牛品台式火鍋

營業中

休息中

今日係我朋友生日🎂，因為本身佢係臺灣人嚟嘅，咁因為疫情好耐無返鄉下。所以特登同佢試下尖沙咀呢間牛品，點知連佢都讚係好正宗🥳🥳，而且價錢都好實惠。我地叫左超級多臺灣特色小食，有香脆既炸花枝丸，酥酥脆脆既黃金酥炸魚蛋，鹽酥雞同埋臺式甜不辣等等，真系應有盡有，而且做法同埋口味都好正宗，食完有去左臺灣旅行既感覺。🐟我地叫左沙茶海鮮鍋同酸菜白肉鍋，店內仲有好多新鮮海鮮提供，有蝦、青口、鮑魚同埋蜆扇貝等等，而且店內有各式醬料供客人調配，我地可以自己調配自己中意既口味點海鮮！🦐🐟另外，第一次食封門柳口感軟嫩，唔錯。如果大家經過附近，我地都非常推薦大家黎試下正宗既臺式火鍋！

好耐沒黎既牛品臺式火鍋又要食了, 真係一間我會不斷想去食邊爐。店內相當大, 店內採用輕奢簡約風，比人感覺乾淨舒服。👍店員話佢地大部分食材都系臺灣直送，保證新鮮同埋品質！我地迫不及待叫左個鴛鴦鍋，沙茶海鮮鍋+酸菜白肉鍋。👅 都叫左好多送，最特別介紹當讓系美國頂級肩胛肉，食牛既人都特別中意呢個部位，雪花好好, 入口即溶, 我只係放左入湯10秒 岩岩好。😍😍封門柳既口感特別，另外西班牙粟飼豬五花油花分佈細密均勻，口感軟嫩柔滑、肉汁豐富！全部野同個湯底都非常夾！🐷另外，D 服務姐姐都好有禮周到，想試好快D訂位啦！

Lunch都要打邊爐🍲難得放假就要慢慢食一餐好嘅！個日專登出咗去尖沙咀牛品打邊爐，食得好個人都開心D。🤗🤗🌶️🌶️牛品秘製麻辣鍋系招牌當然要點，用料十足，麻辣湯底富牛油香且帶甜味。食肉獸嘅我點咗個西班牙粟飼豬五花，呢個推薦大家要試，個梅花豬係一片片，放落去滾1-2分鐘就ok，好新鮮因為食到好香嘅豬肉味，而且好滑！做為牛魔王更系要食埋牛舌片、美國頂級肩胛肉同埋澳洲M9和牛肩胛肉🐂🐂，全部擺得靚靚上枱，淥一淥就食得，肉質嫩口，脂肪唔多，味道唔會太羶。另外仲點咗好多海鮮，個蝦好新鮮，啲肉係彈牙，想食海鮮嘅你都可以點！臺式甜不辣味道好正宗。🦐呢度食物選擇超級多，而且衛生做得超級好，值得encore 👍🏻👍🏻

成日都好想打邊爐但係唔知去邊間好🧐上網做咗research之後就嚟咗尖沙咀呢間牛品台式火鍋，而且仲係任食添😍餐廳裝修偏向簡約，非常濃烈嘅台灣風格，真係好似去咗台灣咁，而家去唔到旅行住就黎呢度頂住當先🤪嘩🤩果然係專食牛嘅火鍋店，呢度有澳洲M9和牛肩胛肉😋入口即溶、口感嫩滑😍真係好正呀😱佢嘅蜆都相當之大粒，鮮甜之餘唔會有沙粒，大家可以放心食用🤪我哋係嗌左柴魚昆布鍋mix豬肚湯鍋，想試吓特別嘅湯底，湯底唔錯都好新鮮，再加埋最鍾意食嘅老油條，真係非常之滿足😍老油條唔會好硬身，都幾軟身😍唔錯唔錯，都可以浸落湯底食都唔錯😛 台灣出名之選炸花枝丸梗係要嗌啦，入口好彈牙，好爽😋仲有五味墨魚仔，食落去真係有五款味，而且墨魚肉質好煙韌😋餐廳服務唔錯，係台灣嗰種熱情招待☺️下次可以再嚟試吓其他湯底🤩

