牛品台式火鍋

營業中

休息中

所以話打邊爐真系一年四季都啱食、一年四季都有捧場客😋 我地正值夏天差唔多三十度來到尖沙咀呢間台式火鍋餐廳 就算咁熱都有好多人排隊 餐廳已經坐滿座！下驟五點半來到我地叫咗$279嘅牛御品吃到飽套餐🥢 看餐牌見到有多達十款湯底，有幾款我地都好感興趣，所以就價錢叫咗個鴛鴦鍋可以一次過試到兩款：沙茶海鮮鍋+酸菜白肉鍋。兩款湯底都各有特色😍前者鹹鹹辣辣，後者就酸酸甜甜。另外都可以單點細細碟嘅小食例如台式甜不辣、麻辣鴨血、宜蘭蔥餡餅、炸地瓜丸等等，充滿台灣風味🇹🇼

我一向都鍾意食辣，食米線會叫麻辣湯底酸辣湯底 食四川菜都鍾意叫麻辣燙，今次食打邊爐見到麻辣鍋當然都要試試！呢度係台式麻辣鍋就唔係四川麻辣，味道辣中帶甜就無四川麻辣咁嗆咁刺鼻🌶️ 從來都好鍾意食麻辣湯底叫肉類煮嚟食，因為可以索到辣辣嘅味道🥩叫咗兩盤澳洲M9和牛，慢慢咀嚼後，嘴裏溢出香濃的和牛肉汁。 和牛🐮肉質口感嫩滑，雪花牛肉結構肥瘦相間，入口即化，肥而不膩。花雕酒雞件🐔肉質紮實又唔乾，帶啖啖淡嘅花雕酒香味同埋新鮮薑嘅辛辣感，食完好似會好暖胃嘅感覺。

酸菜白肉鍋裡面除左有大量酸菜之外仲有豬五花肉。酸菜大大片而且份量俾得好多，味道酸酸甜甜又好爽脆有口感🥬。每片豬五花肉都有一層油花間隔一層豬肉，食到明顯油脂香氣同豬肉口感，肉質鬆軟完全唔會乾唔會鞋，十分出色，有啲啲入口即溶化嘅效果🐽。鴛鴦鍋嘅另外一邊係可以話係完全唔同感覺嘅沙茶海鮮鍋。沙嗲同沙茶嘅分別在於沙嗲質地偏稠膏狀，辣中帶甜；沙茶醬就有輕微顆粒，花生味道較濃，屬於鹹中帶甜嘅花生醬，蝦膏味道突出而且強偏辣🦐。裡面加入蝦同貝殼類海鮮，增添鮮味🌊。

琴日本身約左同學仔放學一齊去食火鍋，預咗大約七點鐘會開始食。好開心提早咗落堂，所以就可以食到早一輪嘅火鍋放題：五點至七點。我地叫第三級別嘅牛御品，五點至七點時段係$279，比七點至九點時段嘅$319平左四十蚊，兩個就省到八十蚊👏 身為愛美一族我同同學見到有個寫著“養生”嘅元氣養生鍋就毫不猶豫嗌咗✌️佢都唔係得個名架 材料都落足，有人參 杞子 雞，味道鮮甜非常滋補。如果食到咁上下想湯底變得更濃味可以加入唔同嘅醬汁同埋醬料，我就將麻辣鴨血嘅麻辣汁加入元氣湯底。其實麻辣鴨血已經好好味架啦，鴨血質地Q彈好似海綿咁索哂啲麻辣汁🧽咬開爆汁嘅效果

”牛品牛品“品嚐牛肉嘅好地方。呢間牛品係由台灣廚師主理，湯底鍋料由均台灣直送，務求比香港人品嚐到真正正宗嘅台式原味道同埋新鮮嘅台灣食材，非常講究🇹🇼 火鍋湯底有十個選擇，有辣有唔辣任君選擇。十個鍋底裡面有四款標明”牛品推介“，分別係牛品一品鍋、牛品秘製麻辣鍋、沙茶海鮮鍋同埋元氣養生鍋，我地就揀咗當中嘅牛品秘製麻辣鍋。牛品秘製麻辣鍋唔單單有麻辣味道，仲有甜味滋潤，整體唔會太辛辣或者太搶味太搶戲，個balance做得好好👌肉類方面就最鍾意配合安格斯一口牛，的的色色入口幾乎即溶好爽快🐮

