咗店員推介嘅牛骨湯，牛骨湯底有少少藥材味，味道非常濃郁，食牛肉豬肉都唔使再點醬汁。-極上和牛套餐的安格斯牛小排好高質素，每位仲附送兩粒澳洲和牛牛丸，牛丸好juicy，食嘅時候小心熱啊！海蝦非常新鮮，encore左幾次！-飲品方面，有好多自家製嘅冷泡茶，飲咗桂花烏龍同埋白桃烏龍，平時火鍋店都只係有汽水任飲，估唔到佢會有健康嘅選擇！仲有台灣特有嘅蘋果西打！！！-食飽仲有每人一個甜品，我揀咗食movenpick雪糕，非常滿足！

上次食完荃灣嗰間牛大人覺得唔錯今次經過旺角所以又揀咗呢間啦想打邊爐又唔想咁熱氣所以揀咗呢個阿嫲養生鍋佢主要都係少少藥材做湯底幾清甜一如以往都係用電話落單 好方便最值得抵讚嘅係完全冇漏單我就食咗個最貴嘅套餐 呢碟就係安格斯牛小排全場最正嘅就係呢碟 肥瘦適中同埋食得出係好新鮮 好有牛味另外呢碟M5和牛 排第二啦 都好正仲有好多其他海鮮例如蝦魚同埋沙白正常打邊爐嘅嘢食都有出面仲有個自助區佢好多丸類呀麵嗰啲 包有一款啱你呢個皮蛋豆腐 第一次試 個感覺幾新鮮唔錯差啲漏咗講呢個和牛牛丸多汁彈牙每人會送兩粒 前前後後兩個人嗌咗10幾碟牛 真係捧住個肚走佢仲有好多自家製飲品 真係好有心機所以真係推薦比大家

鍾意食台灣火鍋，牛大人係我嘅心水，因為佢好多特色嘅台式食材，都係喺台灣直送，整間餐廳都充滿台風。餐廳坐得舒適，裝修得好有台灣特色，風味十足。安排座位後，店員話每一枱都會送一杯手工啤酒試下，令我哋對餐廳印象加分不少。手工啤酒上層嘅泡沫非常滑，而且酒香四溢，啤酒充滿果香，手工啤酒確係唔同啲。肉類，海鮮，台式小食等都係喺手機叫，而自助區就有蔬菜同丸類，仲有滷肉飯同熱冬瓜茶。我哋食特上和牛套餐，係最頂級嘅套餐，和牛肉質非常勝上乘，而海鮮都非常新鮮好好食。最後仲可以每人一個甜品，我哋叫咗一個movenpick雪糕，同一個仙草凍share。仙草凍係推介，好高質美味。

朋友成日話牛大人抵食又好味，搞到我都好想食下。特登book咗週六嚟食晚飯餐，餐廳五點開門，四點九到，已經見到成個lift口都係人， 人山人海。好彩有book位唔使等，入到去看到環境非常寬敞，衛生整潔，裝修得幾有台灣味道，店員都非常有禮貌。用手機下單，我哋叫咗鳳梨雞鍋，比較特別，而且開胃。點咗好多唔同嘅食物，款式超豐富，有極上和牛，脆鯇魚腩，仲有好多台灣小食，好似台灣鹽酥雞，炸甘薯粒。飲品仲可以叫冬瓜茶，酸梅汁，烏梅汁呢啲台式飲品。每位都只係248元，120分鐘吃飽飽，性價比極高

