牛品台式火鍋

營業中

休息中

#父親節 帶爸爸食台式火鍋放題，我地揀左牛御品食到飽套餐，簡直應有盡有，呢個套餐既特色之處係竟然仲包左日本極品奈禾牛！湯底亦有好多唔同選擇，今次我地好好彩可以試到夏季限定既「蟲草花白玉藏珍鍋」湯底，呢個湯底每日限定架，原個冬瓜盅清熱解暑，十分之吸引呀！呢個套餐仲額外送飽魚同台式手搖飲品！大大隻鮑魚十分鮮甜！珍珠奶茶，茶味香濃，珍珠彈牙，比起手搖店出品，簡直有過之而無不及！打邊爐嘅主角，當然唔少得牛肉啦，呢個套餐除咗有美國頂級封門牛、牛小排同牛板腱、一口和牛等等嘅高質素靚牛，竟然仲包左日本極品奈禾牛！奈禾牛入口即溶，油脂分布岩岩好唔會油膩，肉質細膩、牛味濃，正呀！仲有十分之多既火鍋配料選擇！唔係到到有既台灣火鍋配料例如水蓮菜、米血糕、心內美等等！仲有好多台灣特色小食可以食到，有宜蘭蔥鹽小卷、蘭陽糕渣同台式甜不辣等等！一次過回味哂台式美味呀！最後，自製台式甜品令人十分之驚喜！三色芋圓、仙草凍、珍珠、綠茶愛玉，呢到都有提供！唔同既配料選擇令到整碗甜品口感豐富，食畢後令人心情愉悅！

放題式台式火鍋香港都有唔少，呢間產品聽過好多人話好高質質素，今次都係我第一次試！果然名不虛傳！呢度嘅湯底非常特別，而家夏天做緊個期間限定嘅蟲草花白玉藏真鍋，有蟲草花，鮮蝦，同冬瓜盅，非常解暑，我哋今次就試咗呢個😀湯底非常清甜，仲要原個冬瓜盅上，可以喺冬瓜入邊打邊爐，啲嘌呤就係側邊，連撇油嘅功夫都慳返，爽！而且呢度嘅牛肉非常特別，我哋今日食日本奈和牛放題，我非常鍾意佢嘅油脂同埋肉味非常平衡，食得多又唔會太漏，但又保留到黃牛入口即溶嘅感覺，係我食過咁多間最啱我口味嘅火鍋和牛👍🏻👍🏻👍🏻 放題嘅其他配料，當然有好多台式食品，我就唔介紹咁多，等你哋發掘，但係我可以話呢度款款配料都非常高質，冇一樣我係覺得伏🙈自助區嘢飲種類都好豐富，仲有幾特別嘅台灣汽水，同埋有部綿綿冰機！出邊有芋圓，仙草，珍珠等等俾你加埋一齊食，真係好有台灣feel👍🏻👍🏻 總括嚟講呢度嘅黃牛非常高質，加上唔少台灣食物嘅選擇，難怪咁多人評價咁高👍🏻

放工一於同屋企人一齊食出名嘅牛品台式火鍋放題🥰任食任飲食到飽🤤仲有高質日本牛食🥩正！ 話明台式食到飽套餐，當然乜嘢都有得食，任飲任食🍻牛魔王嘅我哋就揀咗M9和牛「牛御品」食到飽套餐同新出「蟲草花白玉藏珍鍋」🍲湯底，原隻冬瓜咁打邊爐好正！因為叫呢個餐仲會送大大隻「鮮活鮑魚」同「春陽茶事」手搖飲品🧋當然要叫杯珍珠奶茶同埋桂花烏龍試一試🤤無得輸！🍖🍉🍣🍢🍗🍳🍍🧀🍱🍧🍮🌮🐟🍹🫘🍻除咗任食日本極品奈禾牛之外 ，仲有美國頂級封門牛、牛小排同牛板腱等等嘅高質素靚牛俾我哋食到飽！和牛入口即溶，牛味濃夠晒新鮮，一口和牛大大粒夠晒Rich🤤真係啱晒我呢個牛魔王🥰當然好多正爆新鮮嘅火鍋材料有羊肉、豬肉、鮮蝦🦐⋯同埋大量台灣特色食物俾大家揀，有鴨血同炸雞等台灣特色小食🥰味道夠正宗！而甜品就有🍧哈根大師雪糕🍨同自製台式甜品，芋圓珍珠愛玉⋯包羅萬有～飲品櫃有大量嘅特色台灣飲品🥤而我就鍾情韓國細杯嘢飲🧃正呀！

