牛品台式火鍋

營業中

休息中

好多時候午市只得個半鐘頭但又想食打邊爐可以點算🥲呢間新開台式火鍋放題餐廳午市時段推出咗一小時肉類定量套餐同埋一個半小食肉類任食套餐。晚餐就有更加多選擇，有三款套餐可以食到兩小時。❤️‍🔥牛品秘製麻辣鍋台式麻辣湯同四川麻辣湯主要分別在於前者會有辣中帶甜，味道層次更豐富，後者就會更帶麻感，更為刺激🌶️個人偏好台式嘅因為味道比較溫順又唔會蓋過食材嘅鮮香味，保留佢哋嘅味道👍呢個鍋除左辣椒仲有附少量鴨血，如果覺得唔夠仲可以以小食形式追加麻辣鴨血無限添加。鴨血軟軟地最啱就係吸收辣湯底嘅味道🌶️

平時食火鍋放題除左火鍋湯底、肉類同埋基本自助火鍋配料之外都好鍾意嘗試佢哋嘅小食或者炸物，呢間餐廳都唔例外，同樣有多款台灣直送食物同埋台灣小食。台灣直送食物同台灣小食加埋好似有超過三十幾四十款，選擇多多，我哋都只係叫咗其中嘅五款，九牛一毛咋😭 唔緊要嘅留返下次再黎！台式原味香腸、麻辣鴨血、第一鹽酥雞、皮蛋肉鬆豆腐、台式甜不辣。五款裡面最深刻最愛係個台式甜不辣，口感煙韌但係外皮又脆脆地，一開始聽係度諗甜不辣究竟係咩？先知原來係將魚糕炸再加上獨特調配嘅甜不辣醬汁，味道酸甜唔會好搶戲。

今次主要想講講呢間餐廳嘅湯底，身為愛飲靚湯組組長嘅我一路都係每隔一兩日就會飲媽媽靚湯，所以出街都好少會飲湯，因為成日覺得街湯好多味精飲完會好口渴🙊。今次嚟咗呢度叫咗個招牌牛品一品鍋雙拼元氣養生鍋🍲，通常以餐廳命名嘅菜式我都會照點因為感覺有保證啲唔會中伏🙈 牛品一品鍋加入左牛筋、牛骨、牛腩、金錢肚、瑤柱、藥材、等等熬足8小時，非常之有心思又真材實料🔥 火鍋仲有啲好綿完完全入口即融嘅牛筋粒，索哂日月精華🐮🐮 元氣養生鍋同樣係真材實料，有加入紅棗 人蔘 杞子 蟲草 同埋切成塊嘅雞🐔真係名副其實元氣養生，好似飲完皮膚好啲光澤感都強啲咁☺️

近排台式火鍋任食餐廳都越開越多，有啲以湯底做賣點，有啲用肉類做賣點，有啲用火鍋配料做賣點，有啲就用特色飲品做賣點。呢度就好似集合所有特色野飲野食咁，但價錢都係常見合理價錢👏特色冷泡茶有1⃣白桃烏龍2⃣桂花烏龍3⃣洛神花茶；另外都有啲比較特色嘅罐裝飲品有1⃣燒仙草爽2⃣蘋果西打3⃣麥仔茶。我就試左白桃烏龍同埋洛神花茶，因為冷泡茶關係兩款都唔會有傳統茶嘅苦澀味亦唔會話唔小心飲到茶葉碎影響口感，反而係酸酸甜甜帶點回甘，可以解咗打邊爐肉類嘅濟，呢個配搭都好唔錯推介大家試試！

服務員很好，所有的材料全部都係台灣入貨，牛肉係M9，入口即溶，仲有台灣水連食，真係好正，比起其他台式嘅火鍋，喱間真材實料，性價比極高，仲有抽獎，真心推薦比中意食台式火鍋朋友仔

