爆丼屋 (已搬遷) 新店位置

日本菜真係百食不厭， 尤其是壽司同埋刺身飯～之前係網上面不停見到呢間鋪頭嘅報道啲相仲要好震撼啲料勁多！所以都決定來試一試我大概六點鐘左右到所以唔使排隊一共點左兩個刺身飯呢個而火焰為主嘅刺身飯一邊有左口魚蟹柳三文魚同帶子再加左隻蛋看落係滿滿嘅一碗大其實個個都比較細所以顯得入邊d料更加多火焰三文魚唔算肥中規中矩左口魚就真係好肥美好多油魚香好重帶子都叫鮮甜蟹柳就一般啦啲飯軟硬適中啲壽司米有拗口品質不錯飯嘅份量都幾多如果係女仔嘅話要兩個人先食得晒另外點左個三色海膽飯，跟咗一隻蛋係上面呢個飯嘅含量又冇頭先個會咁多三隻海膽味道分別唔太大最大快嘅嗰隻海膽味道偏淡大口咁就冇咁散三隻都帶甜味唔會有苦澀味不過食得多都幾溜我同朋友一齊食兩個女仔都食淨大半碗飯整體味道唔錯，用料新鮮唯獨店內坐位安排比較緊迫以呢個價錢來講就坐得不夠舒服

諗住新就試吓啦！！環境座位比較狹窄！一碗飯真係太多！如果一碗兩個人既食既可能都得既！如果有大細碗既會好好多囉！啲料係多但啲飯可以少啲囉！但又唔係話好好食！啲料唔係太新鮮！！食完之後簡直就飽到嘔！

一早在網上見到好多post推介呢間餐廳 撞岩放假咁岩經過 重點唔洗排隊太耐 就食佢啦！海膽手卷有2款 唔知揀邊個好 食個加拿大限定應該冇死頭幾啖係好感動好幸福嘅感覺 因為成個口都係海膽 當冇哂得返個飯 係幾灰。必食甜蛋 上檯仲熱 yummy太多款想食 但胃容量有限。點咗呢個火灸帶子蟹棒三文魚左口魚丼其實真係幾鮮 都好飽 如果同台北出名丼飯比 香港呢個係嬴少少 起碼大飽d又平d

今日夜晚同左個朋友去食，六點鐘去到等位七點幾先有得坐，而且服務態度麻麻，等位安排混亂。我哋之後叫咗兩個丼食，比想像中細，可以叫做飯丼，食到一半可以Wasabi撈白飯。啲刺身口感可以叫做OK，但係就唔多新鮮同埋份量好少。仲有個玉子燒，又甜又老，元氣都仲好食過佢好多。總括來講價錢唔算平，真係食一次就夠了。

又到星期六～又係時候試新野既時候，近期人氣爆燈既爆丼屋啦，下午路過見唔洗排一兩個鐘就去朝下聖啦好好彩5分鐘都唔洗就可以入座，今次試左個火灸魚生飯一坐低就黎個沙律，開下個胃先👍🏼之後就魚生飯喇～三文魚夠肥美~正魚背超滑又厚身唔會一夾即斷～抵贊蟹柳就普普通通。值得一提蛋黃混合飯一起，係超級好食差d想追加一隻蛋整體係好食會再黎**下午會有午餐可供選擇**

相片非常吸引，但只有個樣好睇，魚生份量很多，但係材料唔夠新鮮，所以唔好食，即係好睇唔好食，價格也偏貴，坐位好逼，坐得不舒服，只有服務和店內環境不錯，食過一次後都不會再去

建議細食既同朋友share兩人一份井，再點其他小食～星期六同同事2點左右摞籌等，過對面發記(一般般)食住等，等咗45分鐘左右首先環境乾淨，簡潔，服務態度友善，勤斟茶，几ok！一坐低就有一人一份沙律，好食又健康跟住我地都係叫咗同一份(唔記得乜名)，開始食就發覺……其實食唔曬唔係味道唔好食，而係太大夠，好快覺漏。如果d刺身再凍d就更好啦唯一覺得個面豉湯太鹹d 服務員個個都好友善，呢點係几好其實留意到其他台都好多人食唔曬d飯，所以覺得最好唔好share井下次都會再試其他井

十一點五十幾分去到，門口已經排左6個人，真係咁好食？入到去揀左個鰻魚丼（忘了拍照），我朋友揀左牛肉丼，一零八蚊一個飯，包一碗仔沙津菜。牛肉丼上的牛肉是凍的，而且好似生得濟嘅樣，我朋友表示唔好食。 到我個鰻魚飯，等左好耐，鰻魚份量十足，但味道就普通，唔值呢個價。如果要我排隊先食到呢餐，我就唔會去啦。貴之餘又普普通通