正所謂邊爐係一年四季都啱食嘅，就算正值夏天，今日嚟到呢間牛品台式火鍋店都好似冬天咁多人😱見到佢羅列出嚟嘅食物非常豐富，面食更有香港罕見的王子麵（佢係台灣非常出名的速食麵）😋醬料區嘅醬料都非常之多選擇，而且排得好美觀、乾淨、整齊。鍾意食辣的我嗌左佢嘅牛品秘製麻辣鍋😋好香而且好夠味，麻得黎唔會辣到過分，咁就唔會遮住肉質的鮮甜😋 嗌左好多海鮮：蝦、青口、鮑魚、蜆、扇貝😍全部都好新鮮㗎😍juicy又爽口😋加埋湯底非常完美🤩呢家的老油條都值得一提，軟身口感之餘唔會太多油唔使食到滿口油👍 麻辣鴨血都係唔錯選擇之一，鴨血大件，勝在煙韌度十足，有嚼勁。且吸滿了湯汁精華，咬落 Juicy。跟湯汁、鴨血互相配合，恰到好處。再加上呢度嘅服務態度唔錯，下次再嚟試吓其他湯底啦🥳👍

適逢爸爸大人生日，想食好D又要坐得舒服🍽️，就特登提早一個禮拜BOOK左呢間牛品臺式火鍋。鴛鴦鍋系沙茶海鮮鍋同埋酸菜白肉鍋，味道都各有特色，可以滿足唔同人既味覺要求。🌶️特也試下比較少見既封門柳🐂，擺落湯底涮一陣就拎上來，其肉質鬆軟，牛肉味極為濃鬱，油花較少，齒頰留香。另外美國頂級肩胛肉同埋西班牙粟飼豬五花都好出色🐷，粟飼豬只以玉米等穀物飼養，因此帶有穀物的香甜味，無一般豬肉腥味，越食越好食😬。除此之外，仲有好得多臺式地道小食，炸花枝丸，臺式甜不辣，黃金酥炸魚同埋鹽酥雞！🐣我地都贊呢間餐廳食物質素比大部份任食火鍋高，而且食物款式好多，絕對系一流既選擇～

最近見到好多人都打卡呢間位於尖沙咀的牛品臺式火鍋，我地都冒名而來。間臺式野嘅舖頭位於尖沙咀站A出口附近，其實交通都好方便好就腳。我哋一入去客店員就好有禮貌，而且幫我地搵到一個可以靜靜地一邊食一邊傾偈的地方。服務真係唔錯，且好多食物種類同款式選擇，而且食物味道都好啱我哋。我地傾左好耐，都叫左好多野食。💯👭🏻牛品秘製麻辣鍋系必試既火鍋，香辣惹味，用料十足。澳洲M9和牛肩胛肉的牛肉亦都肥瘦適中，食起嚟帶有牛香及油脂香，淥完有咬口有𡁻頭。👅👅花雕酒雞件，花雕酒香味濃鬱，雞肉也是滑溜。入面中有好多臺式小吃同埋新鮮海鮮例如蝦、青口、鮑魚、蜆同埋扇貝等等任君選擇。🦐總括而言，呢間餐廳果然沒令人失望，CP值超級高，歡迎大家都來打卡。

*💭牛品台式火鍋位於尖沙咀樂道，平時絕少經過這條街，完全不知道有這間新開的台式任飲任食火鍋店😍餐廳樓面很大很寬躺，而且乾淨企理🥰𝟏𝟐𝟎分鐘的任食火鍋有數個套餐，我們點了中等價位的牛御品，有澳洲𝐌𝟗和牛肩胛肉、封門柳、紐西蘭羊卷肉、西班牙豬梅肉、蜆和青口等等海量選擇😍而自助區亦有各款丸類和蔬菜可以選擇，種類多不勝數🤤飲品方面除了有普通汽水外，還有自家製的冷泡茶🥰湯底方面亦有多款選擇，一眼看到元氣養生鍋和牛品秘製麻辣鍋已經被吸引了🤤元氣養生鍋裡面有雞肉，蟲草花同花旗參等藥材，湯底清甜，如果放上娃娃菜或其他菜類一起煮，味道大大提升😋至於秘製麻辣鍋內則有無限任添的鴨血，辣度方面我們選了少辣，麻度亦剛好☺️總括來說，餐廳的確有驚喜，上菜快而且質素很不錯🥰飲品和自助區選擇很多，位置闊落，很適合一大班朋友聚會☺️

