牛品台式火鍋

營業中

休息中

好似話西班牙豬肉嘅口感係最接近和牛嘅，呢度有得任食西班牙栗飼豬五花肉同埋西班牙栗飼豬梅肉就當然要測試下試試佢😋 豬隻經過栗子餵飼方法培育所以不飽和脂肪酸含量多，栗飼豬肉肉味濃郁，口感鬆化，做到少少入口即融嘅效果。另外都試過安格斯牛板腱，呢款牛肉部位係最近幾年興起嘅，有牛肉鮮嫩嘅口感又有牛肉濃郁嘅香味🐮湯底叫咗兩款味道，一個酸菜白肉鍋一個沙爹海鮮鍋。前者有酸菜嘅鹹酸味又有豬肉片嘅鮮甜味道；後者就比較濃郁濃稠，又花生味又有海鮮鮮甜味🌊

宜蘭？宜蘭係咩黎架？出名啲咩？相信聽過宜蘭嘅人應該同我一樣都係知道佢地以三星蔥出名。聽聞因為產地靠海，水質較佳，而且土地地力比較好所以令三星蔥成為台灣蔥類裡面蔥白最長、纖維最細緻嘅一款。宜蘭蔥餡餅內餡就係呢啲咁靚咁口感細膩嘅三星蔥，咬開餡餅會爆汁非常juicy🥬食到蔥香、甜味同埋胡椒粉味，三者平衡好好。台式第一鹽酥雞外皮十分香脆，有一粒一粒依附喺外皮，咬落會喀滋喀滋非常脆口🐔每一碟係用個細兜裝著三四舊左右，份量啱啱好感覺又唔會話太熱氣，如果覺得唔夠又可以追加，都非常自由度高。

美食類❤️有比較高汁嘅鹿兒島黑毛和牛同美國封門柳。前者鹿兒島黑毛和牛口感柔軟，油花同肉分布均衡，味道都唔會話太過份地變得太油膩；後者封門柳就係牛橫膈膜部位嘅肌肉，肉質更加鬆軟，就算渌左比佢變熟時間更長都唔會好容易變到好韌好乾🐮醬料類❤️有蔥花 芫荽香菜 蒜蓉蒜泥 白芝麻 薑蓉 紅辣椒 豉油 同埋好多種嘅調味粉好欣賞佢唔單單有齊平時常見嘅調味配料同豉油 仲提供唔同種類嘅調味粉同埋特色調味配料🧂有麻油同油蔥酥。將油蔥酥加入食物都好有昇華嘅感覺。

見到唔少人都介紹過呢間火鍋店嘅火鍋鍋底同埋常見肉類配料，我地就特別啲唔講呢幾樣，反而係介紹下佢地嘅台灣直送小食啦😆♨️蟹子墨魚漿感覺似係用新鮮墨魚打製而成，裡面包含左粒粒墨魚肉，就算係放入鍋烹煮一段長時間後墨魚漿口感依然爽口彈牙食到墨魚肉嘅存在。好欣賞佢加入蟹子而且份量都唔少，加入蟹子 會令味道更鮮更甜，口感清脆。♨️手工蝦滑蝦滑首先我最介意嘅點就係有無腥臭味呢❓呢度呢款絕對0⃣腥臭味！一向打邊爐都好鍾意叫蝦滑因為佢唔需要剝殼或者去蝦線咁麻煩👍只需要簡單煮一下撈出嚟就已經可以食

台式甜不辣原來係日本南方嘅魚板🍥做法係將肉、海鮮、魚肉等等嘅食材打成漿，再同麵粉混合，再油炸成型。因為經過油炸所以表面口感酥脆，裡頭是QＱ糯糯嘅口感。雖然經過油炸但完全唔會有油膩感，配上酸酸辣辣帶甜嘅甜不辣醬汁更加有感。表面見到擠咗橙色嘅醬汁，質地有一定厚度，甜甜嘅味道🍬參雜著一點點微辣🌶️。牛肉類最推薦1.安格斯牛板腱：牛肉🐮味道濃郁帶一點點嚼勁 2.鹿兒島🇯🇵黑毛和牛：外層有一片明顯嘅白色肥膏，肉質軟稔呈粉紅色，掉落無論係黑蒜湯底或者牛品湯底都十分入味又食到牛香味。

五星星滿分☀️咁耐無出街街食好野我地就落重本叫咗最貴嘅嗰個放題套餐，就咁牛肉肉類有八款、豬肉有兩款、羊肉雞肉海鮮蝦滑墨魚滑都有。我地嘅牛御品同低一級牛極品等級相差在於：1. 牛肉等級升級從澳洲M5和牛至澳洲M9和牛2. 多左美國封門柳、蟹子墨魚漿、手工蝦滑、牛品牛三寶、安格斯一口牛、五味墨魚仔、香辣青口同埋麻辣牛展咁多款肉類裡面我最喜歡安格斯一口牛🐮細細粒一口大小，肉質鬆化無筋位入口即溶，非常過癮！麻辣鴨血就屬於惹味之選，口感qq又濃味🌶️ 有麻有辣又有啲藥材味道

