爵士拉麵

營業中

休息中

今日去粉嶺圖書館自修室溫書食飯時間特地去爵士拉麵試試去到的時候已經有人o係出面排隊應該係armarm開門等左五分鐘左右就入去(reception果個小朋友好得意)嗒一啖杯炭燒麥茶超香叫野食有特定模式ga我叫左5C中(小辣)即係中size的地獄麵豉湯雜錦拉麵(即是最平果個XD)另外叫左一個冰凍豆腐之後要俾左錢先我一個拉麵一個小食加埋一蚊茶錢盛惠64大元麵到喇合乎想像我expect佢會比平時食的拉麵多一浸鮮味高出預期的係佢果重濃味冇味精ge湯底真係好吸引我全部飲哂佢(當然我記得食ge時候要雪雪聲啦)個豆腐....28蚊三舊仔叫果陣都幾肉赤不過試左一啖之後就覺得抵豆腐本身都好香豆味可能係因為雪過啦質感有d似雪糕個醬油底真係冇得彈呀連埋d木魚碎同紫菜口感同味道都令人回味無窮下次要試埋個醬油湯底先得

昨夜又有圍內飯局,今次要away上北部"紐卡素",粉嶺是也.平生第二次搭足聯和墟.時間尚在六點多,距離開波時間還有一大段時間,找個地方打底,才是當務之急.聽聞在北部,有間由日本人開設的拉麵店,很有個性,門口長年人龍不絕,有時索性關門放假,名叫爵士拉麵.難得作客北部,那有不視之理?六點半未夠,一個人仍可單刀直入,在門口寫著要人齊才入座,可想而知,如果在黃金時間,會是什麼樣子?湯底有三樣揀,地獄湯底,東京醬油,札幌.拉麵得四樣,雜錦,年糕,爵士,同叉燒拉麵.礙於這個是純悴打底,簡單要個細碼叉燒拉麵.賣$36一客.此店標榜自己的東京醬油湯底,並不鹹,小弟吃得鹹,當然不覺得這店的湯底鹹,面頭的叉燒,因為上桌前沒有再加熱,所以仍帶點冷,不過肉質很鬆化.麵條煙齦,軟硬適中,份量小之關係,"樹"兩下就樹清光,最後一滴湯不漏,碗底朝天,這才是對師傅的尊敬.快上快落,對錶,時間差不多到,開始準備kick off.

五年前在北海道，在一間家庭式小店吃拉麵。那時室外下著大雪，我就坐在bar檯前看著老闆煮麵，他弄好後雙手遞給我，我接過後他微笑點頭，感覺很溫暖。在這兒吃拉麵，大家也圍著麵爐坐，選擇了雜錦拉麵及凍豆腐。因為這店是家庭式小店，自然不會要求貼身服務。食物質素很好，甚至比在北海道所吃的更好。拉麵煮好後，店員雙手遞給我時，都令我回憶起那個下雪的晚上，晃著昏黃燈光的小麵店。

星期日、一個人、想食飯......都有一些時間沒有到爵士，就行去聯和墟，嚐嚐那可口的拉面﹗這次要了細的年糕拉面和芝士餃子，一個人食真係好飽﹗年糕好煙靭，炸過，吸收了湯底的美味，好正﹗芝士餃子這次很好味，(上次d菜未熟透)多汁、美味﹗

Ok, it's the controversal Ramen place. I haven't been there before, and would I be able to get my lunch concentrate to taste what it is like, or would I be forced into bad mood and left a comment about it...?Apparently, the owner has been reminded, and starting from the 1st min, everything was fine. Of course, I was also trying to follow all the friendly reminders here about the rules..s. In fact, on my way there, the taxi driver was talking about it, the rules, the unpredictable open hours....

昨晚男友說要去粉嶺一間報紙介紹說好吃的面店吃面，我就跟著去啦。因不熟悉粉嶺，到達后在沒有什麼人的街上走了一圈，在黑黑的街角看到一條人龍，當時大概有十人左右在等，心想:該是這裡吧，估不到店會在這兒!!等了一會，有一中年女子走出來派餐牌，跟著有一小男孩穿著火車頭圍裙出來幫我們先落單(該是老闆娘跟太子爺)。這樣安排不錯，省了又要等落單的時間。排隊若15分鐘就有位，一坐下就直接落單畀錢。等面食時，我看老闆很眼熟，原來早一陣子在電視見過(關於太子爺打相樸)。等十分鐘左右東京醬油雜錦拉面來了，習慣味淡的我覺得湯底略咸，(食送)料面量適中，面質真的不錯。另男友的招牌拉面上的牛肉質感也ok。而環境呢，店面較小，比較擠，而且圍著'火爐'坐，感覺是:熱熱熱。吃完一身汗，吃飽就快快離開，讓外面等候中的人快d有得食仲好啦。

一向都係佢fans~電視成日話睇一碗拉麵嘅質素最緊要係湯底佢嘅湯真係好好味次次去都會一滴不溜飲哂老闆娘見我飲哂D湯都幾開心架

多年没有來幫襯了，如今再試覺得食物還是很不錯，能一直保持水準，對很多食市來說並不容易，不過，因為煮廚永遠都係老細本人，咁水準一直不變又唔太出奇既~~食物：男友要左個海鮮拉麵大既，我要左一個牛肉拉麵大既(其實我唔大食架，可能好味la...我食左個大既都唔覺太飽)，再加多個凍豆腐。兩款拉麵都好好味，凍豆腐就ok la, 但一定要點多d汁，如果唔係就冇味唔好食。服務：一入到去，老闆娘就會不停咁"serve"你，因為唔係第一次去，都有晒心理準備，真係幾煩下。可能因為認得出我地唔係熟客，所以就教左我地好多次點order:"你可以叫1A大, 3b細，但只可以落一次order jar,"大約5次以上，實在......男友都忍唔住講左句:"得，明白，自己黎，睇睇先".....但其實我地都知佢冇乜野，我估可能係間舖得佢一個人落單同傳菜，所以會希望客人合作下，等佢地成個流程可以暢順d掛~~其實，只要有定心理準備，都OK ar~~當然我唔否決如果可以好好地、靜靜地享受下d 食物咁就更好啦~~另外，可以睇得出老細真係好專心煮野，佢好少好少出聲，只係掛住煮野jar...難怪咁好味!!!