台式鴛鴦湯底🥣酸菜白肉鍋：鍋中嘅酸菜真係好好食好夠酸，白肉半肥瘦超正。牛品秘製麻辣鍋：麻辣叫左小辣都好麻辣呀….鍋中仲有鴨血👍🏻火鍋點可以冇牛肉，先黎個頂級美國肩胛肉、安格斯牛板腱、精選美國牛胸腹、牛舌片，樣樣都係有質素，好濃牛肉味👍🏻👍🏻👍🏻再點d豬肉先，西班牙栗飼豬梅肉、豬五花，樣樣都好味😋自助區有好多丸類、蔬菜類選擇，飲品好多款呀🤩熟食有好幾款，我就叫左甜不辣、鹽酥雞✌🏽

餐廳位置好近地鐵站，尖沙咀A1出口行幾分鐘就到，非常方便易搵，餐廳係1樓，上一層樓梯就會見到好闊落好光鮮既裝修，餐廳仲會播住台灣歌，成個感覺都好舒服牛御品套餐（17:00-19:00入座）$299/1位120分鐘任飲任食性價比好高，勁多品種野食，無論熟食定火鍋材料，仲要好食，平時話貴精不貴多，呢間係貴精仲好多🤣仲要值得一讚既係，重複叫唔同既野食既水準都保持得好好，完全唔會頭round先靚仔咁鴛鴦湯底 +$50酸菜白肉鍋+牛品秘製麻辣鍋(小辣）未食先飲湯🥄1️⃣酸菜白肉鍋湯色呈奶白色，湯頭酸而不嗆，口感好溫和，飲起黎有種好清爽既感覺，湯底入面都好足料，有好多半肥瘦既白肉，白肉吸收哂湯底既精華，非常好食😋2️⃣麻辣鍋麻香味十足，唔係死辣，先麻後辣食落好有層次，湯底入面仲有好多鴨血，非常惹味，湯底愈煲麻辣味仲出，麻麻辣辣真係好過癮呢個套餐*每位仲送一粒棒球貢丸，真係好大粒，貢丸肉質彈牙，食落啖啖肉勁滿足*仲有澳洲M9和牛肩胛肉❤️完全大愛和牛超濃牛香，連麻辣鍋既辣味都蓋唔過佢既牛香味，真係一定一定要食！除左QR落單，出面仲有自助區，就咁醬料區都好多品種，想再辣得過癮可以試下佢既自家辣椒油，熟食區有滷肉

話說今日已經預約咗去7:00去食放題一去到見到有個侍應嘅物體我哋問佢早咗度可唔可以提早入座都係照計返嗰個分鐘時間，佢話可以！不過要掃咗安心出行同埋針卡先，去到reception有個女人同個男人企喺度個女人串過碼頭咕喱我哋掃完晒所有嘢見到佢有做promotionLike 佢哋嘅page會有鍋底折扣跟住佢要我哋做登記咁好啦登記完都未到七點我哋諗住就入定去坐低等因為天氣太熱點知個女人話唔可以提早入座……跟住我下一點解呀都係照計時間咋嘛明明就好多枱喺晒度，都唔俾人入咁頭先個男人就唔好同我哋講可以提早入啦然後登記時候態度勁差超級冇禮貌冇禮貌到忍唔住問佢點稱呼，請問有冇公司卡片，然後佢嘅態度就唔該記得投訴我最後因為佢服務態度太差最後我哋選擇離開唔食，佢竟然喺臨走嘅時候係啦呢度都唔係好啱你食你哋去第二度食吧啦咁講野！呢間嘢真係請我都唔會再去！垃圾中嘅垃圾如果想做返起你個排頭，麻煩你先培訓下員工嘅禮貌！基本禮貌都冇學咩人做飲食本人絕非打手！只係將我親身經歷share俾大家

