牛品台式火鍋

營業中

休息中

暑假一家大細出去玩，第1次以openrice訂座好方便，餐廳又有確認，完全唔使等就入座，餐廳以手機網上落單，簡單又快捷，完全無漏單。小朋友130cm以上以成人計算，我地揀較便宜的“牛極品”，8種肉類已夠飽，最後一人一杯雪糕

聽聞牛品口碑好，咁就同家姐試吓90分鐘午市火鍋，元氣養生鍋，紅棗、杞子、人參同雞，另外加左西班牙粟飼豬梅肉頂級美國肩胛肉安格斯牛板腱牛舌片西班牙栗飼豬五花花雕酒雞件精選美國牛胸腹💓所有嘅牛同豬都好好食，切到好薄，只要灼一灼就食得。紐西蘭羊卷肉(冇蘇味)💓春陽茶事飲品只係加20珍珠鮮奶茶檸檬蜜烏龍鐘意食飯嘅你，就要留意店內提供台灣9號蓬萊米👇🏻💓台灣人最愛吃的米是台梗九號的米種，就是我們俗稱的「蓬萊米」，蓬萊米又稱為梗米，其米粒形狀為短短、圓胖型，顏色透明，蓬萊米口感比較Q，吃起來較有黏性。💓醬料👉工研烏酢，係咩嚟？台灣叫烏醋，我哋香港叫黑醋😃見到午市套餐，可享用牛極品火鍋,鴨血任食,台灣進口有 M9和牛，下次又再黎食過。

朋友👩‍❤️‍👩話好耐冇去食火鍋食到飽，而我哋都是嗜辣🌶愛好者，所以即刻想約一齊去食牛品，除咗有多款火鍋配料選擇之外，亦都有多種台灣小吃湯底當然選擇牛品秘製麻辣鍋，湯底帶着平和的麻辣，醇辛又甘香，風味濃郁🤤不得不讚海鮮非常新鮮，在既麻又香辣味道下，仍可嘗到海鮮食材本身的鮮甜，扇貝非常大隻，而且鮮味無比又爽口😋麻辣火鍋主打配料，當然少不了牛肉🐂，呢個美國頂級肩胛肉油花分佈均勻，肉味濃，口感鮮嫩多汁小食方面我比較推介炸花枝丸，Q彈有勁每一口都吃到粒粒花枝，另外🐙五味墨魚仔亦都是出色之選，原隻墨魚仔非常彈牙，加上酸甜醬汁，食落開胃牛品除了食材優質，服務態度亦值得一讚，員工好自動自覺收碟及加湯底，值得經常encore 👍

台式鴛鴦火鍋放題！同朋友一行四人最好就係打邊爐，可以坐足兩個鐘，慢慢食慢慢傾偈。不過呢度服務麻麻哋，到最後當兩個朋友去緊廁所嘅時候，服務員開始收拾，我哋解釋咗廁所排隊等好耐，佢哋返嚟我哋就會走，不過服務員堅持要我地幫朋友拎埋佢哋嘅隨行物品離開座位先，語氣有啲差。牛御品吃到飽套餐$299- 我哋六點鐘入座，星期六所以要加$20。我哋選擇鴛鴦鍋加$50，揀咗元氣養生同蕃茄濃湯鍋。養生鍋入面有好多藥材，湯底有少少苦，不過我接受到。呢個套餐包每人一隻鮮鮑魚，都幾彈牙。放題自助區有好多菜、丸、飲品揀。個人推薦桂花烏龍同白桃烏龍冷泡茶，幾清新，有助去一去火鍋嘅油膩感。澳洲M9肩胛肉- 喺云云咁多種肉類選擇之下，我哋幾個一致認為澳洲M9肩胛肉最好味，我哋encore左好多次。油花幾好，口感幾軟滑，牛肉味都重。推介！小吃- 炸魚皮、炸甜不辣都幾好味，叫一細碟share嚟食都唔錯。甜品- 差不多到最後服務員會俾張甜品紙俾我哋填，有得揀movenpick雪糕或者芋圓檸檬綠茶愛玉。愛玉好Q彈有檸檬茶嘅味，三色芋圓幾煙韌，味道唔假，都幾好食。

