牛大人台灣火鍋吃到飽 (瓊華中心) (已搬遷) 新店位置

寒冷天氣不期然會想起火鍋🥰今次終於book到人氣火鍋店 - 牛大人！！！·我地點左90分鐘吃到飽（$198 +10%）湯底方面點了出面火鍋店未見過的台中蒜頭雞鍋🥰雞件足.最特別係大量苦瓜，清熱下火！·食物種類繁多.各種肉類包括豬牛雞魚.鍾意食牛既我，比較推薦牛肩胛🥰肉質嫩滑～仲有自助區大量丸類及墨魚蝦滑🥰🥰最正係連台式食物例如台式香腸、鹽酥雞🐔、甜不辣等！·火鍋最怕只有汽水單一選擇～牛大人有埋冷泡茶！選擇了洛神花茶，清脂解膩🥰友人選擇了桂花烏龍，淡淡清香👍🏻飯後食埋豆腐雪糕🥰好滿足！

天氣凍⛄️就連晏晝都想食打邊爐啊🍲趁住依家 就去食唔洗book位既牛大人啦😍有分60分鐘/90分鐘既set menu 🕐而今次就食豪啲⚡️$198 極上和牛吃到飽🐂鴛鴦湯底 (另加$50)秘方麻辣鍋 自選辣度🌶(利申:小辣都好辣)紅燒牛骨鍋 推薦😋🌟澳洲和牛M5牛肩卷🦘牛味極重😍 油脂分布平均😃必點啊真係🤤🌟安格斯特選牛板肩呢個牛係$168/set 既item 食落一樣有驚喜🤩有牛味之餘 更加有口感😝🌟蟹籽墨魚漿🦑Amazing 😻!! 非常之彈牙🥳 真材實料嘅🦑🌟干貝鮮魚漿🌟鴨血除此之外 仲有大量新鮮配料 任食🤪飲品方面 更有自家制茶類 +台式飲品😚甜品方面 有自家制雪糕🍦

扭牛大人嘅邊爐係全港最好食，午市去食價錢唔貴，中階質素200蚊有找，仲要係任食。首先，佢牛肉嘅質素真係無得輸，以佢呢個價錢，牛肉嘅牛味好香，而且雪花都算均勻，唔會太肥，真係極力推介。然後佢嘅湯底都好濃郁，我試咗牛骨湯同麻辣湯，兩個都好入味，約滾約濃味。然後佢其他配料方面，都好好食同好新鮮，特別係啲餃子同蝦滑魚滑無得輸，新鮮好食，去到一定要必試。然後佢個豆腐雪糕都好香豆腐味。另外可以試嘅係佢飲品，佢有自家製嘅茶，都可以一試，選擇都妥多

小編之前聽人講新間咗一間打邊爐，非常好食，而呢間店仲要係好難book位🤔。小編一直都未有時間去試下，今日終於忍唔到係今日做完嘢之後🖊，親自過去嘗試下，而呢間任食打邊爐店叫做「牛大人台灣火鍋吃到飽」✨。✦✦✦✦✦✦✦✦✦✦✦✦✦✦去到門口都已經見到餐廳人來人往，不過今次小編好彩都唔係等咗好耐就已經有位入去👏，座位間都幾寬敞，坐得幾舒適。食客係要用手機掃檯面上既QR Code點餐，而最令小編開心既係餐廳有超多款手打漿肉，魚滑😻，之前小編曾經講過如果打邊爐無魚滑就一定失色，而呢間正正有6-7款多，亦係小編打邊爐必點，所以小編係畀滿分👍。✦✦✦✦✦✦✦✦✦✦✦✦✦✦餐廳仲可以離開座位去揀打邊爐配菜同台式飲品，同點餐既食物同飲品都係唔同款🤩，非常之多可以選擇，尤其係飲品🥤，樣樣都想試下嚟飲，健康又好飲。✦✦✦✦✦✦✦✦✦✦✦✦✦✦小編最推介既第一樣野就一定係漿肉類👅，款款都要試下。另外，當然係肉類🍗，豬肉、牛肉都唔差，款式類別都選擇多，實搵到至啱你既一款👀。✦✦✦✦✦✦✦✦✦✦✦✦✦✦小編認為「牛大人」係任食火鍋中算係高質，環境、配料、食物質素唔錯👍，而且員工服務好，小編們第一次嚟到都詳細介紹餐