任飲任食嘅牛𝚇、𝚇牛火鍋幾乎隨處可見，食黎食去都無咩邊間特別出眾🧐 今次嚟到喺尖沙咀開業不久嘅台式火鍋「牛品」，強調湯底來自台灣原汁原味送上，希望會有點新意思😎《 牛御品吃到飽套餐 》任食套餐有三款，由上品、極品到御品，成為會員會有折扣優惠又會送鮑魚人頭一隻，所以好豪氣就叫咗最貴嗰個，諗返都覺得有啲衝動😂 因為御品只係多咗封門柳、一口牛、豬梅肉同一啲手打滑配料🙈湯底加$50轉鴛鴦鍋 — 沙茶海鮮鍋拼元氣養生鍋🍲 由於店舖強調湯底來至台灣，所以都幾期待，沙茶鮮味突出但未算好濃郁，元氣養生鍋入面人蔘嘅苦澀味蓋過其餘嘅鮮味，整體普通冇咩特別🧐至於配料方面亦少選擇，海鮮只有蜆肉、青口，牛肉如果一次過叫晒，基本上無牌仔嘅話都分唔到邊啲係靚啲嘅和牛肉，任食黎講牛肉亦切得比較薄，頭一𝘙𝘰𝘶𝘯𝘥叫嘅牛柳粒得3、4粒🤨 至於自助吧方面，好多食物好早無晒都冇再𝘙𝘦𝘧𝘪𝘭𝘭，一心想試嘅台式滷肉飯無晒飯都無𝘍𝘪𝘭𝘭，蔬菜只有粟米、西洋菜、油麥菜等，丸類亦只有寥寥數款🙁 麵類竟然得王子麵同烏冬，更唔好提甜品同飲品類，幾百蚊得咁少野揀都幾唔抵食🙁總括而言質素比大部份任食火鍋仲普通，食物款式少，絕對有其他更好嘅選擇

我地呢班超喜歡周圍覓食嘅神隊友👯‍♀️👯‍♀️又係時候出出動了而一直熱愛食火鍋🥘嘅我地今次就一於試吓牛品台式火鍋餐廳交通方便🚇座位舒適🪑即時入會仲有迎新優惠九折及免費鴛鴦湯底神隊友👯‍♀️👯‍♀️們選擇左牛上品吃到飽套餐湯底🍲牛品秘製麻辣鍋及元氣養生鍋🍲麻辣鍋小辣🌶巳好入味 養生鍋蔘味濃郁雞件嫩滑🐓台式小食🧆大量台式小食提供有D款式我自己都未食過 係大家咁耐都冇得🛩嘅情況吓實在有✈️左一轉台灣嘅感覺肉類🥩有美國牛胸腹 紐西蘭羊卷肉 牛舌片不過不失 牛有牛味🐂 羊有羊騷🐏火鍋配菜🥬種類超多 多到不能盡錄 新鮮企理 飲品🧋種類繁多 我地選擇左不用加💲嘅白桃烏龍茶🤑如果春陽茶事及啤酒不用加💲就更好了🤭甜品🍧只有檸檬愛玉芋圓及MOVENPICK雪糕 選擇實在那太小了 而且仲要限每人一款 對於甜品控嘅我們呢方面實在總括而言 用二百蚊左右咁嘅價錢有咁嘅環境質素 神隊友們又點會唔比LIKE呀！

好似好多人都鍾意冬天時候凍冰冰食打邊爐暖身同埋暖翻個腸胃，但原來都有唔少朋友仔鍾意夏天時候開行冷氣打邊爐，我當然都唔例外。🌶️鴨血滲係麻辣裡面，鴨血軟綿得黎又有啲咬口，絕對唔會太硬太紮實，而且吸收到麻辣汁嘅精髓，十分入味🥩肉類方面點左牛味濃郁肉質少紮實嘅安格斯牛板腱同埋肉質非常鬆軟帶明顯白色肥膏部分嘅豬五花👵元氣養生鍋一開始飲到淡淡嘅人蔘味，伴隨著其他食材雞嘅味道。跟住湯底味道會越煮越濃, 人蔘味會越來越突出但又唔會過鹹，味道感覺好滋補。好似飲完都會變靚靚咁😳

酸菜白肉鍋  + 沙茶海鮮鍋見到沙茶海鮮鍋係咪以為係平時茶餐廳食到嘅沙爹牛肉味道呢😗最多都係花生味濃❓或者辣味比較濃❓但係呢度係平時茶餐廳食到沙爹牛肉湯底嘅升級版🔥會加入埋蝦、青口同埋大蜆  海鮮嘅鮮甜味道 好似有少少解左沙爹湯花生味個種膩感。旁邊嘅酸菜白肉鍋都係我無試過嘅味道。我對酸菜嘅認知就係平時食港式米線嗰啲 呢度嘅酸菜可能因為經過滾煮所以少左淨食時刺鼻嘅醋酸味 反而多左溫順潤滑嘅感覺 非常順口 配上白肉肉甜味令你想一啖一啖飲個湯底🥰🥣

