爆丼屋 (已搬遷) 新店位置

夜晚10點半諗住試下附近新開既鋪頭，出面有大約十五六人排隊。正常當然走入去問攞飛排隊，店員答我冇飛攞出面等下，要散咁啲人先有飛攞。但係出面啲人又唔係排緊隊，我又唔知幾時先叫散咁啲人同咩時候先會有飛攞。有生意的確唔會在意小客戶，但咁既安排的確令我有較差既感覺。

昨天諗住在這裏晚餐，但係太多人排隊，所以選擇左第二間。咁多人，諗住唔會太差。就算味道普通，價錢應該會好平，可能期望太高，今日食⋯覺得好一般，而且唔平，二百多元一碗海膽飯，以這個價錢，可以質素更好。失望⋯⋯去一次就夠。

Coworkers and I saw a commercial for this restaurant on Facebook and the next thing we know we're planning a lunch excursion. For lunch, this is definitely on the pricey side (Sashimi Set @ $78, Beef Set @ $108, Urchin Set @ $200+), but in my opinion definitely worth. Along with the rice, it also comes with a Japanese salad (Sesame Dressing) and Miso soup.I personally tried the beef and found it very tasty along with it just being a beautiful pile of meat (Mind you this is the lunch set, There

是夜漫無目的, 走入旺角新開既“爆丼屋”, 新開關係人不算多, 裝修簡潔店員親切, 睇完menu點咗火焰盛丼, 爆盛慢煮牛肉丼, 小食芝士魚餅, 火焰盛有三文魚, 帆立貝, 左口魚邊及皇帝蟹柳加隻生雞蛋, 配上輕輕帶醋味既珍珠米, 配料鮮甜配得上價錢; 另一個慢煮牛, 慢煮係以真空恆溫長時間去煮, 可鎖緊食物水分之餘又可控制肉質, 但呢個牛我就完全感受唔到係用慢煮, 肉質鞋口又乾身, 好彩係點了細size, 牙骹都軟埋, 希望之後會有改善啦, 始終係主打菜之一, 小食芝士魚餅係今晚最滿意, 有別大部分圓形厚厚芝士魚餅, 呢個方形薄身內裏滿滿芝士食落好有滿足感又唔會覺得太多太膩, 新店黎講算係合格

行過見到螢幕餐牌，所有飯既料都好似滿瀉咁，睇落真係好吸引，一於入去試！我嗌左個三文魚配吞拿蓉既丼飯，睇落同相差唔多，好多料，但食落真係好一黎。刺身係室溫，飯係暖既，三文魚唔肥，口感唔爽，好一般，而吞拿魚果部分佢好似話係拖羅黎，感覺都係好一般，有根既，睇黎刺身都唔係好新鮮，而且拖羅蓉帶有陣陣檸檬味，好怪，相信係因為隔離有啲芥辣八爪魚係附近影響左，變得更失識對我黎講冇落八瓜魚會更好，味道分明啲。不過但得讚既係佢個湯加左三文魚，係三文魚麵豉湯，同埋碗飯配上兩包獨立包裝既紫菜，都算細心。不過環境就差啲，相當擠擁，bar枱都冇地方比客人放袋，同埋好嘈。

今晚正當我喺旺角唔知食乜好嘅時候，見到琴晚仲裝修緊嘅爆丼屋竟然好神奇開咗舖！見到舖外嘅LCD果碗3色海膽飯勁吸引！諗住新開張應該可能有平，一打開menu，每碗飯最少$128起……海膽要$238……好貴……睇到眼都凸……最後我叫咗爆盛慢燒牛肉丼Small size，碗飯都幾多牛肉，牛肉燒到7成熟，不過由於係慢熱，所以啲牛肉唔係熱嘅，但牛味幾濃，又唔會有血腥味。牛肉上面分別淋咗蒜香燒汁同山葵忌廉汁，我就覺得山葵忌廉汁撈埋啲蛋汁一齊食最正！蛋汁令到啲牛肉同飯好滑好juicy，山葵汁有山葵味但唔辣唔攻鼻，反而帶點淡淡嘅甜味！同埋會跟一碗三文魚麵豉湯，味道鮮甜！所以哩碗飯絕對物有所值！下次試埋個海膽飯先！