爆丼屋 (已搬遷) 新店位置

林老闆話請食飯，所以大家都唔使諗，一致舉手舉腳食爆丼屋～ 個人覺得份量真係好大～ 大到可以兩個女仔share 一份！其實除左海膽，價錢真係唔貴！好抵食！山葵角切魚生飯，無論三文魚魚定係吞拿魚 都好肥美新鮮～ 火焰三色盛丼，蟹腳鮮甜美味無假蟹味～左口魚非常肥美，油脂爆盛～ 三文魚亦美非常肥美～三文魚火山盛丼，中間既拖羅蓉好creamy , 入口魚味沖足，令人難忘。加上Q彈多汁既魚籽同埋肥美新鮮既三文魚簡直停唔到口。鰻魚丼，鰻魚油香濃郁，而且邊位帶少少香脆，加上咸甜適中既鰻魚汁簡直yummy yummy~直得一提既係佢地既壽司飯，醋既比例岩岩好，balance 魚油既肥膩感，令人多食幾啖飯