燒肉酒場 (已結業)

十分喜歡吃燒肉的我，去過很多間燒肉場，這次是我首次吃到圓拱型的燒烤爐，據老闆表示這是成吉思汗式的燒烤，旁邊配搭著不同雜菜索汁，很有特色。冷盤先來一碟新鮮的椰菜絲沙律，為之後品嘗肉類打好底子。特別推介柚子雞腿肉，很滑身嫩口，千萬別燒太乾！羊西冷是老闆特別推介，簿簿的很有咬口 壺漬牛肋條也是不錯的選擇伊比利亞梅頭，喜歡吃豬人士必點炸雞軟骨，香脆惹味，是等待燒肉烤熟時最佳補給品壺漬牛肋條也是不錯的選擇伊比利亞梅頭，喜歡吃豬人士必點！炸雞軟骨，香脆惹味，是等待燒肉烤熟時最佳補給品！圓拱型燒烤爐能夠均勻地燒烤，平時燒特別易燒燶，今天特別燒得好，海鮮燒餅，餡料很豐富，燒得香脆剛剛好羊湯茶漬飯：很有特色的湯飯，吃完這麼多肉吃一口暖湯特別舒服總結：如果到銅鑼灣行街想吃燒肉，這裡食物質素高，坐得舒服，會是我的首選

今日同朋友去銅鑼灣行街，誤打誤撞上咗嚟呢間餐廳食午餐，餐廳以日式風格裝飾，一進門就听到日文歌，所以一開始以為是日式烤肉。但餐牌上寫著成吉思汗烤肉先知唔係日式烤肉。成吉思汗烤肉的爐很特別，中間高然後斜落去，燒嘢時啲油可以滑落下面，所以，覺得呢個爐都幾好。朋友係一個羊肉控，所以佢叫咗一個羊肉五品餐，而我就叫咗一個六品燒肉盛合套餐。所有套裝到包咗有湯、前菜中華沙律、野菜沙律、白飯、同唔同嘅肉。羊肉五品嘅肉就有羊柳，羊西冷，半卷肉，羊腿，羊架，完全係全羊宴，啱晒鍾意食羊嘅朋友，聽朋友講啲肉都唔錯，一d都唔騷。至於六品燒肉盛宴，就有豬腩片，羊卷，羊腿，牛板腿，柚子雞肉，牛舌。由於我唔係好食得羊，所以都俾埋朋友食，但係牛肉，雞肉同埋豬肉都好好味。

是晚友人帶我到這間燒肉酒場大吃燒肉。餐廳的設計十分溫馨，感覺有點像和一大班朋友坐在一起燒肉。燒肉盤中間有一個圓形拱起，方便把肉躺在上面，盤壁週邊有一些洋蔥用來吸油，以免燒肉時油會彈到身上。我點了一杯熱情果水果特飲，十分清涼解膩。雞肉少少調味，不會太濃味，吃落肉質十分鮮嫩，非常好吃。 不過燒雞肉要用比較多時間哦。梅頭豬肉整塊燒熟之後再把它切成一條條，非常有挑戰性。配它的醬油點著吃別有一番滋味。羊肉片只有薄薄的幾片，拿起時可能因為雪凍的關係會分開做兩件， 羊肉偏韌，但配上孜然粉吃相當不錯 。燒牛肉當然是重點。我們特地點了兩款不同的牛肉，一款厚身些，份量十足而且沒有肥膏，非常適合健康的人士。牛肉十分快熟 ，所以不用燒太久就已經可以吃了。另一款薄牛就更加快，放在盤上翻一下就可以了。這款牛味更濃郁，可能因為肥膏比較多吧。另外還有一碟小食，像是魷魚片，點著沙律醬吃十分好吃。吃了各種不同種類的肉雖然很膩，但卻不夠飽感。所以我們還點了一個烏冬分吃，一人可以分到一大碗呢。而且烏冬裏還有好幾片羊肉哦，十分抵食。