最近被牛大人瘋狂洗版，作為牛魔王🐮當然被吸引到🙈🤣 但訂座只可預訂到2星期後，所以決定walkin。‼️Walkin 情況 ‼️星期六下午5時營業，打算4:45上去拿籌就一定安全，怎料......電梯門一開，已有3-40人左右等位🤦🏻‍♀️店舖人手不足、有些許混亂，排隊派籌派到一半停了，先處理已訂位的客人，結果呆企了25分鐘才拿到籌，還是下一輪7:00-7:30的籌🙈之後去四圍逛逛，6:50上來登記，7:20才入座。當時我和朋友說，如此辛苦才可以嚐到，如果難吃，我真的會很生氣、寫長篇負評🙈幸好，食物質素令我滿意👍🏻下次會訂位再來🤣👉🏻食物: 4.5/5我們點了最貴的澳洲極上和牛套餐😆▪️牛肉整體非常滿意，集合牛味、油香，又有不同口感，滿足到牛魔王🐮😏我主力吃安格斯牛小排(長型、3份1是油脂、油香最濃、入口香又滑）、澳洲和牛M5牛肩卷（圓型、牛味油香均衡）、美國SRF極黑牛下肩䤚（肉質口感偏軟冧、薄）🤩🤤▪️M9和牛牛丸套餐每位贈送2粒🤤超級美味！牛香味不在話下，口感彈肉、肉有肉汁又滑！如果可以仼點就好了☺️▪️湯底麻辣湯小辣已滿足到我🙈辣中帶麻，的確是台式火鍋標

超強人氣既台灣火鍋真係想食好耐啦🤩🧚🏼‍♀️終於有機會同男朋友仔黎試下🥳雖然要等位，但都無阻我想食台式火鍋既心❣️-🎈放題套餐 $198吃到飽套餐一共有三款可供選擇，分別是精選嫩牛、美國SRF極黑牛及澳洲極上和牛～今次一於先試下精選嫩牛套餐先🙆🏻‍♀️-🎈鍋底 (牛大人祕方麻辣鍋+阿嬤養生濃湯鍋) +$50牛大人火鍋係採用真材實料熬製成九種不同既火鍋湯底，每款湯底都各有特色。今次揀左鴛鴦湯底，雖然要額外加錢，但好似感覺上會豐富啲幸福啲咁🥳黎到必定要試牛大人祕方麻辣鍋，裡面有花椒同其他中藥材，麻麻辣辣般，好有層次～另外仲叫左阿嬤養生濃湯鍋，湯底鮮得黎又好濃味😚配搭上來說如果叫鴛鴦湯底，建議可選擇一辣一唔辣平衡返味蕾，如果唔係只食麻辣鍋應該會辣到出煙🔥-🎈台灣直送美食嘩實在太多選擇了！！有選擇困難症既我真係覺得好矛盾啊🥺首先可先在外面自助區拎蔬菜類同丸類既食物，仲有台式滷牛肉飯都係擺左係出面架～之後就可以用手機scan QR Code去點餐了🤣裡面可點選肉類、熟食、配料等。-🌟上腹牛五花牛肉鮮嫩，脂肪分佈平均，食落去唔會好鞋好韌咁🙈-🌟熟食基本上呢到既熟食做得好好🥰無論係第二市場真滷牛肉飯、士林

已經食第二次啦 對上一次已經幾個月既事🥺 事關呢間舖頭真係好出名好多人排隊 於是我就提早一個月book位先可以book到😣 講返先👉🏻嘢食質素都幾高 湯底選擇多 但係個人覺得湯底比較淡少少 豉油醬料都係🥶🥶 🥩牛肉種類都好多 食落去比一般放題嘅牛肉算高質，而且有好多海鮮啦🦪🍤，仲有台式小食（鹽酥雞、炸番薯粒）😋😋 仲有嘢飲都唔錯

牛大人 🐮🐮我終於食到妳啦早左10日訂枱㗎大佬 📲📲上到去系爆到傻真系超級多人 最好真系book左先Walk in 唔知要等幾耐 食120分鐘 食完9點仲有好多人等緊做會員仲有得揀9折或者免費有鴛鴦鍋溫馨提示9折扺d!因為要鴛鴦鍋都係多$50我地要左蒜頭雞湯底同秘方麻辣鍋我地要左最貴$288個套餐 🍴🍴其實妳咩都未點 已經嚟左一大堆食物 有肉🥩有海鮮🦐🦑🐙有小小台灣小食同炸魚皮 出到去又有滷肉飯 🍛🍛同好多配料同蔬菜🥬選擇 仲有好幾款台灣麵 🍜🍝好似王子麵咁 佢配料區仲有好多選擇 我就要左秘製牛肉汁 同特配豬肉汁 一定要飲佢d茶 🥤🧃☕️個樽又靚又有feel仲要系任拎 仲有一盒盒桔仔茶 佢咁多特式飲品應該大家都唔會選擇飲汽水嗰啲仲有佢上菜超級快 佢系用QR Code scran去點肉 最後仲有Movenpick 雪糕🍦食🥰士多啤梨味朱古力味或者系seasonal味 我就系panna Cotta 味😍😍😍會再encore !!!

