燒肉酒場 (已結業)

今日約咗同朋友傾偈，又想食燒肉一邊傾偈，揀咗呢一間係銅鑼灣永光嘅燒肉酒場。令我印象深刻，呢度同一般燒肉嘅地方唔同，有好多羊肉嘅選擇，試咗呢個滿溢羊肉卷肉，看似平平無奇4片羊肉，喺呢一個元廣型嘅烤爐上面，燒到好香，羊肉嘅脂肪溶化，再加啲孜然粉，好有烤羊肉嘅風味！之後就唔少得我最愛嘅牛肉啦！叫咗牛肋肉，牛肋肉算係幾嫩滑嘅部位，燒過後好香口，然後到牛脷啦，配埋炸蒜同葱，當牛脷燒到半熟嘅時候放喺上面燒多一陣就食得㗎啦！幾新鮮多汁，唔錯！最後就係有子雞腿肉，柚子嘅香味好清新配埋啖啖肉嘅雞腿肉，燒到少少焦香好開胃。每次食完燒肉都要食返少少主食，就完美啦！呢度既然咁多羊肉揀，就試吓羊肉烏冬，個湯底幾濃郁羊肉一啲都唔so仲好滑，份量亦都啱啱好兩個人share。我同朋友都好滿足飽飽😋