爵士拉麵

營業中

休息中

我係Jazz Ramen fans，己支持多年。我食盡香港&日本同級(價錢)的拉麵，呢間響香港可算係頭二位。而佢的食物質素及風味亦是正宗的日式拉麵。呢個價錢雖然頗貴，但食到呢種正宗風味都抵番。可惜佢地一星期休假兩天，亦會不定時休假，仲要營業時間短，有時想起去到又碰釘...老闆娘的態度問題亦見人見智，佢地做野係好有原則(日本人ma)，但又未至於態度惡劣，佢地好nice, 講好多多謝，有次本來要比錢先，一路我地都未比，食完比佢都ok, 仲好多謝我地。去咁多次，每次佢都有提我地有乜好食，有乜新野，好細心。我都承認佢地第一個比人印象吾係咁好(只可一次order)，但去多幾次發覺果度有種好溫暖既住家麵感覺。亦解釋到點解去到永遠都咁多人排隊，咁多fans!!!!

難得今日可以出街食飯，諗住可以同媽o米享受一下啦，點知，出事啦.....之前聽同事講過惠康附近有間拉麵店好好食，所以特登o黎試o下啦！一入到去，坐低，睇o下個menu有咩好食啦。點知媽o米話佢唔係好肚餓，叫住少少食住先啦。咁我o米落單o羅，點知o個個老闆娘話只係可以落一次單，咁我o米話睇多陣先啦，唔該。即時換o黎一個回應「我o地得一個爐o架咋，一個爐o架咋，只可以落一次單o架咋！」仲要拎起張menu指俾我o地睇。嘩！咁o既態度我o地都已經興o架啦！好啦，之後都試o下啦，咁就叫o左兩碗雜錦拉麵，老闆娘即刻回應，d錢擺呢度！咁我o地o米將d錢放落去啦，點知佢話$500只係找返全部$20俾我o地，咁我o地都算啦。之後仲要同我o地兩個講「d麵好耐o個喎，你可以叫湯飲，貴d，快d o架！」今時今日咁o既態度，真係想有生意都幾難呀！媽o米話如果可以打人o既話，真係想打佢幾巴呀！(其實睇唔到個menu寫咩都唔出奇呀！使唔命咁呢？經過今次之後，我都唔會再去呀！仲要叫埋d朋友都唔好去呀！d o野食又唔係特別好味。

我去左3 次先成功入到去食到...... 正如其它食家所講, 老闆娘面黑黑... 唔係成日開門....人齊先可以入座等等....我叫左個冷面, 幾好味! 夠涷芝士餃子: 好味道!叉燒拉面: 麻麻地.... 味千仲好味d!整體: 唔差!!

上星期博一博後，回家告訴細妹，反而令她很想試一試，所以趁星期日再來一次，我也想試試其他小食。星期日十二點半沒有太多人，老闆娘也不在，換來的是老闆的女兒，別看她年紀小小，招呼、落單、傳菜也是頭頭是道。這次我要了什錦拉麵，細妹要了叉燒拉麵，再加芝士餃子，炸豆腐是特價也要了一個。先埋單，$101，在粉嶺區都真的有點貴。這次要了清湯，味道很好，不會鹹，很鮮味，真的會把湯都喝光。炸豆腐沒有什麼特別，芝士餃子就很不錯，味道和口感都很配合，難怪這個小食也是招牌菜。沒有老闆娘，真的靜了不少~~

好同意下面一位食客的說話，唔係不停講「多謝」「唔該」，不停一「卵」講介紹就代表係有服務。基本上你入到這間食店，那一位老闆娘的聲音便從不間地在你耳邊轟炸，就算沒有新的客人進來，她的咀可以繼續不停說話，有一次我在場的時候，她在我身旁哼歌！天啊！我辛辛苦苦工作了一天，只係想舒舒服服安安靜靜食餐好o野，唔好咁玩我啦！食物本身係有好高的水準，芝士餃子尤其出名。如果老闆想生意額大幅度提升，請吩咐老闆娘認真改變現時的表現，或乾脆安排她做炸爐的崗位罷了，老實講，服務性行業都要講天份的。服務需要用心，如果沒有心，只是象徵式、口號式地喊幾句「多謝」，客人永遠都看得出的。如果沒有高水準的美食，憑老闆娘這樣的服務態度，店子早就倒閉了。

1:30左右同男友黎食拉麵,我地排左15分鐘左右,一坐低老闆娘已提醒我地只可以order一次,order完立即比錢,聽落系好囂張,但佢系咁吾該前,多謝後,真系吾系串!我地叫左細什錦拉麵$28,要醬油湯底---湯底屬清,拉麵頗彈牙,另要左芝士餃子$25---亦吾錯,芝士菜肉餡口味幾夾.埋單$55,茶錢$1.會再光臨!

我在這店開了第二天便來試，最初老闆幾肥，現在做到瘦；最初不須預先付款，現在要；最初沒有小食，現在大把；最初可以叫兩轉，現在不可；最初老闆娘多謝我飲哂D 湯，現在只收走；最初他們女兒沒有幫手，現在她放學後也來維持秩序.........附近競爭多了，拉麵店亦多了一間，她的煩氣，也需要改變的了.