牛品也是我大愛的台式火鍋之一！餐廳最近推出了牛御品吃到飽套餐，可以任吃日本極品奈禾牛😋套餐還附送兩隻鮑魚及春陽茶事茶飲每人各一杯呢～✨蟲草花白玉藏珍鍋是夏季限定的湯底，味道鮮美！冬瓜上面還有蟹肉、蝦肉、元貝等食材做點綴～✨日本極品奈禾牛奈禾牛看似油脂豐富，但吃下去完全不油膩！而且肉質帶有微彈性，牛味濃郁，每一口都感受到淡淡的香甜回韻～美國牛小排、頂級美國肩胛肉、加拿大頂級牛板腱等亦各具特色～其他的肉類、海鮮、火鍋配料等亦可以用QR code下單！連罕見的水蓮菜亦有提供呢！麻辣鴨血、原味香腸、椒鹽粟米、烤椒皮蛋豆腐、藤椒魚皮等台式小食全都很有水準～自助食物區亦有丸類、菜類、熱食、炸物等等可以任吃～甜品專區亦令人大開眼界🤩連綿綿冰、豆腐花這些特色甜品都一應俱全！個人最愛自助的台式甜品區，連愛玉、芋圓等經典配料也有呢～店內設有飲品自助櫃，有各式各樣的汽水、特色飲品、自家茶飲等！必喝維大力汽水，採用減糖配方，而且超帶氣～春陽茶事的珍珠鮮奶茶及桂花烏龍味道也很讚～餐廳食物種類繁多，環境整潔衛生，店員服務態度好，下次必定再訪～

今次試呢間台式火鍋放題，試咗呢個$319牛御品吃到飽套餐‼️淨係任食牛都已經有8款😍日本極品奈禾牛👍美國特級牛小排美國頂級肩胛肉 加拿大頂級牛板腱美國牛胸腹手切美國頂級封門柳 牛脷心托一口和牛牛嘅肉質仲一啲都唔差💕，特別一定要推介日本極品奈禾牛🐂，油脂分佈平均，閃閃發光，啖啖香濃肉汁，非常過癮👍除咗牛同其他肉類之外，仲有多款火鍋料任你點，海鮮、蔬菜、炸物、熟食樣樣齊，CP值好高👍特別鍾意佢哋嘅湯底，夏季限定嘅冬瓜盅💕最驚喜係打完邊爐，仲可以自己整綿綿冰😍超多配料任加，芋圓、愛玉、紅豆、椰果、仙草、寒天等等一應俱全，仲有haagen-dazs雪糕任你拎，完全係甜品控天堂‼️佢哋仲送每人一杯春陽茶事台式飲品，冬瓜茶、烏梅汁都有👍平時買一杯都要廿幾蚊🥤唔夠飲當然出面仲有好多飲品可以任飲啦👍

香港人不論冬天❄️定夏天🥵，一年四季都係鐘意打邊爐；尤其係我老best ，又話想打邊爐☺️我哋今次去咗牛品台式火鍋入到嚟見到地方寬敞，座位又多，食物款式都多最鍾意嘅就係成個氣氛好舒服，120分鐘食到飽肚餐，完全唔覺得趕☺️我哋揀咗「牛御品」食到飽套餐，任食日本極品奈禾牛，油脂唔會太多，有牛香味，入口彈牙，食幾多都唔會滯🤤湯底我哋揀咗蟲草花白玉藏珍鍋，冬瓜祛濕，啱晒夏天做湯底👍🏻呢個餐仲每人送一隻活鮑魚 & 一杯春陽茶有海鮮有牛肉，真係好豐富鮑魚新鮮彈牙👍🏻 我哋仲嗌咗美國封門柳，牛小排，蜆，台灣小食等等；自助食物都好多選擇，除咗蔬菜🥬、丸類、甜品(布甸、芋圓、豆腐花、雪糕)，仲有湯、拍青瓜等等，真係好多選擇 如果平日早放工，5pm-6:30pm 入座，都係$319/位，抵食👍🏻真心又一性價比高打邊爐👍🏻👍🏻

