91
28
40
電話號碼
51789788
營業時間
今日營業
12:00 - 14:00
18:00 - 21:00
星期一至二
全日休息
星期三至日
12:00 - 14:00
18:00 - 21:00
招牌菜
食家推介
2020年2月16日，香港新界氣温只得15至17度，天文台出示了寒冷警告，出街必定要著羽絨。大冷天吃熱辣辣的拉麵是最好的選擇，可惜的是因為武漢肺炎疫情嚴重，市民不願出街，消費力弱，香港拉麵界也作出了調整，有的將分店索性結業，有的縮短營業時間，有的將分店暫時停業，有的推出便宜套餐，有的響應疫情送口罩或消毒液，有的就靠標明自己是黄店依靠同道支持。粉嶺有兩間店子賣拉麵，東京拉麵兼賣烏冬同丼，唯一拉麵專門店爵士拉麵這夜依然滿座，我入去感到氛圍熱情温暖，這正正是寒夜最需要的東西。為何我會說一入這間麵店感到無比熱情温暖?首先是不論店長小村美樹又好，或是三名工作人員又好，雖然顯得忙碌，總是開開心心一邊工作，一邊帶著口罩傾談，舖內近九成食客似乎是附近的街坊，亦在等候拉麵送來或在食拉麵期間，與員工及鄰枱食客傾談互動：這邊有個食客不知哪有洗手間，那邊就有個食客指示路徑，員工亦即時送上洗手間鎖匙；門口處有食客入內示意外賣及點餐，員工忙於寫紙記錄，食客表示不要餐具收費是否減低$5，另一名食客笑笑口即出聲表示用碗只收$5，好不熱鬧。說起外賣，爵士拉麵是提供外賣服務，食客可以用麵店的卡片上的電話先致電，然後才到舖頭領取。拉麵麵條和湯頭是分開膠盒盛載。當然現在流行的電話外賣流動應用程式也可以叫外賣服務。爵士拉麵標榜自己有北海道旭川拉麵的風格，拉麵湯頭是醬油、味噌及辛味噌，而餐牌有點似香港車仔麵的風格，先點湯底，其次拉麵，再點中碗還是小碗，最後要否小食及飲品。這裡的拉麵材料也特別，例如有肥牛、年糕、雞翼及仿蟹柳條，真的十足十香港車仔麵那樣。坐我右邊的食客叫了一客中碗爵士拉麵($98)，真的什麽材料也有。而點菜也很有趣，坐我左邊的食客想吃中碗辛味噌少辣年糕拉麵及三隻炸雞翼，居然直接大聲向廚房叫道:「C2中小辛三隻翼」，而我想要細碗醬油叉燒拉麵及炸雞五塊，以及可口可樂，員工記錄在紙上同時向厨房大叫:「B3小五小粒」，我即時感覺自己仿佛去了米線店一樣。主廚小林美樹雖然是日裔，但地道香港人，收到訊息後同樣以廣東話大叫「喂，收到」。爵士拉麵就是這麽有獨特個性，至於味道方面我亦認為很獨特，並非外間麵店一向的味道，雖並非特别好食，但起碼大件及抵食，細碗拉麵加五粒炸雞已夠我這個肥佬胃口。炸雞塊大粒脆口，味道有點怪，一啖有胡椒味又熟透的雞肉，另一啖卻無胡椒味又僅僅熟。叉燒大塊肉質非太瘦，但要牙齒咬合連十數次才可吞掉整塊叉燒肉味不平均，一邊有味一邊無味，我在懷疑是否和醃料及醃製時間有關。至於拉麵醬油湯頭我認為不錯，與我在北海道吃到的旭川醬油拉麵相同，同樣有醬油的鮮味，咸度屬點綴性質沒有太強烈的餘韻，不需飲水解口渴。說起飲水，這有室温水、冰凍茶或熱茶供客選擇。這一餐我吃了$126，拉麵炸雞雖然一般，但飽肚暖心，街坊人情味無價，會再光顧。
繼續閱讀