因為初次嘗試想試試佢質素高唔高係咪物有所值甚至物超所值所以就叫咗三款套餐裡面最貴最高級嗰款 不過都只係每位319蚊 如果早兩個鐘或者個幾鐘入座仲可以平40蚊👌牛肉竟然有我最最最最最喜愛嘅澳洲M9和牛肩胛肉🐮一上到嚟真係已經立刻要心心眼，雪花細膩肉質軟稔，因為肥瘦適中牛肉比分布肥膏肥肉部分多所以未誇張到入口即化嘅口感 有少少嚼口得嚟又唔會太難咬👌主食類除左常見嘅日式烏冬或者公仔麵之外仲有充滿台灣風味嘅王子麵👑 王子麵麵體比較較硬煮完會QQ地，因為本身味道比較淡所以好適合放落濃味嘅沙茶海鮮鍋，可以吸收曬啲湯底精華然後掛滿湯底味道再放入口😋

個人有個個別愛好就係耐唔耐試下市面上唔同嘅新餐廳 無論係西式 台式 港式 美式 英式咩式我都好感興趣 琴日夜晚就去左呢間喺尖沙咀樂道嘅台式任食火鍋餐廳-牛品台式火鍋🍲 肉類嘅話我最鍾意同埋最推薦一下三款1⃣美國封門柳屬於牛橫隔膜 肉質鬆軟滑溜 肉味比較重油花就比較少2⃣安格斯一口牛牛質鮮嫩好有口感 唔會帶筋油脂分佈平均 而且牛味濃郁 做到微微入口即溶3⃣西班牙栗飼豬五花豬肉味濃郁 基本上唔需醃製已經可以呈現到濃濃嘅肉味肉香湯底嘅話我地叫嘅元氣鍋都幾推薦 有好多滋補藥材熬製出黎 味道清甜順喉 無諗過打邊爐都會有呢種味道嘅湯底飲到😍

沙茶醬、自家製辣椒油、麻辣醬、豆瓣醬、甜不辣醬、麻油、米醋，齋係醬料醬汁已經有以上咁多款。可以依照自己喜好調配專屬你嘅醬汁所以自由度非常高👻除左調配獨立醬汁亦可以將唔同醬汁加落湯底另味道更多變化，比如話將沙茶醬加落元氣養生鍋就可以變成沙茶養生鍋，咁就又有藥材味又有沙茶花生帶微辣嘅味道😝😝我地就比較傳統無咁樣溝嚟溝去🤣反而係食到差唔多最後加咗更多沙茶醬入個沙茶海鮮鍋裡面，因為沙茶醬味道好濃郁所以基本上完全蓋過海鮮嘅味道🙈所以話一開始卻只係完美比例，不過如果怕海鮮鮮味嘅朋友都可以試試🤣

🇹🇼 台灣小食有多達十六款，台灣直送配料更加有成二十款，我地就叫咗其中兩款小試牛刀😄 兩款分別係台灣第一鹽酥雞同埋五味墨魚仔。台灣第一鹽酥雞個名令我第一時間諗起台灣夜市嘅鹽酥雞，做到酥脆無比嘅口感但又唔會抽乾哂雞肉嘅濕潤感🐔五味墨魚仔好爽彈回彈力十分強勁🤣 五味調味豐富有層次，甜得黎帶辣辣得黎帶鹹。 麻辣火鍋味道同樣豐富，甜甜辣辣接受程度頗高，相信只要食到少少辣嘅朋友都會食得到，如果係我呢啲嗜辣嘅人就當然覺得可以更辣更刺激啦🔥不過呢個辣度就同其他食材味道平衡得剛好

西班牙栗飼豬梅肉經過長時間栗子餵飼方法 肥膏部位同埋分佈比其他品種嘅豬隻少但都無阻佢肉質軟稔鬆軟☺️ 反而係無咗嗰種肥豬肉嘅油膩感覺，更輕盈至於又重保留豬肉香味🐽 相信以後見到栗飼肉我都一定會點 因為呢個質感真係好少食到又好啱我口味😍😍 呢款豬梅肉配搭同樣用豬肉做基底嘅酸菜白肉鍋就啱哂啦！跟住食嘅牛板檢就同另一款湯底牛品一品鍋同樣絕配：牛板檢有咬口牛味濃郁，牛品一品鍋就因為加入唔少牛部位所以牛味同樣濃郁，同牛板檢嘅味道相輔相成😍😍

