燒味滷師 (安發大廈)

營業中

休息中

今日係長沙灣果頭見客， 突然收到媽咪電話，話兩個阿姨，姨丈佢地兩家人出來食飯，但媽咪臨時買唔切餸叫我買d野返來加料， 認真大考驗咁突然我即問個客附近有冇燒味店OK架介紹比我去買， 佢就介紹左燒味滷師。一去到就知正野啦，咁多人排隊實冇死， 排隊期間已經聽到d街坊講呢到新開好抵食，味道又好，佢見我諗緊買咩就同我講，一定要買燒鵝， 佢話佢食過好掂， 我睇返價錢又真係好抵，新張優惠180蚊半隻， 買客家鹽焗雞48蚊隻。最後我就買左半隻至尊燒鵝， 燒鵝皮燒得剛剛好， 肉質夠嫩，點一點酸梅汁食，小一份油膩感。客家鹽焗雞半隻， 師父手藝真好，咸香味好夠送飯一流。雞又夠滑。老師傅燒腩仔， 個皮夠脆，咸咸地送啤酒岩岩好。燒味佬叉燒， 個個爭住食,因肥瘦適中，入口咬落夠腍，帶一出一絲蜜糖味。今晚餐飯屋企人話加餸呢間好掂叫我，下次再去買返來加餸。