幾年前經過都冇機會入黎食兩公婆打理 會不定期休息 而開店日子總有好多人聽講近年由下一代接手上網見到放哂開店同關店日子所以就刻意揸車入黎不過聯和墟既街 兩邊都泊滿哂車。。感覺都幾壯觀。。比較少見( ´▽｀)巴士應該就真係過唔到黎到緊係一定要叫最出名既爵士拉麵！所以推薦左同行者去食( ´▽｀)就係肥牛 蟹柳 蛋 粟米 葱同拉麵隻蛋冇平時見到流心既情況有少少失望 肥牛就係好普通既肥牛 好其實我係唔食牛既 所以我就叫左雜錦拉麵加叉燒奇怪既點黎啦( ´▽｀)叉燒拉麵同雜錦拉麵加叉燒 係同價錢但問到叉燒拉麵有冇雜錦既配菜又冇嫁喎！同爵士拉麵就差左肥牛我嗰半隻蛋就更加熟 拉麵都係流心蛋比較過癮叉燒係薄薄幾塊 本身冇額外調味湯都冇乜驚艷到我其實面既質感偏軟 冇乜咬口 但唔係難食所有野都好普通 大概同味千相約但真係又冇乜好彈叫左份餃子即煎既 每隻都煎得好平均菜肉餃黎既 包得好飽滿入面都有少少肉汁都係應有水準範圍既餃子最後再叫左份炸雞每一舊雞都好大舊即炸 粉漿唔厚 熱 入面好熱 小心辣親少鹹 味道良好如果想口感清新啲可以用埋檸檬總結一下 價錢其實都合理拉麵一向都唔係平 佢算料多同量多冇乜讚同彈既地方野食以外佢隻碗有種中國風既味道( ´▽｀)令我又諗起中華一番
繼續閱讀
呢間拉麵店已經幫襯左超過十年以上，由昔日日本爸爸打理到近幾年阿囡承接，只要用心打理，食物水準依然出色炸物小食出色，油份收乾咖喱薯餅日式炸豆腐豆腐外脆內軟，最重要是醬汁調得非常出色是靈魂所在拉麵有兩款大小，湯底有三款味噌、醬油、辛辣，大多數我都會選擇辛辣，那種辣調味不會死辣叉燒是必選的，而且是每日新鮮製造，肥瘦適中，不會有罪惡感醬油味道更清澈雜錦拉麵👉🏻叉燒、蟹柳、粟米呢間拉麵我一直有幫襯，因為食店的拉麵是最簡單幸福的味道，也希望食物質素能保持下去
繼續閱讀
聽聞呢間小店上過報道，去到店門口見到入面都幾多人，對佢既期待都幾大🤪入面裝修好有日本傳統拉麵店既風味，圍住廚房既吧枱，廚房外有一個staff主要落單，落單既時候會一次過收埋錢既😛講番野食，湯既部份分三種，濃味既味噌（+$2），較清既醬油，同埋兩個程度既辣味（+$3），另外面份量都有中同細既分別朋友就叫左個中辣中size叉燒拉麵，食拉麵第一啖當然要試試湯底啦，辣味都叫唔錯，係種乾辣既感覺，係喉嚨位置速來速去。但主菜叉燒食落就好鞋口，份量都得兩塊唔算多，老實講未食過質素咁差既叉燒😵拉麵就係波浪蚊形，口質都幾彈牙算係唔錯，但叉燒的確係敗北點🤦🏻♂️我就食左個醬油味中size肥牛拉麵，醬油湯底的確好清新，唔太重味精，肥牛份量幾多但比較碎同散，同埋煮得有d老，食落都係一般🙊佢另外有個招牌爵士拉麵，包括左肥牛同叉燒兩種配料，但今次試左主打拉麵既兩種主菜都麻麻地，老實講的確幾失望，同埋份量價錢唔算好吸引，大家有機會食既話可以試下其他主菜既拉麵，始終湯底同拉麵都做得幾出色既😉
繼續閱讀
喺聯和墟好出名嘅呢一間拉麵店細細個就直到而家。好多人話佢質素下降，但係其實我又覺得冇咩分別。但係以前成日去都摸門釘，而家覺得服務好咗反而係一件好事。今日食咗呢個肥牛拉麵叫咗麵豉湯底，個湯底好有麵豉嘅香氣。我一嚟飲左幾啖湯先再食個麵，面底軟硬適中，食拉麵嘅面軟硬度非常之緊要。大部份嘅拉麵鋪都有得比顧客選擇佢鍾意軟硬度。爵士拉麵都唔例外。而肥牛不過不失啦，起碼唔會有好多雪藏味搞到個牛冇晒自己嘅味道。希望呢間小店可以繼續做落去，可以比我一直食返細個嘅味道啦！
繼續閱讀
您可能會有興趣的...