由開鋪到現在已光顧了好幾年，食物水準大致穏定。這個星期日心思思又再前往，要等位，但因為我們是四人行，無辦法啦~<br />這次再要了叉燒鳥冬配麵豉湯底，不錯的配搭，可能是個人比較喜歡烏冬的關係。不過這次烏冬比較「淋」身一點，可能是老闆太忙了。<br /> 小食要了炸豆腐、芝士餃子及炸年糕。豆腐和餃子依然是我的最愛，本來想試試燒年糕，不過老闆娘說今天沒有，就留待下次吧。<br /> <br />ps老闆的女兒愈來愈見有專業waiter 的感覺!

已經去過3次。第一次去,係因為行經附近又突然記起雜誌介紹過, 便去試試。幸運地,有位。之後先知原來成日爆滿。拉麵有2種size, 細size女仔食剛剛好,但男仔一定要叫大碗。個人較喜歡豬骨湯底, 另麵豉湯底比醬油濃d, 更配拉麵。拉麵質地爽而不硬。小食方面, 芝士餃子略嫌不夠芝士味,可以再勁d。所以試左第一次之後,都冇再叫。見其他人叫年糕,我第3次的時候都有叫炸年糕,但比想像中差,係d汁好味搭夠。最好係炸豆腐,好滑,同本地的豆腐質感味道不同,應該係正宗日本豆腐。老闆娘係會不停叫你連汁食。但第3次的時候冇,就叫湯(凍)豆腐;嘩~ 差好遠。不建議。價錢同食物質素成正比。

同男朋友一人叫左一碗拉面，肥牛同叉燒湯底幾好，應該無０麥味精，面條削左小小，叉燒鬆化，拍得住函館，但函館得２塊，呢到就有幾塊重叫左炸年糕浸係拉面ｄ湯到食，年糕可以拉到好長，不過好”仔”，薯餅就熱辣辣，當然好味雖然落左單要比左錢先雖然只可以落1次order雖然唔定時間開鋪但我覺得食物唔錯之餘唔覺老板娘服務態度唔好，所以會繼續幫襯下次要試埋芝士餃子同大和煮

食爵士已經有成.......三年，但次數都唔夠十次，無計，唔係我唔想黎，係我成日黎到都無開。今晚決定帶女朋友仔黎，預先打定黎探路，make sure有開，接佢放學後就浩浩蕩蕩入黎聯和墟。黎到，竟然無乜人，可能時間尚早，拉麵款式比以前少左，得返肥牛，爵士，叉燒，雜錦，年糕揀。拉左之後，仲要埋芝士餃子同埋大和煮。拉麵一貫好食，麵質好，唔會好淋，好彈牙！湯底，一流，香、濃！芝士餃子好香芝士味！大和煮真係一流，牛肉入味，蘿白甜，薯仔又綿又甜...好好味。咁多年都係咁好水準！

d拉麵真係冇得頂，全港排名no.1，爽滑彈牙，豬骨湯底雖然唔係白色，但一樣咁濃郁。小食好多款，都好好味。拉麵推介：1) 肥牛拉麵：d肥牛好腍好香，甜甜地，份量多，正！2) 雜錦拉麵：配料十足3) 蔥拉麵：選用日本大蔥，好香，生蔥辣辣地，好惹味。小食推介：1) 芝士餃子：好香芝士味，唔太「漏」。2) 炸蝦：好大隻，蝦爽口。3) 炸豆腐：豆腐炸到外脆內滑，最貴係個汁(老闆娘話)。4) 年糕：脆卜卜，好煙韌。其實最正都係老闆娘，熱情到有d煩。老闆娘經典語錄：1) 食拉麵時，「飲埋d湯啦！d湯最正呀！」2) 食炸豆腐時，「d汁好正架，最貴係個汁呀！點多d汁啦！飲埋d汁啦」3) 食年糕時，「d年糕要浸架，浸耐d拉得長d架！」整體感覺：已經做到唔憂做，成日唔開門，放假又多又長，不過冇辦法，依然咁多人幫襯，都係因為好食。

呵呵～第一次寫食評，而家腦海裡全都係ｄ肥牛，我同男朋友一人叫了一碗麵，一個肥牛面”士”湯底拉麵，ｄ湯底真係好鬼正，唔怪得ｄ人話要飲晒佢啦，ｄ肥牛就唔駛講，入口即溶，好掂！係我食咁多肥牛中第２好食～～另一個係清豬骨湯雜錦拉麵，都好正！其他小食都ｏｋ架，地點就係馬會斜對面，係惠康隔離，好易搵！老板娘都唔係咁惡o者！^^

好耐之前已經幫襯佢, 因為住得近, 有時經過記低佢開鋪時間先去, 耐唔耐就會好掛住佢ge微濃湯底, 我食襯都一滴不溜ga. 小食最正係炸豆腐, D汁咸咸甜甜諗起都流口水ar老闆娘, 都慣lu~ 只要你跟足規矩, 都可以食得好開心ga~