爆丼屋 (已搬遷) 新店位置

見到網上不停有人share呢個重量級魚生飯出泥，我今日終於都忍唔住走左去潮聖一下！ 平日下午3時多，不用等位，但店內座位幾乎爆滿，也太幸運了！網上見平均輪候時間也要1小時的！ 甫坐下，店員便送上一人一碟小食—中華沙律。 點了兩個不同的丼飯。既然一場來到，當然點些比較特別和人氣的，最後選了四重火山盛丼和三色海膽盛丼。 四重火山盛丼（$298） 所謂四重，是指鮮松葉蟹肉、三文魚籽、加拿大海膽、拖羅蓉，份量很大，拖羅蓉像小山堆得高高的，旁邊放滿了不同的配料，非常吸睛。 拖羅蓉內有赤貝、赤蝦、劍魚腩、帆立貝、紋甲魷魚、三文魚籽 食材非常新鮮，味道亦不錯，最重要是份量超足，細食的女仔可以兩個人share一個都得。 三色海膽盛丼（$238） 人氣的三色海膽盛丼是我非常期待的，當中包括了韓國、加拿大、北海道海膽，三款海膽顏色上稍有差別，味道以北海道海膽最為鮮味可口。 海膽份量非常慷慨，還稍稍用火槍燒過，中間還放了一隻雞蛋，味道鮮，還有紫菜伴著吃。 盛丼還配送三文魚麵豉湯一碗，味道超濃郁，入面配料又足，喝得出是用心之作。   

晚晚收工去到間野都爆晒人，排隊又排勁耐！所以今日就同朋友晏就去食，去到唔洗排隊，直接入座跟手叫左個三色海膽飯😺😺食落真係唔錯，好正👍我就鐘意將全部海膽撈晒d飯到一次過食ge!!! 野飲就冇叫到，因為都貴，汽水都要18定唔知2x，所以覺得唔係好抵，飲茶已經夠😺😺最後個海膽飯埋單238唔洗加一😏好滿足！

叫左一個火焰丼，135蚊，味道不錯，但每件刺身只剛好有少少重疊，舖滿就收工，得一層，下面飯就一大堆。飯醋味夠，但比較淋。要不滿的是，第一次去，17:25就到，桌上只提供一般menu, 慢慢決定後17:30落單，誰知有午午套餐到17:30, 呢個丼有埋前菜，仲平成5x蚊，職員只說我們落單時已過午餐時間，但如果你們一早通知我有午市套餐，有埋menu, 我就會揀！！如此對第一次黎光顧的客人，相信我唔會再黎第二次，更何況丼並不爆！！！

爆丼熱潮真係好強，日日大排長龍，今日早放工特意衝過來食個爆丼。5:30來到仍有位不用排，打開MENU原來有10款爆丼選擇難得來到當然不會虧待自己，豁出去點了全場最豐富的四重火山盛丼($298)，說真的初初我覺得一個丼賣298真的有點貴，但其實再睇其他丼大約$130又屬正常價，貴了的百多元就是去了海膽上，而自己去超市買海膽刺身都要過百元，所以圍返條數時又真是要這價錢。雜誌聲稱四重火山盛丼有12CM高，我忘記帶尺來，但目測都應該有，可能仲超過12CM。丼送到來時真是何其壯觀，感覺就是要吃掉一座山，一座由拖羅蓉制成的海鮮山。飯上佈滿加拿大海膽、三文魚籽、松葉蟹肉、拖羅蓉，海鮮好鮮甜，加拿大海膽有超市買2-3格海膽那麼多。吃飯時真的要小心亦亦，拖羅蓉山太高了，有倒塌危險!!由於丼的碗底是V形的，飯的容量其實如果一啖飯+海鮮一起吃，我自己吃到最尾時，飯和海鮮的比例是剛剛好的。下次可能會試三色海膽盛丼，一次可以試均韓國、加拿大、北海道海膽，真是超吸引。離開時約6:20，店外已出現人龍了。

近黎好出名既餐廳,今日放工去旺角睇戲,一放工就去食個飯先~六點一二到,一個人,好順利唔駛等就入左去,坐低望望MENU,都唔少選擇,張張相都好吸引,一於每次都食個唔同既先~火焰盛丼---我叫呢碗既原因係因為見到有火灸左口魚群邊,真係諗起都流口水~除左呢個,個飯仲有皇帝蟹柳,三文魚同帆立貝,全部都係火灸,係火灸刺身上面仲有隻蛋tim~~~D刺身食落都唔錯,而且火灸後既魚油香真係無得頂,一啖魚可以食幾啖飯~食下食下好快就清哂~佢送既面豉湯都有好多料~呢間真係想逐樣逐樣試哂佢~