依家好多好多火鍋店都會推出午市套餐，呢間位於尖沙咀嘅台式火鍋任食餐廳都唔例外😍佢哋除左有火鍋套餐之外仲有便當🍱配台式飲品。有鹽酥雞扒便當、新竹炒米粉、南乳豬手便當、香酥豬扒便當、嘉義雞肉飯、沙茶四寶海鮮麵、台灣牛肉麵等等，有飯有麵任君選擇。我就叫咗呢個嘉義手撕雞肉飯。雖然唔知道亦都唔太識分辨佢哋用嘅係雞肉定係正宗嘅火雞肉，但係食得出雞肉肉質扎實得嚟帶點軟綿，細嚼雞肉會食到啲鹹味，表面仲加咗適量嘅油蔥酥，新鮮脆口、香氣濃郁🧅旁邊仲配上一隻數度完美嘅太陽蛋，令整體更濕潤。

🌶️台式麻辣鍋🌶️：味道中香味、麻味、辣味、鹹味、甜味五樣都平衡得好唔錯。鍋底包括咗大量新鮮紅辣椒、紅辣椒乾、辛香料同埋台灣鴨血。雖然鍋底顏色深紅色又好似比較混濁但係飲落都唔會好油膩或者太刺激，屬於比較溫潤嘅辣湯底。🐂澳洲M9和牛肩胛肉🐂：肩胛屬於牛牛經常運動的部位，所以筋肉發達，肉質較結實；而且肥瘦適中肥膏肉分布均勻油花又細膩。一睇就覺得係靚嘢，煮完渌完都好鬆軟有濃郁牛味。最神奇係就算台式麻辣鍋底味道超級香濃惹味都無蓋過呢款澳洲M9和牛肩胛肉嘅牛肉味。

以前睇youtube片見過有人介紹話係台灣必定要買罐蘋果西打飲，堪稱爲台灣必試之一。蘋果西打顏色比平時飲到嘅蘋果汁深色，味道帶濃濃嘅蘋果香甜氣味🍎 放喺雪櫃凍冰冰而且帶氣飲品邊食打邊爐邊飲的確好爽好滿足🧊最為深刻應該都係佢地嘅鍋底：黑蒜黃金鍋、酸菜白肉鍋。黑蒜黃金鍋睇落深啡色好似接近黑色咁，有好濃濃嘅黑蒜香甜味道同埋大量黑蒜頭；酸菜白肉鍋顏色雪白奶白奶白好似煲牛奶咁🥛但質地當然無牛奶咁滑順，反而係帶溫順嘅酸菜味道，鍋底仲有啲豬肉片，增加鮮甜肉香味🐽

每逢星期五我都會約朋友食個晚飯，食貴啲，食好啲，食豪啲。今日晚市時間來到呢間主打食台式火鍋放題的餐廳見到有分開四個級數，我地就點咗第三級牛御品，有靚牛肉M9和牛肩胛肉 同 黑毛和牛，分別來自澳洲🇳🇿 同 鹿兒島🇯🇵 一般而言兩者相比之下日本和牛比較有油脂，美國牛就會比較濃味，油脂無咁豐富，但因為呢款澳洲牛屬於M9等級所以油香都比較重，毫不輸洩🤤 海鮮小食方面我地試左五味墨魚仔🦑醬汁雖然係橙紅色但味道唔會太辣而係甜鹹辣味都有少少，蜻蜓點水嘅感覺🥄 層次豐富墨魚仔都好彈

如果去茶餐廳你哋會叫咩？鮑片火腿通粉？叉燒炒滑蛋飯？黯然銷魂飯？我就係沙爹牛肉派，配米粉配公仔麵甚至通粉米通我都一樣咁鍾意。咁來到火鍋店見到湯底選項有沙爹海鮮鍋當然都要叫嚟試試😍😍果然唔單止止到我鍾意沙爹湯底嘅癮，仲要超好味！沙爹海鮮鍋有濃郁油順嘅花生果仁味道加微微畫龍點睛嘅辣味，伴隨濃濃海鮮味道。海鮮味道來自大蜆、蝦同埋藍青口，就算滾耐咗都唔會變得梅或者爛蓉蓉👍除湯底以外個炸地瓜球都令我好吸引。以前去到台灣夜市每次都會買一袋二袋炸地瓜球，香脆又軟糯真係好特別好得意🍠

八號風球， 留咗喺屋企成日...同女友頂唔順出去海旁睇"風景" 再去搵食。行過樂道睇到有間門口幾式正，人頭二百幾嘅火鍋， 膽粗粗入去試下。入到去， 裝修企理乾淨， 門口位已聞到濃烈嘅台式麻辣味🤤食物：湯底好thick好正宗， 而且經常幫你加湯。食物選擇係唔夠牛大人多， 不過啲牛好食， 有牛香，脂肪平均。 牛丸好有肉汁，而且彈牙， 唔似其他地方成粒都係好粉。台式小食之中， 鹽酥雞同台腸都好食。 仲有個花雕醉雞件， 淥咗十分鐘食落口仲有花雕酒香味，勁! 食物份量剛剛好，唔會太多，唔夠嘅可以再叫。服務：職員態度好好， 收碟快，上菜快， 經常幫我地加湯。