當年睇完乾物妹某一集海老名同學自己一個去食燒肉之後就好難忘。但咁多年黎燒肉都係同班fd一齊燒，今次就有機會模仿海老名同學咁樣自私歎燒肉。裝修同佈置都好有日本風格。行到門口已經聞到陣陣肉同酒香。一個人一個爐，坐得好舒服，檯面都夠闊擺曬D嘢食。當然都可以同朋友把酒言歡。對面檯就有一班興高采烈嘅哥哥仔。有圍裙提供，唔會整污糟衣物。衛生方面加分。點左個A餐，六品燒肉盛合，就係六種唔同嘅肉類/部位。好豐富，新鮮嘅肉質令我急不及待開始燒起黎。不過都影返張全個餐嘅相先。會跟沙律、面矢湯，同最重要（動畫都有提到的）白飯！燒肉嘅精髓係新鮮燒起會有豐富嘅肉汁同油脂，用白飯索左佢絕對係升華美味嘅食法。而人類都係鍾意澱粉質的（原則上我戒緊，今次久違地破戒一次）爐嘅形狀好得意，拱起來但都好猛火力，燒起黎好快有得食。而筆者非常自豪嘅係對燒肉係好有心得。例如燒到幾時需要反轉，咩時間係熟得可以入口，都控制得好好。爐嘅邊圍有好多洋蔥同紅蘿蔔，自從喺某間牛肉烏冬鋪食過洋蔥牛肉之後就迷上左同肉類一齊煮嘅洋蔥，好欣賞呢個設計。剛才嘅係牛舌，好爽脆。然後係雪花超靚嘅牛肉片，仲有少少紅色就可以夾起。牛脂香到會直接鑚入鼻腔。相比之

今日係呢條食街到覓食 搵到呢間燒肉餐廳 見佢日式裝修都幾有風味 更加有出面少有提供羊肉燒烤嘅日式餐廳 所以我哋都決定試下佢嘅烤爐同平時韓燒或者日本燒烤唔同 佢呢隻係圓拱形 中間彎起等啲肉汁可以留向側邊嘅蔬菜 吸收肉汁由於我哋唔想淨係食羊肉所以除左羊肉盛，店員仲推介我哋呢種盛盒既有羊肉又有牛肉豬肉等等，夠晒滿足羊肉食喺嚟一啲都唔比牛肉遜色 羊脂好香，肉又夠嫩，有羊味但係唔會覺得好騷，之前都係食煎羊架或者打邊爐烚羊肉，今日烤羊肉比較有新意。店員亦介紹可以加佢地嘅成吉思汗粉，微辣夠香，加落羊到食，好食。

星期一拎左日假就同細妹去食佢最愛既烤肉，順便之後去銅鑼灣行下見到呢間燒肉專門店有午市定食好似幾抵咁就去試下，呢間同普通燒肉唔一樣，係圓拱形既燒烤爐，側面仲放左好多洋蔥片前菜椰菜絲沙律配上燒肉解膩一流，非常清甜我地兩個人叫左兩個套餐，分別係六品燒肉盛盒（有齊羊卷肉，羊腿，牛板腱，豬腩片，柚子雞肉同薄牛舌）同羊肉五品牛板腱肉質結實充滿牛味；柚子雞肉就不太食到柚子味只有甜味；羊肉係我最鍾意，羶味唔會太重整體餐廳食物唔錯，但有位女侍應態度麻麻，有待改善

跟朋友一起去銅鑼灣時代廣場行街，行到中午，感覺有d肚餓，想搵間特別d的餐廳，於是，朋友建議我去附近永光中心有間燒烤店，聽講仲有set lunch. 所以，咪試一下啦！餐廳裝修成日本風，我看了餐牌才發現原來呢度好多不同部分的羊肉可以食。而且燒烤煱爐，是圓拱形的，燒起嚟，感覺比平底，好似均勻。完全是感覺咋。而且油又會滑落下面，所以，覺得呢個爐都幾好。我與朋友就叫了”羊肉五品”，“六品燒肉盛合”這兩個餐。羊肉五品包括了羊柳，羊西冷，半卷肉，羊腿，羊架。羊架大大舊，而且好美味，一d都唔騷。而六品燒肉盛宴，就有豬腩片，羊卷，羊腿，牛板腿，柚子雞肉，牛舌。認真豐富。羊卷唔錯。每個餐都配白飯及沙律的。總括而言，環境都舒服，而且衣服沾上d燒烤味較小。上班族可以嚟食午飯，燒吓肉肉，嘆吓世界。

