燒肉酒場 (已結業)

偶然响雜誌見到＂燒肉酒埸＂，羊痴嘅我真係好想嚟試燒羊肉，可惜仲未湊夠飯腳，如果兩個人嚟就唔會試得晒十幾款羊，所以星期六中午嚟小試牛刀，止下癮都好。至於環境，好有日本燒肉店feel，不過就唔知抽風如何，因為當日我哋趕時間，無選擇燒肉。🥢壽喜燒溫泉蛋羊肉飯定食 $68⭐️⭐️⭐️⭐️呢個定食最正，因為羊肉最薄身較嫩口，肉帶點羶好好味，仲有洋蔥同溫泉蛋拌飯，滿足！🥢石鍋羊肉飯定食 $88⭐️⭐️羊較厚身似羊扒，肉唔太熟又有少少韌，拌飯嘅辣醬超辣，整體嚟講好一般🥢羊湯烏冬 $78⭐️⭐️⭐️湯較清但我覺得ok，羊都係薄身但第一個定食嘅羊較好味，烏冬煙韌又夠滑，不過食晒成碗烏冬都唔夠飽三人共消費：$258

而家燒烤店來來去去都係嗰幾間大型嘅燒烤仲要係排極都未到你，係OpenRice走轉睇一睇見到呢間燒肉店位於銅鑼灣，裝修好似日本居酒屋咁，於是我哋就試一試先。一行入到去唔算話好大，但係就好有氣氛，黑黑型格裝修加埋成個居酒屋既氛圍，好似去咗日本咁。首先我度嗌左個溫泉蛋豆腐沙律開咗個胃先，滿滿嘅芝麻醬包住滑溜嘅豆腐，加埋沙律菜為呢餐打開序幕。壺漬牛肋條餣得相當入味，全條燒再切粒，口感非常豐富，而美國牛板腱呢就入口都好爽滑，亦都充滿牛香，但又唔會好淛，韓式豬腩肉呢，就食得出廚師嘅心機啦，佢將個豬腩肉卷到一條條，好細緻，拆開嚟燒又快熟又入味，配埋佢旁邊嘅洋蔥碎真係恰到好處。伊比利亞肉眼呢度係好香豬扒嘅味道，點埋佢個醬汁好好味，不過我哋最欣賞都係呢個柚子雞腿肉，燒完都仲有柚子嘅清甜，肉質嫩滑配埋椰菜絲沙律做個總結真係啱啱好。

燒肉的爐跟平常日式燒烤很不同，是圓拱形的燒烤爐，旁邊有很多洋蔥片。店內推薦成吉思汗羊肉，不查看真的不知道，原本成吉思汗羊肉來自日本北海道，是舊時羊毛軍服的副產品。椰菜絲沙律 | $20椰菜絲清甜，加了胡麻醬。柚子雞腿肉 | $78燒的時間控制一下，雞腿肉仍然留有肉汁，肉質嫩滑。醃肉的味道中不太食到柚子味，但帶有些甜味，鹹甜適中。伊比利亞梅頭 | $88兩塊看起來及食起來都像牛扒般的梅頭🤣，肉味濃郁。容易燒，充滿了油脂香味。壺漬牛肋條 | $98約有兩條厚切牛肋條，燒到六七成熟再煎開小塊燒，不怕燒得老身。紐西蘭羊西冷 | $118羊西冷羊羶味輕，切得薄好快熟。枱上有成吉思汗粉，加了一些更有風味。唐揚雞軟骨 | $58雞軟骨炸漿夠薄脆。海鮮燒餅 | $88一客分成八塊，加了木魚碎，配搭的醬料味道也是甜甜的。溫泉蛋肉燥飯 | $58最後食多個大碗飯，肉燥包圍著溫泉蛋。温泉蛋漿流出連同肉燥食，肉燥份量多，但味道較鹹。肉燥加了芝麻及蔥粒幾香。蘋果梳打 | $38食燒肉配些有氣的果汁🍹，解渴又夠”gur”。