就算無得飛台灣，都可以體驗到台灣風味，這家新開，交通方便，今日決定來試下，門外人流不斷，原來是高人氣。3款牛款選擇，9款湯底，午安60分鐘，還有90分鐘選擇，自助提取丸類，蔬菜，肉躁飯配料，牛骨湯 配有多款滋補藥材，湯底鮮味，完全不用沾醬油已好夠味。極上和牛吃到飽牛肉味濃，肉質嫩滑，牛脂香，爽滑彈，無限量添加，上菜速度奇快，盡情食到飽，一份約2-4件，10份有一圖碟，好多肉，夠滿足。3款熟食，鹽酥雞、台式腸等都不錯。鴨血 鮮味滑溜任飲飲品選擇非常多，我最欣賞泡茶，白桃烏龍、洛神花茶，清新解膩。環境乾淨，地方夠晒寛敞，座位寛敞多卡位，食得好舒服

上個月生日諗住同老婆過嚟打邊爐食晚餐，但係早兩個禮拜已經話冇得book位，之後一路拖拖到今日有時間先可以食個午餐！實在太誇張！上網見到朋友話個牛骨湯底好食好濃味，所以就叫咗過嚟試吓，之後個職員亦都介紹咗我哋一個叫做鳳梨雞！那麼索性加錢整個鴛鴦鍋啦！午市套餐都有幾個套餐選擇，分別在於食材，唔同種類嘅牛唔同價錢. 難得book到位就食過最貴㗎啦！最主要係有得食澳洲和牛！澳洲和牛的確係靚啲，牛味很重，很好食！配搭牛骨湯，令牛味更加重，鍾意食牛嘅我哋，足足叫咗十幾碟！全部食晒我哋嘅套餐一共有10一款食材可以選擇，牛有兩款，豬有三款，醉雞一款，秘製食品三款再加多兩款墨魚漿干漿。當然每一樣野我哋都有叫你試吓啦，全部都係好有台灣風味！食材各樣都新鮮，每一碟一至兩舊，不會太多樣樣都可以品嚐一下.整體覺得不錯，如果午餐可以便宜一點就更好！

牛大人呢個名早就喺社交平台成日見到啲人分享，但係基於疫情次次我都冇去到. 但是剛好我遇到附近辦理文件，順便就約嚟呢度食過午餐！早一個星期就book定位.去到已經好多人已經食緊，基於限聚令坐得好梳落好舒服。我哋叫咗最貴嘅安格斯牛肉套餐，坐埋位就給我們一個QR code，就自己用手機點單特別的食材.其他蔬菜麵類醬汁就自助形式。點幾多真的來幾多，所以大家唔好浪費啊！牛肉10分新鮮，每一碟三至四片，好快就食完，之後每次都三四碟咁叫，牛有牛味，雖然任食但係用料幾好，不馬虎。唔記得咗介紹最重要嘅湯底，我叫咗人氣牛骨鍋同埋鳳梨雞鍋，湯底味很香！飲品亦有很多選擇，仲有佢哋自家製嘅洛神花查普洱茶等等！這樣的午餐實在太滿足了

自上年開左之後，已經翻食幾次，由佢只有一間，開到而家幾間分店真係不得不讚佢既湯底好入味，同台灣有得揮食過一次最貴個個餐，感覺食唔太出分別，可能我垃圾口之後一直都係叫中價個個，抵食之餘又覺得價錢合理除左食佢既牛，佢仲有好多好特別既配菜最鍾意係佢個黑色墨魚滑好香蒜香味，岩哂重口味人士！