牛大人近期有幾hit相信都唔使我多講🤣 如果想食7:30都要早一至兩個星期book位，但由於太遲book嘅關係，我哋最後決左walk in😂等咗一個鐘左右終於入到去啦！任食火鍋有幾個套餐選擇，分別有$198、$238同$288（19:30前離坐或21:30後入座每個套餐平$40）我哋揀咗$288，可以食晒咁多款肉，包括澳洲極上和牛😋 強烈推介澳洲M5和牛肩肉，肥瘦適中，油脂比例啱啱好，而且仲十分嫰口👍基本上去到第二輪開始都淨係瘋狂encore呢款肉😂 呢個套餐仲送左兩粒和牛牛丸，係超！好！味！牛丸牛味超濃郁，而且爽口彈牙💯湯底我哋揀嗰兩個都比較清冇咩特別🤣 但後尾見到啲人話牛骨湯都唔錯～ 基本火鍋配料都有齊曬，仲有多款台灣直送火鍋配料，例如澎湖花枝漿、手打祺魚漿、台灣海鮮漿、士林豬血糕等，仲有鴨血都大推‼️（我就無試啦但我朋友嗌左十次都有😂） 呢間餐廳最特別嘅係有多款台灣小食，例如甘薯、台灣腸、鹽酥雞、甜不辣、魯肉飯等，樣樣都唔錯。飲品都有好多種類，仲冷泡茶供應添！我飲左幾樽桂花烏龍，茶底好濃，冬瓜茶都唔錯，記得要嗌返少甜🥰最後仲送返每人一杯Movenpick雪糕！好少邊爐放題可以咁高質

呢間舖頭我嚟咗兩次， 每次walk-in都要等好耐， 強烈建議booking先。喺服務方面， 嗰日我同友人walk-in， 本身已經好肚餓， 佢話要等半個鐘以上， 咁我哋就等， 坐喺一邊， 但問題之後見到有三個 人 walk in， 仲快過我哋入， 就覺得好奇怪乜唔係先嚟後到㗎咩， 然後我哋就好有禮貌咁問佢我哋大概幾時入得座， 佢都係話未得， 好咁我哋等到半個鐘之後， 再問多次佢依然都係話未得， 但其實我望入去入邊仲有好多張吉枱， 最後額外等多咗15分鐘先畀我哋入去， 而我哋係食5.30個時段， 因為要準時交枱已變相少咗15分鐘食嘢時間， 否則就會跟返去7點嘅收費。 可能係我個人問題， 我懷疑佢哋係想減少我哋進食嘅時間而刻意唔畀我哋準時入去， 而當時門口得我哋等緊。 喺上菜方面， 佢哋嘅漏單好少，整體服務唔錯。 佢呢間舖頭係會準時叫人走， 大家要留番時間預備。嘢食方面，佢中間有個自助夾嘢食區域可以自己夾， 而佢可以手機落單order之比較特別嘅嘢食例如，豬血糕，鴨血，沙白。 佢出面更加有滷肉飯可以自己裝，順帶一提佢啲鹵肉飯真係唔錯㗎。 而你like佢社交平台更加可以送珍珠奶茶. 嘢飲分

6點幾去到walkin拎飛就已經要11點先有位，原本已經諗住轉地方食，點知朋友話今日一定要食到先甘心。等到接近11點終於入坐，登記做會員可以免費鴛鴦鍋，所以我地揀左台灣麻辣同鳳梨雞，兩個湯底都好正，我比較中意麻辣，真係同係台灣食嘅火鍋一模一樣，至於個鳳梨雞湯有啲啲似胡椒豬肚湯，都幾好味。成餐最滿意個鴨血同埋個爐魚片，下次知道要宵夜黎先唔駛等，一定會再幫襯！