好耐無去過食燒烤既野啦，上網見到銅鑼灣燒肉酒埸搬左新地方所以去試下入到去好日本feel氣氛都唔錯，好多人但係都唔會好大油熱，走既時候個身都無燒烤味🤣牛脷薄切，完全唔洗再加調味料，都好有牛肉味，燒完既時候再加啲炸蒜同蔥，好感仲正梅頭豬肉，燒既時嘅啲油已經出晒，好香，食落唔油膩，加上爐邊既蔬菜一齊食，好清新醬汁羊肉，經過佢既醃製，啲肉好入味，一啲都唔會有羊既穌味，加小小芥辣提升到佢既味道👍🏼柚子雞肉，好濃既柚子味，不過要小心火勢好易會燒燶個皮，肉質好彈牙，雞味好重羊肉片，估唔到咁好食，好濃既羊味，又唔韌，啖啖肉醬汁牛肉，肉質好冧，牛肉味道都好香，燒好耐都唔會韌

經朋友介紹，前往尖沙咀食燒肉。有什麼特別？ 朋友話係成吉思汗燒肉，未試過真係要試下。餐廳地點好易搵，就在登龍街樓上舖。餐廳裝修好有日式燒肉店的風味，店舖不大但整潔衛生。 吃肉前先食菜。這份椰菜絲沙律清新得來，個沙律汁先最吸引。沙律汁不止有芝麻味的單調，仲食到混和了黑椒的香味。這個沙律同燒肉好夾。 燒烤爐好特別，係圓拱形的，唔知道係咪好食d。海鮮煎餅正正常常，可以煎得更香口。柚子雞腿雞腿肉冇得彈，燒過後外脆內軟，肉質滑嫩。只係食唔到柚子味。 雞軟骨新鮮炸起，好脆！ 個皮好惹味。 燒羊西冷西冷較少油脂但肉味非常濃郁。個爐愈燒愈好燒，成功將西冷燒成微焦的金黃色。 羊肉湯茶漬飯從未試過呢種配搭！ 又出奇地夾到。個湯係一般茶漬飯上再帶有淡淡羊香，特別適合冬天的茶漬飯。 整體肉類質素高，不是一般放題貨色，值得推介。

好耐都無食過燒肉啦，今晚朋友特登揀咗呢間餐廳，因為佢有好食嘅羊肉食，好似日本北海道嘅成吉思汗燒肉咁。個爐同平時韓燒嘅唔同，中間係拱起嘅，同埋已經有埋洋蔥同紅蘿蔔。今次來呢度當然主要食羊啦，我點左羊卷肉，仲有羊柳，但我朋友就麻麻，所以都叫咗啲牛肉，同埋一個伊比利亞梅頭扒，同埋雞髀肉。 肉嘅質素都好好，夾埋燒好嘅洋蔥食真係好好味，特別推介係佢專門比羊肉嘅調味粉，加埋利息真係冇得頂，所以特別再叫多一點羊卷肉，真係食到冇停口。另外要讚一下餐廳嘅抽風超好，唔會成間餐廳都好大油煙。飲品方面我點左個平時少啲飲嘅梅子威士忌梳打，酸酸鹹鹹都幾特別。食完仲有啲餓，我仲加多個羊肉烏冬，味道都幾好，如果鍾意食羊嘅朋友唔好錯過啦。

今日約咗同朋友傾偈，又想食燒肉一邊傾偈，揀咗呢一間係銅鑼灣永光嘅燒肉酒場。令我印象深刻，呢度同一般燒肉嘅地方唔同，有好多羊肉嘅選擇，試咗呢個滿溢羊肉卷肉，看似平平無奇4片羊肉，喺呢一個元廣型嘅烤爐上面，燒到好香，羊肉嘅脂肪溶化，再加啲孜然粉，好有烤羊肉嘅風味！之後就唔少得我最愛嘅牛肉啦！叫咗牛肋肉，牛肋肉算係幾嫩滑嘅部位，燒過後好香口，然後到牛脷啦，配埋炸蒜同葱，當牛脷燒到半熟嘅時候放喺上面燒多一陣就食得㗎啦！幾新鮮多汁，唔錯！最後就係有子雞腿肉，柚子嘅香味好清新配埋啖啖肉嘅雞腿肉，燒到少少焦香好開胃。每次食完燒肉都要食返少少主食，就完美啦！呢度既然咁多羊肉揀，就試吓羊肉烏冬，個湯底幾濃郁羊肉一啲都唔so仲好滑，份量亦都啱啱好兩個人share。我同朋友都好滿足飽飽😋