打邊爐餐廳入面最驚喜係佢哋啲牛肉，真係好食到停唔到口！選擇夠多，無論肥牛、牛肩定牛舌，全部都新鮮有質素，睇得出店家好有誠意。仲要讚吓佢哋嘅服務，員工態度好，勤力收碟、落單快，用餐過程好舒服。最意想不到係甜品水果區，竟然有荔枝！第一次見打邊爐地方有得食荔枝，超加分～真係值得一試！

好耐冇打邊爐，同朋友收工嚟到尖沙咀試吓呢間台式火鍋，餐廳位於一樓，座位寬闊，適合一大班人聚會👍🏼我哋選擇咗新推出的牛御品套餐，任食日本奈和牛，套餐包含人頭鮮活鮑魚及兩杯台式嘢飲，套餐選擇非常多，有各款不同部位的牛肉，還有海鮮及不同小食🍲湯底係蟲草花白玉藏珍鍋，原隻冬瓜放喺入邊煲新推出的日本奈和牛，油花均勻，肉味比較重其他牛肉仲有牛小排，牛肩胛，牛板腱，封門柳和牛舌心，全部都係已經解凍嘅狀態拎出嚟，非常新鮮🥩套餐送的原隻鮑魚，爽口彈牙仲有其他海鮮選擇，包括青口，墨魚仔，鮮黑魚片，蜆餐廳自助區有各款飲品可供選擇，仲有少量熟食和小食，各款蔬菜，菇類和丸最後甜品仲有豆腐花，芋圓，涼粉及雪糕

打邊爐是晚上聚餐首選嘅食物，今日又嚟到牛品打邊爐，主要喜歡呢度多選擇，有自助區、飲品區、甜品區等😍😍今日選擇咗新出嘅牛御品吃到飽套餐，可以任食日本極品奈禾牛😍😍係一個比較少可以喺香港食到嘅日本牛種類，所以即管試一試而且套餐仲送咗兩杯飲品，選擇咗冬瓜茶同埋烏梅汁，兩樣都非常之開胃🥤🥤柴魚昆布湯鍋味道比較清淡，容易食出牛本身嘅風味，入邊仲有好多咗柴魚🥘日本極品奈禾牛牛味十分出，佢嘅特點每一塊都有油脂，而且比例啱啱好，所以食落去肉質嫩滑，但又充滿油份🥩小食方面藤椒魚皮、原味香腸、炸黃金魚蛋，有非常多嘅小食選擇，樣樣都好吸引，而且幾好食💪🏼💪🏼，最重要每個份量都適中，就唔擔心好容易食飽海鮮方面有得叫蝦、魚、蜆肉等等，非常喜歡吃蜆肉既我就叫咗非常多，每粒都大大隻非常飽滿🤩🤩🤩自助食物方面部份炸物、飯、湯等等，都可以自己選取。而且仲有好多打邊爐嘅材料選擇，不同嘅菜類、菇類、🍡丸類等等，啱晒樣樣都想食嘅我甜品方面有自製綿綿冰、仲可以選擇不同嘅台式配料，包括桃膠、寒天、啫喱等，鍾意邊款就添加邊款，另外仲有雪糕吃飲品方面估唔到連台灣汽水都有，仲有好多唔同既茶類飲品🥤🥤牛品台式火鍋 (尖沙咀)尖沙咀樂道3

呢間火鍋店地方好大，好多座位，裝修都唔錯，坐得都算舒服。佢哋嘅晚市火鍋放題幾正，有好多肉類選擇，最正嘅喺有日本極品奈禾牛，睇佢既紋路都知係靚牛，佢食落去好有彈性，好有口感，而且唔會太多油脂，食多幾碟都唔會膩，仲要有少少肉香味，我哋食左好多碟。我哋叫咗蟲草花白肉藏珍鍋，個湯底好鮮甜，好足料，仲好有冬瓜味。佢仲送鮮活鮑魚同埋春陽茶事嘅飲品。鮑魚好彈牙，飲品揀左珍珠鮮奶茶，都好好飲。我哋叫咗好多嘢食，有花雕酒雞、台灣墨魚仔、蝦、蜆等，呢啲全部都好新鮮。佢哋既蜆完全無沙，而且好飽滿好大隻。台灣墨魚仔烚熟左好彈牙好好味。花雕酒雞都好滑。佢哋仲提供好多台灣小食、丸類、麵、蔬菜、水果同甜品，好多選擇，一定食到飽。最後，梗係要食埋Häagen-Dazs雪糕，雪糕好味。