勁難book位既一間餐廳, 索性平日請假5點鐘去攞位.  準時5點鐘到達, 重比老媽子串都無人既. 點知係唔洗20分鐘已經坐滿. 真係早起的鳥兒有野食 坐低睇餐牌, 分3個時段同3種牛既價錢.  而湯底有9種選擇, 鴛鴦鍋就加$50. 咁難得一次嚟. 又係食最早(平)時段. 當然揀個最貴既極上和牛嚟哂所有野啦.  湯底因為阿媽唔食辣, 所以揀咗養生同牛骨鍋. 揀好餐同湯底等5分鐘就可以用手機scan QR code點餐. 非常方便除咗手機可以點野食外. 出面都放咗唔少食物,主要係丸同一D蔬菜類. 比較特別既係佢有幾款台灣麵比你選擇.而且野飲就更加驚喜. 竟然有我每次去台灣都鐘意買既麥仔茶. 一時間真係花多眼亂. 唔知揀邊樣好. 因為樣樣都想試. 令外想讚既係就算佢自家沖既茶飲. 個包裝都好靚靚. 絶對唔係馬虎了事到手機點既食物, 先嚟係和牛餐先有既4粒和牛牛丸(每人兩粒, 無得再加). 有牛味, 爽. 好似潮州牛丸  再嚟就係和牛餐先可以點既手切封門柳. 有牛味, 有咬口澳洲和牛M5牛肩卷, 好肥呢. 相比之下, 安格斯牛好過佢. 所以我地叫咗碟之後已經無叫滑亦有好多選擇, 墨汁滑,

二訪牛大人台灣火鍋再次到訪牛大人 今次試佢地既麻辣鍋叫左中辣 強烈推薦呀！好入味又麻又辣食物方面 任食火鍋有幾個價位選擇 分別主要在於牛既種類。我今次就試左中等價位既個款牛味已經好濃！而其他可以單點既食物最吸引就係有多款既魚滑絕對係平時火鍋食唔到既選擇〜除此之外海鮮類 仲有台灣魚貝類等 好多元化除左係手機可以落單既食品之外自助吧就有各種既丸同菜類麵類不得不提既係都可以任飲既飲品一枝枝既茶類一個茶包一枝茶絕對可以消滯環境好乾淨又闊落上食物都好快！

近依幾年興起台式火鍋🍲前班上IG見到有間過江龍望落好高質嘅牛大人😂😂個個都話好好食 性價比都好高就決定一試 我知道佢好難卜位所以就預早咗5點幾去walk in 拿位都幾驚食唔到 最後比咗7:30比我地入😋🙈講番啲野食先 有好多丸 可以係出面自助吧拿而我覺得最特別係佢啲樽裝野飲全部都好好飲 唔會話好甜火鍋湯底可以揀 我地叫咗雞個個真係有成隻雞係入面 好足料😋而牛肉都好有肉味 份量都比得好足我覺得最好食係佢個牛筋 好入味 真係超正魚皮個啲都係好脆😋而墨魚滑都好好食😋真心推薦比大家食🙈

我book了7:00 ，上到去已經有好多人等候，估唔到呢個疫情都有咁多人食嘢，呢間火鍋店果然犀利，等了10分鐘就入座了，我哋一行三人揀咗$288，因為呢個價錢多好多嘢食衛生唔錯，因為全部都用膠盒蓋住，同埋離開座位一定要戴上口罩呢啲飲品平時去火鍋店都好少有，牛大人果然落本牛肉都有咁多款我哋揀咗“牛大人濃湯牛骨湯底“，侍應話係招牌湯底，出面有好多調味料供客人選擇，呢一part亦是我最鍾意的，因為可以揀我喜歡的調味料午餐肉基本上可以就咁食，因為係即炸的亦有台灣特色火鍋配料：鴨血油炸鬼都有，脆卜卜架呢款牛丸唔係普通的牛丸，我揀$280呢個價錢先有得送每人兩粒和牛牛丸兩粒真係好味好多㗎台式餃呢間台式火鍋真係好多款選擇，我仲未食晒佢啲款式，下次會再嚟試