爆丼屋 (已搬遷) 新店位置

之前放工經過次次都覺得好吸引所以就試左次！ 果陣仲係未有好多人去食既入到去服務質素吾錯但見到menu見到價錢都偏高諗住點都試下就照叫我叫既係火炙飯店員會係你面前燒 仲會問你想生啲定熟啲見到實物感覺上無圖咁大碗左口魚只有三片。。但係就好多都係飯魚生既味道係正常 不過不失不過壽司飯係幾好味總括泥講我覺得吾值咁貴。。試一次就好了

論價格都已經唔係平，論食物質素亦晤見得好，請到服務，係從來冇試過見過咁差，員工連基本禮貌都冇，佢哋應該多啲培訓，部份年輕嘅員工！！冇下次！咁得失客人耍冧九折都冇用！

睇完戲，試下佢可惜～由等位到食，都是趕頭趕命，人太多不是好事，質數只是一般，食放題更開心價錢和質數差異，只能說又中了香港的熱潮～可能食材來貨影響整體質數～可一不可再

貴就唔在講，多人都預左。員工好熱心去幫我地收走枱上既碟仔同加水都好熱心。但我地兩個人係坐面向牆既bar枱， 員工每五分鐘就過黎望我地有冇需要雖然係好勤力，但同時都好煩擾。完全唔比機會人傾計， 仲每兩分鐘就𥄫下我地，老實講 成餐飯都好唔自在。😢食物方面，其實爆又唔係好爆。丼飯黎講個飯又煮得太濕。牛肉太un絕對唔會再推介，亦唔會再去。

午餐時間去，等左一陣就有位，坐低有人放低一杯茶及沙律，但無俾menu我，我都費事等佢地，我自己去拿一份算喇，宜家依一刻我覺得都ok嘅，午飯時間比較忙係可以理解食完個沙律，等左一陣，碗飯就到喇，我影相嘅時候都覺得幾好，但用筷子夾開一片魚生，就發現係飯，全部都係飯，魚生唔特別好味，應該改名爆飯屋，完。p.s. 啲飯多到食唔曬，好鍾意食飯嘅人可以一試

晚上11點左右…黎到呢期hit 爆 ge 爆丼屋。人潮終於散去…雖然負評不斷，堅決要試一次分辨真偽！與同行友人各叫一個刺身丼。甜蝦盛丼$138 - 甜蝦屬於比正常較粗身少少果種，與menu 圖片都有8-9成似。但一食落去，蝦肉先唔好講鮮甜味，係完全無味，而且唔粘身。帆立貝三文魚籽盛丼$168- 帆立貝有厚切和薄切兩款…帆立貝不是特別鮮甜，三文魚籽同屬普通貨色。只能說不值168ge 價錢。丼飯會跟面豉湯，飯量是很多，但現場所見，其實無人食得晒d 飯爆丼屋都係sell噱頭居多，太普通了。

要數香港近期最紅的餐廳，位於旺角的爆丼屋應該都係大家聽得最多既餐廳之一。爆丼，顧名思義，係日本傳統蓋飯上面將份量加大，理應飯和配料的比例不會改變，先係合理的。話明叫近期人氣餐廳，所以超多人排隊，排左差唔多45分鐘先有得入座。座位好迫，坐得唔係好舒服，台與台之間的空間感近乎0。叫左個三色海膽飯，分別有韓國丶加拿大同北海道的海膽飯，表面用火槍燒過。點解我會話佢地唔識得整海膽丼飯，有幾個原因：1. 用火槍燒海膽絕對會將海膽的鮮甜味減低。雖然用火燒可以減少水份從而將味道加濃，但海膽味係佢火槍「過份」的燒焦下，鮮味同香味全失，浪費海膽。2. 海膽不夠新鮮，可以見到海膽一上台時已經水水地，冇新鮮海膽應有的顆粒分明。3. 海膽料唔足夠。係佢XL Size的飯上面只有薄薄一層的海膽，根本做唔到一碗丼飯應有的飯同材料比例。食到後尾冇哂海膽重有大把飯。總結，一間收你200蚊又要排長隊的餐廳，座位迫丶用料唔新鮮又冇香味又材料又少的丼飯。你真係食埋我個份啦！

又是Blue Monday返工星期一！好快休息了三天，今日又要返工。因為公司在油麻地，距離爆丼屋只有5分鐘步行時間，心想決定對自己好一點，就去這裏試試！在放工前大概六時，先致電給餐廳看看排隊情況如何。二人枱竟然完全不用等。可惜還有大概1小時才下班，唯有早點把工作做完，快快下樓😭我大概在6:45到達，門口已經有大概20人在等候。最終等了大概45分鐘，就有二人枱了！今天點了兩款食物。先來說說爆盛慢燒牛肉丼。上枱是真的有點震撼。牛肉大概有一隻手板高，用鐵簽鞏固，防止塌下來。牛肉鋪滿在飯上，加上燒汁，白色芥辣，及生蛋。全部撈起來一起吃。牛肉質感尚可，略嫌有點硬，而燒汁也太多了！多到滲進飯裡😳整體食感一般。之後點了四重火山盛丼。四重配料為松葉蟹肉、三文魚子、加拿大海膽、及拖羅碎。拖羅碎有toro、甜蝦、劍魚、八爪魚等等。四款配料加起來都幾夾。海膽鮮甜，三文魚子有鮮味，松葉蟹肉肉質新鮮，拖羅碎就一般般，味道略淡。很奇怪飯上的魚生不熱不凍，吃起來的感覺怪怪的。加上要用很多醬油來調味，這個價錢吃起來真的有點不值。溫馨提示：廚房出餐的方法主要是每次出同一款丼。所以如果隔離他跟你點的是一樣，無論早或遲來的

