牛品台式火鍋

營業中

休息中

我同男朋友已經係第二次嚟尖沙咀嘅牛品台式火鍋因為佢實在太好食啦！首先佢啲小擺設好似啲用碟精美就不在話下啦！仲有佢既食物係非常之出色！佢嘅海鮮拼盤大大份，有扇貝，鮑魚，蜆，大蝦同青口，全部都好鮮甜！湯底就更加唔使講啦，佢嘅柴魚昆布鍋同埋豬肚湯鍋簡直係高水準之作！分別食得出有柴魚嘅鮮味同濃郁胡椒味！肉類嘅質素亦都非常之好非常高質！我同男朋友都好鍾意食牛，所以我地都點咗好多同牛有關嘅部位，先來有澳洲M9和牛肩胛肉，嘩！佢真係非常之靚料，入口即溶！再黎一碟牛舌片，完全無腥味同好柔軟，而精選美國牛胸腹亦都好好食😋入口充滿淡淡嘅油脂！而佢地炸花枝丸亦炸得出色，脆而鬆軟，手工蝦滑亦係誠意之作，充滿粒粒彈牙鮮蝦，而花雕醉雞件啖啖雞肉都充滿花雕酒香味，蜆亦十分大隻無沙，非常令人驚喜！😋