餐廳以原木色裝潢搭配暖黃燈光，空間寬敞乾淨，聚餐氛圍不錯！最近他們推出了6月限定「日本奈禾牛放題」，120分鐘任吃！和牛放題常見，但奈禾牛倒是頭一回遇見～套餐還贈送每人兩隻鮮活鮑魚，再加每人一杯春陽茶事飲品（需付加一服務費），人均$300+，性價很高！除了招牌肉品，自助區更是暗藏驚喜。從台式鹽酥雞、地瓜球，到肉燥飯、滷茶葉蛋一應俱全。甜品控要注意，這裏有綿綿冰、芋圓、豆腐花任選，連Häagen-Dazs雪糕都是無限量！飲料除了春陽茶事，冷泡茶和罐裝飲品也能隨便續，完全不怕搭配失誤。湯底選擇超多，嗜辣黨和養生派都能滿足。夏天推薦試試新出的冬瓜盅湯，清甜解膩，還能襯托食材的鮮味，貼心值滿分！有限空間下的必食清單：▪️台灣直送水蓮菜：爽脆到咬落「咔嚓」聲▪️A菜（萵筍）：清甜無渣▪️手工蝦滑：紮實蝦肉顆粒，彈牙到會跳舞▪️日本奈禾牛：均勻霜降紋路，入口即化且肉質軟嫩▪️美國封門柳、牛小排：輕輕涮幾秒，牛香直衝腦門▪️蝦和青口：鮮甜爆汁總之這家從食材到服務都很在線，趁著限定活動快約上朋友一齊試看看👀

今日難得可以早啲收工，就決定同男朋友食餐好啲，牛品一間台式火鍋店，6:30前入座每一位成人嘅價錢只係$319，長者嘅話$279就可以食到，都幾抵食！食呢個套餐，仲會送每人一隻鮑魚 同 每人一杯春陽茶事！😆😆佢哋一共有20款台式小食，平時喺街邊買個鹽酥雞可能都$40，呢個可以試到咁多款真係好吸引！其中我就最推薦鹽酥雞🐔、牛品牛三寶🐮、麻辣鴨血🦆、台式滷水豬耳🐷、鹽酥蝦🦐、炸花枝丸🦑等😋😋打邊爐當然唔少得要食好多好多肉，我哋今次呢一個火鍋放題套餐，包咗日本極品奈禾牛，肥瘦分布均勻，整體質素唔錯！另外，亦都推薦手切美國頂級封門柳🐂、西班牙栗飼豬梅肉🐷、新西蘭羊卷肉🐏、新西蘭青口🐚、台灣墨魚仔🦑、海蝦🦐等～順帶一提，佢哋嘅火鍋湯底有成10款選擇，我哋今次揀咗一個比較清淡嘅柴魚昆布鍋🐟，估唔到呢個湯底同各款肉類同海鮮都好夾，推薦大家可以試下，可能會有意外驚喜！🙌🏻🙌🏻🙌🏻除此之外，佢哋嘅甜品區都值得介紹吓，除咗有Häagen-Dazs雪糕🍨之外，佢哋仲有台式刨冰同埋各款配料🍧，非常有特色！