對於這家特別的拉面店，評價真的可說毁譽參半，喜歡的真的好喜歡，不喜歡的就會請也不去，相當極端。放假一個人午餐，就去博一博，看過究竟。中午十二點半，小小的店中有兩三枱客，叫了叉燒拉面，一邊看著老闆、"相信是"老闆娘及客人之間的互動，老間忙著應付order，而老闆娘就在安排十一月及十二月的開放時間，老闆娘不停地問老闆幾時開，幾時唔開，真係幾煩，最後老闆都忍不住講了一句"chottomate等一陣再講"。之後有一對男女也是第一次來，老闆娘不停及重覆介紹那只有半張A4紙大的menu，和店內的各項"規則"。講返個面，味道真的不錯，叉燒很滑，拉面口感適中，湯是有點鹹，但香鮮濃郁。$35在粉嶺區真的有點貴。但偶然一次是可以的。我想到這裡幫襯有幾點要注意，可能會比較順心，不會食得一肚氣：1. 一個人來，不要和其他人來。2. 嘗試明白他們的"規則"背後的意思。3. 相信老闆娘是一個好人~~~~佢o既性格係咁，佢唔單只煩d客，佢係任何人都會煩的﹗

我每個月都o黎1-2次...好似上左癮咁.To be very honest wuth you all, I can't stop coming here to enjoy the greatest japanese noddle in NT, even though there are certain rules that the customers are required to follow/obey.No matter u like it or not, the food (noodles, fried tofu, fried chicken meat, cheese dumplings..etc) are great. No one can deny it !!!

今日勇闖爵士! 我其實經過過好幾次, 唔係未開檔(12:45pm) , 就係放一個禮拜假, 再唔係太多人冇位, 就係我地太多人, 店子太小話唔做我地生意....其實我個人覺得老闆娘既人都冇咩野, 係有小店既堅持同原則, 我反而幾欣賞...去食一碗什錦拉麵, 要小辣; 麵條幾好, 唔太淋又唔太硬, 冇鹼水味; 湯底好香; ..好有日本食拉麵既感覺~以HK35.00 一碗計, 粉嶺區係幾貴! 老闆娘都幾有禮貌呀~ 又細心介紹各種食物...仲叫我食左麵條先;, 因為會影響麵質!有人覺得串, 我就覺得幾好呀!定係撞岩佢今日心情好

好高興見到這兒有這麼多食友與我有同感，其實我都算是此店的長期食客，但不是我想的，只因我老公喜歡。說味道，這兒的拉面的確有水準，彈牙爽口，但就普通，湯底都OK，以這個價錢的確抵吃。但除此之外一無是處。開門時間不定，十次行過有六次都唔開，星期一二例假，但隨時都會突然放一個星期至個多月，各食友千萬別一時之興去吃，否則多數興敗而回。規例超多，其他食友亦已有提及。老闆娘待客超差，不是提高八度，不停介紹就叫有禮，其實很多時沒有甚麼服務，一樣可以吃得很開心，但不斷被盯著一面吃東西就一定不開心，我不是想阻你做生意，但起碼都給客人喝一啖茶，想一想吃甚麼，這是對食客的起碼尊重，但這間店一定不會給你。如果你只想醫肚，可以一試，好吃又不貴。如果你想開開心心食一餐，千萬不要來。我就覺得吃飯最緊要開心而不是好吃，好吃只是提高開心程度其中一個元素。

呢間拉面館真係幾出名，論食物一流絕對不比尖沙咀中環的貴店差，賣相可能不及，但風味味道絕對值得推介。服務就真係無o野好講，去過o既人都知個老皮娘完全係趕客，可能佢唔明乜係待客之度。其實呢間店係好多規矩要客人遵守，例如唔齊人要等、無第二次order，ok，入鄉隨俗，亦明白店細人多要有秩序，我好樂意守規矩，但係唔好一有客入來不論新舊熟客都大大聲一「輪」嘴不停講「A係濃湯b係清湯c係辣湯，1條小小辣...無第二次落單...」好煩，講明規矩唔係唔好，但唔好好似阿媽鬧仔咁o既語氣，最難頂係有唔明或有其他要求而反問佢時，佢仲唔耐煩過你，真係谷氣，火都黎埋...o野食超ok，芝士餃子、炸豆腐都係平價但有水準的小食，看似普遍但食過你都會讚，無作大。

　　我們一行４人，一入內，老闆娘已一輪咀介紹，好煩，又催促我們落單，想諗下食咩都好似阻住佢做生意，又唔比第二次落單，佢ｄ麵係好食，但服務態度就非常之差，我覺得佢這樣的做生意手法，對佢想提早結束營業有很大幫助，我會極力推介給我身邊的朋友不要再去爵士拉麵，各位網友，如果你們想食到一肚火，爵士拉麵一定符合到你們的要求

完全感受到以下食評人的感覺. 因為差不多的原因我已經年不去爵士拉麵了.

2005年7月30日四人同行被迫在一張半圓形的小枱用膳﹗我們想試更多的小食，所以只叫了三碗大麵(share)，但由於我們不是一人一碗麵，店員不肯給予我們有小食優惠，那麼我認為我己叫了三碗麵，應該可以叫三款優惠小食，而且我們都能達到他的要求(每人要消費30元)，店員反覺得我們沒道理，還用很惡的語氣說"咁你即係間硬黎啫"......這個時間簡直興過火屎呀﹗不過算啦，我不同佢斤斤計較，我還有能力付錢，那我們便繼續進食，食完後茶都還沒喝，就想趕我們走了。那老板娘跟我們說"還有沒有其他野要?"我便說"你們都不允許有第二次落單﹗"老板說"係呀不可以再落單啦......出面好多客人等緊呀﹗"跟住老板娘二話不說，便拿起我放在枱角咭片套遞給我，並對我說"唔好溜低呀﹗"這樣做同趕客有甚麼分別？我覺得麵係好食，但唔代表可以咁寸，唔代表可以用咁差的服務態度........................好食唔係大晒，不知所謂﹗