宣傳寫到有幾十種台式小食，本人被其宣傳吸引，終於訂位和朋友一齊去試試，滿心期待，但實際令人很失望，選擇種類不多，火鍋區的選擇比一般火鍋放題的小很多，宣傳話很多蔬菜都係台灣運到，包括台灣水蓮，但眼見只係一些很普通的唐生菜，菠菜之類，小食就更加貨不對辦，至於甜品就只有雪糕和芋圓，當入座時柜枱小姐對我們說每位甜品有雪糕，芋圓，當我們找職員點甜品時對方話佢地甜品有雪糕和芋圓，於是我問職員是否揀了雪糕就沒有芋圓，對方答係有2樣，我們就理解為每人會有雪糕和芋圓 ，於是就先點雪糕，當食完雪糕就再找職員點芋圓，誰知另一位職員卻說甜品係每人只可在雪糕和芋圓2選一，當時就跟對方理輪，是他們職員跟我們說係有2樣，所以我們先會食雪糕，其實大家都唔係太鍾意食雪糕，如果職員講得清楚D話2選1，我們一班人都只會揀芋圓，最後職員就找來一位似是高級嘅職員來，但原來呢位高級職員都只係同我地講甜品係2選1，對於這店裏面的員工與客人溝通唔清唔楚，令人有所誤會，實在太令人失望，原本連續2天都訂座與不同朋友去食，試咗今日嘅服務之後我馬上取消明天的booking,唔會再幫襯，亦唔會推介比朋友😤

今日放假去咗尖沙咀行街 突然之間好想打邊爐🤣所以就搵吓周圍有咩嘢食🤗見到呢間台式火鍋未食過就試吓啦🤭餐廳位於一樓 所以我哋要上樓梯先可以到達餐廳😙餐廳環境非常乾淨 座位都好闊落☺️同隔離位距離夠遠私隱度十足😙餐廳唔止提供午市套餐 仲有牛極品火鍋 性價比高 鴨血任食 而且食材仲要係台灣進口 🥰除此之外 店內仲有M9和牛🐥而家叫春陽茶事的飲品 仲可以有折扣價$20一杯(原價需$30-39不等)😆我哋就叫咗鴛鴦湯底 麻辣同埋酸菜白肉🤗麻辣湯底用料十足 入面仲有埋鴨血 係台灣嘅味道🥶好少地方會有酸菜白肉湯底 竟然呢間餐廳會有 仲要勁多白肉同埋酸菜 一啲都唔吝嗇😆牛肉有幾款可以揀 睇得出勁新鮮 仲好嫩滑🥰我哋encore佐幾round😚除咗牛肉之外仲有幾款餃子可以揀 自助吧有好多款唔同嘅蔬菜丸粒款式多到食唔晒 仲提供埋滷肉飯 🤪仲可以自己order小食 有甜不辣地瓜球午餐肉等等 唔使去台灣夜市都有得食😛醬料區仲有成10幾款醬可以自己溝飲品吧比起其他台式火鍋店更加多唔同種類嘅飲品可以揀😙

今日嚟到一間環境乾淨而且有少少古典味裝修嘅台式火鍋店😍元氣養生鍋mix牛品秘製麻辣鍋係我哋嘅選擇😋首先講吓美國頂級肩胛肉，雪花均勻肉筋少，色香味美，香嫩可口，大理石花紋豐富，薄切就最啱火鍋，加埋湯底融合埋一齊好美味，手工蝦滑口感亦都非常細滑😋鹽酥雞味道很夠、炸得好脆口👍甜不辣口感酥脆，唔會炸到太乾都唔油膩~ 食完鹽酥雞食埋甜不辣都唔會驚熱氣啦～仲有海鮮：有青口、扇貝、鮑魚、蝦、蜆，全部都好新鮮、超鮮甜。青口啖啖肉，多汁肥美，佢個扇貝真係好大，好吸引！鮑魚咬口煙韌，蜆就大大粒溝埋湯底好Juicy😋咁好食嘅火鍋店下次點可以唔嚟👍

聽朋友講有間新開台式火鍋，上網一search來頭都唔細，一於去Try try😋環境整修得好闊，有別於一般嘅火鍋店，冇乜壓迫感，拎嘢食嘅時候就唔使下下驚撞到人啦😆我哋嗌咗柴魚昆布鍋溝豬肚湯鍋，好濃郁嘅湯底，唔會好淡，因為其他地方會比較淡😖豬肚湯都感覺新鮮唔會有陣怪味。鍾意食海鮮嘅我哋梗係要嗌海鮮啦：有青口、扇貝、蝦🦐蜆，全部都好新鮮，扇貝好大舊，鮮甜而且肉質細緻 ，蝦亦都非常之彈牙，蜆就比想像之中大粒，性價比極高～至於主打牛方面：我哋嗌咗精選美國牛胸腹🥩，打邊爐最常食嘅當然係佢啦，風味濃厚、油花豐富細緻，簡直一流👍牛擁躉們切勿錯過～服務態度亦都唔錯，果然係台式主打👍喜歡吃牛嘅朋友快啲嚟啦～