爆丼屋 (已搬遷) 新店位置

男朋友恨左食爆丼屋好幾個禮拜，今日終於還佢心願知道多人，我地一早5點幾已經黎到旺角，原來午市套餐至到5點半，但價錢好似無咩分別，只係多左個沙律咁解，癈事咁早食就拎左飛去對面發記叫個糖水hea 下先，不過數字跳得勁快要注意，所以中間再拎多左兩次飛，見下張到我地就岀定去等喇，等左大約廿分鐘就到我地。 我地叫左一個海膽飯，一個火焰盛丼同芝麻雞翼。等左大約5分鐘就到，先飲一啖面豉湯，估唔到咁好味，味道岩岩好唔會過咸，仲有陣海鮮味，真係想黎多碗。首先ko 個海膽丼先，真係份量十足，好興奮。北海道海膽最好食，口感creamy 易入口，韓國海膽個味就比較濃，都唔錯。不過加大拿果款食落有啲臭臭地，食到我變左樣。跟飯有兩包四洲wasabi 紫菜，拎黎包飯一流，其實佢個飯醋既份量比較多，酸酸地幾開胃，不過啲海膽愈食就愈漏，我同我男友食到一半已經有啲反胃xD...唔知係因為早食飯定係我地少食海膽，不過一個人真係食唔到，我見隔離枱連海膽都食唔晒就走人，好多都食剩飯。到食呢個飯戰鬥力已下降左一半。。。佢每樣料都有三塊，帶子同蟹棒幾鮮味，不過三文魚同左口魚感覺不太新鮮，左口魚我直頭覺得無咩味，好一般，加埋啲魚生肥

想食好耐，終於黎試下佢啦，晏就都要等一陣先有位，入到去我地嗌左個牛丼同海膽丼黎share 。由於人太多，就算order左都要等一段時間，所以一上枱個刻真係好想成個食晒佢🙊🙊🙊先講下個牛，由於晏就set lunch，所以牛既份量唔係話好多，但係都夠飽，只係個賣相冇咁震撼姐，味道係好既，d牛好似係buffet入面食到個d燒牛肉咁既，再加埋佢d好似沙律醬既sauce，令到成個人越食越開胃😋😋😋而個海膽，我好鍾意呀，好好味，d海膽好鮮甜，佢仲會有紫菜跟埋等你有多種食法。😋😋😋😋

又黎孤獨的美食家，係旺角一個人試下呢間，5點鐘唔使等位，叫左三文魚吞拿魚塔飯，跟前菜，湯同綠茶，$108，魚生份量足，三文魚新鮮，惜吞拿魚蓉無咩味，仲要未溶哂雪，成塊成塊冰夾到出黎，差。不過飯份量夠，夠軟濡，食完有爆肚感，果然爆。

近月來本地其一最流行的食風，便是日式的海鮮丼....除了有人氣爆燈的，小弟稱之為"灣仔丼飯雙雄"的豐州水產以及山貴水產市場以外，在九龍這邊的丼飯翹楚，必然就要數到這間名符其實爆多人等及吃的"爆丼屋"....聽到許多食友有關此地的負評，正因如此，亦令本來對這兒深感有興趣的我卻步了。今次的前來，純粹是因有天一家三口要在附近辦點事，完事後就急就章要找個地方落腳而已....本亦打算若人太多的話就要另覓落腳地，但碰巧這時段竟不用排隊可直行直入....那就真要註定與這裡有緣了....三人皆大餓，小友同時隨著年紀漸長食力亦與日俱增。讓他一個人自己吃一個丼，想必也是可以....這裡名曰"爆丼"，顧名思義無論是料抑或是飯量都是多到爆燈....太太的火熖三色丼，蟹棒、三文魚及左口魚邊堆得尤如小山高。個人雖略嫌火灸得比較求其不夠時間因而導致香氣不足，但不得不說句是三文的確是油脂夠豐潤的，左口魚邊口感脆爽似在吃零食般；蟹棒的甜度亦足沒有很重"假膠"味。至於置頂的生蛋黃實起著畫龍點睛之效，將之與飯餸搗勻來食，是滿口的滑溜甘香....我的慢燒牛丼，聽聞是店自慢來的。看到它的賣相，的確是驚人。我看那堆牛肉小山，好說

平時經過旺角行街，長期排長龍，原來是超有名食店，終於有得去食啦！繁忙時間超多人，起碼等一小時以上，建議平時去會較好！😀😀爆盛慢燒牛肉丼 MEGA SIZE 400G去到當然必點餐廳主打！牛肉丼一上枱堆到成座山咁高！😱😱😱牛肉入口嫩滑，肉味香濃，配上自家制山葵忌廉汁，充滿山葵味道香而不辣！見到廚房採用日本品牌的雞蛋，蛋汁香滑，蛋黃又圓又大，撈飯同牛肉就更正更滋味😋😋一個碗加一隻碟先裝得哂d牛肉😵😵極上拖羅盛丼除了牛肉丼，店員也推介拖羅丼，魚生是即日新鮮運到，拖羅上枱，厚切又多，有光澤，脂肪味濃，有入口即溶既感覺，超正！😝😝😝燒芝士魚餅、牛舌串芝士餡勁多，一咬入口芝士爆哂出黎，滋味十足；牛舌串咬入口香而不韌，小食都算做得幾出色！