🦐手工蝦滑營養豐富 肉質鬆軟口感爽彈 食到蝦鮮味同埋鮮甜味道 中會有細細粒細細粒嘅蝦粒 感覺自然天然  佢係用一個長條形半開嘅黑色條狀兜兜裝著 根據食客喜好想挖幾大粒就幾大粒🥄🌶️牛品秘製麻辣鍋飲得出搭配左好多種辛香料同埋藥材煉製而成 層次豐富 口感麻香帶甜又有藥材甘香味道  顏色紅卜卜睇落可能有啲嚇人但一上台時飲左一啖味道都唔算超級強超級嗆 唔會話飲唔到嗰種程度👌🥚蛋餃係薄薄嘅雞蛋皮代替餃子皮 抱著鮮嫩豬肉餡 食到皮薄餡料厚又多汁  令到蛋餃嘅外貌、味道同口感都同普通嘅餃子非常唔一樣 非常特別

✅元氣養生鍋鍋底有黏稠度，材料多多，有人參、杞子、雞、腐皮。口感溫和、暖心暖胃。✅肉類一、鹿兒島黑毛和牛；肉質軟稔油脂、分佈平均二、安格斯牛板腱；牛肉味濃、肉質微紮實三、紐西蘭羊卷肉；羊卷肉採用羊肩位置，肉質厚實，油脂分佈平均，羊味道濃但無羊蘇味✅台灣小食一、麻辣鴨血；食到輕輕用中藥熬煮過嘅味道，再滲出麻辣味道二、台式鹵水豬耳；豬耳口感爽口彈牙，配上台式鹵水，十分美味三、米血糕；軟糯唔會糊爛，帶Q彈口感四、宜蘭蔥餡餅；內餡有好多宜蘭蔥，帶獨特香氣五、五味墨魚仔；墨魚仔口感爽脆，食到五味醬嘅鹹香味道

🍲左 : 牛品一品鍋，聽聞加入牛骨、牛腩、牛筋、金錢肚、瑤柱、藥材、黑胡椒等等嘅食材熬足8個鐘頭，味道濃郁牛味豐富🐮 各款食材除左已經熬到融化煲成湯底之外，重會食到啲軟稔稔嘅牛筋同埋牛腩，加入牛骨同少少牛骨髓🍲右：黑蒜黃金鍋，黑蒜味道酸甜，無平時齋食蒜頭嘅蒜味；黑蒜食落的口感就好似果脯龍眼乾咁酸酸甜甜帶點黏度帶點嚼勁🧄 鍋底味道將黑蒜食材完美還原，顏色同黑蒜顏色唔一樣，反而似牛奶鍋咁奶白奶白。將豬五花肉同鹿兒島黑毛和牛放入湯底簡簡單單煮幾十秒鐘已經超級入味超好味😋

點解叫做紀念日火鍋❓其實台式火鍋係男朋友同我表白時食嘅一餐飯🤣所以每年紀念日我同男朋友都會食台式火鍋。今日我地嚟到呢間台式火鍋店都食咗唔少台式食物。<麻辣鴨血> 有咬口口感QQ彈彈，麻辣醃料味道麻麻辣辣帶點甜，又食到中藥藥材濃濃帶甘香味道，同喺台灣食到嘅鴨血藥材味道一模模一樣樣。<流心鹹蛋> 鹹蛋黃橙黃色呈流心狀態，熟度控制得啱啱好，味道鹹香香濃。<紐西蘭羊卷肉> 只需要渌幾秒已經熟透，帶羊肉獨特嘅肉香味🐑<牛品秘製麻辣鍋> 味道甜甜的辣辣的帶點點麻🌶️

火鍋自助吧有火鍋配料、醬料區、台灣直送、、蔬菜、主食區。台灣直送火鍋配料有玉米貢丸、黑椒牛丸、百葉豆腐、蜂巢豆腐，等等；蔬菜有粟米、金菇菜、冬瓜片，等等。個醬料區從來都係我食打邊爐會長期徘徊嘅地方，有紅辣椒、蔥花、蒜蓉，等等。直送火鍋配料有台灣原味香腸🌭會見到香腸顏色比一般見到嘅深粉紅，而且有白色肥膏位置，有肥膏油脂香味，非常香口。叫嘅沙爹海鮮湯底無諗過原來同豬梅肉都好配，有肉甜味有沙爹湯花生味亦有海鮮鮮味🌊酸菜白肉湯底就比較清，味道酸酸味味都幾開胃，而且裡面有豬肉片。