早前約了朋友去銅鑼灣燒肉！餐廳很有日本居酒屋的感覺🇯🇵可以幻想暫時去了一次日本小旅行。店家的調味醬料有助提升肉的鮮味又不會蓋過原味～混有黑椒麻油味的碎洋蔥，非常配合與烤肉一起吃～喜歡辣的朋友，記得要加上店自家製的成吉思汗風味辣粉～▼ 🥗椰菜絲沙律前菜有一碗椰菜絲沙律山，為一會兒的肉肉大餐打底，來一點清新蔬菜，喚醒腸胃～▼ 🐮牛橫隔肌看到橫隔肌，未烤就知道最合口味了，果然味道濃郁而且肉質軟嫩，輕輕燒幾下就可以吃了，牛味超香～▼ 🐮壺漬牛肋條經過醃製後的牛肋條，口感煙韌有嚼頭，好多肉汁，可在差不多熟時將其剪開烤至脆邊，方便入口～▼ 🐮牛舌
牛舌肥瘦均勻，厚度亦剛剛好，外面香脆內裡爽口彈牙，好美味～▼🐷伊比利亞豬梅頭
肉與脂肪是黃金比例，烤至微微燶面，肉質保持了鮮嫩，富有豐富的肉汁，絕不乾身～▼🐔 柚子雞腿肉雞肉被柚子醬醃製過，肉質嫩滑醬汁均勻，味道清香帶有少少酸甜～▼ 🐙海鮮燒餅煎得香脆可口，而且海鮮味濃，再配搭辣醬，刺激味蕾，令人想多吃幾塊～▼ 🍒雜果燒酎
冰凍夠Fresh，加了雜果，越飲越有果香味，重點是不酸，消暑解油膩一流～很喜歡餐廳的裝修令人感覺置身於日本居酒屋，服務相當不錯，今餐

前排同 男朋友去咗銅鑼灣燒肉酒場食大餐🙌🏻坐得舒服，真係好似去咗日本咁🇯🇵除咗大路野，仲有好多燒肉店少見嘅羊肉料理例如當日試咗蒙古羊卷肉($78)、紐西蘭羊西冷($118)、羊湯茶漬飯($58)，都係好特別嘅料理羊湯茶漬飯湯頭濃郁，配上大量蔥花，好食！至於羊西冷肉質細嫩，唔會太羶，好易入口～其餘令我印象深刻嘅仲有壺漬牛肋條($98)同柚子雞腿肉($78)，性價比好高😯雞腿肉嫩滑厚肉，柚子醬汁好清新，食唔停!牛肋條大大條，唔會韌，醃得好入味～叫多兩杯桂花烏龍水果茶（$48）真係超滿足🥰🥰

成吉思汗燒肉🔥真係第一次食🤤 唔講唔知原來佢係北海道名物😲 少有以羊作為烤肉主打🐏圓烘形烤爐真係好少見到!! 爐邊放滿洋蔥薄片，與肉一起吃增加口感及提昇味道😋店員仲特別推介，拌入成吉思汗粉食😚 味粉中加入孜然辛香味，可為羊肉除去腥味👏怕羊羶味既你都可以大飽口福啦！·🐏蒙古羊肉卷 HKD$78羶味唔算好濃，啱我😆 肉質唔會好韌，食落無渣，唔食羊既我都接受到。·🐐紐西蘭羊西冷 HKD$118只加少許黑椒作調味，大致可吃到羊肉原汁原味😋 羊西冷肉質比牛西冷軟腍，油脂花紋分怖亦不比牛遜色，帶點驚喜😚·🐂橫隔肌 HKD$98口感具彈性😋 橫隔肌肉平常較少吃到，一食愛上💕·🐖伊比利亞梅頭 HKD$88腍身且軟綿，厚切口感豐富，亦不會吃到滿口油膩感👍·🐓柚子雞腿肉 HKD$78雞肉嫩滑，柚子味道略嫌不足，幸好夠鮮嫩挽回分數☺·🥣羊湯烏冬 HKD$68烏冬吸收哂羊肉湯精華🤩 條條都索滿湯汁，烏冬亦夠彈滑👍·🥗椰菜絲沙律 HKD$20清新爽口，能減低罪惡感😂 (自己呃自己😆)·🐔唐揚雞軟骨 HKD$58炸得香脆，即炸即食可口非常😋 想再encore !

朋友之前提及過北海道嘅成吉思汗燒肉，我搵到銅鑼灣有一間，兩個人去試下！ 餐廳裝潢同北海道相似，座位坐得舒適，抽風系統亦都做好好！壺漬牛肋條：牛肋條餐廳已經預先調味，牛味濃，唔加調味料都已經好好味！伊比利亞梅頭：佢哋用嘅係西班牙嘅豬肉，唔會有平時嘅豬肉羶臭味，口感柔軟，肉汁都好豐富！柚子雞腿肉：帶有柚子味，減少油膩嘅感覺，雞腿肉好嫩滑，一啖一件！蒙古羊肉卷：原汁原味嘅羊肉但係都唔有太大嘅羶味。肉質軟嫩鮮甜，放在烤盤上燒，肉味濃郁但又唔會過分羶！海鮮燒餅：上枱嘅時候見到上面嘅木魚片飄飄下，即刻食指大動！配料豐富，每一啖都食到海鮮！羊湯茶漬飯：上面有隻用紅蘿蔔雕成嘅小羊好可愛，呢款羊味更濃，如果怕難接受嘅可以加上Wasabi一齊食！半熟嘅羊肉好鮮嫩，湯飯充斥住羊肉鮮味！桂花烏龍水果茶：新鮮嘅水果茶好清新，可以中和一下食咗咁多肉類嘅油膩感覺！