麻辣火鍋❓麻辣鴨血❓任食放題❓牛肉豬肉任食❓我鐘意啊 不過晚市食咁heavy都係唔好啦🥲 唔緊要架 午市嚟到呢間尖沙咀牛品都有齊以上咁多款嘢食😚午市套餐有分60分鐘同埋90分鐘認識套餐，我地就叫咗好似係最高級嘅牛御品，有咁多款食物任食都只係$269，超級物有所值🥰鹿兒島黑毛和牛同安格斯牛肩胛都好香濃牛味，油花分佈平衡👍🏻除左肉類仲有啲充滿台灣味道嘅小食，例如係麻辣鴨血、台式甜不辣等等。麻辣鴨血同平時香港食到嘅即食鴨血真係好唔同，口感更加軟乎乎更入麻辣味道🌶️ 十分之滿足

台式甜不辣又名為台式魚板🍥或者台式魚糕。廚師首先會混合魚肉、豬肉同埋各種海鮮打成魚漿狀，黏黏稠稠。然後會放落鍋油炸，令外皮上色變成誘人嘅金黃色，外皮微微脆然後內裡魚漿餡又保持到軟軟黏黏好軟糯嘅口感，配搭表面加上嘅甜不辣醬汁，味道酸酸甜甜帶點辣都頗有層次，而且味道正宗，十足想當日係台灣夜市食到嘅味道🇹🇼好懷念啊😭😭😭湯底方面我地叫嘅係牛品台式麻辣鍋🌶️紅辣椒同埋辣椒乾份量多多浮哂上面樣貌睇落好犀利，味道又剛剛好都辣得幾溫柔🥰 創新食法將啱啱講嘅甜不辣點一下麻辣湯原來都幾好味，甜不辣嘅炸皮會迅速吸收麻辣湯味道，變得軟少少更索味🥳

左邊係牛品一品鍋右邊就係元氣養生鍋。基本上我地都已經回訪左兩三次，每次嚟到都必點呢兩個湯底。個人喜好牛品一品鍋就煮牛肉類，牛味可以濃上加濃，屬於重口味人士之選，我自己就超級鍾意，超級啱我胃口😋 元氣養生鍋我就會落啲蔬菜類、海鮮類同埋豬肉，因為元氣養生鍋湯底味道同牛鍋相比之下比較淡，更有養生滋補嘅味道，所以就算落嘅材料味道本身比較淡都唔需要怕食唔到食材嘅原味，依舊會食到食材味道加上湯底鮮甜帶微微藥材嘅味道🥣除左日常常見配料仲有充滿台灣味道嘅春陽飲品，解暑又解熱氣，熱辣辣火鍋配搭凍冰冰、清涼又微甜嘅冬瓜茶簡直堪稱絕配🧊

花雕酒雞件嘅雞件屬於比較紮實有彈性嗰種，唔係最最最嫩滑嗰啲 但都唔會乾或者太老 感覺上恰到好處🐔 每隻雞件上面都好精緻咁樣放咗一粒杞子 雖然味道唔會話食雞時食到杞子味道 不過見到都會覺得更加養生更加滋補😍 另一款項重點推薦嘅當然係安格斯牛啦 今次叫嘅係牛板腱部位 肉質有嚼勁又有濃濃嘅牛香味🐮如果想牛肉味道更突出更濃郁或者係牛魔王嘅更加可以將佢放入牛品一品鍋煮熟 牛肉香甜味道會更加明顯 配搭非常得宜🐮

台式肉鬆皮蛋豆腐最關鍵往往唔係肉鬆或者皮蛋或者豆腐，而係調味嘅醬油膏。佢哋呢間餐廳嘅醬油膏配方味道比較偏甜，加入醬油同埋糖之後味道唔會偏咸，反而係咸甜適中入口滑順。皮蛋同豆腐都好夠凍，作為冰冰涼涼嘅前菜十分開胃，絕對令你想連個碟都舔乾淨👅跟住又叫左個五味墨魚仔🦑墨魚仔都比較少食到。墨魚仔口感爽口又帶點煙韌都幾得意，而且調味都十分清新輕盈唔會油膩或者太過濃味令你覺得好有負擔👍加入蔥花整體更加清新，同埋增添爽脆口感，而且啡中帶點綠都幾靚仔！