辛苦得來志在食，想食好啲，坐得舒服啲，最後揀咗牛品個套餐可以任叫肉類同埋喺自助食品區拎唔同嘅蔬菜類🥬🌽🥕同🥤飲品，有很多不同選擇，而且感覺啲嘢整齊企理乾淨沙茶海鮮鍋-沙茶味濃郁配搭新鮮🦐🦑海鮮特別鮮味，脆脆老油條泡進湯裏，吸飽湯汁後一口咬下太正啦💯酸菜🥬白肉鍋-酸香開胃嘅湯底，配上西班牙粟飼豬梅花🐷點少少辣醬，吃起來很清爽味道口感層次爆升食火鍋前可以試吓佢哋台式小食甜不辣，好吃感覺幾有台灣夜市風味對呢間店舖印象帶位有禮貌，服務態度好，食物選擇種類繁多，最後當然係捧住個肚走😙

牛品已經多次encore，因為這裏環境地方新淨，食材新鮮，多款式選擇，大大話話都食咗五六次，而每一次我都係為咗佢個麻辣鍋而來，好味道食極都唔厭🥰🌶識食嘅話嚟到一定要試吓佢呢款招牌湯底：牛品秘製麻辣鍋，由於越滾越辣，所以我哋叫咗小辣，而香濃的麻辣味，好開胃好刺激😝🐦十分嫰滑鴨血吸滿了麻辣湯之後非常好吃，食完都會念念不忘🐔花雕酒雞肉鮮嫰，加上淡淡花雕酒香，滋味過癮🐮美國頂級肩胛肉油花分佈平均，有咬口而且牛味濃 🛋餐廳座位密度唔高，氣氛環境不俗，都幾適合同friend👭聚㗎

終於等到啦， 平時經過尖沙咀嘅牛台台式料理都好多人，冇乜機會去試，今日終於放假可以去食啦！同朋友一坐低唔理咁多，先來先叫咗個鴛鴦湯底，湯底有呢個沙茶海鮮鍋同埋酸菜白肉鍋！沙茶味好濃香，酸菜鍋亦都酸得來好鮮甜！之後我哋再嚟一個心內美💜心內美即係紫蘿蔔！顏色鮮艷得來亦都好爽甜！而佢嘅肉都非常出色，封門柳肉味濃香，花雕醉雞件雞味濃，花雕味完全滲晒入去啲雞度，非常好食！花枝槳亦都非常滑嘟嘟彈牙！台灣小食亦都同樣出色，炸花枝丸大大粒，有粒粒彈牙既墨魚肉好有口感，麻辣鴨血好好食😋鴨血好滑，吸收晒麻辣汁既精華，入口充滿香麻味！老油條炸好鬆軟好脆卜卜！全部食物都一試難忘啊！

好耐無打邊爐啦～朋友介紹呢間幾正😝呢間係任食120分鐘，有幾種package選擇～湯底揀咗鴛鴦鍋，養生同麻辣～⭐️養生係藥膳參湯底，湯底濃郁，試咗湯頭好鮮甜大少少甘味，好正‼️⭐️麻辣就係台式麻辣，揀咗小辣，入邊有好多鴨血，滑捋捋‼️揀咗牛御品餐 $339‼️ 每人一隻新鮮鮑魚，好大隻‼️有M9和牛、肩胛肉、牛板腱、牛胸腹、封門柳、牛舌片、一口牛、西班牙栗飼豬梅肉、豬五花、羊卷肉同花雕酒雞件等等～其實性價比好高，M9和牛係無限制，任食㗎😎我地encore咗好多碟👍🏻台灣入口鴨血都係任食👍🏻海鮮都新鮮，尤其係蝦，又大隻又鮮甜😋蝦滑好正～彈牙蝦味好濃，真材實料👍🏻台式小食都好推薦～滷水牛筋煮得得好腍好入味😋台式香腸好高質，完全係台灣夜市食到嘅味道👍🏻鹽酥雞炸得好香口自助飲品區、配料區、醬料區選擇好多😍飲品包括各類茶、汽水、仲好細心標誌左無糖飲品有種材料供選擇，仲有自家製辣醬 台灣直送既配料種類比一般火鍋店多～最特別嘅係以優惠價$20飲春陽茶事既飲品（原價$3x㗎）‼️餐廳環境方面個人比好高分～成個場夠大，座位闊落～坐得好舒服光線充足～衛生情況十分好，自選區食物全部有蓋冚住，枱面地下完全冇癡粒粒嘅感覺👍🏻