講到緊記最Hit嘅大碗飯就一定係旺角呢一間專做魚生飯嘅專門店通常出面食一碗魚生飯最多都係一兩款刺身鋪喺面但係呢度食魚生飯就差唔多係刺身多過飯今日我就試左四重火山盛丼上面鋪住咗成個金字塔咁高嘅拖羅蓉一擺上台淨係見到個拖羅蓉都已經嚇死人再望吓周圍就見到有超級肥美濃郁嘅海膽另一年面就係好似唔駛錢咁多嘅蟹肉最後一面就係大大粒爆滿嘅三文魚子個吞拿魚茸超級肥美而且鮮甜無比直情唔使加豉油再拌飯食都已經甜到呢再配合埋肥美嘅海膽再增添左一份海水的鮮甜再食落口仲可以食到粒粒分明嘅三文魚子而且蟹肉都唔可以放過一疏疏嘅蟹肉完完全全感受到蟹肉嘅飽滿如果一次過用晒四款材料再拌飯每一款配料都有佢特別嘅鮮甜同埋優勝之處完全唔會話一款配料霸道咁佔哂成個味道下次要再試吓其他款嘅丼飯

呢排係咁比臉書朋友洗板, 個個都PO呢度大大碗既刺身飯, 今日出開旺角點都要黎新屎坑下XD黎之前已經睇過唔少食評, 似乎好一般, 都有定心理準備閒日黎到, 7 點前唔算好多人等位, 不過入座後7 點幾8 點就開始好多人間野長期繁忙, 搭枱食飯是不能避免的本來想點海膽丼, 驚有伏都係唔好叫太貴, 最後點左個火焰盛丼 (HK$135 +10%)每個丼餐都跟麵豉湯餐牌寫住刺身係即點即燒, 一上枱係有陣幾香既炙燒味 賣相十分討好, 呃LIKE一流呢碗刺身有以下幾種:三文魚 : 唔算肥美, 偏淡帶子 : OK, 鮮甜左口魚: OK沙律蟹棒: 呢個最好味, 因為個醬好食整體感覺真係一般, 刺身質素冇驚喜,份量都唔算多 (係碗飯大碗)百幾蚊真係唔好抱太大期望 , 亦唔好拎黎同日本既比較...

今日6 點幾黎到排隊試最近好HIT 既刺身飯都要排半個鐘先有位打開MENU 見到個極上拖羅盛丼好似好正, 唔洗唸, 一定叫呢個拖羅賣相好得 , 食左一片唔係幾得 , 以為有日本食拖羅果種味 , 但食落冇味仲有筋叫做比香港一般賣緊成塊紅色既拖羅好D加埋一賣250蚊碗都幾貴半個鐘食完走人

聞名已久，今日路過一試，覺得名過其實我點了一客火焰三色盛丼，朋友點了一客帆立貝三文魚盛丼。來時那個碗等如正常家庭飯的一碗飯份量，為了營造爆多餸的效果，果然是見效的。因為在朋友圈傳閱的照片裡看根本判斷不了碗有多小。而這份量對於一個成年男人來說肯定是覺得少了點。除非你很喜歡吃白米飯，那肯定快樂到升天。因為掀開幾片魚生後，將露出一大碗爆丼白米，保證小小的碗量，也可以塞飽你的胃。值得一提，面鼓湯是好飲的整體而言，爆丼屋不是不好吃。但以這個價錢($82)，吃一小碗白飯，和一碗好喝的面鼓湯，我覺得試一次就好了

接近兩星期離開香港，講真唔掛住香港就呃你的。落機後的第一餐，真的有點掛念日本食物。香港人最愛的頭三位菜式，我想日式料理必定名列前茅。近期略有名氣莫過於築地·山貴無論報章雜誌都大熱刊登，人氣度一時無兩。九龍區也有日式料理打出名堂，就是今日到訪「爆丼屋」。 無論朋友或是報章已報道此店的動向，繁忙時間人山人海。今日特意平日前來潮聖，希望能夠一試它的威力。已經避開放工時間，但始終也是旺區的食肆，等待片刻也是常識吧。抱著食好西的心態，一陣子店員已安排了座位。 進入鋪內你會有一種意想不到的感覺，只是平日亦不是繁忙時間；能夠全院滿座可想其吸引力。牆身以灰色為主，全走簡約風格；桌椅都選用實木等材料，簡單又舒適。 打開餐牌與平常的日式料理的也是差不多，包括有丼、佐酒小食、壽司、烏冬、沙律、刺身、手卷等。但唯獨「丼」卻成為此店的主打項目，單看場內的客人必定點「丼」。「丼」的種類繁多包括:爆盛慢燒牛肉丼、四重火山盛丼、三文魚火山丼、火焰盛丼、重量級燒牛肉盛丼等，這類都屬於新穎組合。 還有傳統丼類:帆立貝三文魚籽盛丼、極上拖羅盛丼、甜蝦盛丼、三色海膽盛丼、燒鰻魚盛丼。 別以為只是『丼』那麼簡單，每個『丼』都有