牛魔王注意⚠️ 正宗台灣風味火鍋放題, 牛肉無限量供應❗️以牛肉等級分為兩種吃到飽任食放題套餐, 亦有多款台灣高質食材, 絕對能夠滿足一眾大胃王!由台灣廚師主理🇹🇼, 湯底、部份食材更由台灣直送✈️, 享受到台灣最地道的風味♨️~ 餐廳環境乾淨企理, 坐得好舒服, 最欣賞係呢度嘅抽風系統做得好好, 食完個身唔會有成浸火鍋味! 《自取區》食物選擇相當多元化! 火鍋配料有超過20多款, 部分由台灣直送✈️, 如台灣百頁豆腐、大甲崧化芋頭、A菜等等, 仲有其他特色食品: 包仔豆腐、花枝丸、台式肉燥飯等等👍🏻推介大甲崧化芋頭🍠! 大甲芋頭非常鬆化綿密, 芋香濃郁! 👍🏻飲品方面, 我推介試吓佢哋嘅自家製冷泡茶, 桂花烏龍茶 - 桂花嘅芬芳融入烏龍茶中🌼, 茶味香醇回甘, 可解膩《和牛火鍋吃到飽套餐》包括任食和牛、任飲台式飲料, 套餐仲會附送海鮮拼盤及棒球貢丸(每位一粒), 最後仲有Mövenpick雪糕🍦, 非常豐富! 一共有10款湯底供選擇, 有帶台灣風味嘅元氣養生鍋、牛品秘製麻辣鍋、酸菜白肉鍋、柴魚昆布鍋、花菇昆布鍋等等。我哋揀咗鴛鴦湯底 - 元氣養生鍋、剝皮椒雞湯鍋元氣養生鍋 - 湯鍋材料好足,

五味墨魚仔係原隻細細嘅墨魚🦑口感脆嫩墨魚仔煙煙韌韌十分過癮。台式原味香腸口感脆脆地又糯糯地，食到少少肥豬肉嘅油香味，中間白色粒粒部分韌韌地幾突出。顏色亦比平時嘅偏橙粉色。芋圓仙草係以飯碗大小嘅碗盤裝著，包括基本配料譬如話係三色芋圓、糖漬紅豆、黑糖珍珠同埋仙草。比較特別係佢地嘅仙草係切成一粒粒而唔係好似平時嘅仙草一大塊咁，味道清新帶少少輕微嘅草藥味🌿三色芋圓有紫蕃薯芋圓、黃蕃薯芋圓、芋頭圓，亦可以自行加入椰漿椰奶，可以自己揀選甜度自由度十分高👍

大部分識我嘅朋友仔都知道我係一個超級鍾意食水餃雲吞類嘅人🥟，每次只要見到有呢啲嘅餐點都一定會叫。平時叫開見開都係短短嘅韭菜豬肉餃子或者白菜豬肉餃子，但呢度有嘅係阿仔伯高麗菜豬肉水餃 同 阿仔伯韭菜豬肉水餃。阿仔伯高麗菜同埋韭菜味道都比一般嘅輕淡，草青味🥬唔重接受度好高。餃子隻隻飽滿塞滿菜肉餡，味道清甜多汁啖啖滿足😍除左餃子佢地仲有特色丸類，例如黑萌萌嘅墨汁花枝丸。花枝丸有細細粒花枝之外,混合咗香濃墨汁，口感爽滑彈牙味道濃郁🦑。有桌頭特別得黎又好好味🖤。

咁多款唔同味道嘅丸子類裡面我最鍾意個花枝丸，感覺佢嘅口感比一般食開嘅帶更加強烈濃甜味同埋油香，亦都更加彈牙。花枝丸混合咗少量花枝碎塊，可以咀嚼到花枝微脆嘅口感，越咬越有味道，越咬越香🐟 元氣養生鍋有啲雞件、人蔘、蟲草、紅棗同埋大量杞子，有得飲又有養生材料食，非常十分之豐富🤩雞味濃郁同人蔘、蟲草、紅棗、杞子嘅味道又好平衡，飲多幾啖好似覺得皮膚會變得更亮更滑滑咁😍雖然表面泛咗少少雞油但齋飲都唔會覺得油膩。加入非牛肉譬如西班牙豬五花肉都會好配合味道好香濃。