之前去北海道食過一次一直念念不忘，我朋友發現原來香港都有。入到去餐廳格局同日本好相似。餐廳有提供傳統嘅燒肉汁，檸檬片，仲有洋蔥粒，仲有一隻秘製嘅調味粉。蒙古羊肉卷羊肉近乎零羊羶味，配上佢嘅特製調味粉，別有一番風味。壺漬牛肋條預先醃製咗的牛肋條，肉質鬆軟，外邊有一層薄薄嘅油花。柚子雞腿肉嫩滑嘅雞腿肉，清新嘅柚子味道，減少油膩感覺。唐揚雞軟骨雞軟骨揸炸得香脆，一咬有油香。我比較喜歡不用點沙律醬。羊湯茶漬飯店員有配上Wasabi，如果怕羶味嘅可以加少少，半熟嘅羊肉，配上暖暖嘅湯飯。鮮橙燒酌因為有鮮橙嘅味道就唔會感覺太強勁嘅油味，好易入口。店員服務周到，觀察到我哋食完嘅碟就會幫我哋收起，加水都做得足。

本來想去嘅素食店冇開門，實在太肚餓所以喺番同一條街搵食。拗爆頭之際，姐姐比張宣傳單張我仲話有八五折，小心的我睇完OpenRice冇負評，放心上去食。有分定食同埋燒肉餐，我就揀咗壽喜燒汁溫泉蛋牛肉飯，壽喜燒汁非常好味！由於使用咗靚嘅珍珠米，即使底部浸曬滿汁，米依然成形有咬口👄我實在唔鍾意食啲口感太爛嘅嘢。餃子脆卜卜，附上芝麻醋汁yumyum。沙律菜汁有驚喜，麻油芝麻醬七味粉，並唔係普遍嘅味道。中華沙律麻麻哋，欠醋味，唔夠凍。麵豉湯冇咩味，兩三粒仔豆腐。雜果燒灼值得一讚，有氣嘅燒灼減低咗酒精味道，換來非常gur嘅感覺！雜果全部都係冰，絕對唔會溝淡咗嘢飲，拎上嚟食仲好有鮮味，唯獨要小心嘅係你嘅敏感牙齒🦷🤣最後附上返吸引我嘅傳單🤣🤣👩🏻‍🦱📜環境係有啲癡粒粒感覺嘅，始終疫情之後對環境要求高咗。埋牆位放腳嘅位好迫，波鞋無法向前平放，見附近都冇人下，唯有盤腳坐先舒服啲啲😮‍💨

好味ge 同埋肉ge quality都幾好。叫咗1 set羊, 之後仲有散叫咗炭燒雞脾同牛。最好味ge我會覺得係炭燒雞脾, 燒完點檸檬汁好好味, 而且因為係雞脾肉, 好juicy, 唔硬。兩個人食完都飽, 好過去食放題。

朋友book 左哩間日式燒肉，雖然装修好日式，但係佢同平時我哋食嘅日式燒烤唔同，哩到似乎出名食羊，同埋我見到佢寫住”成吉思汗”烤肉，好特別呀！雜果燒酎：好啱女士們飲，易入口，佢有檸檬、西柚同橙，啲生果係硬的，應該冰過，飲到咁上下啲生果變軟，最後仲可以食埋啲生果，成杯嘢好啱夏天飲。椰菜絲沙律：椰菜入邊有啲麻醬，好開胃，亦都減低油膩感，加左d卜卜脆，好有口感。蒙古羊卷肉：一啲都唔羶，而肉質非常嫩滑，加上孜然粉更好味！韓式豬肉片：好嫩滑，佢本身有啲韓式辣汁醃過，所以唔需要再加任何野已經好好味壼漬牛肋條：濃郁嘅牛肉味，就算唔小心over cook 都唔會硬，仍然Juicy柚子雞腿肉：肉質嫩滑juicy ，雞皮燒到脆卜卜，增加口感紐西蘭羊西冷：一啲都唔羶，以為自己食緊厚切牛舌，好有咬口羊湯烏冬：羊肉片鮮嫩，加上少許菠菜。讚岐烏冬煙煙韌韌，湯底好甜，望落好似好清，但係飲落去好濃郁，飲到有羊味，但唔羶。