見買廣告咁勁，都知大熱店，夜晚一定勁多人，所以一個人中午嚟試試先!攞飛後，大概等左1個鐘，但眼見啲長枱都有位，但由排籌要順住叫，變左有2位都冇人叫，因為下張籌係4位! 太不靈活處理，入坐後環境好嘈一小後!好期待，落Order後，十幾分鐘先有，賣相好靚，好多材料，當然相機食先啦！其實味道就的確冇特別，壽司飯冇咩好評價，而帆立貝，同三文魚子既顏色感覺新鮮，食落都係沒有一種（嘩!好鮮呀！）冇囉失望，好多大型超市都係咁架，如果問抵唔抵食，呢碗嘢加埋一，就$180，真心說不值，細細碗，飯小小，料多多，但只係大家比多啲價錢之外買多啲平價料比自己食遮我覺得廣告完左，熱潮就冇，變回超普通日本餐廳

✌🏻️呢排興食丼，見網上不停轉載相片好吸引，為食既我又黎排下先～😋其實幾好味呀～點解有人會彈佢d野食&服務差呢？😍每個丼都好多料，晚市咁忙+成百張飛係出面排緊，服務員既service都不錯喔！👍🏻上菜快，周不時會加茶，連埋單時都好有禮貌！😮個麵豉湯有驚喜，平時我都唔鍾意送個d麵豉湯因好多都好似即沖包個d又咸又多粉又味精！但佢地呢碗有肉&好多其他配料～Nice！😉 一碗既份量都可食到飽飽，比起其他鋪既丼都算大碗d! 所以這價錢算合理&好滿足！👀見到人地食個三色海膽都好正，下次要再來食！

好少寫食評，但係真係抵唔過眼！實在名過其實，大而無檔，啲飯裝到成坐山咁高，視覺上好似好豐富咁，但淨係舖幾片toro係上面，又簿又唔係特別鮮味,而海膽又唔係特別新鮮，表面上好似好爆咁，其實得面0個浸，要$250一個人，賴過一次，以後唔好再受騙！咁既價錢有其他更好既選擇！

上星期lunch time試新嘢，好多人排隊等咗25分鐘終於入得，叫咗$90刺身丼，真係好抵食，有2條大大隻既蝦，帆立貝切得好厚，三文魚非常身鮮事隔幾日，今日再去食，真係超失望...同樣既刺身丼，點解差別會咁大? 啲蝦換咗另一款，帆立貝同三文魚切到勁薄，完全縮晒水真係要諗下會唔會再去

琴晚8:15pm左右到步攞飛，雖然等成百幾個number，最後等咗一個鐘有多，不過絕對值得！飯有口感，材料十足，誠意之選。外面差唔多價錢嘅都食唔到呢個質素。款式選擇唔係超多，但全都係我最愛 😍😍

真係食到一肚氣… 本來開開心心諗住睇戲之前試新野，但就係門口等左成半個鐘有多。本身自己就唔係話冇耐性等ge，一黎睇到佢舖唔算大，位又唔算多，都冇諗住會等到嬲。但一見到佢入面d店員好似食左成斤豬油咁慢慢執又慢慢抹台再慢慢擺位真係火都黎…明明係四人台都要兩個人慢慢去擺位，擺足幾分鐘，擺好又唔係即刻可以放人入去。見住我地張台吉左成五分鐘先比人叫入去坐，真係火到爆。總之入到去就諗住會好少少啦，點知原來最終大魔王都仲未蒲頭。等食物上台個一下就發誓以後唔會再黎。朋友叫左個甜蝦魚生飯午餐，一個三文魚魚生飯午餐同火灸魚生飯午餐。唯一得火灸個飯係正常，其他個兩個就真係 "創作力量同幻想 會嚇你一跳"。甜蝦飯入面兩隻甜蝦個頭都係黑色…仲要係好似三眼仔咁，中間好似多左隻眼咁全黑，連隻鉗都黑黑地。三文魚個碗仲好笑…個d魚生全部都有柚子味，仲要係韓國用黎沖野飲柚子蜜個隻味，再唔好講三文魚係全瘦，搵滴油都冇…我食鰻魚飯最大件事…鰻魚都費事講，剩係佢d飯沾滿鰻魚汁都已經想死…可能會話多汁撈飯食咪好囉，都唔係多到好似湯飯咁，每粒飯360度都沾滿住厚厚ge鰻魚汁，咸到即時想換腎…結果明明係空肚食午餐都食唔哂半碗…唯一可

等左兩個鐘，終於可以開飯喇！坐位有d 窄同迫，拎住好多野既人就要考慮清楚先排喇！唔係無位放！ 叫左三色海膽盛丼、帆立貝．三文魚籽盛丼、玉子明太子燒！玉子明太子燒好香！三色海膽盛丼海膽控一定要試，一次滿足晒你要求！我個人最喜歡吃加拿大海膽夠鮮甜！帆立貝．三又魚籽盛丼，超多魚籽，同好鮮！連我甘唔like 魚籽都可以食左幾啖！整體d 食材幾新鮮！值得一試！