今日同老公喺尖沙咀拍拖之後我哋就去咗牛品台式火鍋度打邊爐啦！💜呢次已經係我哋第N次咁嚟啦，因為呢度嘅食物同飲品非常出眾，尤其是係啲牛同花茶！😀平時我哋都係食麻辣湯底嘅，咁今次就轉吓口味，我哋呢次試咗個鴛鴦湯底，沙茶海鮮鍋有好香嘅沙茶味，而酸菜白肉鍋睇得出係真材實料，有好多豚肉片係個鍋入面，而且同埋啲酸菜一齊熬製好開胃！😍咁我哋嘅主角就係有呢度嘅澳洲M9和牛肩胛肉，無論呢個肩胛肉擺喺沙茶海鮮鍋度落定係酸菜白肉鍋度落都係咁好食，牛咬落去好煙韌同好軟冧冧，索埋啲湯底簡直係將牛既精華發揮都極致！🤤食完呢度嘅美食配埋個自家製洛神花茶真係無憾啦！洛神花茶好好飲，味道酸酸甜甜，好解油膩！食多多都唔怕！😄

我哋好耐冇去過台灣，老爺👴🏻奶奶👵🏻都好掛住好想去，奶奶特別鍾情台式酸菜白肉鍋，重點係任食火鍋放題，因為帶住老人家同行，所以想選擇一間環境比較舒適餐廳，之前同朋友來過一次，知道牛品座位寛敞空間感十足，坐得很舒適🛋鴛鴦湯底揀咗酸菜白肉鍋配沙茶海鮮鍋：酸菜口感酸爽，搭配油脂豐富的白肉🐖開胃又回甘。沙茶湯底加入鮮味海鮮🦐，淨係湯底已經大滿足。回本必食牛舌片、封門柳：🐂切成薄薄的牛舌片，又滑嫰又爽口。封門柳牛味極濃，肉質鬆軟不易變韌。😋牛品除咗食物質素高，店內空間寬敞雅致時尚，好適合大夥兒👩‍👩‍👧‍👧一齊烚吓烚吓🥰

屋企又唔想食啲傳統火鍋但又想試啲新潮嘢，於是我就帶咗佢地去尖沙咀嘅牛品台式火鍋度打邊爐啦！😝我哋一行四個人，侍應都好好俾咗張卡位我哋，我哋坐得好舒服，唔會坐得好迫。😀坐黎就即刻梗係試吓啲台灣嘢啦！五味墨魚仔，惹味彈牙，口感非常有層次！鹽酥雞好好食，雞肉非常亂畫同多汁！炸花枝丸，食得出粒粒墨魚肉，手工一流！麻辣鴨血，非常辣得過癮！🤪之後就到主角出場啦！湯底係元氣養生鍋同牛品秘製麻辣鍋！養生鍋真係鍋如其名，真係有好多藥材熬製，非常養生！而麻辣鍋亦都真係非常出色，食到麻同辣既味道！😋有咁出色嘅湯底梗係要帶啲嘢食嚟碌下啦！蜆好大隻鮮甜，手工蝦滑真材實料，食得出彈牙蝦肉，而封門柳肉質鬆軟！我哋全家都好滿意呢次打邊爐啊🍲