銅鑼灣區真係好多美食，朋友介紹燒肉酒場 雖然是樓上鋪，但人流都好滿啊！最好是先book定位。每枱都有一個蒙古烤鍋，好特色呢！冷氣都好夠，侍應生好有禮貌，還遞上兩件黑色嘅 背心圍裙方便燒烤，不會整污糟客人衣服，好窩心啊！👍😍先來兩杯飲品~三得利啤酒和桂花烏龍水果茶，好香桂花味清清甜甜夠清新。重有椰菜絲沙律~侍應生好細心每款食物都介紹和如何進食。橫膈肌~肉質嫩牛味濃郁，點埋醬料進食更美味， 入口油花豐富不油膩。蒙古羊卷肉~ 好嫩滑再加上配製醬粉灑在羊上面，燒烤後進食，更香蒙古羊味啊！(推介)👍唐揚雞軟骨~ 炸得好香脆，細細粒容易入口，雞軟骨又脆口點埋沙律醬食更香口。海鮮燒餅~ 入口軟滿滿海鮮，外形似pizza 本人覺得味道不用點任何醬汁已經好夠味。伊比利亞梅頭~外型肥美，熟後更覺厚厚肉，肉質嫩，入口軟淋淋，沒有肥肉口感融化了。(推介)👍柚子雞腿肉~ 又是啖啖肉，特別雞皮不覺肥膩，又香柚子味喎，配搭雞肉好得意。羊湯茶漬飯~好特別配wasabi進食，是一種開心驚喜，成個口腔有說不出的滿足口感，羊肉與茶飯竟然提先到一個點...係要再繼續一口一口進食(推介)👍最後仲有甜品~係沖繩海鹽雪糕呀，藍藍海

燒酒成肉場又到銅鑼灣探朋友，搵勻隻腳又去到登龍街 ，新大廈就好有兩三幢，都係食肆居多，間中有過嚟行一行，食下飯。呢次朋友介紹 呢間燒肉酒場，跟佢上去坐低望望四圍環境，都幾好又啱傾偈嘅地方，地方唔細，坐得舒服，最緊要傾計唔使隔離左右都係人呀!呢度啲餐食以燒烤嚟計，每碟 50至90的價錢，中價位唔算平亦都唔算貴，咁我哋放膽咁食，每人都係三百零蚊落樓，晚餐有咁嘅享受都真係唔錯，我哋叫嘅嘢其實唔算多，亦唔算重手，但係就好友話呢度嘅風味，既然係燒肉酒場，梗係要叫啲燒燒烤烤嘅嘢啦! 所以就有唔錯嘅感受，還說椰菜絲沙律一碟餐前食品，好開心胃，唔使口淡淡，跟住蒙古羊肉捲一客六件，厚厚羊肉橫膈肌，慢燒火炙圍爐共享，香味撲鼻，一開六小件，件件入口即感受蒙古式燒烤爐具可愛之處，想嘆一嘆，就要上嚟喇! 同埋伊比利亞梅頭瘦，果然不同一般，燒而不過火，真係爐具重要之極，廚師手藝處理亦是到位，柚子唐揚軟骨雞燒，粒粒軟滑， 煙韌難咬嗰一嚿骨飛了，唐揚粉不厚是最另這軟骨好入口，一粒又一粒，唔使客氣，海鮮燒餅 ，同食開嘅蠔餅好相似，佢就乾身啲，但係望落去感覺就好似食pizza就真，正呀!估唔到喺呢度都可以有pizza嘅感

桂花烏龍水果茶－清新不會太甜，有茶香，水果多，可解燒肉油膩感椰菜絲沙律－椰菜絲幼細又爽，加上沙律醋非常醒胃紐西蘭羊西冷－肉質幼嫩多汁，脂肪比例低蒙古羊肉卷－脂肪分布較多，有羊肉羶味，加上特製成吉思汗粉，少少辣加孜然味非常配壼漬牛肋條－很精緻特別，很長的一條牛肋條，要剪小粒再吃，肉質冧，牛肉味濃柚子雞腿肉－雞腿肉嫩滑，雞皮燒至金黃香脆，加上柚子汁有新鮮感，亦有驚喜韓式豬腩肉－食豬腩肉就不要怕肥，豬肉味濃，有油香羊湯烏冬－超推介這個，羊湯味濃一點也不羶，烏冬滑又彈牙

行到餐廳已經大汗淋漓嘅我叫左杯桂花烏龍茶好味到不得了 一下子就喝完想叫多杯侍應生哥哥話已經賣哂就知有幾好飲大家哩度一定一定飲 強烈推薦！！🔥超吸引既肉肉們已經事先捲好醃好 夾起超方便我枱上有蒙古羊肉 壺漬牛肋條 柚子雞脾肉 豚肉捲 份量剛好☺😊 滿足❣正呀