講真，真係講左好耐話食，食到呢家都未試過，今日經過見唔多人，一個人仲要唔洗等，那那臨走入去食＝〕不過一食完出黎就勁多人喇～～今日試左個lunch set 5號仔 － 山葵角切魚生盛其實冇諗過算係平價的角切魚生都有三文魚腩同埋適量的魚子，魚生的份量唔算少，不過飯的數量都幾多下，我就食唔晒d飯喇＞3＜飯的醋糖比例係幾好的，最主要係好鐘意食日本野ge我，都幾留意wasabi的質素，呢間的wasabi感覺都似係高檔dd的wasabi，唔係一般工業辣，都有返咁上下的～

人氣爆丼，一於潮拜下最想試佢個海膽飯，但有時都要理性D，賣相就冇得輸，澎湃既海膽，好多~有三種唔同既產地，再來一客刺身飯，有帶子三文鱼等~都係燒過過面，但飯比較多~食起上來唔係太方便，服務員都比較緊張~因為座位不多~明白既

夜市時段，七點半等到九半，都無咩所謂。為一嘗舖頭既魚生。一食谷氣😡叫左拖羅丼、火炙雜錦丼（吾記得咩名）、玉子燒、海膽。講真加埋$700幾蚊，如果好食，都無咩所謂。拖羅有根、火炙雜錦又燒得吾均勻、玉子燒居然吾係一層層既、海膽難食。呢個價錢比啲咁既食物質素，係完全接受吾到😨💔💢 總結不可一不可再。

今日終於有機會一嘗近期人氣爆燈既爆丼屋，經過一輪迫爆既人龍後，終於進入環境舒適清潔既店內，第一時間已鎖定爆丼屋人氣推介既四重火山盛丼和三色海膽盛丼。經店長細心介紹後得知，爆丼屋既小食也是不錯既選擇;如九洲燒芝士魚餅、燒牛舌串、紋甲魷魚大葉卷燒等。但大家都知道爆丼屋既份量驚人，我最後選了十分吸引既燒牛舌串。菜式未到期間，留意到爆丼屋提供客人既茶是用茶包，令茶味保持香濃。下單後不需5分鐘，燒牛舌串已送到，牛舌串附上芥末子醬和檸檬，貪心既我試了四個食法:原味、加上檸檬汁、加芥末子醬和兩者都加。牛舌厚度恰當好處，有咬口而不會太硬，我覺得牛舌本身已加燒汁去燒，所以直接食已很好味。加上酸酸既檸檬汁和芥末子醬既令牛舌更為開胃。食完開胃既小食後，期待已久既四重火山盛丼和三色海膽盛丼送上，我第一句是:真係好多呀! 四重火山盛丼既巨型火山是拖羅蓉;由多種食材包括赤身、甜蝦、帆立貝、劍魚腩等6種食材而成，味道超級鮮味和清甜。旁邊還有味道濃厚鮮甜既加拿大海膽、大大粒既三文魚子和啖啖肉既鮮松葉蟹肉。而三色海膽丼賣相也相當出色,三種沿加拿大、韓國和北海道既海膽佈滿整個飯上中間還加了日本既雞蛋，把雞蛋和海膽同飯撈混

睇完東張西望覺得幾吸引再見到的食評好似唔錯所以就一於黎試下啦下午4點幾黎到都坐滿左7成人的位好逼 坐得唔舒服本身諗住食海膽飯 但見到個環境唔太想試最後叫左一個慢燒牛肉朋友話味道正正常常 不過好大碗一定夠飽舊舊牛肉都好大塊再叫左個火焰三色盛左口魚好厚 無左個種燒完應該要入口即溶既感覺蟹棒食落去既感覺好cheap三文魚就普普通通不過碗飯又係好大碗 食唔曬試完就算啦應該都唔會再食食飯最緊要舒服 坐得禁逼食啖飯都驚撞到格離就無謂啦建議如果大家真系想試就午餐時段黎啦大部分都係$100

早幾日同朋友去呢間食，佢話香港人氣餐廳喎。。。食過一次，好啱香港人去。香港人咩都最緊要夠大，睇食評就知。對我黎講，無下次。我食到一半已經想喊，根本上係大大舊魚生質入自己口，好可怕。如果你追求食物質素和細緻既，千析唔好去。

