牛品台式火鍋

營業中

休息中

依家好多好多火鍋店都會推出午市套餐，呢間位於尖沙咀嘅台式火鍋任食餐廳都唔例外😍佢哋除左有火鍋套餐之外仲有便當🍱配台式飲品。有鹽酥雞扒便當、新竹炒米粉、南乳豬手便當、香酥豬扒便當、嘉義雞肉飯、沙茶四寶海鮮麵、台灣牛肉麵等等，有飯有麵任君選擇。我就叫咗呢個嘉義手撕雞肉飯。雖然唔知道亦都唔太識分辨佢哋用嘅係雞肉定係正宗嘅火雞肉，但係食得出雞肉肉質扎實得嚟帶點軟綿，細嚼雞肉會食到啲鹹味，表面仲加咗適量嘅油蔥酥，新鮮脆口、香氣濃郁🧅旁邊仲配上一隻數度完美嘅太陽蛋，令整體更濕潤。