最近試咗間台式火鍋性價比極高高質又抵食,120分鐘任飲任食日本奈禾牛仲要晚市成人$319起 （優惠限定6月）牛御品套餐仲送每人一隻鮑魚同指定春陽茶事一杯🔸湯底10選1,我揀咗柴魚昆布鍋,唔會搶咗火鍋配料味道反而仲突出咗🍲🔸海鮮鮑魚新鮮爽彈,我仲叫咗鮮黑魚片,鮮蝦,蜆魚片鮮滑,蝦同蜆都好新鮮,蜆無沙🔸肉類‼️日本極品奈禾牛～油脂平均由日本牧場飼養,肉質彈牙牛淨係食依款都夠😋🔸小食有成20款未計自助區我叫左牛三寶,麻辣鴨血,鹽酥雞,椒鹽蝦,宜蘭蔥餡餅我個人鍾意鴨血嫩滑多汁,椒鹽蝦夠彈牙🔸自助區有多款火鍋配料,熟食🍢飲品方面有自家製冷泡茶,各款汽水飲料🔻甜品任食Haagen-Daz雪糕,仲有自製綿綿冰🍧,DIY仙草凍

朋友想打邊爐，好多都有限時，食得黎又冇乜時間傾計。見到尖沙咀呢間牛品有得揀無限時無食打邊爐，仲包埋任飲1664生啤🍺，真係啱晒傾心事。book 左7點，黎到唔洗等位，揀左湯底就可以坐低叫野飲野食。有10款湯底可以揀，有辣有唔辣，全部都唔洗另外再加錢，我地今次揀左元氣養生鍋。呢個餐一黎就送每人一隻活鮑魚😋好新鮮啊。難得呢個餐係任飲1664生啤🍻，梗係要叫番2杯啤酒la，唔係成日飲啤酒🍺既我都覺得幾易入口，飲完一啖又一啖，傾住計唔覺唔覺飲左好多。除左主打任飲生啤🍻，打邊爐當然唔少得食牛la，有唔同牛既部位同級別，我最鐘意食佢既日本宮崎縣A5和牛，真係食左番唔到轉頭，其他地方食既A5和牛好似都冇呢間咁好食，淥得耐少少，都唔會韌或者好硬。值得一提，比較少d火鍋店有黑魚片，原來黑魚片係勁滑，入口即溶咁，超級好食，encore再encore。除左邊爐食物，仲有好多小食同自助熟食，真係吃到飽。為食既我，每款小食都叫黎試下😋試完晒，我最鐘意烤椒皮蛋豆腐同麻辣鴨血，豆腐夠滑，配烤椒味好特別，好正。除左一般火鍋店既雪糕，牛品仲有台式糖水同埋刨冰，又有得玩又有得食，自己調配甜度😋食飽飽，繼續可以坐喺度飲酒傾

🙋🏻‍♂️餓底探員去咗尖沙咀調查呢間台式火鍋店，餐廳主打台式火鍋放題，供應多款特式地道湯底，高質牛肉，火鍋配料更由台灣直送，讓客人可以品嚐到地道嘅台式原味道🥩牛御品午市吃到飽套餐 $308🧄黑蒜黃金鍋🙋🏻‍♂️表示湯鍋用黑蒜同卜卜蜆熬製成，湯頭充滿濃郁蒜香，又帶有蜆肉嘅鮮甜香氣，黑蒜經發酵處理，有抗衰老，增強免疫力功效，係養生湯鍋之選👍🏻🥩肉類🙋🏻‍♂️表示套餐可無限量追加多款肉類，有美國頂級牛肩胛肉，特級牛小排，頂級封門柳，花雕醉雞件等，最驚喜係有澳洲M9和牛，油花細緻有如大理石紋，食落鬆軟脂香，牛味濃郁，必食👍🏻🦐海鮮🙋🏻‍♂️表示有海蝦，沙白，台灣墨魚仔等海鮮，海蝦新鮮，肉質彈牙，沙白味道鮮甜，墨魚仔爽口煙韌，各款海鮮都充滿鮮味🥟火鍋配料🙋🏻‍♂️表示自助區有多款台灣直送火鍋配料，金沙魚丸彈牙，咬開有流心金沙鹹蛋黃醬，香芋包心上貢有咬口，咬開有爆餡芋泥，香軟綿密，好特別🍗台灣夜市小食🙋🏻‍♂️表示有酥脆香口嘅鹽酥雞，焦香脆口嘅炸午餐肉，爽彈鮮甜嘅炸花枝丸，香脆彈牙嘅炸黃金魚蛋等多款夜市小食，充滿地道風味🍡甜品🙋🏻‍♂️表示自助區有綿綿冰機，可以自製甜品，再配上仙草凍，綠茶愛玉，西米，桃膠等配料