今日終於有機會去試食，十二點先開店，我地十一點四十五分去到就已經有人排緊隊。入到去坐，環境唔這錯，落單快，d嘢食等咗一陣就到，個份三式海膽盛丼～真係夠份量！！！係好食！！值得推界！

同朋友行完旺角搵嘢食未到食飯時間已經見到依間餐廳咁多人望到個餐牌都好吸引見到佢啲刺身飯係差唔多滿瀉所以即使咁多人都照同朋友排隊食等左一陣終於有得入去坐環境光猛，我哋去咗酒吧檯果邊坐餐牌個個都好吸引，我哋叫咗以下兩個四重火山盛丼$298賣相都好吸引，夠晒霸氣拖羅蓉多到成座山咁高仲有加拿大海膽、松葉蟹肉、三文魚籽拖羅蓉好肥美，將全部拌勻再食，味道好夾松葉蟹既鮮味突出左海膽既道加埋三文魚籽一齊食好有口感三色海膽盛丼$238平時食海膽都無留意原來分幾個品種依個海膽丼海膽多到差唔多滿瀉上面鋪滿分別來自韓國、加拿大、北海道既海膽第一次一次過食勻幾個國家嘅海膽每款都好鮮甜、 旁邊仲有紫菜可以就咁將海膽同紫菜一齊食整體都好滿足，賣相一流而且好新鮮，海膽味道唔會有怪味而且每一個丼都會變同埋日本麵豉湯所以咁大個飯再加埋飯可以飽足一個晚上

終於去到近期旺角既人氣餐廳「爆丼屋」一試！平時食飯時間見等位既人多都道路濟塞，於是今日就特意3點左右過左午飯時間先去。一坐低店員就遞上兩杯熱茶同中華沙律。睇睇餐牌，有丼、有串燒、又有午餐，選擇眾多，但我當然選擇"人氣丼"啦！《爆盛慢燒牛肉丼（大）$188》有大、細之分：小：230g $128大：400g $188呢個慢燒牛肉丼真係好爆！份量多到唔搵支鐵拮住真係會跌落嚟架！牛肉薄切，一層一層甘搭高，上枱時呈半熟粉嫩狀態，十分吸引！脂肪少，牛味濃，而且一d都唔乾，果然慢燒既煮法係可以保持到肉質既水份同埋鮮嫩度！呢個丼配有自家製蒜香燒汁&山葵忌廉汁！所以牛肉好香蒜味，將汁撈埋飯食仲正，令成碗飯都充足牛肉蒜香味！而山葵忌廉汁既味道似sour cream，酸酸甜甜甘，倒落牛肉度有吊味既作用！撈埋雞蛋食更正～再嚟多個人氣之選《四重火山盛丼 $298》！呢個無大細之份，因為已經好澎湃！（配有紫菜）四重 = 三文魚籽、鮮松葉蟹肉、拖羅蓉、加拿大海膽。三文魚籽粒粒分明，咬後爆開香濃泗溢；鮮松葉蟹肉鮮甜；拖羅蓉入口溶化，口感creamy,味道淡而帶甜；加拿大海膽色澤新鮮又肥美，味道濃郁香甜無腥味。拌飯食當

近來行經旺角都見到有間食肆好多人,今晚刻意早啲去試下因為早等了一陣就有位了。裏面地方好乾淨,大部份都是雙人位,餐廳較入的地方有些高櫈,類似吧枱。一個人嚟食都唔駛和人搭枱。方便。這裏叫做爆當丼,見到餐牌,有多款的丼，壽司和小食。我和友人當然要試丼。但我地棄食魚生,反而揀了兩個不同的牛肉丼。爆盛慢燒牛肉飯 ,有分唔同重量的牛肉有 400g 同 230 g 我地揀咗400g ,等咗一陣就到咗,原來每款丼都會跟一碗麵䜴湯。 麵䜴湯唔咸,好似有點蝦米味,熱辣辣,亦有唔少料。嘩400g 牛肉唔係講少,好似一座山咁,好多,還有隻雞蛋和白色的wasabi 汁。牛肉慢燒,中間仍然是紅色，每塊大過張“棉胎”,但每件都是薄薄的。雖然還是紅色,但無腥味。雖然大塊，但都好容易食,和白色的汁略有點wasabi 味一起吃,感覺好味 還要了一碗重量級燒牛扒竹盛飯 嘩,睇到件牛扒 足足一磅重。果然係爆丼。夾起一碗牛扒,還有很多在碗上。安格斯牛扒,都厚身,同慢燒牛肉飯啲牛肉又唔同。每塊都有黑椒味,好有趙口。飯份量都不少,撈埋啲汁一起食,好綿,好夠味,好軟熟。真的,如果喜歡吃牛,一定夠滿足。如果係女孩子,我唸一定要和友人分