在登龍街覓食，從食廈樓下看見餐廳招牌，心中就冒出“我想食燒肉！”的心聲。 點好食物後，侍應介紹醬汁香料等，其中有一樽秘製調味粉，專為羊肉而設。試過味，類似係孜然粉，如運用在其他肉類，味道或會蓋過本身肉味，所以不建議加。🔸️伊比利梅頭厚切的！梅頭帶點脂肪，入口好香啊，肉味和油脂交纏。 🔸️雜果燒酌食燒肉當然要飲野。以為小小的一杯，卻原來沒有將貨就價。嘩，好多的生果，大大杯好抵飲。喜歡它不會太甜，剛剛好的酒味加上鮮果，好fresh。 🔸️壺漬牛肋條全餐最喜愛，小小的一壺，藏著長長的牛肋條，醃漬過後肉質軟熟，但醃汁沒有淹過牛肋的牛肉香，一食就知係靚肉。我把壺底的洋蔥也加進爐內炒，好惹味。 🔸️羊肉湯茶漬飯吃完燒肉還想食點澱粉質，就要了個好特色的茶漬飯。加了羊肉和羊肉湯的茶漬飯，帶有羊香而不羶。我覺得茶漬飯好夏天，加了好冬天感覺的羊肉，原來又好好味。 結論： 肉類質素高，價格相宜，值得再去。

上次喺北海道食過成吉思汗燒肉之後一試難忘 聽同事介紹先知原來銅鑼灣都有主打成吉思汗燒肉嘅舖頭 就梗係唔會放過啦一坐低嘅時候個爐上面已經幫我哋鋪滿晒洋蔥 我哋叫咗一份羊肉卷 紐西蘭羊柳 柚子雞腿肉 伊比利亞梅頭 羊肉卷切到一片片 所以好快就會熟 侍應同我哋講如果食得辣可以配埋隔離嘅嗰樽辣粉 即刻令到羊肉卷生色不少 紐西蘭羊柳就比較重羊肉味 柚子雞腿肉好清新 啱啱好可以中和一下 冇諗過豬肉都可以咁好味 最後見到每一台都會叫一份羊肉烏冬 我地都叫咗一份嚟試吓 湯底好清甜 入面都有唔少嘅羊肉

💥喜出望外的選擇👏📍燒肉酒場｜銅鑼灣📍埋單 $ 3 X X｜人均消費 $ 9 5#CL銅鑼灣 #CL四圍食 #CL日本野⚪️⚪️⚪️⚪️⚪️⚪️⚪️⚪️⚪️⚪️開頭以為佢係日式燒肉，入到去仲聽到日文歌，望望下先見到寫住成吉思汗燒肉🤣🤣問台員先知係個爐好似頭盔啊🪖中間高跟著斜落去~ 💟 羊肉牛肉盛 $ 8 8成個套裝有湯、前菜中華沙律、野菜沙律🥗、白飯、同埋重點肉呀🤗一上枱已經覺得份量幾多🤤羊肉同牛肉其實真係食落口先知係咩嚟🙉啲肉大部分都係未解凍哂仲係好硬既，不過燒完出黎油脂好香，唔好燒到太老就好食啦💛同埋佢個爐既好處係啲油可以滴哂落去下面，感覺都無咁heavy嘛🙉🤟🏻不負責任點評好味道🌕🌕🌕🌕🌑性價比🌕🌕🌕🌕🌑回頭率🌕🌕🌕🌕🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️

登龍街多好的食肆，今次試一下朋友推介的燒肉。店肉的燒烤是圓拱形，比起平面可以一次燒多好多食物，而且火力夠，燒厚身啲肉都好快燒熟不會燶，但係就要小心彈油。椰菜絲沙律 | $20柚子雞腿肉 | $78雞腿肉質嫩滑，鮮嫩多汁，醃得甜甜地。伊比利亞梅頭 | $88油酯分佈均勻，看來像牛扒，豚肉沒有豬膻，爐火熱力夠，快熟，還保留住油香。壺漬牛肋條 | $98入面有很多洋蔥，醃得夠味，牛肋條攤長幾大條，抵食。紐西蘭羊西冷 | $118羊西冷食到肉質感又不會‘鞋口’，沒太多羊羶味，配上成吉思汗粉，有點北京烤羊肉風咪。唐揚雞軟骨 | $58雞軟骨脆口，點沙律醬食幾好味。海鮮燒餅 | $88加了木魚碎，燒餅裡有魷魚粒，幾有咬口，點上醬料甜甜辣辣。溫泉蛋肉燥飯 | $58肉燥加上溫泉蛋，温泉蛋漿令肉燥和飯都滑身，而且增添蛋香味，肉燥份量多。餐廳除了燒肉，其他食品也不錯👍