《廢物女孩👭食の覺醒》#旺角篇👧🏿🧜🏻‍♀️向左碌碌◀️◀️🍴SRF極黑牛吃到飽 HKD 228湯底🥘🔸牛大人紅燒牛骨鍋 台灣濃香蕃茄鍋-牛骨湯底超足料 有超多藥材 愈煲愈濃 所以食到最後有D太鹹🙈蕃茄湯都超紅同見到好多蕃茄肉 但係就唔係好重蕃茄味🙈食到最後因為牛骨湯太鹹 蕃茄比較清 所以👧🏿都係食蕃茄湯為主🙈肉類🥩🔸美國SRF極黑牛肩胛 紐西蘭羊肉卷 花雕酒雞件-極黑牛非常出色🤤牛肉超大塊 油花分佈平均 肉質好彈牙❗️羊肉卷食到超重嘅羊味同時 又唔會好羶❗️花雕雞就有D搞笑 可能醃得唔夠耐 放咗落火鍋之後 冇曬花雕酒味 變咗湯底嘅味道😂海鮮🐟🔸新鮮沙白 鮮甜海蝦 真台灣鯛魚片-沙白本身以為係細沙蜆 點知一上檯見到超大隻🤯蜆肉隻隻飽滿 鮮味十足 最緊要冇沙🙈海蝦都好大隻 肉質新鮮彈牙👍鯛魚片就可能烚得耐得滯 有D散左 但係食落口都好新鮮🙈火鍋料🍢🔸干貝鮮魚漿 牛媽秘製滷牛筋 牛媽秘製滷大腸 豐原排骨酥 爽脆烤魚皮 即炸午餐肉 -最出色一定係滷大腸同牛筋❗️大腸清得好乾淨 一D都冇異味👍同埋滷得超入味 就算放左落火鍋到 都冇變到火鍋湯底嘅味道 仲係keep住香香嘅滷水味😍牛筋就超大嚿 feel到係食

牛大人台灣火鍋吃到飽 (旺角)17:00-02:00終於食到呢間超人氣的台式火鍋💛呢度總共有三款吃到飽套餐選擇:A 精選嫩牛 $198B美國安格斯牛 $238C澳洲極上和牛 $288而我今次就選擇左套餐B，因為肉類的選擇比較多，價錢亦合理✌️鍋底:總共有9款可供選擇，而鴛鴦鍋要加$50食物:除了一般火鍋店提供的肉類，海鮮，蔬菜和丸類牛大人推出左一系列特色食物，包括:台式小食，個人最愛皮蛋豆腐和台灣腸💛台灣蔬菜，例如水蓮🥰🥰台式手工水餃🥟牛肉漿，海鮮漿，花枝漿等等👍🏻👍🏻總括: 食物總類繁多，食材新鮮💛整體價格合理，性比價高💛值得一戰！#牛大人 #牛大人台灣火鍋吃到飽🐮 #火鍋 #火鍋放題 #任食 #邊爐 #冬天 #台灣美食 #台灣菜 #旺角美食 牛大人台灣火鍋吃到飽 (旺角)旺角彌敦道628號瓊華中心9樓

烚吓烚吓打邊爐-📍旺角區高質抵食台式火鍋唔使驚冇嘢食嘅台式火鍋，我諗呢一間台式火鍋呢係我暫時喺香港最滿意嘅，因為實在太多款式嘅嘢食啦，連台灣嘅*王子麵* ，*水蓮菜*都有！熟食同嘢飲嘅款式都好多，汽水果汁，自家製冷泡茶。。鹽酥雞。多到我想貪心咁試晒佢嗰度啲嘢🤣1.牛肉試咗佢中等價位嘅美國SRF極黑牛 🐮＄228 位（我哋六點入座） ，呢個價錢呢個質素我完全係覺得滿足拉🙉買單嘅時候呢佢都會比張紙你就係揀食咩雪糕， 重點雪糕係movenpick !!!! 😾‼️唯一唔好就真係太多人食啦，永遠好想食嘅時候都冇位，walk in嘅話起碼要九點後!所以大家要食嘅話呢就建議提早上網book定位啦💢即係如果想過幾個禮拜食，而家book定真係差唔多，尤其係啲黃金食嘢時間！店舖： 牛大人台灣火鍋吃到飽 (旺角)地址：旺角彌敦道628號瓊華中心9樓