朋友介紹話海膽好食值得去試、咁今日就去排隊試下佢海膽飯有幾強啦位坐得唔舒服都預左，刺身同壽司都好快到見到果到既樓面妹妹用火槍燒到個魚生飯燶哂，（好慶幸果個魚生飯唔係屬於我）2碗海膽飯黎到、雖然賣相唔係好似網上咁靚咁爆、但都鋪滿哂見唔到飯！但味道真係麻麻、海膽未至於苦、但係完全無味架、加埋食左600幾蚊、如果想食好少少、坐好少少、都建議唔好去哩間爆丼屋👎🏻👎🏻👎🏻

路經旺角，得知開左間新店就忍唔住去試。新店初開都算多客，不過員工嘅服務態度就好一般，佢地求其咁安排左個位俾你坐就算，後來上菜時，侍應雙手拎住碗味噌湯，完全無叫小心等，就從客人後面直接上枱，萬一唔小心就整碗淋落客人到，所以我覺得初期培訓十分重要。赤蝦海鮮盛丼海鮮種類其實唔算多，眼見得果4款- 赤蝦、三文魚、帶子同蟹棒，咁都算海鮮盛？😞幸好刺身都算新鮮，味道算正常一般，唔會食左就唔知食緊乜。不過飯就算多，有一碗飯嫁😂另外呢份壽司其實唔算多，只得六件壽司，如果係男仔食嘅就未必夠，味道都係一般，唔算得特別有驚喜同好食。如果以呢個價錢食呢d質素，我覺得一般般

完全中伏排左成個鐘頭隊，終於試到爆丼屋，點左個三色海膽盛丼，個丼唔係好大碗只係放左一層好薄薄海膽，視覺上睇落真係好爆，當我用筷子夾起海膽就知道巳經中哂伏，海膽真係好少，話用北海道，加拿大，韓國膽，我真係食左有韓國即大連海膽嗰種苦澀味道，加拿大海膽而家係邊間食都無問題，又話有北海道海膽放左係邊，係唔係北海道海膽又移民左扎，我大連，整個飯味道巳經有問題，以$238根本係唔値＄168到＄188咁就會覺得底，另外點左一個爆盛慢燒牛肉400g，外面係幾爆，牛肉有一陣雪味，嗰秘制蒜容汁，只不過係叫一隻現貨汁水加蒜容，飯多過牛肉，收＄188話平唔平話貴唔貴，以咁牛肉來講只係值＄128，兩個飯總括來講，外面真係爆，但入面材料與價錢不成正比，客人眼睛係雪亮，唔係唔放材料用其他代替，做生意係要講誠信『中伏中伏中伏』。

早就想試試最近好hit的<爆丼屋>，但每次經過看到門口等位的人羣都會受到驚嚇。今日有時間決心等下位啦！前面仲有90張飛......等左個半鐘，終於入座，面壁思過位三文魚火山盛丼三文魚麵豉湯，料多，有誠意。主角，真喺爆多料，成座火山咁呀！要先夾開啲三文魚先可以容易啲進食。除左三文魚，三文魚籽，拖羅蓉，入面仲混合左八爪魚粒同魷魚條。配上附送紫菜伴食，口感更好。總括食材算新鮮，雖不是最佳，但分量同噱頭取勝~

三色海膽無左加拿大海膽，但無損興致，一樣咁鮮甜，至於牛肉份量大得驚人，推薦食mega size ，因為份量double 價錢只貴一半，搵多幾個人share 剛剛好，好滿足幸福的一餐。溫馨提示：原本要等三十個人，但前面好多人走左去，結果少於半個鐘可以入座，大家唔好離開咁耐，重有間野開到深夜，以後宵夜又多個選擇😝

去日本食完redrxxk就念念不忘見到香港竟然有疊到咁高既牛肉飯緊係狗衝啦味道：*細牛肉飯*- 牛肉太熟太厚，無乜牛味- 汁醬補救，味道還好*加拿大海膽手卷*- 海膽味鮮，紫菜有些少炭燒味好香，唯獨不滿飯是暖的，美中不足。不過我開呢個食評其實係想講服務！我叫侍應拎對筷子比我，然後大叔就響堆濕立立鯨緊水既筷子拎左一對比我，然後大叔徒手將對筷子由。頭。卒。落。尾，來回幾時務求對筷子無咁濕，我真係睇到無哂胃口........大佬，你估你對手好乾淨？！唯有接過對筷子用紙巾喪卒..........完。

琴晚同姊妹一試潮流7點40分攞飛，當時叫到110左右，我地170號所以走左去行街，行到8點，就差唔多啦𥚃面唔算大，所以入座都等幾耐不過上菜速度其實可以接受我地叫左兩個小食，兩個盛丼先嚟既係玉子明太子燒上菜個陣好熱，明太子醬又好味係40幾蚊，價錢都可以之後嚟既係鵝肝壽司呢個就麻麻地，鵝肝又薄，食落又唔重肝味都要50幾60蚊主菜上啦，火焰盛丼有三文魚，帶子，蟹柳，左口魚邊全部都有三件以上燒得好香口最中意既左口魚又夠厚120幾蚊呢個係抵食仲有一個三色海膽盛丼上菜個陣好開心因為真係好多海膽入口好creamy我覺得中間個種大海膽係最好食淡色海膽就甘啲，深色個隻就麻麻呢個就貴啲，2百幾蚊不過我覺得未試過既都可以試下既多食就未必太推介