之前雜誌廣告宣傳得好極既爆丼屋，終於有機會黎睇下龍與龍鳳!!先看餐牌，價值當然不少野，不過人地新鮮又日本拎貨都可以話置身日本食日本美食既!非常花算的有午餐SET，咁就比較吸引一點，唔知布無下午餐?餐廳位置有吧台同二人四人台，一個人的午餐就唯有安靜的坐吧台就好!好快手地就送上前菜(中華沙律)，免費食到超開心，因為一直很喜歡食，但出外要額外點就覺得貴就少叫!四重火山盛丼就隆重登場，爆丼屋個招牌是個甜蛋，笑滿滿的三文魚籽，一弄破個汁起個口腔化出來，超正蟹肉碎會食到蟹既甜，因為佢無撕到好碎濕濕!另外一面更是看到加拿大海贍，會水份高一點，我較愛弄散撈飯，所以佢就算提供兩張WASABI紫菜都是分開食!高高的三字塔就是拖羅蓉，食得到劍魚腩、帆立貝、魷魚，因為佢留返幾粒起度，增加返個口感!好多人都話材料用得很少，食到最尾就只會吃飯!我就不太覺!我吃到一個洞既時刻仍然有好多材料在頂層，還未吃完整圖片，有個麵鼓湯，超滿足!

爆丼屋近日網上好hit，仲要係旺角旺舖位，朋友話晚餐午餐好多時都排曬長龍，好賣ge海膽飯好多時午市就賣曬，所以今日閒日去好期待食到！前菜係中華沙律，平時食最唔鍾意個底會有螢光綠色ge水，佢冇之餘，分量亦唔係俾少少你就算，呢碟算唔少，岩岩好，唔好食咁飽，因為之後個飯真係好大碗！份量好足，d料滿瀉咁滯！男仔食岩岩好，我諗女仔可以3個share都得重點推介一定係海膽丼（三色海膽盛丼），一黎自己好鍾意食，二黎呢款算抵食，平時食單款海膽手卷至少都要＄40，今次有齊三款，包括好出名ge日本馬糞海膽（海膽分別黎自北海道、韓國同加拿大），＄238都值得海膽fans去試下！因為馬糞海膽（左邊橙黃色）最貴，所以比例比較少，有幾甘香我諗食過ge都知，雖然分量唔多，但絕對唔係頭頭尾尾，就咁食唔撈飯都唔漏。中間ge韓國海膽好鮮好甜，片片完整，海膽fans好多都係鍾意佢軟身多汁ge口感，韓國同北海道兩款就岩曬喇！（同一碗飯）長身呢款就係加拿大海膽，staff話呢款海膽要特別火灸燒過，味先會更出更香，所以三款得加拿大呢款燒過，比較實身，非常厚肉肥美。有朋友同我講佢之前去燒到黑左，好彩今次我試又冇，不過因為冇左我最鍾

之前見朋友facebook 放左張成碗滿晒既海膽飯，比張相吸引左, 問朋友係邊到食, 原來間舖頭係旺角, 好近我返工位置, 今日中午，1個人悶悶地, 突然想食海膽飯, 就碰運氣睇下多唔多人排先， 去到門口, 巳有一班人等緊位， 我心諗1個人去食, 應該唔洗等, 真係好好彩, 即刻安排到位。我點左個3色海膽飯, 鄰座2位食客都係食海膽飯, 個海膽飯一送黎, 滿滿的海膽, 鮮黃色, 好新鮮好肥美，3種品種, 入口即溶, 都很鮮甜, 最後1個人食晒, 但真係好飽, 建議2個人食較好, 可試埋其他野食。

今天見很多人排隊，便去試試。等左接近九個字先到。我們叫左一客火炙刺身、一客拖羅飯。但⋯⋯根本不是真正火炙，只是略為火炙下，仲要凍凍的。而拖羅個樣好似牛肉，最初送上時還以爲送錯，味道就更加不用說，唔多似拖羅。最差的是座位很迫、職員態度認真麻麻。相信這次光顧係我的第一次，亦都是最後一次，因為價錢不便宜，但質素卻如此！

今日跟上最近既熱潮 到爆丼屋食個early dinner 好彩早到 因為6點開始已見排隊人潮在外 點左兩個正餐同一個小食 但先食個沙律先 個人覺得材料新鮮 配上芝麻醬 好食！正餐： 三文魚火山丼盛同慢燒牛肉丼盛 賣相不錯 但建議食爆丼屋前要留肚 因為個量都幾大（多飯打底）小食：玉子明太子燒 味道一般喇 無驚喜～