平日夜晚七點左右去到， 雖然唔使排隊，但都全場full，90分鐘用餐時間坐低用QR code落單，我地食$248， 下載成為會員有一次性九折，我自己覺得$248既牛都OK， 配料自助形式，擺放企理乾淨，所有食物都有蓋蓋住！我本身唔飲甜既飲品， 汽水無zero但就有幾款冷泡茶， 好好味唔苦唔澀， 白桃同桂花值得一試，上菜速度好有效率，埋單超準時！要快食甜品係movenpick或者自家甜品一客，埋單時落單，整體黎講我覺得唔錯！值得一試！

牛大人台式火鍋由一開始已經好受歡迎，如果要係lunch time或者dinner time去食嘅話就要記得訂咗枱先去，如果唔係就要排好耐㗎喇。湯底選擇唔係話好多，但係啲湯底真材實料見到入面真係落足料。因為係叫咗最平嗰個set所以牛肉嘅質量一般般唔係話太好食。但係佢其他丸類好高質，每款都好好食。佢仲有自己整嘅冷泡茶，打邊爐可以飲啖茶解下膩。佢哋仲有一啲台式小食，好似髯鬚雞咁，但係因為主打係邊爐，所以台式小食就唔係太吸引。

疫情之下同朋友出嚟聚餐試咗呢一間想食非常之耐嘅火鍋店🐮 不過認真大家你真係盡量book位🤢 大概6:30嘅時間都已經係要等到9:00等到傻😭 入到去坐低就用手機點單📲 同埋店內亦都有比信封仔你裝口罩！美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)入到你當然就食最好㗎喇所以就叫咗298嘅呢一個set 試佢嘅澳洲極上和牛🤩 基本上全程同朋友都係食肉 不停加呢一個m5牛肩👍🏻 的確不停食佢嘅牛肉係幾正嘅 肉同埋油脂嘅分泌都非常靚仔💁🏻‍♂️ 所以都食咗非常之多嘅肉至於其他嘅配菜例如係雲吞餃子嗰啲 其實都係正常嘢 唔會有咩太突出🤔 唯一比較叫得多嘅係佢嘅蝦🦐 算係幾新鮮亦都正嘅👍🏻 其他叫咗少少發現都係普通野之後都全力食牛🐮值得一提嘅係佢嘅樽裝茶😍 桂花烏龍同埋洛神花茶其實都唔差 不過講到最正嘅個人認為就係白桃烏龍🍑 呢個真係正到不得了 食到非常之滯同埋感覺到油膩嘅時候飲啖 絕對係正呀！ 而且佢一樽樽咁樣賣相亦都非常靚👍🏻PS 出去自助吧枱拎嘢嘅時候記得要帶返個口罩呀👍🏻

黎食之前都有望下其他食評，知道要一早黎排隊等。4點半前黎到，已經冇曬7點既飛。不過目標係5點入座，任務順利完成。做會員第一次用膳可免費享用鴛鴦鍋，揀左麻辣同酸菜。麻辣鍋越食越辣同入味，反而酸菜就一般般。7點前離開有優惠，所以揀左最貴既套餐。黎到牛大人主要當然係叫牛，而牛小排的味道真係不得了！牛味好濃，油脂好香，烚一烚已經好嫰滑，真心正！牛丸（新會員贈品）亦都唔錯，又係好濃牛味，重點係爽口彈牙！至於海鮮有沙白，乾淨鮮甜冇沙！自助區選擇都多，不過眼闊肚窄，無咩點試。另外設有自助飲品櫃，有汽水同茶，不過茶味較淡，但好處係唔太甜。最後最開心係有movenpick雪糕做甜品。如果係為左食麻辣火鍋或酸菜鍋而黎，個人認為香港其他選擇好多，但如果budget $300 想任食和牛放題，值得一試。順帶一提，服務員人手足夠，基本上落單後1分鐘內已經送上食物，而且收碟速度都快，唔會堆滿成張枱都係碟。