仲記得以前同朋友會特登飛去台灣食火鍋💓好掛住台式火鍋既風味同鴨血🫶🏻所以特登約埋朋友一齊打個台式邊爐任食鴨血先🥳牛御品 $339 （7pm-9pm入）➽鴛鴦鍋湯底😋♡元氣養生鍋勁足料🫶🏻💓好有人蔘味 雞味鮮甜 絕對養生♡牛品秘製麻辣鍋 麻辣香😋辣度岩岩好💕➽肉類♡澳洲M9和牛肩胛肉食牛御品梗係要狂食e個set先有既澳洲M9和牛肩胛肉😍入口即溶arrr油脂同肉味互相平衡😋♡牛舌片 彈牙有肉味 好少地方有牛舌片打邊爐😍唔錯♡豬梅肉 豬味濃 加落麻辣鍋食好正😍♡仲有大量其他肉款➽台灣直送♡水蓮菜 非常有特色💕食落爽口 第一次食幾好食♡心內美 非常鮮甜既蘿蔔♡蛋餃 特別😋😋♡手工蝦滑 😍必點 蝦滑又滑又香有蝦粒粒♡花枝漿 😍好好食➽台式小食♡宜蘭蔥餡餅🫶🏻最鐘意 有驚喜 上枱仲係熱既一咬落口會有肉汁噴出😍出色♡麻辣鴨血🫶🏻♡鹽酥雞 炸得香脆 外脆內軟😋➽甜品每人一客♡芋圓愛玉甜品😍清甜fresh 整體好好食💕♡Movenpick雪糕🫶🏻🫶🏻

朋友想食打邊爐，而我就負責去上網搜尋一下，結果就發現咗係尖沙咀有一間得到好多好評嘅牛品台式火鍋！於是今日我就約埋朋友一齊去試啦！😍我哋叫完湯底之後，就嗌咗啲配料，而我同朋友都好鍾意食海鮮，於是就點咗個蝦嚟食啦，蝦嚟到嘅時候呢非常新鮮，仲要大大隻，淥完之後啲蝦肉好彈牙，仲要好鮮甜，非常好味！👍而成個五蚊錦大既扇貝淥完之後唔會散，橙色嗰粒野依然健在！而白色嘅帶子肉非常鮮甜，亦都彈牙！我哋亦都嗌咗啲小食食下！我哋食咗炸花枝丸花枝丸炸得好脆仲食得出粒粒嘅墨魚粒，黃金酥炸魚蛋亦炸到內軟外脆，而鹽酥雞同樣都炸得好脆，炸完之後啲雞肉都仲好滑，咬落去仲要好多汁好Juicy！🤤

我同男朋友已經係第二次嚟尖沙咀嘅牛品台式火鍋因為佢實在太好食啦！首先佢啲小擺設好似啲用碟精美就不在話下啦！仲有佢既食物係非常之出色！佢嘅海鮮拼盤大大份，有扇貝，鮑魚，蜆，大蝦同青口，全部都好鮮甜！湯底就更加唔使講啦，佢嘅柴魚昆布鍋同埋豬肚湯鍋簡直係高水準之作！分別食得出有柴魚嘅鮮味同濃郁胡椒味！肉類嘅質素亦都非常之好非常高質！我同男朋友都好鍾意食牛，所以我地都點咗好多同牛有關嘅部位，先來有澳洲M9和牛肩胛肉，嘩！佢真係非常之靚料，入口即溶！再黎一碟牛舌片，完全無腥味同好柔軟，而精選美國牛胸腹亦都好好食😋入口充滿淡淡嘅油脂！而佢地炸花枝丸亦炸得出色，脆而鬆軟，手工蝦滑亦係誠意之作，充滿粒粒彈牙鮮蝦，而花雕醉雞件啖啖雞肉都充滿花雕酒香味，蜆亦十分大隻無沙，非常令人驚喜！😋

有時諗唔到食咩好就會想去任食打邊爐見到 <牛品台式火鍋> 有 lunch set仲有 “牛極品午市吃到飽套餐”同個frd就決定豪一豪佢..$219 一位，可以食90分鐘有10款湯底選擇CP值幾高，鴨血任食，食材喺台灣進口，店內仲有M9和牛可以叫肉類、炸物類係用電話scan QR code落單另外菜、丸、麵、飯、調味料、普通飲品都係自助區拎嘅海鮮類就要額外付費仲可以叫 “春陽茶事” 嘅飲品，可享折扣價$20一杯(原價需$30-39不等)我哋都係牛肉控，keep住refill牛，質素都唔錯，有牛味，亦唔會全塊係肥膏雞肉同豬肉都係嫩嘅. .